3 ובמים רבים זרע שׁחר קציר יאור תבואתה ותהי סחר גוים׃
Isaiah 23:3 Cross References - HOT
Deuteronomy 11:10
10 כי הארץ אשׁר אתה בא שׁמה לרשׁתה לא כארץ מצרים הוא אשׁר יצאתם משׁם אשׁר תזרע את זרעך והשׁקית ברגלך כגן הירק׃
1 Chronicles 13:5
5 ויקהל דויד את כל ישׂראל מן שׁיחור מצרים ועד לבוא חמת להביא את ארון האלהים מקרית יערים׃
Isaiah 19:7
7 ערות על יאור על פי יאור וכל מזרע יאור ייבשׁ נדף ואיננו׃
Isaiah 23:8
8 מי יעץ זאת על צר המעטירה אשׁר סחריה שׂרים כנעניה נכבדי ארץ׃
Isaiah 32:20
20 אשׁריכם זרעי על כל מים משׁלחי רגל השׁור והחמור׃
Jeremiah 2:18
18 ועתה מה לך לדרך מצרים לשׁתות מי שׁחור ומה לך לדרך אשׁור לשׁתות מי נהר׃
Ezekiel 27:3-23
3 ואמרת לצור הישׁבתי על מבואת ים רכלת העמים אל איים רבים כה אמר אדני יהוה צור את אמרת אני כלילת יפי׃4 בלב ימים גבוליך בניך כללו יפיך׃5 ברושׁים משׂניר בנו לך את כל לחתים ארז מלבנון לקחו לעשׂות תרן עליך׃6 אלונים מבשׁן עשׂו משׁוטיך קרשׁך עשׂו שׁן בת אשׁרים מאיי כתים׃7 שׁשׁ ברקמה ממצרים היה מפרשׂך להיות לך לנס תכלת וארגמן מאיי אלישׁה היה מכסך׃8 ישׁבי צידון וארוד היו שׁטים לך חכמיך צור היו בך המה חבליך׃9 זקני גבל וחכמיה היו בך מחזיקי בדקך כל אניות הים ומלחיהם היו בך לערב מערבך׃10 פרס ולוד ופוט היו בחילך אנשׁי מלחמתך מגן וכובע תלו בך המה נתנו הדרך׃11 בני ארוד וחילך על חומותיך סביב וגמדים במגדלותיך היו שׁלטיהם תלו על חומותיך סביב המה כללו יפיך׃12 תרשׁישׁ סחרתך מרב כל הון בכסף ברזל בדיל ועופרת נתנו עזבוניך׃13 יון תבל ומשׁך המה רכליך בנפשׁ אדם וכלי נחשׁת נתנו מערבך׃14 מבית תוגרמה סוסים ופרשׁים ופרדים נתנו עזבוניך׃15 בני דדן רכליך איים רבים סחרת ידך קרנות שׁן והובנים השׁיבו אשׁכרך׃16 ארם סחרתך מרב מעשׂיך בנפך ארגמן ורקמה ובוץ וראמת וכדכד נתנו בעזבוניך׃17 יהודה וארץ ישׂראל המה רכליך בחטי מנית ופנג ודבשׁ ושׁמן וצרי נתנו מערבך׃18 דמשׂק סחרתך ברב מעשׂיך מרב כל הון ביין חלבון וצמר צחר׃19 ודן ויון מאוזל בעזבוניך נתנו ברזל עשׁות קדה וקנה במערבך היה׃20 דדן רכלתך בבגדי חפשׁ לרכבה׃21 ערב וכל נשׂיאי קדר המה סחרי ידך בכרים ואילים ועתודים בם סחריך׃22 רכלי שׁבא ורעמה המה רכליך בראשׁ כל בשׂם ובכל אבן יקרה וזהב נתנו עזבוניך׃23 חרן וכנה ועדן רכלי שׁבא אשׁור כלמד רכלתך׃
Ezekiel 27:33
33 בצאת עזבוניך מימים השׂבעת עמים רבים ברב הוניך ומערביך העשׁרת מלכי ארץ׃
Ezekiel 28:4
4 בחכמתך ובתבונתך עשׂית לך חיל ותעשׂ זהב וכסף באוצרותיך׃
Joel 3:5
5 (4:5) אשׁר כספי וזהבי לקחתם ומחמדי הטבים הבאתם להיכליכם׃