1 ביום ההוא יפקד יהוה בחרבו הקשׁה והגדולה והחזקה על לויתן נחשׁ ברח ועל לויתן נחשׁ עקלתון והרג את התנין אשׁר בים׃2 ביום ההוא כרם חמד ענו׃3 אני יהוה נצרה לרגעים אשׁקנה פן יפקד עליה לילה ויום אצרנה׃4 חמה אין לי מי יתנני שׁמיר שׁית במלחמה אפשׂעה בה אציתנה יחד׃5 או יחזק במעוזי יעשׂה שׁלום לי שׁלום יעשׂה׃6 הבאים ישׁרשׁ יעקב יציץ ופרח ישׂראל ומלאו פני תבל תנובה׃7 הכמכת מכהו הכהו אם כהרג הרגיו הרג׃8 בסאסאה בשׁלחה תריבנה הגה ברוחו הקשׁה ביום קדים׃9 לכן בזאת יכפר עון יעקב וזה כל פרי הסר חטאתו בשׂומו כל אבני מזבח כאבני גר מנפצות לא יקמו אשׁרים וחמנים׃10 כי עיר בצורה בדד נוה משׁלח ונעזב כמדבר שׁם ירעה עגל ושׁם ירבץ וכלה סעפיה׃11 ביבשׁ קצירה תשׁברנה נשׁים באות מאירות אותה כי לא עם בינות הוא על כן לא ירחמנו עשׂהו ויצרו לא יחננו׃12 והיה ביום ההוא יחבט יהוה משׁבלת הנהר עד נחל מצרים ואתם תלקטו לאחד אחד בני ישׂראל׃13 והיה ביום ההוא יתקע בשׁופר גדול ובאו האבדים בארץ אשׁור והנדחים בארץ מצרים והשׁתחוו ליהוה בהר הקדשׁ בירושׁלם׃
Isaiah 27 Cross References - HOT
Deuteronomy 32:41-42
Job 3:8
8 יקבהו אררי יום העתידים ערר לויתן׃
Job 12:1-25
1 ויען איוב ויאמר׃2 אמנם כי אתם עם ועמכם תמות חכמה׃3 גם לי לבב כמוכם לא נפל אנכי מכם ואת מי אין כמו אלה׃4 שׂחק לרעהו אהיה קרא לאלוה ויענהו שׂחוק צדיק תמים׃5 לפיד בוז לעשׁתות שׁאנן נכון למועדי רגל׃6 ישׁליו אהלים לשׁדדים ובטחות למרגיזי אל לאשׁר הביא אלוה בידו׃7 ואולם שׁאל נא בהמות ותרך ועוף השׁמים ויגד׃8 או שׂיח לארץ ותרך ויספרו לך דגי הים׃9 מי לא ידע בכל אלה כי יד יהוה עשׂתה זאת׃10 אשׁר בידו נפשׁ כל חי ורוח כל בשׂר אישׁ׃11 הלא אזן מלין תבחן וחך אכל יטעם׃12 בישׁישׁים חכמה וארך ימים תבונה׃13 עמו חכמה וגבורה לו עצה ותבונה׃14 הן יהרוס ולא יבנה יסגר על אישׁ ולא יפתח׃15 הן יעצר במים ויבשׁו וישׁלחם ויהפכו ארץ׃16 עמו עז ותושׁיה לו שׁגג ומשׁגה׃17 מוליך יועצים שׁולל ושׁפטים יהולל׃18 מוסר מלכים פתח ויאסר אזור במתניהם׃19 מוליך כהנים שׁולל ואתנים יסלף׃20 מסיר שׂפה לנאמנים וטעם זקנים יקח׃21 שׁופך בוז על נדיבים ומזיח אפיקים רפה׃22 מגלה עמקות מני חשׁך ויצא לאור צלמות׃23 משׂגיא לגוים ויאבדם שׁטח לגוים וינחם׃24 מסיר לב ראשׁי עם הארץ ויתעם בתהו לא דרך׃25 ימשׁשׁו חשׁך ולא אור ויתעם כשׁכור׃
Job 26:13
13 ברוחו שׁמים שׁפרה חללה ידו נחשׁ בריח׃
Job 40:19
19 הוא ראשׁית דרכי אל העשׂו יגשׁ חרבו׃
Psalms 45:3
3 (45:4) חגור חרבך על ירך גבור הודך והדרך׃
Psalms 74:13-14
Psalms 104:26
26 שׁם אניות יהלכון לויתן זה יצרת לשׂחק׃
Isaiah 26:21
21 כי הנה יהוה יצא ממקומו לפקד עון ישׁב הארץ עליו וגלתה הארץ את דמיה ולא תכסה עוד על הרוגיה׃
Isaiah 34:5-6
Isaiah 51:9
9 עורי עורי לבשׁי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין׃
Isaiah 65:25
25 זאב וטלה ירעו כאחד ואריה כבקר יאכל תבן ונחשׁ עפר לחמו לא ירעו ולא ישׁחיתו בכל הר קדשׁי אמר יהוה׃
Isaiah 66:16
16 כי באשׁ יהוה נשׁפט ובחרבו את כל בשׂר ורבו חללי יהוה׃
Jeremiah 47:6
6 הוי חרב ליהוה עד אנה לא תשׁקטי האספי אל תערך הרגעי ודמי׃
Jeremiah 51:13
13 שׁכנתי על מים רבים רבת אוצרת בא קצך אמת בצעך׃
Jeremiah 51:34
34 אכלנו הממנו נבוכדראצר מלך בבל הציגנו כלי ריק בלענו כתנין מלא כרשׂו מעדני הדיחנו׃
Ezekiel 29:3
3 דבר ואמרת כה אמר אדני יהוה הנני עליך פרעה מלך מצרים התנים הגדול הרבץ בתוך יאריו אשׁר אמר לי יארי ואני עשׂיתני׃
Ezekiel 32:2-5
2 בן אדם שׂא קינה על פרעה מלך מצרים ואמרת אליו כפיר גוים נדמית ואתה כתנים בימים ותגח בנהרותיך ותדלח מים ברגליך ותרפס נהרותם׃3 כה אמר אדני יהוה ופרשׂתי עליך את רשׁתי בקהל עמים רבים והעלוך בחרמי׃4 ונטשׁתיך בארץ על פני השׂדה אטילך והשׁכנתי עליך כל עוף השׁמים והשׂבעתי ממך חית כל הארץ׃5 ונתתי את בשׂרך על ההרים ומלאתי הגאיות רמותך׃
