1 ברית כרתי לעיני ומה אתבונן על בתולה׃2 ומה חלק אלוה ממעל ונחלת שׁדי ממרמים׃3 הלא איד לעול ונכר לפעלי און׃4 הלא הוא יראה דרכי וכל צעדי יספור׃5 אם הלכתי עם שׁוא ותחשׁ על מרמה רגלי׃6 ישׁקלני במאזני צדק וידע אלוה תמתי׃7 אם תטה אשׁרי מני הדרך ואחר עיני הלך לבי ובכפי דבק מאום׃8 אזרעה ואחר יאכל וצאצאי ישׁרשׁו׃9 אם נפתה לבי על אשׁה ועל פתח רעי ארבתי׃10 תטחן לאחר אשׁתי ועליה יכרעון אחרין׃11 כי הוא זמה והיא עון פלילים׃12 כי אשׁ היא עד אבדון תאכל ובכל תבואתי תשׁרשׁ׃13 אם אמאס משׁפט עבדי ואמתי ברבם עמדי׃14 ומה אעשׂה כי יקום אל וכי יפקד מה אשׁיבנו׃15 הלא בבטן עשׂני עשׂהו ויכננו ברחם אחד׃16 אם אמנע מחפץ דלים ועיני אלמנה אכלה׃17 ואכל פתי לבדי ולא אכל יתום ממנה׃18 כי מנעורי גדלני כאב ומבטן אמי אנחנה׃19 אם אראה אובד מבלי לבושׁ ואין כסות לאביון׃20 אם לא ברכוני חלצו ומגז כבשׂי יתחמם׃21 אם הניפותי על יתום ידי כי אראה בשׁער עזרתי׃22 כתפי משׁכמה תפול ואזרעי מקנה תשׁבר׃23 כי פחד אלי איד אל ומשׂאתו לא אוכל׃24 אם שׂמתי זהב כסלי ולכתם אמרתי מבטחי׃25 אם אשׂמח כי רב חילי וכי כביר מצאה ידי׃26 אם אראה אור כי יהל וירח יקר הלך׃27 ויפת בסתר לבי ותשׁק ידי לפי׃28 גם הוא עון פלילי כי כחשׁתי לאל ממעל׃29 אם אשׂמח בפיד משׂנאי והתעררתי כי מצאו רע׃30 ולא נתתי לחטא חכי לשׁאל באלה נפשׁו׃31 אם לא אמרו מתי אהלי מי יתן מבשׂרו לא נשׂבע׃32 בחוץ לא ילין גר דלתי לארח אפתח׃33 אם כסיתי כאדם פשׁעי לטמון בחבי עוני׃34 כי אערוץ המון רבה ובוז משׁפחות יחתני ואדם לא אצא פתח׃35 מי יתן לי שׁמע לי הן תוי שׁדי יענני וספר כתב אישׁ ריבי׃36 אם לא על שׁכמי אשׂאנו אענדנו עטרות׃37 מספר צעדי אגידנו כמו נגיד אקרבנו׃38 אם עלי אדמתי תזעק ויחד תלמיה יבכיון׃39 אם כחה אכלתי בלי כסף ונפשׁ בעליה הפחתי׃40 תחת חטה יצא חוח ותחת שׂערה באשׁה תמו דברי איוב׃
Job 31 Cross References - HOT
Genesis 6:2
2 ויראו בני האלהים את בנות האדם כי טבת הנה ויקחו להם נשׁים מכל אשׁר בחרו׃
2 Samuel 11:2-4
Psalms 119:37
37 העבר עיני מראות שׁוא בדרכך חיני׃
Proverbs 4:25
25 עיניך לנכח יביטו ועפעפיך יישׁרו נגדך׃
Proverbs 6:25
25 אל תחמד יפיה בלבבך ואל תקחך בעפעפיה׃
Proverbs 23:31-33
Job 20:29
29 זה חלק אדם רשׁע מאלהים ונחלת אמרו מאל׃
Job 27:13
13 זה חלק אדם רשׁע עם אל ונחלת עריצים משׁדי יקחו׃
Job 21:30
