Job 13:4 Cross References - HOT

⁴ ואולם אתם טפלי שׁקר רפאי אלל כלכם׃

Job 4:7-11

⁷ זכר נא מי הוא נקי אבד ואיפה ישׁרים נכחדו׃⁸ כאשׁר ראיתי חרשׁי און וזרעי עמל יקצרהו׃⁹ מנשׁמת אלוה יאבדו ומרוח אפו יכלו׃¹⁰ שׁאגת אריה וקול שׁחל ושׁני כפירים נתעו׃¹¹ לישׁ אבד מבלי טרף ובני לביא יתפרדו׃

¹ קרא נא הישׁ עונך ואל מי מקדשׁים תפנה׃² כי לאויל יהרג כעשׂ ופתה תמית קנאה׃³ אני ראיתי אויל משׁרישׁ ואקוב נוהו פתאם׃⁴ ירחקו בניו מישׁע וידכאו בשׁער ואין מציל׃⁵ אשׁר קצירו רעב יאכל ואל מצנים יקחהו ושׁאף צמים חילם׃

Job 6:21

²¹ כי עתה הייתם לא תראו חתת ותיראו׃

Job 8:3-4

³ האל יעות משׁפט ואם שׁדי יעות צדק׃⁴ אם בניך חטאו לו וישׁלחם ביד פשׁעם׃

Job 16:2

² שׁמעתי כאלה רבות מנחמי עמל כלכם׃

Job 18:5-21

⁵ גם אור רשׁעים ידעך ולא יגה שׁביב אשׁו׃⁶ אור חשׁך באהלו ונרו עליו ידעך׃⁷ יצרו צעדי אונו ותשׁליכהו עצתו׃⁸ כי שׁלח ברשׁת ברגליו ועל שׂבכה יתהלך׃⁹ יאחז בעקב פח יחזק עליו צמים׃¹⁰ טמון בארץ חבלו ומלכדתו עלי נתיב׃¹¹ סביב בעתהו בלהות והפיצהו לרגליו׃¹² יהי רעב אנו ואיד נכון לצלעו׃¹³ יאכל בדי עורו יאכל בדיו בכור מות׃¹⁴ ינתק מאהלו מבטחו ותצעדהו למלך בלהות׃¹⁵ תשׁכון באהלו מבלי לו יזרה על נוהו גפרית׃¹⁶ מתחת שׁרשׁיו יבשׁו וממעל ימל קצירו׃¹⁷ זכרו אבד מני ארץ ולא שׁם לו על פני חוץ׃¹⁸ יהדפהו מאור אל חשׁך ומתבל ינדהו׃¹⁹ לא נין לו ולא נכד בעמו ואין שׂריד במגוריו׃²⁰ על יומו נשׁמו אחרנים וקדמנים אחזו שׂער׃²¹ אך אלה משׁכנות עול וזה מקום לא ידע אל׃

Job 21:27-34

²⁷ הן ידעתי מחשׁבותיכם ומזמות עלי תחמסו׃²⁸ כי תאמרו איה בית נדיב ואיה אהל משׁכנות רשׁעים׃²⁹ הלא שׁאלתם עוברי דרך ואתתם לא תנכרו׃³⁰ כי ליום איד יחשׂך רע ליום עברות יובלו׃³¹ מי יגיד על פניו דרכו והוא עשׂה מי ישׁלם׃³² והוא לקברות יובל ועל גדישׁ ישׁקוד׃³³ מתקו לו רגבי נחל ואחריו כל אדם ימשׁוך ולפניו אין מספר׃³⁴ ואיך תנחמוני הבל ותשׁובתיכם נשׁאר מעל׃

Job 22:6-30

⁶ כי תחבל אחיך חנם ובגדי ערומים תפשׁיט׃⁷ לא מים עיף תשׁקה ומרעב תמנע לחם׃⁸ ואישׁ זרוע לו הארץ ונשׂוא פנים ישׁב׃⁹ אלמנות שׁלחת ריקם וזרעות יתמים ידכא׃¹⁰ על כן סביבותיך פחים ויבהלך פחד פתאם׃¹¹ או חשׁך לא תראה ושׁפעת מים תכסך׃¹² הלא אלוה גבה שׁמים וראה ראשׁ כוכבים כי רמו׃¹³ ואמרת מה ידע אל הבעד ערפל ישׁפוט׃¹⁴ עבים סתר לו ולא יראה וחוג שׁמים יתהלך׃¹⁵ הארח עולם תשׁמר אשׁר דרכו מתי און׃¹⁶ אשׁר קמטו ולא עת נהר יוצק יסודם׃¹⁷ האמרים לאל סור ממנו ומה יפעל שׁדי׃¹⁸ והוא מלא בתיהם טוב ועצת רשׁעים רחקה מני׃¹⁹ יראו צדיקים וישׂמחו ונקי ילעג׃²⁰ אם לא נכחד קימנו ויתרם אכלה אשׁ׃²¹ הסכן נא עמו ושׁלם בהם תבואתך טובה׃²² קח נא מפיו תורה ושׂים אמריו בלבבך׃²³ אם תשׁוב עד שׁדי תבנה תרחיק עולה מאהלך׃²⁴ ושׁית על עפר בצר ובצור נחלים אופיר׃²⁵ והיה שׁדי בצריך וכסף תועפות׃²⁶ כי אז על שׁדי תתענג ותשׂא אל אלוה פניך׃²⁷ תעתיר אליו וישׁמעך ונדריך תשׁלם׃²⁸ ותגזר אומר ויקם לך ועל דרכיך נגה אור׃²⁹ כי השׁפילו ותאמר גוה ושׁח עינים יושׁע׃³⁰ ימלט אי נקי ונמלט בבר כפיך׃