26 ובאו מערי יהודה ומסביבות ירושׁלם ומארץ בנימן ומן השׁפלה ומן ההר ומן הנגב מבאים עולה וזבח ומנחה ולבונה ומבאי תודה בית יהוה׃
Jeremiah 17:26 Cross References - HOT
Leviticus 1:1-7
1 ויקרא אל משׁה וידבר יהוה אליו מאהל מועד לאמר׃2 דבר אל בני ישׂראל ואמרת אלהם אדם כי יקריב מכם קרבן ליהוה מן הבהמה מן הבקר ומן הצאן תקריבו את קרבנכם׃3 אם עלה קרבנו מן הבקר זכר תמים יקריבנו אל פתח אהל מועד יקריב אתו לרצנו לפני יהוה׃4 וסמך ידו על ראשׁ העלה ונרצה לו לכפר עליו׃5 ושׁחט את בן הבקר לפני יהוה והקריבו בני אהרן הכהנים את הדם וזרקו את הדם על המזבח סביב אשׁר פתח אהל מועד׃6 והפשׁיט את העלה ונתח אתה לנתחיה׃7 ונתנו בני אהרן הכהן אשׁ על המזבח וערכו עצים על האשׁ׃
Joshua 15:21-63
21 ויהיו הערים מקצה למטה בני יהודה אל גבול אדום בנגבה קבצאל ועדר ויגור׃22 וקינה ודימונה ועדעדה׃23 וקדשׁ וחצור ויתנן׃24 זיף וטלם ובעלות׃25 וחצור חדתה וקריות חצרון היא חצור׃26 אמם ושׁמע ומולדה׃27 וחצר גדה וחשׁמון ובית פלט׃28 וחצר שׁועל ובאר שׁבע ובזיותיה׃29 בעלה ועיים ועצם׃30 ואלתולד וכסיל וחרמה׃31 וצקלג ומדמנה וסנסנה׃32 ולבאות ושׁלחים ועין ורמון כל ערים עשׂרים ותשׁע וחצריהן׃33 בשׁפלה אשׁתאול וצרעה ואשׁנה׃34 וזנוח ועין גנים תפוח והעינם׃35 ירמות ועדלם שׂוכה ועזקה׃36 ושׁערים ועדיתים והגדרה וגדרתים ערים ארבע עשׂרה וחצריהן׃37 צנן וחדשׁה ומגדל גד׃38 ודלען והמצפה ויקתאל׃39 לכישׁ ובצקת ועגלון׃40 וכבון ולחמס וכתלישׁ׃41 וגדרות בית דגון ונעמה ומקדה ערים שׁשׁ עשׂרה וחצריהן׃42 לבנה ועתר ועשׁן׃43 ויפתח ואשׁנה ונציב׃44 וקעילה ואכזיב ומראשׁה ערים תשׁע וחצריהן׃45 עקרון ובנתיה וחצריה׃46 מעקרון וימה כל אשׁר על יד אשׁדוד וחצריהן׃47 אשׁדוד בנותיה וחצריה עזה בנותיה וחצריה עד נחל מצרים והים הגבול וגבול׃48 ובהר שׁמיר ויתיר ושׂוכה׃49 ודנה וקרית סנה היא דבר׃50 וענב ואשׁתמה וענים׃51 וגשׁן וחלן וגלה ערים אחת עשׂרה וחצריהן׃52 ארב ורומה ואשׁען׃53 וינים ובית תפוח ואפקה׃54 וחמטה וקרית ארבע היא חברון וציער ערים תשׁע וחצריהן׃55 מעון כרמל וזיף ויוטה׃56 ויזרעאל ויקדעם וזנוח׃57 הקין גבעה ותמנה ערים עשׂר וחצריהן׃58 חלחול בית צור וגדור׃59 ומערת ובית ענות ואלתקן ערים שׁשׁ וחצריהן׃60 קרית בעל היא קרית יערים והרבה ערים שׁתים וחצריהן׃61 במדבר בית הערבה מדין וסככה׃62 והנבשׁן ועיר המלח ועין גדי ערים שׁשׁ וחצריהן׃63 ואת היבוסי יושׁבי ירושׁלם לא יוכלו בני יהודה להורישׁם וישׁב היבוסי את בני יהודה בירושׁלם עד היום הזה׃
Ezra 3:3-6
Ezra 3:11
11 ויענו בהלל ובהודת ליהוה כי טוב כי לעולם חסדו על ישׂראל וכל העם הריעו תרועה גדולה בהלל ליהוה על הוסד בית יהוה׃
Psalms 107:22
22 ויזבחו זבחי תודה ויספרו מעשׂיו ברנה׃
Psalms 116:17
17 לך אזבח זבח תודה ובשׁם יהוה אקרא׃
Jeremiah 32:44
44 שׂדות בכסף יקנו וכתוב בספר וחתום והעד עדים בארץ בנימן ובסביבי ירושׁלם ובערי יהודה ובערי ההר ובערי השׁפלה ובערי הנגב כי אשׁיב את שׁבותם נאם יהוה׃
Jeremiah 33:11
11 קול שׂשׂון וקול שׂמחה קול חתן וקול כלה קול אמרים הודו את יהוה צבאות כי טוב יהוה כי לעולם חסדו מבאים תודה בית יהוה כי אשׁיב את שׁבות הארץ כבראשׁנה אמר יהוה׃
Jeremiah 33:13
13 בערי ההר בערי השׁפלה ובערי הנגב ובארץ בנימן ובסביבי ירושׁלם ובערי יהודה עד תעברנה הצאן על ידי מונה אמר יהוה׃
Zechariah 7:7
7 הלוא את הדברים אשׁר קרא יהוה ביד הנביאים הראשׁנים בהיות ירושׁלם ישׁבת ושׁלוה ועריה סביבתיה והנגב והשׁפלה ישׁב׃