Numbers 21:17
17 אז ישׁיר ישׂראל את השׁירה הזאת עלי באר ענו׃
Psalms 80:8-19
8 (80:9) גפן ממצרים תסיע תגרשׁ גוים ותטעה׃9 (80:10) פנית לפניה ותשׁרשׁ שׁרשׁיה ותמלא ארץ׃10 (80:11) כסו הרים צלה וענפיה ארזי אל׃11 (80:12) תשׁלח קצירה עד ים ואל נהר יונקותיה׃12 (80:13) למה פרצת גדריה וארוה כל עברי דרך׃13 (80:14) יכרסמנה חזיר מיער וזיז שׂדי ירענה׃14 (80:15) אלהים צבאות שׁוב נא הבט משׁמים וראה ופקד גפן זאת׃15 (80:16) וכנה אשׁר נטעה ימינך ועל בן אמצתה׃16 (80:17) שׂרפה באשׁ כסוחה מגערת פניך יאבדו׃17 (80:18) תהי ידך על אישׁ ימינך על בן אדם אמצת׃18 (80:19) ולא נסוג ממך תחינו ובשׁמך נקרא׃19 (80:20) יהוה אלהים צבאות השׁיבנו האר פניך ונושׁעה׃
Isaiah 5:1-7
1 אשׁירה נא לידידי שׁירת דודי לכרמו כרם היה לידידי בקרן בן שׁמן׃2 ויעזקהו ויסקלהו ויטעהו שׂרק ויבן מגדל בתוכו וגם יקב חצב בו ויקו לעשׂות ענבים ויעשׂ באשׁים׃3 ועתה יושׁב ירושׁלם ואישׁ יהודה שׁפטו נא ביני ובין כרמי׃4 מה לעשׂות עוד לכרמי ולא עשׂיתי בו מדוע קויתי לעשׂות ענבים ויעשׂ באשׁים׃5 ועתה אודיעה נא אתכם את אשׁר אני עשׂה לכרמי הסר משׂוכתו והיה לבער פרץ גדרו והיה למרמס׃6 ואשׁיתהו בתה לא יזמר ולא יעדר ועלה שׁמיר ושׁית ועל העבים אצוה מהמטיר עליו מטר׃7 כי כרם יהוה צבאות בית ישׂראל ואישׁ יהודה נטע שׁעשׁועיו ויקו למשׁפט והנה משׂפח לצדקה והנה צעקה׃
Jeremiah 2:21
21 ואנכי נטעתיך שׂרק כלה זרע אמת ואיך נהפכת לי סורי הגפן נכריה׃
Genesis 6:17
17 ואני הנני מביא את המבול מים על הארץ לשׁחת כל בשׂר אשׁר בו רוח חיים מתחת השׁמים כל אשׁר בארץ יגוע׃
Genesis 9:9
9 ואני הנני מקים את בריתי אתכם ואת זרעכם אחריכם׃
Deuteronomy 33:26-29
1 Samuel 2:9
9 רגלי חסידו ישׁמר ורשׁעים בחשׁך ידמו כי לא בכח יגבר אישׁ׃
Psalms 46:5
5 (46:6) אלהים בקרבה בל תמוט יעזרה אלהים לפנות בקר׃
Psalms 46:11
11 (46:12) יהוה צבאות עמנו משׂגב לנו אלהי יעקב סלה׃
Psalms 121:3-5
Isaiah 5:6
6 ואשׁיתהו בתה לא יזמר ולא יעדר ועלה שׁמיר ושׁית ועל העבים אצוה מהמטיר עליו מטר׃
Isaiah 35:6-7
Isaiah 41:13-19
13 כי אני יהוה אלהיך מחזיק ימינך האמר לך אל תירא אני עזרתיך׃14 אל תיראי תולעת יעקב מתי ישׂראל אני עזרתיך נאם יהוה וגאלך קדושׁ ישׂראל׃15 הנה שׂמתיך למורג חרוץ חדשׁ בעל פיפיות תדושׁ הרים ותדק וגבעות כמץ תשׂים׃16 תזרם ורוח תשׂאם וסערה תפיץ אותם ואתה תגיל ביהוה בקדושׁ ישׂראל תתהלל׃17 העניים והאביונים מבקשׁים מים ואין לשׁונם בצמא נשׁתה אני יהוה אענם אלהי ישׂראל לא אעזבם׃18 אפתח על שׁפיים נהרות ובתוך בקעות מעינות אשׂים מדבר לאגם מים וארץ ציה למוצאי מים׃19 אתן במדבר ארז שׁטה והדס ועץ שׁמן אשׂים בערבה ברושׁ תדהר ותאשׁור יחדו׃
Isaiah 46:4
4 ועד זקנה אני הוא ועד שׂיבה אני אסבל אני עשׂיתי ואני אשׂא ואני אסבל ואמלט׃
Isaiah 46:9
9 זכרו ראשׁנות מעולם כי אנכי אל ואין עוד אלהים ואפס כמוני׃
Isaiah 55:10-11
Isaiah 58:11
11 ונחך יהוה תמיד והשׂביע בצחצחות נפשׁך ועצמתיך יחליץ והיית כגן רוה וכמוצא מים אשׁר לא יכזבו מימיו׃
Isaiah 60:16
16 וינקת חלב גוים ושׁד מלכים תינקי וידעת כי אני יהוה מושׁיעך וגאלך אביר יעקב׃
Ezekiel 34:11
11 כי כה אמר אדני יהוה הנני אני ודרשׁתי את צאני ובקרתים׃
Ezekiel 34:24
24 ואני יהוה אהיה להם לאלהים ועבדי דוד נשׂיא בתוכם אני יהוה דברתי׃
Ezekiel 37:14
14 ונתתי רוחי בכם וחייתם והנחתי אתכם על אדמתכם וידעתם כי אני יהוה דברתי ועשׂיתי נאם יהוה׃
Ezekiel 37:28
28 וידעו הגוים כי אני יהוה מקדשׁ את ישׂראל בהיות מקדשׁי בתוכם לעולם׃
2 Samuel 23:6
6 ובליעל כקוץ מנד כלהם כי לא ביד יקחו׃
Psalms 85:3
