Isaiah 8:22 Cross References - HOT

²² ואל ארץ יביט והנה צרה וחשׁכה מעוף צוקה ואפלה מנדח׃

2 Chronicles 15:5-6

⁵ ובעתים ההם אין שׁלום ליוצא ולבא כי מהומת רבות על כל יושׁבי הארצות׃⁶ וכתתו גוי בגוי ועיר בעיר כי אלהים הממם בכל צרה׃

Job 18:18

¹⁸ יהדפהו מאור אל חשׁך ומתבל ינדהו׃

Proverbs 14:32

³² ברעתו ידחה רשׁע וחסה במותו צדיק׃

Isaiah 5:30

³⁰ וינהם עליו ביום ההוא כנהמת ים ונבט לארץ והנה חשׁך צר ואור חשׁך בעריפיה׃

Isaiah 8:20

²⁰ לתורה ולתעודה אם לא יאמרו כדבר הזה אשׁר אין לו שׁחר׃

Isaiah 9:1

¹ (8:23) כי לא מועף לאשׁר מוצק לה כעת הראשׁון הקל ארצה זבלון וארצה נפתלי והאחרון הכביד דרך הים עבר הירדן גליל הגוים׃

Jeremiah 13:16

¹⁶ תנו ליהוה אלהיכם כבוד בטרם יחשׁך ובטרם יתנגפו רגליכם על הרי נשׁף וקויתם לאור ושׂמה לצלמות ישׁית לערפל׃

Jeremiah 23:12

¹² לכן יהיה דרכם להם כחלקלקות באפלה ידחו ונפלו בה כי אביא עליהם רעה שׁנת פקדתם נאם יהוה׃

Jeremiah 30:6-7

⁶ שׁאלו נא וראו אם ילד זכר מדוע ראיתי כל גבר ידיו על חלציו כיולדה ונהפכו כל פנים לירקון׃⁷ הוי כי גדול היום ההוא מאין כמהו ועת צרה היא ליעקב וממנה יושׁע׃

Amos 5:18-20

¹⁸ הוי המתאוים את יום יהוה למה זה לכם יום יהוה הוא חשׁך ולא אור׃¹⁹ כאשׁר ינוס אישׁ מפני הארי ופגעו הדב ובא הבית וסמך ידו על הקיר ונשׁכו הנחשׁ׃²⁰ הלא חשׁך יום יהוה ולא אור ואפל ולא נגה׃

Zephaniah 1:14-15

¹⁴ קרוב יום יהוה הגדול קרוב ומהר מאד קול יום יהוה מר צרח שׁם גבור׃¹⁵ יום עברה היום ההוא יום צרה ומצוקה יום שׁאה ומשׁואה יום חשׁך ואפלה יום ענן וערפל׃