30 כי ליום איד יחשׂך רע ליום עברות יובלו׃
Job 34:22
22 אין חשׁך ואין צלמות להסתר שׁם פעלי און׃
Psalms 55:23
23 (55:24) ואתה אלהים תורדם לבאר שׁחת אנשׁי דמים ומרמה לא יחצו ימיהם ואני אבטח׃
Psalms 73:18
18 אך בחלקות תשׁית למו הפלתם למשׁואות׃
Proverbs 1:27
27 בבא כשׁאוה פחדכם ואידכם כסופה יאתה בבא עליכם צרה וצוקה׃
Proverbs 10:29
29 מעוז לתם דרך יהוה ומחתה לפעלי און׃
Proverbs 21:15
15 שׂמחה לצדיק עשׂות משׁפט ומחתה לפעלי און׃
Isaiah 28:21
21 כי כהר פרצים יקום יהוה כעמק בגבעון ירגז לעשׂות מעשׂהו זר מעשׂהו ולעבד עבדתו נכריה עבדתו׃
Genesis 16:13
13 ותקרא שׁם יהוה הדבר אליה אתה אל ראי כי אמרה הגם הלם ראיתי אחרי ראי׃
2 Chronicles 16:9
9 כי יהוה עיניו משׁטטות בכל הארץ להתחזק עם לבבם שׁלם אליו נסכלת על זאת כי מעתה ישׁ עמך מלחמות׃
Job 14:16
16 כי עתה צעדי תספור לא תשׁמור על חטאתי׃
Job 34:21
21 כי עיניו על דרכי אישׁ וכל צעדיו יראה׃
Psalms 44:21
21 (44:22) הלא אלהים יחקר זאת כי הוא ידע תעלמות לב׃
Psalms 139:1-3
Proverbs 5:21
21 כי נכח עיני יהוה דרכי אישׁ וכל מעגלתיו מפלס׃
Proverbs 15:3
3 בכל מקום עיני יהוה צפות רעים וטובים׃
Jeremiah 16:17
17 כי עיני על כל דרכיהם לא נסתרו מלפני ולא נצפן עונם מנגד עיני׃
Jeremiah 32:19
19 גדל העצה ורב העליליה אשׁר עיניך פקחות על כל דרכי בני אדם לתת לאישׁ כדרכיו וכפרי מעלליו׃
Psalms 4:2
2 (4:3) בני אישׁ עד מה כבודי לכלמה תאהבון ריק תבקשׁו כזב סלה׃
Psalms 7:3-5
Psalms 12:2
2 (12:3) שׁוא ידברו אישׁ את רעהו שׂפת חלקות בלב ולב ידברו׃
Psalms 44:20-21
Proverbs 12:11
11 עבד אדמתו ישׂבע לחם ומרדף ריקים חסר לב׃
Jeremiah 2:5
5 כה אמר יהוה מה מצאו אבותיכם בי עול כי רחקו מעלי וילכו אחרי ההבל ויהבלו׃
Ezekiel 13:8
8 לכן כה אמר אדני יהוה יען דברכם שׁוא וחזיתם כזב לכן הנני אליכם נאם אדני יהוה׃
Micah 2:11
11 לו אישׁ הלך רוח ושׁקר כזב אטף לך ליין ולשׁכר והיה מטיף העם הזה׃
Joshua 22:22
22 אל אלהים יהוה אל אלהים יהוה הוא ידע וישׂראל הוא ידע אם במרד ואם במעל ביהוה אל תושׁיענו היום הזה׃
1 Samuel 2:3
3 אל תרבו תדברו גבהה גבהה יצא עתק מפיכם כי אל דעות יהוה ולא נתכנו עללות׃
Job 6:2
2 לו שׁקול ישׁקל כעשׂי והיתי במאזנים ישׂאו יחד׃
Job 27:5-6
Psalms 1:6
6 כי יודע יהוה דרך צדיקים ודרך רשׁעים תאבד׃
Psalms 7:8-9
Psalms 17:2-3
Psalms 26:1