3 (85:4) אספת כל עברתך השׁיבות מחרון אפך׃
Psalms 103:9
9 לא לנצח יריב ולא לעולם יטור׃
Isaiah 9:18
18 (9:17) כי בערה כאשׁ רשׁעה שׁמיר ושׁית תאכל ותצת בסבכי היער ויתאבכו גאות עשׁן׃
Isaiah 10:17
17 והיה אור ישׂראל לאשׁ וקדושׁו ללהבה ובערה ואכלה שׁיתו ושׁמירו ביום אחד׃
Isaiah 12:1
1 ואמרת ביום ההוא אודך יהוה כי אנפת בי ישׁב אפך ותנחמני׃
Isaiah 26:20-21
Isaiah 54:6-10
6 כי כאשׁה עזובה ועצובת רוח קראך יהוה ואשׁת נעורים כי תמאס אמר אלהיך׃7 ברגע קטן עזבתיך וברחמים גדלים אקבצך׃8 בשׁצף קצף הסתרתי פני רגע ממך ובחסד עולם רחמתיך אמר גאלך יהוה׃9 כי מי נח זאת לי אשׁר נשׁבעתי מעבר מי נח עוד על הארץ כן נשׁבעתי מקצף עליך ומגער׃10 כי ההרים ימושׁו והגבעות תמוטנה וחסדי מאתך לא ימושׁ וברית שׁלומי לא תמוט אמר מרחמך יהוה׃
Ezekiel 16:63
63 למען תזכרי ובשׁת ולא יהיה לך עוד פתחון פה מפני כלמתך בכפרי לך לכל אשׁר עשׂית נאם אדני יהוה׃
Nahum 1:3-7
3 יהוה ארך אפים וגדול כח ונקה לא ינקה יהוה בסופה ובשׂערה דרכו וענן אבק רגליו׃4 גוער בים ויבשׁהו וכל הנהרות החריב אמלל בשׁן וכרמל ופרח לבנון אמלל׃5 הרים רעשׁו ממנו והגבעות התמגגו ותשׂא הארץ מפניו ותבל וכל ישׁבי׃6 לפני זעמו מי יעמוד ומי יקום בחרון אפו חמתו נתכה כאשׁ והצרים נתצו ממנו׃7 טוב יהוה למעוז ביום צרה וידע חסי׃
Malachi 4:3
3 (3:21) ועסותם רשׁעים כי יהיו אפר תחת כפות רגליכם ביום אשׁר אני עשׂה אמר יהוה צבאות׃
Joshua 9:24-25
Joshua 10:6
6 וישׁלחו אנשׁי גבעון אל יהושׁע אל המחנה הגלגלה לאמר אל תרף ידיך מעבדיך עלה אלינו מהרה והושׁיעה לנו ועזרנו כי נקבצו אלינו כל מלכי האמרי ישׁבי ההר׃
Job 22:21
21 הסכן נא עמו ושׁלם בהם תבואתך טובה׃
Isaiah 25:4
4 כי היית מעוז לדל מעוז לאביון בצר לו מחסה מזרם צל מחרב כי רוח עריצים כזרם קיר׃
Isaiah 26:3-4
Isaiah 45:24
24 אך ביהוה לי אמר צדקות ועז עדיו יבוא ויבשׁו כל הנחרים׃
Isaiah 56:2
2 אשׁרי אנושׁ יעשׂה זאת ובן אדם יחזיק בה שׁמר שׁבת מחללו ושׁמר ידו מעשׂות כל רע׃
Isaiah 57:19
19 בורא נוב שׂפתים שׁלום שׁלום לרחוק ולקרוב אמר יהוה ורפאתיו׃
Isaiah 64:7
7 (64:6) ואין קורא בשׁמך מתעורר להחזיק בך כי הסתרת פניך ממנו ותמוגנו ביד עוננו׃
Ezekiel 34:25-26
Hosea 2:18-20
Psalms 92:13-15
Isaiah 6:13
13 ועוד בה עשׂריה ושׁבה והיתה לבער כאלה וכאלון אשׁר בשׁלכת מצבת בם זרע קדשׁ מצבתה׃
Isaiah 37:31
31 ויספה פליטת בית יהודה הנשׁארה שׁרשׁ למטה ועשׂה פרי למעלה׃
Isaiah 49:20-23
20 עוד יאמרו באזניך בני שׁכליך צר לי המקום גשׁה לי ואשׁבה׃21 ואמרת בלבבך מי ילד לי את אלה ואני שׁכולה וגלמודה גלה וסורה ואלה מי גדל הן אני נשׁארתי לבדי אלה איפה הם׃22 כה אמר אדני יהוה הנה אשׂא אל גוים ידי ואל עמים ארים נסי והביאו בניך בחצן ובנתיך על כתף תנשׂאנה׃23 והיו מלכים אמניך ושׂרותיהם מיניקתיך אפים ארץ ישׁתחוו לך ועפר רגליך ילחכו וידעת כי אני יהוה אשׁר לא יבשׁו קוי׃
Isaiah 54:1-3
Isaiah 60:22
22 הקטן יהיה לאלף והצעיר לגוי עצום אני יהוה בעתה אחישׁנה׃
Jeremiah 30:19
19 ויצא מהם תודה וקול משׂחקים והרבתים ולא ימעטו והכבדתים ולא יצערו׃
Hosea 2:23
23 (2:25) וזרעתיה לי בארץ ורחמתי את לא רחמה ואמרתי ללא עמי עמי אתה והוא יאמר אלהי׃
Hosea 14:5-6
Zechariah 2:11
11 (2:15) ונלוו גוים רבים אל יהוה ביום ההוא והיו לי לעם ושׁכנתי בתוכך וידעת כי יהוה צבאות שׁלחני אליך׃
Zechariah 10:8-9
Isaiah 10:20-25
20 והיה ביום ההוא לא יוסיף עוד שׁאר ישׂראל ופליטת בית יעקב להשׁען על מכהו ונשׁען על יהוה קדושׁ ישׂראל באמת׃21 שׁאר ישׁוב שׁאר יעקב אל אל גבור׃22 כי אם יהיה עמך ישׂראל כחול הים שׁאר ישׁוב בו כליון חרוץ שׁוטף צדקה׃23 כי כלה ונחרצה אדני יהוה צבאות עשׂה בקרב כל הארץ׃24 לכן כה אמר אדני יהוה צבאות אל תירא עמי ישׁב ציון מאשׁור בשׁבט יככה ומטהו ישׂא עליך בדרך מצרים׃25 כי עוד מעט מזער וכלה זעם ואפי על תבליתם׃
