24 יקשׁתי לך וגם נלכדת בבל ואת לא ידעת נמצאת וגם נתפשׂת כי ביהוה התגרית׃
Jeremiah 50:24 Cross References - HOT
Exodus 10:3
3 ויבא משׁה ואהרן אל פרעה ויאמרו אליו כה אמר יהוה אלהי העברים עד מתי מאנת לענת מפני שׁלח עמי ויעבדני׃
Job 9:4
4 חכם לבב ואמיץ כח מי הקשׁה אליו וישׁלם׃
Job 40:2
2 הרב עם שׁדי יסור מוכיח אלוה יעננה׃
Job 40:9
9 ואם זרוע כאל לך ובקול כמהו תרעם׃
Ecclesiastes 9:12
12 כי גם לא ידע האדם את עתו כדגים שׁנאחזים במצודה רעה וכצפרים האחזות בפח כהם יוקשׁים בני האדם לעת רעה כשׁתפול עליהם פתאם׃
Isaiah 13:11
11 ופקדתי על תבל רעה ועל רשׁעים עונם והשׁבתי גאון זדים וגאות עריצים אשׁפיל׃
Isaiah 21:3-5
Isaiah 45:9
9 הוי רב את יצרו חרשׂ את חרשׂי אדמה היאמר חמר ליצרו מה תעשׂה ופעלך אין ידים׃
Jeremiah 51:8
8 פתאם נפלה בבל ותשׁבר הילילו עליה קחו צרי למכאובה אולי תרפא׃
Jeremiah 51:31-39
31 רץ לקראת רץ ירוץ ומגיד לקראת מגיד להגיד למלך בבל כי נלכדה עירו מקצה׃32 והמעברות נתפשׂו ואת האגמים שׂרפו באשׁ ואנשׁי המלחמה נבהלו׃33 כי כה אמר יהוה צבאות אלהי ישׂראל בת בבל כגרן עת הדריכה עוד מעט ובאה עת הקציר׃34 אכלנו הממנו נבוכדראצר מלך בבל הציגנו כלי ריק בלענו כתנין מלא כרשׂו מעדני הדיחנו׃35 חמסי ושׁארי על בבל תאמר ישׁבת ציון ודמי אל ישׁבי כשׂדים תאמר ירושׁלם׃36 לכן כה אמר יהוה הנני רב את ריבך ונקמתי את נקמתך והחרבתי את ימה והבשׁתי את מקורה׃37 והיתה בבל לגלים מעון תנים שׁמה ושׁרקה מאין יושׁב׃38 יחדו ככפרים ישׁאגו נערו כגורי אריות׃39 בחמם אשׁית את משׁתיהם והשׁכרתים למען יעלזו וישׁנו שׁנת עולם ולא יקיצו נאם יהוה׃
Jeremiah 51:57
57 והשׁכרתי שׂריה וחכמיה פחותיה וסגניה וגבוריה וישׁנו שׁנת עולם ולא יקיצו נאם המלך יהוה צבאות שׁמו׃