1 לדוד שׁפטני יהוה כי אני בתמי הלכתי וביהוה בטחתי לא אמעד׃
Psalms 139:23
23 חקרני אל ודע לבבי בחנני ודע שׂרעפי׃
Proverbs 16:11
11 פלס ומאזני משׁפט ליהוה מעשׂהו כל אבני כיס׃
Isaiah 26:7
7 ארח לצדיק מישׁרים ישׁר מעגל צדיק תפלס׃
Daniel 5:27
27 תקל תקילתה במאזניא והשׁתכחת חסיר׃
Micah 6:11
11 האזכה במאזני רשׁע ובכיס אבני מרמה׃
Numbers 15:39
39 והיה לכם לציצת וראיתם אתו וזכרתם את כל מצות יהוה ועשׂיתם אתם ולא תתורו אחרי לבבכם ואחרי עיניכם אשׁר אתם זנים אחריהם׃
Job 9:30
30 אם התרחצתי במו שׁלג והזכותי בבר כפי׃
Job 23:11
11 באשׁרו אחזה רגלי דרכו שׁמרתי ולא אט׃
Psalms 101:3
3 לא אשׁית לנגד עיני דבר בליעל עשׂה סטים שׂנאתי לא ידבק׃
Ecclesiastes 11:9
9 שׂמח בחור בילדותיך ויטיבך לבך בימי בחורותך והלך בדרכי לבך ובמראי עיניך ודע כי על כל אלה יביאך האלהים במשׁפט׃
Isaiah 33:15
15 הלך צדקות ודבר מישׁרים מאס בבצע מעשׁקות נער כפיו מתמך בשׁחד אטם אזנו משׁמע דמים ועצם עיניו מראות ברע׃
Ezekiel 6:9
9 וזכרו פליטיכם אותי בגוים אשׁר נשׁבו שׁם אשׁר נשׁברתי את לבם הזונה אשׁר סר מעלי ואת עיניהם הזנות אחרי גלוליהם ונקטו בפניהם אל הרעות אשׁר עשׂו לכל תועבתיהם׃
Ezekiel 14:3
3 בן אדם האנשׁים האלה העלו גלוליהם על לבם ומכשׁול עונם נתנו נכח פניהם האדרשׁ אדרשׁ׃
Ezekiel 14:7
7 כי אישׁ אישׁ מבית ישׂראל ומהגר אשׁר יגור בישׂראל וינזר מאחרי ויעל גלוליו אל לבו ומכשׁול עונו ישׂים נכח פניו ובא אל הנביא לדרשׁ לו בי אני יהוה נענה \'ec\'e5
Leviticus 26:16
16 אף אני אעשׂה זאת לכם והפקדתי עליכם בהלה את השׁחפת ואת הקדחת מכלות עינים ומדיבת נפשׁ וזרעתם לריק זרעכם ואכלהו איביכם׃
Deuteronomy 28:30-33
30 אשׁה תארשׂ ואישׁ אחר ישׁגלנה בית תבנה ולא תשׁב בו כרם תטע ולא תחללנו׃31 שׁורך טבוח לעיניך ולא תאכל ממנו חמרך גזול מלפניך ולא ישׁוב לך צאנך נתנות לאיביך ואין לך מושׁיע׃32 בניך ובנתיך נתנים לעם אחר ועיניך ראות וכלות אליהם כל היום ואין לאל ידך׃33 פרי אדמתך וכל יגיעך יאכל עם אשׁר לא ידעת והיית רק עשׁוק ורצוץ כל הימים׃
Deuteronomy 28:38
38 זרע רב תוציא השׂדה ומעט תאסף כי יחסלנו הארבה׃
Deuteronomy 28:51
51 ואכל פרי בהמתך ופרי אדמתך עד השׁמדך אשׁר לא ישׁאיר לך דגן תירושׁ ויצהר שׁגר אלפיך ועשׁתרת צאנך עד האבידו אתך׃
Judges 6:3-6
Job 5:4-5
Job 15:30
30 לא יסור מני חשׁך ינקתו תיבשׁ שׁלהבת ויסור ברוח פיו׃