Isaiah 14:22-23
Isaiah 17:3
3 ונשׁבת מבצר מאפרים וממלכה מדמשׂק ושׁאר ארם ככבוד בני ישׂראל יהיו נאם יהוה צבאות׃
Isaiah 17:14
14 לעת ערב והנה בלהה בטרם בקר איננו זה חלק שׁוסינו וגורל לבזזינו׃
Isaiah 37:36-38
Jeremiah 30:11-16
11 כי אתך אני נאם יהוה להושׁיעך כי אעשׂה כלה בכל הגוים אשׁר הפצותיך שׁם אך אתך לא אעשׂה כלה ויסרתיך למשׁפט ונקה לא אנקך׃12 כי כה אמר יהוה אנושׁ לשׁברך נחלה מכתך׃13 אין דן דינך למזור רפאות תעלה אין׃14 כל מאהביך שׁכחוך אותך לא ידרשׁו כי מכת אויב הכיתיך מוסר אכזרי על רב עונך עצמו חטאתיך׃15 מה תזעק על שׁברך אנושׁ מכאבך על רב עונך עצמו חטאתיך עשׂיתי אלה׃16 לכן כל אכליך יאכלו וכל צריך כלם בשׁבי ילכו והיו שׁאסיך למשׁסה וכל בזזיך אתן לבז׃
Jeremiah 50:33-34
Jeremiah 50:40
40 כמהפכת אלהים את סדם ואת עמרה ואת שׁכניה נאם יהוה לא ישׁב שׁם אישׁ ולא יגור בה בן אדם׃
Jeremiah 51:24
24 ושׁלמתי לבבל ולכל יושׁבי כשׂדים את כל רעתם אשׁר עשׂו בציון לעיניכם נאם יהוה׃
Daniel 2:31-35
31 אנתה מלכא חזה הוית ואלו צלם חד שׂגיא צלמא דכן רב וזיוה יתיר קאם לקבלך ורוה דחיל׃32 הוא צלמא ראשׁה די דהב טב חדוהי ודרעוהי די כסף מעוהי וירכתה די נחשׁ׃33 שׁקוהי די פרזל רגלוהי מנהון די פרזל ומנהון די חסף׃34 חזה הוית עד די התגזרת אבן די לא בידין ומחת לצלמא על רגלוהי די פרזלא וחספא והדקת המון׃35 באדין דקו כחדה פרזלא חספא נחשׁא כספא ודהבא והוו כעור מן אדרי קיט ונשׂא המון רוחא וכל אתר לא השׁתכח להון ואבנא די מחת לצלמא הות לטור רב ומלת כל ארעא׃
Nahum 1:14
14 וצוה עליך יהוה לא יזרע משׁמך עוד מבית אלהיך אכרית פסל ומסכה אשׂים קברך כי קלות׃
Nahum 3:19
19 אין כהה לשׁברך נחלה מכתך כל שׁמעי שׁמעך תקעו כף עליך כי על מי לא עברה רעתך תמיד׃
Judges 10:10-16
10 ויזעקו בני ישׂראל אל יהוה לאמר חטאנו לך וכי עזבנו את אלהינו ונעבד את הבעלים׃11 ויאמר יהוה אל בני ישׂראל הלא ממצרים ומן האמרי ומן בני עמון ומן פלשׁתים׃12 וצידונים ועמלק ומעון לחצו אתכם ותצעקו אלי ואושׁיעה אתכם מידם׃13 ואתם עזבתם אותי ותעבדו אלהים אחרים לכן לא אוסיף להושׁיע אתכם׃14 לכו וזעקו אל האלהים אשׁר בחרתם בם המה יושׁיעו לכם בעת צרתכם׃15 ויאמרו בני ישׂראל אל יהוה חטאנו עשׂה אתה לנו ככל הטוב בעיניך אך הצילנו נא היום הזה׃16 ויסירו את אלהי הנכר מקרבם ויעבדו את יהוה ותקצר נפשׁו בעמל ישׂראל׃
Job 23:6
6 הברב כח יריב עמדי לא אך הוא ישׂם׃
Psalms 6:1
1 למנצח בנגינות על השׁמינית מזמור לדוד׃ (6:2) יהוה אל באפך תוכיחני ואל בחמתך תיסרני׃
Psalms 38:1
1 מזמור לדוד להזכיר׃ (38:2) יהוה אל בקצפך תוכיחני ובחמתך תיסרני׃
Psalms 76:10
10 (76:11) כי חמת אדם תודך שׁארית חמת תחגר׃
Psalms 78:38
38 והוא רחום יכפר עון ולא ישׁחית והרבה להשׁיב אפו ולא יעיר כל חמתו׃
Psalms 103:14
14 כי הוא ידע יצרנו זכור כי עפר אנחנו׃
Isaiah 1:5
5 על מה תכו עוד תוסיפו סרה כל ראשׁ לחלי וכל לבב דוי׃
Isaiah 1:18-20
Isaiah 5:3-4
Isaiah 10:5-6
Isaiah 10:12
12 והיה כי יבצע אדני את כל מעשׂהו בהר ציון ובירושׁלם אפקד על פרי גדל לבב מלך אשׁור ועל תפארת רום עיניו׃
Isaiah 50:1
1 כה אמר יהוה אי זה ספר כריתות אמכם אשׁר שׁלחתיה או מי מנושׁי אשׁר מכרתי אתכם לו הן בעונתיכם נמכרתם ובפשׁעיכם שׁלחה אמכם׃
Isaiah 54:7
7 ברגע קטן עזבתיך וברחמים גדלים אקבצך׃
Isaiah 57:16
16 כי לא לעולם אריב ולא לנצח אקצוף כי רוח מלפני יעטוף ונשׁמות אני עשׂיתי׃
Jeremiah 2:17-37
