Job 22:22 Cross References - HOT

22 קח נא מפיו תורה ושׂים אמריו בלבבך׃

Deuteronomy 4:1-2

1 ועתה ישׂראל שׁמע אל החקים ואל המשׁפטים אשׁר אנכי מלמד אתכם לעשׂות למען תחיו ובאתם וירשׁתם את הארץ אשׁר יהוה אלהי אבתיכם נתן׃2 לא תספו על הדבר אשׁר אנכי מצוה אתכם ולא תגרעו ממנו לשׁמר את מצות יהוה אלהיכם אשׁר אנכי מצוה אתכם׃

Deuteronomy 6:6-9

6 והיו הדברים האלה אשׁר אנכי מצוך היום על לבבך׃7 ושׁננתם לבניך ודברת בם בשׁבתך בביתך ובלכתך בדרך ובשׁכבך ובקומך׃8 וקשׁרתם לאות על ידך והיו לטטפת בין עיניך׃9 וכתבתם על מזזות ביתך ובשׁעריך׃

Job 23:12

12 מצות שׂפתיו ולא אמישׁ מחקי צפנתי אמרי פיו׃

Psalms 119:11

11 בלבי צפנתי אמרתך למען לא אחטא׃

Proverbs 2:1-9

1 בני אם תקח אמרי ומצותי תצפן אתך׃2 להקשׁיב לחכמה אזנך תטה לבך לתבונה׃3 כי אם לבינה תקרא לתבונה תתן קולך׃4 אם תבקשׁנה ככסף וכמטמונים תחפשׂנה׃5 אז תבין יראת יהוה ודעת אלהים תמצא׃6 כי יהוה יתן חכמה מפיו דעת ותבונה׃7 וצפן לישׁרים תושׁיה מגן להלכי תם׃8 לנצר ארחות משׁפט ודרך חסידו ישׁמר׃9 אז תבין צדק ומשׁפט ומישׁרים כל מעגל טוב׃

Proverbs 4:4

4 וירני ויאמר לי יתמך דברי לבך שׁמר מצותי וחיה׃

Proverbs 4:21

21 אל יליזו מעיניך שׁמרם בתוך לבבך׃

Jeremiah 15:16

16 נמצאו דבריך ואכלם ויהי דבריך לי לשׂשׂון ולשׂמחת לבבי כי נקרא שׁמך עלי יהוה אלהי צבאות׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.