Job 18:19
19 לא נין לו ולא נכד בעמו ואין שׂריד במגוריו׃
Job 20:18
18 משׁיב יגע ולא יבלע כחיל תמורתו ולא יעלס׃
Job 24:6
6 בשׂדה בלילו יקצירו וכרם רשׁע ילקשׁו׃
Psalms 109:13
13 יהי אחריתו להכרית בדור אחר ימח שׁמם׃
Micah 6:15
15 אתה תזרע ולא תקצור אתה תדרך זית ולא תסוך שׁמן ותירושׁ ולא תשׁתה יין׃
Judges 16:5
5 ויעלו אליה סרני פלשׁתים ויאמרו לה פתי אותו וראי במה כחו גדול ובמה נוכל לו ואסרנהו לענתו ואנחנו נתן לך אישׁ אלף ומאה כסף׃
1 Kings 11:4
4 ויהי לעת זקנת שׁלמה נשׁיו הטו את לבבו אחרי אלהים אחרים ולא היה לבבו שׁלם עם יהוה אלהיו כלבב דויד אביו׃
Nehemiah 13:26
26 הלוא על אלה חטא שׁלמה מלך ישׂראל ובגוים הרבים לא היה מלך כמהו ואהוב לאלהיו היה ויתנהו אלהים מלך על כל ישׂראל גם אותו החטיאו הנשׁים הנכריות׃
Job 24:15-16
Proverbs 2:16-19
Proverbs 5:3-23
3 כי נפת תטפנה שׂפתי זרה וחלק משׁמן חכה׃4 ואחריתה מרה כלענה חדה כחרב פיות׃5 רגליה ירדות מות שׁאול צעדיה יתמכו׃6 ארח חיים פן תפלס נעו מעגלתיה לא תדע׃7 ועתה בנים שׁמעו לי ואל תסורו מאמרי פי׃8 הרחק מעליה דרכך ואל תקרב אל פתח ביתה׃9 פן תתן לאחרים הודך ושׁנתיך לאכזרי׃10 פן ישׂבעו זרים כחך ועצביך בבית נכרי׃11 ונהמת באחריתך בכלות בשׂרך ושׁארך׃12 ואמרת איך שׂנאתי מוסר ותוכחת נאץ לבי׃13 ולא שׁמעתי בקול מורי ולמלמדי לא הטיתי אזני׃14 כמעט הייתי בכל רע בתוך קהל ועדה׃15 שׁתה מים מבורך ונזלים מתוך בארך׃16 יפוצו מעינתיך חוצה ברחבות פלגי מים׃17 יהיו לך לבדך ואין לזרים אתך׃18 יהי מקורך ברוך ושׂמח מאשׁת נעורך׃19 אילת אהבים ויעלת חן דדיה ירוך בכל עת באהבתה תשׁגה תמיד׃20 ולמה תשׁגה בני בזרה ותחבק חק נכריה׃21 כי נכח עיני יהוה דרכי אישׁ וכל מעגלתיו מפלס׃22 עוונותיו ילכדנו את הרשׁע ובחבלי חטאתו יתמך׃23 הוא ימות באין מוסר וברב אולתו ישׁגה׃
Proverbs 7:21
21 הטתו ברב לקחה בחלק שׂפתיה תדיחנו׃
Proverbs 22:14
14 שׁוחה עמקה פי זרות זעום יהוה יפול שׁם׃
Ecclesiastes 7:26
26 ומוצא אני מר ממות את האשׁה אשׁר היא מצודים וחרמים לבה אסורים ידיה טוב לפני האלהים ימלט ממנה וחוטא ילכד׃
Jeremiah 5:8
8 סוסים מיזנים משׁכים היו אישׁ אל אשׁת רעהו יצהלו׃
Hosea 7:4
4 כלם מנאפים כמו תנור בערה מאפה ישׁבות מעיר מלושׁ בצק עד חמצתו׃
Exodus 11:5
5 ומת כל בכור בארץ מצרים מבכור פרעה הישׁב על כסאו עד בכור השׁפחה אשׁר אחר הרחים וכל בכור בהמה׃
