Isaiah 12:4 Cross References - HOT

4 ואמרתם ביום ההוא הודו ליהוה קראו בשׁמו הודיעו בעמים עלילתיו הזכירו כי נשׂגב שׁמו׃

Exodus 15:2

2 עזי וזמרת יה ויהי לי לישׁועה זה אלי ואנוהו אלהי אבי וארממנהו׃

Exodus 33:19

19 ויאמר אני אעביר כל טובי על פניך וקראתי בשׁם יהוה לפניך וחנתי את אשׁר אחן ורחמתי את אשׁר ארחם׃

Exodus 34:5-7

5 וירד יהוה בענן ויתיצב עמו שׁם ויקרא בשׁם יהוה׃6 ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃7 נצר חסד לאלפים נשׂא עון ופשׁע וחטאה ונקה לא ינקה פקד עון אבות על בנים ועל בני בנים על שׁלשׁים ועל רבעים׃

1 Chronicles 16:8

8 הודו ליהוה קראו בשׁמו הודיעו בעמים עלילתיו׃

1 Chronicles 29:11

11 לך יהוה הגדלה והגבורה והתפארת והנצח וההוד כי כל בשׁמים ובארץ לך יהוה הממלכה והמתנשׂא לכל לראשׁ׃

Nehemiah 9:5

5 ויאמרו הלוים ישׁוע וקדמיאל בני חשׁבניה שׁרביה הודיה שׁבניה פתחיה קומו ברכו את יהוה אלהיכם מן העולם עד העולם ויברכו שׁם כבודך ומרומם על כל ברכה ותהלה׃

Psalms 9:11

11 (9:12) זמרו ליהוה ישׁב ציון הגידו בעמים עלילותיו׃

Psalms 18:46

46 (18:47) חי יהוה וברוך צורי וירום אלוהי ישׁעי׃

Psalms 21:13

13 (21:14) רומה יהוה בעזך נשׁירה ונזמרה גבורתך׃

Psalms 22:31

31 (22:32) יבאו ויגידו צדקתו לעם נולד כי עשׂה׃

Psalms 34:3

3 (34:4) גדלו ליהוה אתי ונרוממה שׁמו יחדו׃

Psalms 40:5

5 (40:6) רבות עשׂית אתה יהוה אלהי נפלאתיך ומחשׁבתיך אלינו אין ערך אליך אגידה ואדברה עצמו מספר׃

Psalms 46:10

10 (46:11) הרפו ודעו כי אנכי אלהים ארום בגוים ארום בארץ׃

Psalms 57:5

5 (57:6) רומה על השׁמים אלהים על כל הארץ כבודך׃

Psalms 71:16-18

16 אבוא בגברות אדני יהוה אזכיר צדקתך לבדך׃17 אלהים למדתני מנעורי ועד הנה אגיד נפלאותיך׃18 וגם עד זקנה ושׂיבה אלהים אל תעזבני עד אגיד זרועך לדור לכל יבוא גבורתך׃

Psalms 73:28

28 ואני קרבת אלהים לי טוב שׁתי באדני יהוה מחסי לספר כל מלאכותיך׃

Psalms 96:3

3 ספרו בגוים כבודו בכל העמים נפלאותיו׃

Psalms 97:9

9 כי אתה יהוה עליון על כל הארץ מאד נעלית על כל אלהים׃

Psalms 105:1

1 הודו ליהוה קראו בשׁמו הודיעו בעמים עלילותיו׃

Psalms 106:47-48

47 הושׁיענו יהוה אלהינו וקבצנו מן הגוים להדות לשׁם קדשׁך להשׁתבח בתהלתך׃48 ברוך יהוה אלהי ישׂראל מן העולם ועד העולם ואמר כל העם אמן הללו יה׃

Psalms 107:22

22 ויזבחו זבחי תודה ויספרו מעשׂיו ברנה׃

Psalms 113:1-3

1 הללו יה הללו עבדי יהוה הללו את שׁם יהוה׃2 יהי שׁם יהוה מברך מעתה ועד עולם׃3 ממזרח שׁמשׁ עד מבואו מהלל שׁם יהוה׃

Psalms 113:5

5 מי כיהוה אלהינו המגביהי לשׁבת׃

Psalms 117:1-2

1 הללו את יהוה כל גוים שׁבחוהו כל האמים׃2 כי גבר עלינו חסדו ואמת יהוה לעולם הללו יה׃

Psalms 145:4-6

4 דור לדור ישׁבח מעשׂיך וגבורתיך יגידו׃5 הדר כבוד הודך ודברי נפלאותיך אשׂיחה׃6 ועזוז נוראתיך יאמרו וגדולתיך אספרנה׃

Isaiah 2:11

11 עיני גבהות אדם שׁפל ושׁח רום אנשׁים ונשׂגב יהוה לבדו ביום ההוא׃

Isaiah 2:17

17 ושׁח גבהות האדם ושׁפל רום אנשׁים ונשׂגב יהוה לבדו ביום ההוא׃

Isaiah 12:1

1 ואמרת ביום ההוא אודך יהוה כי אנפת בי ישׁב אפך ותנחמני׃

Isaiah 24:15

15 על כן בארים כבדו יהוה באיי הים שׁם יהוה אלהי ישׂראל׃

Isaiah 25:1

1 יהוה אלהי אתה ארוממך אודה שׁמך כי עשׂית פלא עצות מרחוק אמונה אמן׃

Isaiah 33:5

5 נשׂגב יהוה כי שׁכן מרום מלא ציון משׁפט וצדקה׃

Isaiah 66:19

19 ושׂמתי בהם אות ושׁלחתי מהם פליטים אל הגוים תרשׁישׁ פול ולוד משׁכי קשׁת תבל ויון האיים הרחקים אשׁר לא שׁמעו את שׁמעי ולא ראו את כבודי והגידו את כבודי בגוים׃

Jeremiah 50:2

2 הגידו בגוים והשׁמיעו ושׂאו נס השׁמיעו אל תכחדו אמרו נלכדה בבל הבישׁ בל חת מרדך הבישׁו עצביה חתו גלוליה׃

Jeremiah 51:9-10

9 רפאנו את בבל ולא נרפתה עזבוה ונלך אישׁ לארצו כי נגע אל השׁמים משׁפטה ונשׂא עד שׁחקים׃10 הוציא יהוה את צדקתינו באו ונספרה בציון את מעשׂה יהוה אלהינו׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.