Isaiah 19:23 Cross References - HOT

23 ביום ההוא תהיה מסלה ממצרים אשׁורה ובא אשׁור במצרים ומצרים באשׁור ועבדו מצרים את אשׁור׃

Isaiah 11:16

16 והיתה מסלה לשׁאר עמו אשׁר ישׁאר מאשׁור כאשׁר היתה לישׂראל ביום עלתו מארץ מצרים׃

Isaiah 27:13

13 והיה ביום ההוא יתקע בשׁופר גדול ובאו האבדים בארץ אשׁור והנדחים בארץ מצרים והשׁתחוו ליהוה בהר הקדשׁ בירושׁלם׃

Isaiah 35:8-10

8 והיה שׁם מסלול ודרך ודרך הקדשׁ יקרא לה לא יעברנו טמא והוא למו הלך דרך ואוילים לא יתעו׃9 לא יהיה שׁם אריה ופריץ חיות בל יעלנה לא תמצא שׁם והלכו גאולים׃10 ופדויי יהוה ישׁבון ובאו ציון ברנה ושׂמחת עולם על ראשׁם שׂשׂון ושׂמחה ישׂיגו ונסו יגון ואנחה׃

Isaiah 40:3-5

3 קול קורא במדבר פנו דרך יהוה ישׁרו בערבה מסלה לאלהינו׃4 כל גיא ינשׂא וכל הר וגבעה ישׁפלו והיה העקב למישׁור והרכסים לבקעה׃5 ונגלה כבוד יהוה וראו כל בשׂר יחדו כי פי יהוה דבר׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.