Deuteronomy 28:30
30 אשׁה תארשׂ ואישׁ אחר ישׁגלנה בית תבנה ולא תשׁב בו כרם תטע ולא תחללנו׃
2 Samuel 12:11
11 כה אמר יהוה הנני מקים עליך רעה מביתך ולקחתי את נשׁיך לעיניך ונתתי לרעיך ושׁכב עם נשׁיך לעיני השׁמשׁ הזאת׃
Isaiah 47:2
2 קחי רחים וטחני קמח גלי צמתך חשׂפי שׁבל גלי שׁוק עברי נהרות׃
Jeremiah 8:10
10 לכן אתן את נשׁיהם לאחרים שׂדותיהם ליורשׁים כי מקטן ועד גדול כלה בצע בצע מנביא ועד כהן כלה עשׂה שׁקר׃
Hosea 4:13-14
Genesis 20:9
9 ויקרא אבימלך לאברהם ויאמר לו מה עשׂית לנו ומה חטאתי לך כי הבאת עלי ועל ממלכתי חטאה גדלה מעשׂים אשׁר לא יעשׂו עשׂית עמדי׃
Genesis 26:10
10 ויאמר אבימלך מה זאת עשׂית לנו כמעט שׁכב אחד העם את אשׁתך והבאת עלינו אשׁם׃
Genesis 38:24
24 ויהי כמשׁלשׁ חדשׁים ויגד ליהודה לאמר זנתה תמר כלתך וגם הנה הרה לזנונים ויאמר יהודה הוציאוה ותשׂרף׃
Genesis 39:9
9 איננו גדול בבית הזה ממני ולא חשׂך ממני מאומה כי אם אותך באשׁר את אשׁתו ואיך אעשׂה הרעה הגדלה הזאת וחטאתי לאלהים׃
Exodus 20:14
14 לא תנאף׃
Leviticus 20:10
10 ואישׁ אשׁר ינאף את אשׁת אישׁ אשׁר ינאף את אשׁת רעהו מות יומת הנאף והנאפת׃
Deuteronomy 22:22-24
Job 31:28
28 גם הוא עון פלילי כי כחשׁתי לאל ממעל׃
Proverbs 6:29-33
Ezekiel 16:38
38 ושׁפטתיך משׁפטי נאפות ושׁפכת דם ונתתיך דם חמה וקנאה׃
Job 20:28
28 יגל יבול ביתו נגרות ביום אפו׃
Job 26:6
6 ערום שׁאול נגדו ואין כסות לאבדון׃
Proverbs 3:33
33 מארת יהוה בבית רשׁע ונוה צדיקים יברך׃
Proverbs 6:27
27 היחתה אישׁ אשׁ בחיקו ובגדיו לא תשׂרפנה׃
Jeremiah 5:7-9
Malachi 3:5
5 וקרבתי אליכם למשׁפט והייתי עד ממהר במכשׁפים ובמנאפים ובנשׁבעים לשׁקר ובעשׁקי שׂכר שׂכיר אלמנה ויתום ומטי גר ולא יראוני אמר יהוה צבאות׃
Exodus 21:20-21
Exodus 21:26-27
Leviticus 25:43
43 לא תרדה בו בפרך ויראת מאלהיך׃
Leviticus 25:46
46 והתנחלתם אתם לבניכם אחריכם לרשׁת אחזה לעלם בהם תעבדו ובאחיכם בני ישׂראל אישׁ באחיו לא תרדה בו בפרך׃
Deuteronomy 15:12-15
Deuteronomy 24:14-15
Jeremiah 34:14-17