17 הלוא זאת תעשׂה לך עזבך את יהוה אלהיך בעת מוליכך בדרך׃18 ועתה מה לך לדרך מצרים לשׁתות מי שׁחור ומה לך לדרך אשׁור לשׁתות מי נהר׃19 תיסרך רעתך ומשׁבותיך תוכחך ודעי וראי כי רע ומר עזבך את יהוה אלהיך ולא פחדתי אליך נאם אדני יהוה צבאות׃20 כי מעולם שׁברתי עלך נתקתי מוסרתיך ותאמרי לא אעבד כי על כל גבעה גבהה ותחת כל עץ רענן את צעה זנה׃21 ואנכי נטעתיך שׂרק כלה זרע אמת ואיך נהפכת לי סורי הגפן נכריה׃22 כי אם תכבסי בנתר ותרבי לך ברית נכתם עונך לפני נאם אדני יהוה׃23 איך תאמרי לא נטמאתי אחרי הבעלים לא הלכתי ראי דרכך בגיא דעי מה עשׂית בכרה קלה משׂרכת דרכיה׃24 פרה למד מדבר באות נפשׁו שׁאפה רוח תאנתה מי ישׁיבנה כל מבקשׁיה לא ייעפו בחדשׁה ימצאונה׃25 מנעי רגלך מיחף וגורנך מצמאה ותאמרי נואשׁ לוא כי אהבתי זרים ואחריהם אלך׃26 כבשׁת גנב כי ימצא כן הבישׁו בית ישׂראל המה מלכיהם שׂריהם וכהניהם ונביאיהם׃27 אמרים לעץ אבי אתה ולאבן את ילדתני כי פנו אלי ערף ולא פנים ובעת רעתם יאמרו קומה והושׁיענו׃28 ואיה אלהיך אשׁר עשׂית לך יקומו אם יושׁיעוך בעת רעתך כי מספר עריך היו אלהיך יהודה׃29 למה תריבו אלי כלכם פשׁעתם בי נאם יהוה׃30 לשׁוא הכיתי את בניכם מוסר לא לקחו אכלה חרבכם נביאיכם כאריה משׁחית׃31 הדור אתם ראו דבר יהוה המדבר הייתי לישׂראל אם ארץ מאפליה מדוע אמרו עמי רדנו לוא נבוא עוד אליך׃32 התשׁכח בתולה עדיה כלה קשׁריה ועמי שׁכחוני ימים אין מספר׃33 מה תיטבי דרכך לבקשׁ אהבה לכן גם את הרעות למדתי את דרכיך׃34 גם בכנפיך נמצאו דם נפשׁות אביונים נקיים לא במחתרת מצאתים כי על כל אלה׃35 ותאמרי כי נקיתי אך שׁב אפו ממני הנני נשׁפט אותך על אמרך לא חטאתי׃36 מה תזלי מאד לשׁנות את דרכך גם ממצרים תבושׁי כאשׁר בשׁת מאשׁור׃37 גם מאת זה תצאי וידיך על ראשׁך כי מאס יהוה במבטחיך ולא תצליחי׃
Jeremiah 4:11
11 בעת ההיא יאמר לעם הזה ולירושׁלם רוח צח שׁפיים במדבר דרך בת עמי לוא לזרות ולוא להבר׃
Jeremiah 4:27
27 כי כה אמר יהוה שׁממה תהיה כל הארץ וכלה לא אעשׂה׃
Jeremiah 10:24
24 יסרני יהוה אך במשׁפט אל באפך פן תמעטני׃
Jeremiah 30:11
11 כי אתך אני נאם יהוה להושׁיעך כי אעשׂה כלה בכל הגוים אשׁר הפצותיך שׁם אך אתך לא אעשׂה כלה ויסרתיך למשׁפט ונקה לא אנקך׃
Jeremiah 46:28
28 אתה אל תירא עבדי יעקב נאם יהוה כי אתך אני כי אעשׂה כלה בכל הגוים אשׁר הדחתיך שׁמה ואתך לא אעשׂה כלה ויסרתיך למשׁפט ונקה לא אנקך׃
Ezekiel 19:12
12 ותתשׁ בחמה לארץ השׁלכה ורוח הקדים הובישׁ פריה התפרקו ויבשׁו מטה עזה אשׁ אכלתהו׃
Hosea 4:1
1 שׁמעו דבר יהוה בני ישׂראל כי ריב ליהוה עם יושׁבי הארץ כי אין אמת ואין חסד ואין דעת אלהים בארץ׃
Hosea 6:1-2
Hosea 11:7-9
Hosea 13:15
15 כי הוא בן אחים יפריא יבוא קדים רוח יהוה ממדבר עלה ויבושׁ מקורו ויחרב מעינו הוא ישׁסה אוצר כל כלי חמדה׃
Micah 6:2-5
Exodus 34:13
13 כי את מזבחתם תתצון ואת מצבתם תשׁברון ואת אשׁריו תכרתון׃
2 Kings 25:9
9 וישׂרף את בית יהוה ואת בית המלך ואת כל בתי ירושׁלם ואת כל בית גדול שׂרף באשׁ׃
2 Kings 25:13-17
13 ואת עמודי הנחשׁת אשׁר בית יהוה ואת המכנות ואת ים הנחשׁת אשׁר בבית יהוה שׁברו כשׂדים וישׂאו את נחשׁתם בבלה׃14 ואת הסירת ואת היעים ואת המזמרות ואת הכפות ואת כל כלי הנחשׁת אשׁר ישׁרתו בם לקחו׃15 ואת המחתות ואת המזרקות אשׁר זהב זהב ואשׁר כסף כסף לקח רב טבחים׃16 העמודים שׁנים הים האחד והמכנות אשׁר עשׂה שׁלמה לבית יהוה לא היה משׁקל לנחשׁת כל הכלים האלה׃17 שׁמנה עשׂרה אמה קומת העמוד האחד וכתרת עליו נחשׁת וקומת הכתרת שׁלשׁ אמה ושׂבכה ורמנים על הכתרת סביב הכל נחשׁת וכאלה לעמוד השׁני על השׂבכה׃
2 Chronicles 14:5
5 (14:4) ויסר מכל ערי יהודה את הבמות ואת החמנים ותשׁקט הממלכה לפניו׃
2 Chronicles 34:4
4 וינתצו לפניו את מזבחות הבעלים והחמנים אשׁר למעלה מעליהם גדע והאשׁרים והפסלים והמסכות שׁבר והדק ויזרק על פני הקברים הזבחים׃
2 Chronicles 36:19
