Isaiah 43:10 Cross References - HOT

10 אתם עדי נאם יהוה ועבדי אשׁר בחרתי למען תדעו ותאמינו לי ותבינו כי אני הוא לפני לא נוצר אל ואחרי לא יהיה׃

Isaiah 40:21-22

21 הלוא תדעו הלוא תשׁמעו הלוא הגד מראשׁ לכם הלוא הבינתם מוסדות הארץ׃22 הישׁב על חוג הארץ וישׁביה כחגבים הנוטה כדק שׁמים וימתחם כאהל לשׁבת׃

Isaiah 41:4

4 מי פעל ועשׂה קרא הדרות מראשׁ אני יהוה ראשׁון ואת אחרנים אני הוא׃

Isaiah 41:8

8 ואתה ישׂראל עבדי יעקב אשׁר בחרתיך זרע אברהם אהבי׃

Isaiah 41:20

20 למען יראו וידעו וישׂימו וישׂכילו יחדו כי יד יהוה עשׂתה זאת וקדושׁ ישׂראל בראה׃

Isaiah 42:1

1 הן עבדי אתמך בו בחירי רצתה נפשׁי נתתי רוחי עליו משׁפט לגוים יוציא׃

Isaiah 43:12

12 אנכי הגדתי והושׁעתי והשׁמעתי ואין בכם זר ואתם עדי נאם יהוה ואני אל׃

Isaiah 44:6-8

6 כה אמר יהוה מלך ישׂראל וגאלו יהוה צבאות אני ראשׁון ואני אחרון ומבלעדי אין אלהים׃7 ומי כמוני יקרא ויגידה ויערכה לי משׂומי עם עולם ואתיות ואשׁר תבאנה יגידו׃8 אל תפחדו ואל תרהו הלא מאז השׁמעתיך והגדתי ואתם עדי הישׁ אלוה מבלעדי ואין צור בל ידעתי׃

Isaiah 45:6

6 למען ידעו ממזרח שׁמשׁ וממערבה כי אפס בלעדי אני יהוה ואין עוד׃

Isaiah 46:8-9

8 זכרו זאת והתאשׁשׁו השׁיבו פושׁעים על לב׃9 זכרו ראשׁנות מעולם כי אנכי אל ואין עוד אלהים ואפס כמוני׃

Isaiah 55:4

4 הן עד לאומים נתתיו נגיד ומצוה לאמים׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.