14 מקץ שׁבע שׁנים תשׁלחו אישׁ את אחיו העברי אשׁר ימכר לך ועבדך שׁשׁ שׁנים ושׁלחתו חפשׁי מעמך ולא שׁמעו אבותיכם אלי ולא הטו את אזנם׃15 ותשׁבו אתם היום ותעשׂו את הישׁר בעיני לקרא דרור אישׁ לרעהו ותכרתו ברית לפני בבית אשׁר נקרא שׁמי עליו׃16 ותשׁבו ותחללו את שׁמי ותשׁבו אישׁ את עבדו ואישׁ את שׁפחתו אשׁר שׁלחתם חפשׁים לנפשׁם ותכבשׁו אתם להיות לכם לעבדים ולשׁפחות׃17 לכן כה אמר יהוה אתם לא שׁמעתם אלי לקרא דרור אישׁ לאחיו ואישׁ לרעהו הנני קרא לכם דרור נאם יהוה אל החרב אל הדבר ואל הרעב ונתתי אתכם לזועה לכל ממלכות הארץ׃
Job 9:32
32 כי לא אישׁ כמני אעננו נבוא יחדו במשׁפט׃
Job 10:2
2 אמר אל אלוה אל תרשׁיעני הודיעני על מה תריבני׃
Psalms 7:6
6 (7:7) קומה יהוה באפך הנשׂא בעברות צוררי ועורה אלי משׁפט צוית׃
Psalms 9:12
12 (9:13) כי דרשׁ דמים אותם זכר לא שׁכח צעקת עניים׃
Psalms 9:19
19 (9:20) קומה יהוה אל יעז אנושׁ ישׁפטו גוים על פניך׃
Psalms 10:12-15
Psalms 76:9
9 (76:10) בקום למשׁפט אלהים להושׁיע כל ענוי ארץ סלה׃
Psalms 143:2
2 ואל תבוא במשׁפט את עבדך כי לא יצדק לפניך כל חי׃
Isaiah 10:3
3 ומה תעשׂו ליום פקדה ולשׁואה ממרחק תבוא על מי תנוסו לעזרה ואנה תעזבו כבודכם׃
Hosea 9:7
7 באו ימי הפקדה באו ימי השׁלם ידעו ישׂראל אויל הנביא משׁגע אישׁ הרוח על רב עונך ורבה משׂטמה׃
Micah 7:4
4 טובם כחדק ישׁר ממסוכה יום מצפיך פקדתך באה עתה תהיה מבוכתם׃
Zechariah 2:13
13 (2:17) הס כל בשׂר מפני יהוה כי נעור ממעון קדשׁו׃
Nehemiah 5:5
5 ועתה כבשׂר אחינו בשׂרנו כבניהם בנינו והנה אנחנו כבשׁים את בנינו ואת בנתינו לעבדים וישׁ מבנתינו נכבשׁות ואין לאל ידנו ושׂדתינו וכרמינו לאחרים׃
Job 10:3
3 הטוב לך כי תעשׁק כי תמאס יגיע כפיך ועל עצת רשׁעים הופעת׃
Job 10:8-12
Job 34:19
19 אשׁר לא נשׂא פני שׂרים ולא נכר שׁוע לפני דל כי מעשׂה ידיו כלם׃
Psalms 139:14-16
Proverbs 14:31
31 עשׁק דל חרף עשׂהו ומכבדו חנן אביון׃
Proverbs 22:2
2 עשׁיר ורשׁ נפגשׁו עשׂה כלם יהוה׃
Isaiah 58:7
7 הלוא פרס לרעב לחמך ועניים מרודים תביא בית כי תראה ערם וכסיתו ומבשׂרך לא תתעלם׃
Malachi 2:10
10 הלוא אב אחד לכלנו הלוא אל אחד בראנו מדוע נבגד אישׁ באחיו לחלל ברית אבתינו׃
Deuteronomy 15:7-10
7 כי יהיה בך אביון מאחד אחיך באחד שׁעריך בארצך אשׁר יהוה אלהיך נתן לך לא תאמץ את לבבך ולא תקפץ את ידך מאחיך האביון׃8 כי פתח תפתח את ידך לו והעבט תעביטנו די מחסרו אשׁר יחסר׃9 השׁמר לך פן יהיה דבר עם לבבך בליעל לאמר קרבה שׁנת השׁבע שׁנת השׁמטה ורעה עינך באחיך האביון ולא תתן לו וקרא עליך אל יהוה והיה בך חטא׃10 נתון תתן לו ולא ירע לבבך בתתך לו כי בגלל הדבר הזה יברכך יהוה אלהיך בכל מעשׂך ובכל משׁלח ידך׃