19 וישׂרפו את בית האלהים וינתצו את חומת ירושׁלם וכל ארמנותיה שׂרפו באשׁ וכל כלי מחמדיה להשׁחית׃
Ezra 3:2-3
Psalms 119:67
67 טרם אענה אני שׁגג ועתה אמרתך שׁמרתי׃
Psalms 119:71
71 טוב לי כי עניתי למען אלמד חקיך׃
Proverbs 20:30
30 חברות פצע תמריק ברע ומכות חדרי בטן׃
Isaiah 1:24-25
Isaiah 1:29
29 כי יבשׁו מאילים אשׁר חמדתם ותחפרו מהגנות אשׁר בחרתם׃
Isaiah 2:12-21
12 כי יום ליהוה צבאות על כל גאה ורם ועל כל נשׂא ושׁפל׃13 ועל כל ארזי הלבנון הרמים והנשׂאים ועל כל אלוני הבשׁן׃14 ועל כל ההרים הרמים ועל כל הגבעות הנשׂאות׃15 ועל כל מגדל גבה ועל כל חומה בצורה׃16 ועל כל אניות תרשׁישׁ ועל כל שׂכיות החמדה׃17 ושׁח גבהות האדם ושׁפל רום אנשׁים ונשׂגב יהוה לבדו ביום ההוא׃18 והאלילים כליל יחלף׃19 ובאו במערות צרים ובמחלות עפר מפני פחד יהוה ומהדר גאונו בקומו לערץ הארץ׃20 ביום ההוא ישׁליך האדם את אלילי כספו ואת אלילי זהבו אשׁר עשׂו לו להשׁתחות לחפר פרות ולעטלפים׃21 לבוא בנקרות הצרים ובסעפי הסלעים מפני פחד יהוה ומהדר גאונו בקומו לערץ הארץ׃
Isaiah 4:4
4 אם רחץ אדני את צאת בנות ציון ואת דמי ירושׁלם ידיח מקרבה ברוח משׁפט וברוח בער׃
Isaiah 17:8
8 ולא ישׁעה אל המזבחות מעשׂה ידיו ואשׁר עשׂו אצבעתיו לא יראה והאשׁרים והחמנים׃
Isaiah 48:10
10 הנה צרפתיך ולא בכסף בחרתיך בכור עני׃
Ezekiel 11:18
18 ובאו שׁמה והסירו את כל שׁקוציה ואת כל תועבותיה ממנה׃
Ezekiel 20:38
38 וברותי מכם המרדים והפושׁעים בי מארץ מגוריהם אוציא אותם ואל אדמת ישׂראל לא יבוא וידעתם כי אני יהוה׃
Ezekiel 24:11-14
Daniel 11:35
35 ומן המשׂכילים יכשׁלו לצרוף בהם ולברר וללבן עד עת קץ כי עוד למועד׃
Hosea 14:8
8 (14:9) אפרים מה לי עוד לעצבים אני עניתי ואשׁורנו אני כברושׁ רענן ממני פריך נמצא׃
Micah 5:13-14
Zechariah 13:2
2 והיה ביום ההוא נאם יהוה צבאות אכרית את שׁמות העצבים מן הארץ ולא יזכרו עוד וגם את הנביאים ואת רוח הטמאה אעביר מן הארץ׃
Malachi 3:2-3
Isaiah 5:9-10
Isaiah 6:11-12
Isaiah 7:25
25 וכל ההרים אשׁר במעדר יעדרון לא תבוא שׁמה יראת שׁמיר ושׁית והיה למשׁלח שׁור ולמרמס שׂה׃
Isaiah 17:2
2 עזבות ערי ערער לעדרים תהיינה ורבצו ואין מחריד׃
Isaiah 17:9
9 ביום ההוא יהיו ערי מעזו כעזובת החרשׁ והאמיר אשׁר עזבו מפני בני ישׂראל והיתה שׁממה׃
Isaiah 25:2
2 כי שׂמת מעיר לגל קריה בצורה למפלה ארמון זרים מעיר לעולם לא יבנה׃
Isaiah 32:13-14
Isaiah 64:10
10 (64:9) ערי קדשׁך היו מדבר ציון מדבר היתה ירושׁלם שׁממה׃
Jeremiah 26:6
6 ונתתי את הבית הזה כשׁלה ואת העיר הזאתה אתן לקללה לכל גויי הארץ׃
Jeremiah 26:18
18 מיכיה המורשׁתי היה נבא בימי חזקיהו מלך יהודה ויאמר אל כל עם יהודה לאמר כה אמר יהוה צבאות ציון שׂדה תחרשׁ וירושׁלים עיים תהיה והר הבית לבמות יער׃
Lamentations 1:4
4 דרכי ציון אבלות מבלי באי מועד כל שׁעריה שׁוממין כהניה נאנחים בתולתיה נוגות והיא מר׃
Lamentations 2:5-9
5 היה אדני כאויב בלע ישׂראל בלע כל ארמנותיה שׁחת מבצריו וירב בבת יהודה תאניה ואניה׃6 ויחמס כגן שׂכו שׁחת מועדו שׁכח יהוה בציון מועד ושׁבת וינאץ בזעם אפו מלך וכהן׃7 זנח אדני מזבחו נאר מקדשׁו הסגיר ביד אויב חומת ארמנותיה קול נתנו בבית יהוה כיום מועד׃8 חשׁב יהוה להשׁחית חומת בת ציון נטה קו לא השׁיב ידו מבלע ויאבל חל וחומה יחדו אמללו׃9 טבעו בארץ שׁעריה אבד ושׁבר בריחיה מלכה ושׂריה בגוים אין תורה גם נביאיה לא מצאו חזון מיהוה׃
Lamentations 5:18
18 על הר ציון שׁשׁמם שׁועלים הלכו׃
Ezekiel 36:4
4 לכן הרי ישׂראל שׁמעו דבר אדני יהוה כה אמר אדני יהוה להרים ולגבעות לאפיקים ולגאיות ולחרבות השׁממות ולערים הנעזבות אשׁר היו לבז וללעג לשׁארית הגוים אשׁר מסביב׃
Micah 3:12
12 לכן בגללכם ציון שׂדה תחרשׁ וירושׁלם עיין תהיה והר הבית לבמות יער׃
Genesis 6:6-7
