Job 27:12 Cross References - HOT

12 הן אתם כלכם חזיתם ולמה זה הבל תהבלו׃

Job 6:25-29

25 מה נמרצו אמרי ישׁר ומה יוכיח הוכח מכם׃26 הלהוכח מלים תחשׁבו ולרוח אמרי נאשׁ׃27 אף על יתום תפילו ותכרו על ריעכם׃28 ועתה הואילו פנו בי ועל פניכם אם אכזב׃29 שׁבו נא אל תהי עולה ושׁבי עוד צדקי׃

Job 13:4-9

4 ואולם אתם טפלי שׁקר רפאי אלל כלכם׃5 מי יתן החרשׁ תחרישׁון ותהי לכם לחכמה׃6 שׁמעו נא תוכחתי ורבות שׂפתי הקשׁיבו׃7 הלאל תדברו עולה ולו תדברו רמיה׃8 הפניו תשׂאון אם לאל תריבון׃9 הטוב כי יחקר אתכם אם כהתל באנושׁ תהתלו׃

Job 16:3

3 הקץ לדברי רוח או מה ימריצך כי תענה׃

Job 17:2

2 אם לא התלים עמדי ובהמרותם תלן עיני׃

Job 19:2-3

2 עד אנה תוגיון נפשׁי ותדכאונני במלים׃3 זה עשׂר פעמים תכלימוני לא תבשׁו תהכרו׃

Job 21:3

3 שׂאוני ואנכי אדבר ואחר דברי תלעיג׃

Job 21:28-30

28 כי תאמרו איה בית נדיב ואיה אהל משׁכנות רשׁעים׃29 הלא שׁאלתם עוברי דרך ואתתם לא תנכרו׃30 כי ליום איד יחשׂך רע ליום עברות יובלו׃

Job 26:2-4

2 מה עזרת ללא כח הושׁעת זרוע לא עז׃3 מה יעצת ללא חכמה ותושׁיה לרב הודעת׃4 את מי הגדת מלין ונשׁמת מי יצאה ממך׃

Ecclesiastes 8:14

14 ישׁ הבל אשׁר נעשׂה על הארץ אשׁר ישׁ צדיקים אשׁר מגיע אלהם כמעשׂה הרשׁעים וישׁ רשׁעים שׁמגיע אלהם כמעשׂה הצדיקים אמרתי שׁגם זה הבל׃

Ecclesiastes 9:1-3

1 כי את כל זה נתתי אל לבי ולבור את כל זה אשׁר הצדיקים והחכמים ועבדיהם ביד האלהים גם אהבה גם שׂנאה אין יודע האדם הכל לפניהם׃2 הכל כאשׁר לכל מקרה אחד לצדיק ולרשׁע לטוב ולטהור ולטמא ולזבח ולאשׁר איננו זבח כטוב כחטא הנשׁבע כאשׁר שׁבועה ירא׃3 זה רע בכל אשׁר נעשׂה תחת השׁמשׁ כי מקרה אחד לכל וגם לב בני האדם מלא רע והוללות בלבבם בחייהם ואחריו אל המתים׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.