Deuteronomy 28:32
32 בניך ובנתיך נתנים לעם אחר ועיניך ראות וכלות אליהם כל היום ואין לאל ידך׃
Job 5:16
16 ותהי לדל תקוה ועלתה קפצה פיה׃
Job 20:19
19 כי רצץ עזב דלים בית גזל ולא יבנהו׃
Job 22:7-9
Psalms 69:3
3 (69:4) יגעתי בקראי נחר גרוני כלו עיני מיחל לאלהי׃
Psalms 112:9
9 פזר נתן לאביונים צדקתו עמדת לעד קרנו תרום בכבוד׃
Psalms 119:82
82 כלו עיני לאמרתך לאמר מתי תנחמני׃
Psalms 119:123
123 עיני כלו לישׁועתך ולאמרת צדקך׃
Isaiah 38:14
14 כסוס עגור כן אצפצף אהגה כיונה דלו עיני למרום אדני עשׁקה לי ערבני׃
Lamentations 4:17
17 עודינה תכלינה עינינו אל עזרתנו הבל בצפיתנו צפינו אל גוי לא יושׁע׃
Deuteronomy 15:11
11 כי לא יחדל אביון מקרב הארץ על כן אנכי מצוך לאמר פתח תפתח את ידך לאחיך לעניך ולאבינך בארצך׃
Deuteronomy 15:14
14 העניק תעניק לו מצאנך ומגרנך ומיקבך אשׁר ברכך יהוה אלהיך תתן׃
Nehemiah 8:10
10 ויאמר להם לכו אכלו משׁמנים ושׁתו ממתקים ושׁלחו מנות לאין נכון לו כי קדושׁ היום לאדנינו ואל תעצבו כי חדות יהוה היא מעזכם׃
Job 22:7
7 לא מים עיף תשׁקה ומרעב תמנע לחם׃
Job 29:12-16
Ezekiel 18:7
7 ואישׁ לא יונה חבלתו חוב ישׁיב גזלה לא יגזל לחמו לרעב יתן ועירם יכסה בגד׃
Ezekiel 18:16
16 ואישׁ לא הונה חבל לא חבל וגזלה לא גזל לחמו לרעב נתן וערום כסה בגד׃
2 Chronicles 28:15
15 ויקמו האנשׁים אשׁר נקבו בשׁמות ויחזיקו בשׁביה וכל מערמיהם הלבישׁו מן השׁלל וילבשׁום וינעלום ויאכלום וישׁקום ויסכום וינהלום בחמרים לכל כושׁל ויביאום ירחו עיר התמרים אצל אחיהם וישׁובו שׁמרון׃
Job 22:6
6 כי תחבל אחיך חנם ובגדי ערומים תפשׁיט׃
Job 24:4
4 יטו אביונים מדרך יחד חבאו עניי ארץ׃
Job 29:13
13 ברכת אבד עלי תבא ולב אלמנה ארנן׃
Deuteronomy 24:13
13 השׁב תשׁיב לו את העבוט כבוא השׁמשׁ ושׁכב בשׂלמתו וברכך ולך תהיה צדקה לפני יהוה אלהיך׃
Job 29:11
11 כי אזן שׁמעה ותאשׁרני ועין ראתה ותעידני׃
Job 6:27
27 אף על יתום תפילו ותכרו על ריעכם׃
Job 22:9
9 אלמנות שׁלחת ריקם וזרעות יתמים ידכא׃
Job 24:9
9 יגזלו משׁד יתום ועל עני יחבלו׃
Job 29:12
12 כי אמלט עני משׁוע ויתום ולא עזר׃
Proverbs 23:10-11
Jeremiah 5:28
28 שׁמנו עשׁתו גם עברו דברי רע דין לא דנו דין יתום ויצליחו ומשׁפט אביונים לא שׁפטו׃
