Job 1:8 Cross References - HOT

8 ויאמר יהוה אל השׂטן השׂמת לבך על עבדי איוב כי אין כמהו בארץ אישׁ תם וישׁר ירא אלהים וסר מרע׃

Numbers 12:3

3 והאישׁ משׁה ענו מאד מכל האדם אשׁר על פני האדמה׃

Numbers 12:7-8

7 לא כן עבדי משׁה בכל ביתי נאמן הוא׃8 פה אל פה אדבר בו ומראה ולא בחידת ותמנת יהוה יביט ומדוע לא יראתם לדבר בעבדי במשׁה׃

Joshua 1:7

7 רק חזק ואמץ מאד לשׁמר לעשׂות ככל התורה אשׁר צוך משׁה עבדי אל תסור ממנו ימין ושׂמאול למען תשׂכיל בכל אשׁר תלך׃

1 Kings 4:30-31

30 (5:10) ותרב חכמת שׁלמה מחכמת כל בני קדם ומכל חכמת מצרים׃31 (5:11) ויחכם מכל האדם מאיתן האזרחי והימן וכלכל ודרדע בני מחול ויהי שׁמו בכל הגוים סביב׃

2 Kings 23:25

25 וכמהו לא היה לפניו מלך אשׁר שׁב אל יהוה בכל לבבו ובכל נפשׁו ובכל מאדו ככל תורת משׁה ואחריו לא קם כמהו׃

Nehemiah 5:15

15 והפחות הראשׁנים אשׁר לפני הכבידו על העם ויקחו מהם בלחם ויין אחר כסף שׁקלים ארבעים גם נעריהם שׁלטו על העם ואני לא עשׂיתי כן מפני יראת אלהים׃

Job 1:1

1 אישׁ היה בארץ עוץ איוב שׁמו והיה האישׁ ההוא תם וישׁר וירא אלהים וסר מרע׃

Job 2:3

3 ויאמר יהוה אל השׂטן השׂמת לבך אל עבדי איוב כי אין כמהו בארץ אישׁ תם וישׁר ירא אלהים וסר מרע ועדנו מחזיק בתמתו ותסיתני בו לבלעו חנם׃

Job 8:20

20 הן אל לא ימאס תם ולא יחזיק ביד מרעים׃

Job 9:22-23

22 אחת היא על כן אמרתי תם ורשׁע הוא מכלה׃23 אם שׁוט ימית פתאם למסת נקים ילעג׃

Job 12:4

4 שׂחק לרעהו אהיה קרא לאלוה ויענהו שׂחוק צדיק תמים׃

Job 17:8-9

8 ישׁמו ישׁרים על זאת ונקי על חנף יתערר׃9 ויאחז צדיק דרכו וטהר ידים יסיף אמץ׃

Job 23:11-12

11 באשׁרו אחזה רגלי דרכו שׁמרתי ולא אט׃12 מצות שׂפתיו ולא אמישׁ מחקי צפנתי אמרי פיו׃

Job 34:14

14 אם ישׂים אליו לבו רוחו ונשׁמתו אליו יאסף׃

Job 42:7-8

7 ויהי אחר דבר יהוה את הדברים האלה אל איוב ויאמר יהוה אל אליפז התימני חרה אפי בך ובשׁני רעיך כי לא דברתם אלי נכונה כעבדי איוב׃8 ועתה קחו לכם שׁבעה פרים ושׁבעה אילים ולכו אל עבדי איוב והעליתם עולה בעדכם ואיוב עבדי יתפלל עליכם כי אם פניו אשׂא לבלתי עשׂות עמכם נבלה כי לא דברתם אלי נכונה כעבדי איוב׃

Psalms 18:23

23 (18:24) ואהי תמים עמו ואשׁתמר מעוני׃

Psalms 34:14

14 (34:15) סור מרע ועשׂה טוב בקשׁ שׁלום ורדפהו׃

Psalms 36:1

1 למנצח לעבד יהוה לדוד׃ (36:2) נאם פשׁע לרשׁע בקרב לבי אין פחד אלהים לנגד עיניו׃

Psalms 37:27

27 סור מרע ועשׂה טוב ושׁכן לעולם׃

Psalms 84:11

11 (84:12) כי שׁמשׁ ומגן יהוה אלהים חן וכבוד יתן יהוה לא ימנע טוב להלכים בתמים׃

Psalms 89:20

20 (89:21) מצאתי דוד עבדי בשׁמן קדשׁי משׁחתיו׃

Proverbs 8:13

13 יראת יהוה שׂנאת רע גאה וגאון ודרך רע ופי תהפכות שׂנאתי׃

Isaiah 1:16

16 רחצו הזכו הסירו רע מעלליכם מנגד עיני חדלו הרע׃

Isaiah 42:1

1 הן עבדי אתמך בו בחירי רצתה נפשׁי נתתי רוחי עליו משׁפט לגוים יוציא׃

Ezekiel 40:4

4 וידבר אלי האישׁ בן אדם ראה בעיניך ובאזניך שׁמע ושׂים לבך לכל אשׁר אני מראה אותך כי למען הראותכה הבאתה הנה הגד את כל אשׁר אתה ראה לבית ישׂראל׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.