Isaiah 52:7 Cross References - HOT

7 מה נאוו על ההרים רגלי מבשׂר משׁמיע שׁלום מבשׂר טוב משׁמיע ישׁועה אמר לציון מלך אלהיך׃

Psalms 59:13

13 (59:14) כלה בחמה כלה ואינמו וידעו כי אלהים משׁל ביעקב לאפסי הארץ סלה׃

Psalms 68:11

11 (68:12) אדני יתן אמר המבשׂרות צבא רב׃

Psalms 93:1

1 יהוה מלך גאות לבשׁ לבשׁ יהוה עז התאזר אף תכון תבל בל תמוט׃

Psalms 96:10

10 אמרו בגוים יהוה מלך אף תכון תבל בל תמוט ידין עמים במישׁרים׃

Psalms 97:1

1 יהוה מלך תגל הארץ ישׂמחו איים רבים׃

Psalms 99:1

1 יהוה מלך ירגזו עמים ישׁב כרובים תנוט הארץ׃

Song of Songs 2:8

8 קול דודי הנה זה בא מדלג על ההרים מקפץ על הגבעות׃

Isaiah 24:23

23 וחפרה הלבנה ובושׁה החמה כי מלך יהוה צבאות בהר ציון ובירושׁלם ונגד זקניו כבוד׃

Isaiah 33:22

22 כי יהוה שׁפטנו יהוה מחקקנו יהוה מלכנו הוא יושׁיענו׃

Isaiah 40:9

9 על הר גבה עלי לך מבשׂרת ציון הרימי בכח קולך מבשׂרת ירושׁלם הרימי אל תיראי אמרי לערי יהודה הנה אלהיכם׃

Isaiah 61:1-3

1 רוח אדני יהוה עלי יען משׁח יהוה אתי לבשׂר ענוים שׁלחני לחבשׁ לנשׁברי לב לקרא לשׁבוים דרור ולאסורים פקח קוח׃2 לקרא שׁנת רצון ליהוה ויום נקם לאלהינו לנחם כל אבלים׃3 לשׂום לאבלי ציון לתת להם פאר תחת אפר שׁמן שׂשׂון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃

Micah 4:7

7 ושׂמתי את הצלעה לשׁארית והנהלאה לגוי עצום ומלך יהוה עליהם בהר ציון מעתה ועד עולם׃

Nahum 1:15

15 (2:1) הנה על ההרים רגלי מבשׂר משׁמיע שׁלום חגי יהודה חגיך שׁלמי נדריך כי לא יוסיף עוד לעבור בך בליעל כלה נכרת׃

Zechariah 9:9

9 גילי מאד בת ציון הריעי בת ירושׁלם הנה מלכך יבוא לך צדיק ונושׁע הוא עני ורכב על חמור ועל עיר בן אתנות׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.