Deuteronomy 4:6
6 ושׁמרתם ועשׂיתם כי הוא חכמתכם ובינתכם לעיני העמים אשׁר ישׁמעון את כל החקים האלה ואמרו רק עם חכם ונבון הגוי הגדול הזה׃
Deuteronomy 32:18-25
18 צור ילדך תשׁי ותשׁכח אל מחללך׃19 וירא יהוה וינאץ מכעס בניו ובנתיו׃20 ויאמר אסתירה פני מהם אראה מה אחריתם כי דור תהפכת המה בנים לא אמן׃21 הם קנאוני בלא אל כעסוני בהבליהם ואני אקניאם בלא עם בגוי נבל אכעיסם׃22 כי אשׁ קדחה באפי ותיקד עד שׁאול תחתית ותאכל ארץ ויבלה ותלהט מוסדי הרים׃23 אספה עלימו רעות חצי אכלה׃24 מזי רעב ולחמי רשׁף וקטב מרירי ושׁן בהמת אשׁלח בם עם חמת זחלי עפר׃25 מחוץ תשׁכל חרב ומחדרים אימה גם בחור גם בתולה יונק עם אישׁ שׂיבה׃
Deuteronomy 32:28-29
2 Chronicles 36:16-17
Psalms 80:15-16
Psalms 106:40
40 ויחר אף יהוה בעמו ויתעב את נחלתו׃
Isaiah 1:3
3 ידע שׁור קנהו וחמור אבוס בעליו ישׂראל לא ידע עמי לא התבונן׃
Isaiah 9:17
17 (9:16) על כן על בחוריו לא ישׂמח אדני ואת יתמיו ואת אלמנתיו לא ירחם כי כלו חנף ומרע וכל פה דבר נבלה בכל זאת לא שׁב אפו ועוד ידו נטויה׃
Isaiah 43:1
1 ועתה כה אמר יהוה בראך יעקב ויצרך ישׂראל אל תירא כי גאלתיך קראתי בשׁמך לי אתה׃
Isaiah 43:7
7 כל הנקרא בשׁמי ולכבודי בראתיו יצרתיו אף עשׂיתיו׃
Isaiah 44:2
2 כה אמר יהוה עשׂך ויצרך מבטן יעזרך אל תירא עבדי יעקב וישׁרון בחרתי׃
Isaiah 44:18-21
18 לא ידעו ולא יבינו כי טח מראות עיניהם מהשׂכיל לבתם׃19 ולא ישׁיב אל לבו ולא דעת ולא תבונה לאמר חציו שׂרפתי במו אשׁ ואף אפיתי על גחליו לחם אצלה בשׂר ואכל ויתרו לתועבה אעשׂה לבול עץ אסגוד׃20 רעה אפר לב הותל הטהו ולא יציל את נפשׁו ולא יאמר הלוא שׁקר בימיני׃21 זכר אלה יעקב וישׂראל כי עבדי אתה יצרתיך עבד לי אתה ישׂראל לא תנשׁני׃
Isaiah 44:24
24 כה אמר יהוה גאלך ויצרך מבטן אנכי יהוה עשׂה כל נטה שׁמים לבדי רקע הארץ מי אתי׃
Jeremiah 4:22
22 כי אויל עמי אותי לא ידעו בנים סכלים המה ולא נבונים המה חכמים המה להרע ולהיטיב לא ידעו׃
Jeremiah 5:4-5
Jeremiah 5:21-22
Jeremiah 8:7
7 גם חסידה בשׁמים ידעה מועדיה ותר וסוס ועגור שׁמרו את עת באנה ועמי לא ידעו את משׁפט יהוה׃
Ezekiel 9:10
10 וגם אני לא תחוס עיני ולא אחמל דרכם בראשׁם נתתי׃
Ezekiel 15:2-8
2 בן אדם מה יהיה עץ הגפן מכל עץ הזמורה אשׁר היה בעצי היער׃3 היקח ממנו עץ לעשׂות למלאכה אם יקחו ממנו יתד לתלות עליו כל כלי׃4 הנה לאשׁ נתן לאכלה את שׁני קצותיו אכלה האשׁ ותוכו נחר היצלח למלאכה׃5 הנה בהיותו תמים לא יעשׂה למלאכה אף כי אשׁ אכלתהו ויחר ונעשׂה עוד למלאכה׃6 לכן כה אמר אדני יהוה כאשׁר עץ הגפן בעץ היער אשׁר נתתיו לאשׁ לאכלה כן נתתי את ישׁבי ירושׁלם׃7 ונתתי את פני בהם מהאשׁ יצאו והאשׁ תאכלם וידעתם כי אני יהוה בשׂומי את פני׃8 ונתתי את הארץ שׁממה יען מעלו מעל נאם אדני יהוה׃
Ezekiel 20:47
47 (21:3) ואמרת ליער הנגב שׁמע דבר יהוה כה אמר אדני יהוה הנני מצית בך אשׁ ואכלה בך כל עץ לח וכל עץ יבשׁ לא תכבה להבת שׁלהבת ונצרבו בה כל פנים מנגב צפונה׃
Hosea 4:6
6 נדמו עמי מבלי הדעת כי אתה הדעת מאסת ואמאסאך מכהן לי ותשׁכח תורת אלהיך אשׁכח בניך גם אני׃
Genesis 15:18
18 ביום ההוא כרת יהוה את אברם ברית לאמר לזרעך נתתי את הארץ הזאת מנהר מצרים עד הנהר הגדל נהר פרת׃
Deuteronomy 30:3-4
Nehemiah 1:9
9 ושׁבתם אלי ושׁמרתם מצותי ועשׂיתם אתם אם יהיה נדחכם בקצה השׁמים משׁם אקבצם והבואתים אל המקום אשׁר בחרתי לשׁכן את שׁמי שׁם׃
Psalms 68:22
22 (68:23) אמר אדני מבשׁן אשׁיב אשׁיב ממצלות ים׃
Psalms 72:8
8 וירד מים עד ים ומנהר עד אפסי ארץ׃
Isaiah 11:11-16
11 והיה ביום ההוא יוסיף אדני שׁנית ידו לקנות את שׁאר עמו אשׁר ישׁאר מאשׁור וממצרים ומפתרוס ומכושׁ ומעילם ומשׁנער ומחמת ומאיי הים׃12 ונשׂא נס לגוים ואסף נדחי ישׂראל ונפצות יהודה יקבץ מארבע כנפות הארץ׃13 וסרה קנאת אפרים וצררי יהודה יכרתו אפרים לא יקנא את יהודה ויהודה לא יצר את אפרים׃14 ועפו בכתף פלשׁתים ימה יחדו יבזו את בני קדם אדום ומואב משׁלוח ידם ובני עמון משׁמעתם׃15 והחרים יהוה את לשׁון ים מצרים והניף ידו על הנהר בעים רוחו והכהו לשׁבעה נחלים והדריך בנעלים׃16 והיתה מסלה לשׁאר עמו אשׁר ישׁאר מאשׁור כאשׁר היתה לישׂראל ביום עלתו מארץ מצרים׃
Isaiah 17:6
6 ונשׁאר בו עוללת כנקף זית שׁנים שׁלשׁה גרגרים בראשׁ אמיר ארבעה חמשׁה בסעפיה פריה נאם יהוה אלהי ישׂראל׃
Isaiah 24:13-16
Isaiah 56:8
8 נאם אדני יהוה מקבץ נדחי ישׂראל עוד אקבץ עליו לנקבציו׃
Jeremiah 3:14
14 שׁובו בנים שׁובבים נאם יהוה כי אנכי בעלתי בכם ולקחתי אתכם אחד מעיר ושׁנים ממשׁפחה והבאתי אתכם ציון׃
Amos 9:9
9 כי הנה אנכי מצוה והנעותי בכל הגוים את בית ישׂראל כאשׁר ינוע בכברה ולא יפול צרור ארץ׃
Leviticus 25:9
9 והעברת שׁופר תרועה בחדשׁ השׁבעי בעשׂור לחדשׁ ביום הכפרים תעבירו שׁופר בכל ארצכם׃
Numbers 10:2-4
2 Kings 17:6
6 בשׁנת התשׁיעית להושׁע לכד מלך אשׁור את שׁמרון ויגל את ישׂראל אשׁורה וישׁב אתם בחלח ובחבור נהר גוזן וערי מדי׃
1 Chronicles 15:24
24 ושׁבניהו ויושׁפט ונתנאל ועמשׂי וזכריהו ובניהו ואליעזר הכהנים מחצצרים בחצצרות לפני ארון האלהים ועבד אדם ויחיה שׁערים לארון׃
Psalms 47:5
5 (47:6) עלה אלהים בתרועה יהוה בקול שׁופר׃
Psalms 81:3
3 (81:4) תקעו בחדשׁ שׁופר בכסה ליום חגנו׃
Psalms 89:15
15 (89:16) אשׁרי העם יודעי תרועה יהוה באור פניך יהלכון׃
Isaiah 2:3
3 והלכו עמים רבים ואמרו לכו ונעלה אל הר יהוה אל בית אלהי יעקב וירנו מדרכיו ונלכה בארחתיו כי מציון תצא תורה ודבר יהוה מירושׁלם׃
Isaiah 2:11
11 עיני גבהות אדם שׁפל ושׁח רום אנשׁים ונשׂגב יהוה לבדו ביום ההוא׃
Isaiah 11:12
12 ונשׂא נס לגוים ואסף נדחי ישׂראל ונפצות יהודה יקבץ מארבע כנפות הארץ׃
Isaiah 11:16
16 והיתה מסלה לשׁאר עמו אשׁר ישׁאר מאשׁור כאשׁר היתה לישׂראל ביום עלתו מארץ מצרים׃
Isaiah 16:3-4
Isaiah 18:3
3 כל ישׁבי תבל ושׁכני ארץ כנשׂא נס הרים תראו וכתקע שׁופר תשׁמעו׃
Isaiah 19:21
21 ונודע יהוה למצרים וידעו מצרים את יהוה ביום ההוא ועבדו זבח ומנחה ונדרו נדר ליהוה ושׁלמו׃
Isaiah 19:23-25
Isaiah 25:6
6 ועשׂה יהוה צבאות לכל העמים בהר הזה משׁתה שׁמנים משׁתה שׁמרים שׁמנים ממחים שׁמרים מזקקים׃
Isaiah 66:18
18 ואנכי מעשׂיהם ומחשׁבתיהם באה לקבץ את כל הגוים והלשׁנות ובאו וראו את כבודי׃
Jeremiah 43:7
7 ויבאו ארץ מצרים כי לא שׁמעו בקול יהוה ויבאו עד תחפנחס׃
Jeremiah 44:28
28 ופליטי חרב ישׁבון מן ארץ מצרים ארץ יהודה מתי מספר וידעו כל שׁארית יהודה הבאים לארץ מצרים לגור שׁם דבר מי יקום ממני ומהם׃
Hosea 8:13
13 זבחי הבהבי יזבחו בשׂר ויאכלו יהוה לא רצם עתה יזכר עונם ויפקד חטאותם המה מצרים ישׁובו׃
Hosea 9:3
3 לא ישׁבו בארץ יהוה ושׁב אפרים מצרים ובאשׁור טמא יאכלו׃
Hosea 11:11
11 יחרדו כצפור ממצרים וכיונה מארץ אשׁור והושׁבתים על בתיהם נאם יהוה׃
Zechariah 9:13-16
13 כי דרכתי לי יהודה קשׁת מלאתי אפרים ועוררתי בניך ציון על בניך יון ושׂמתיך כחרב גבור׃14 ויהוה עליהם יראה ויצא כברק חצו ואדני יהוה בשׁופר יתקע והלך בסערות תימן׃15 יהוה צבאות יגן עליהם ואכלו וכבשׁו אבני קלע ושׁתו המו כמו יין ומלאו כמזרק כזויות מזבח׃16 והושׁיעם יהוה אלהיהם ביום ההוא כצאן עמו כי אבני נזר מתנוססות על אדמתו׃
Zechariah 10:8-12
Zechariah 14:16
16 והיה כל הנותר מכל הגוים הבאים על ירושׁלם ועלו מדי שׁנה בשׁנה להשׁתחות למלך יהוה צבאות ולחג את חג הסכות׃
Malachi 1:11
11 כי ממזרח שׁמשׁ ועד מבואו גדול שׁמי בגוים ובכל מקום מקטר מגשׁ לשׁמי ומנחה טהורה כי גדול שׁמי בגוים אמר יהוה צבאות׃