Ezekiel 22:7
7 אב ואם הקלו בך לגר עשׂו בעשׁק בתוכך יתום ואלמנה הונו׃
Micah 2:1-2
Micah 7:3
3 על הרע כפים להיטיב השׂר שׁאל והשׁפט בשׁלום והגדול דבר הות נפשׁו הוא ויעבתוה׃
Joshua 22:22-23
Job 31:10
10 תטחן לאחר אשׁתי ועליה יכרעון אחרין׃
Job 31:40
40 תחת חטה יצא חוח ותחת שׂערה באשׁה תמו דברי איוב׃
Job 38:15
15 וימנע מרשׁעים אורם וזרוע רמה תשׁבר׃
Psalms 137:6
6 תדבק לשׁוני לחכי אם לא אזכרכי אם לא אעלה את ירושׁלם על ראשׁ שׂמחתי׃
Job 13:11
11 הלא שׂאתו תבעת אתכם ופחדו יפל עליכם׃
Job 20:23
23 יהי למלא בטנו ישׁלח בו חרון אפו וימטר עלימו בלחומו׃
Job 21:20
20 יראו עינו כידו ומחמת שׁדי ישׁתה׃
Job 40:9
9 ואם זרוע כאל לך ובקול כמהו תרעם׃
Job 42:5-6
Psalms 76:7
7 (76:8) אתה נורא אתה ומי יעמד לפניך מאז אפך׃
Psalms 119:120
120 סמר מפחדך בשׂרי וממשׁפטיך יראתי׃
Isaiah 13:6
6 הילילו כי קרוב יום יהוה כשׁד משׁדי יבוא׃
Joel 1:15
15 אהה ליום כי קרוב יום יהוה וכשׁד משׁדי יבוא׃
Genesis 31:1
1 וישׁמע את דברי בני לבן לאמר לקח יעקב את כל אשׁר לאבינו ומאשׁר לאבינו עשׂה את כל הכבד הזה׃
Deuteronomy 8:12-14
Psalms 49:6-7
Psalms 49:17
17 (49:18) כי לא במותו יקח הכל לא ירד אחריו כבודו׃
Psalms 52:7
7 (52:9) הנה הגבר לא ישׂים אלהים מעוזו ויבטח ברב עשׁרו יעז בהותו׃
Psalms 62:10
10 (62:11) אל תבטחו בעשׁק ובגזל אל תהבלו חיל כי ינוב אל תשׁיתו לב׃
Proverbs 10:15
15 הון עשׁיר קרית עזו מחתת דלים רישׁם׃
Proverbs 11:28
28 בוטח בעשׁרו הוא יפל וכעלה צדיקים יפרחו׃
Proverbs 30:9
9 פן אשׂבע וכחשׁתי ואמרתי מי יהוה ופן אורשׁ וגנבתי ותפשׂתי שׁם אלהי׃
Deuteronomy 8:17-18
Esther 5:11
11 ויספר להם המן את כבוד עשׁרו ורב בניו ואת כל אשׁר גדלו המלך ואת אשׁר נשׂאו על השׂרים ועבדי המלך׃
Proverbs 23:5
5 התעוף עיניך בו ואיננו כי עשׂה יעשׂה לו כנפים כנשׁר ועיף השׁמים׃
Isaiah 10:13-14
Jeremiah 9:23
23 (9:22) כה אמר יהוה אל יתהלל חכם בחכמתו ואל יתהלל הגבור בגבורתו אל יתהלל עשׁיר בעשׁרו׃
Ezekiel 28:5
5 ברב חכמתך ברכלתך הרבית חילך ויגבה לבבך בחילך׃
Daniel 4:30
30 (4:27) ענה מלכא ואמר הלא דא היא בבל רבתא די אנה בניתה לבית מלכו בתקף חסני וליקר הדרי׃
Hosea 12:8
8 (12:9) ויאמר אפרים אך עשׁרתי מצאתי און לי כל יגיעי לא ימצאו לי עון אשׁר חטא׃
Habakkuk 1:16
16 על כן יזבח לחרמו ויקטר למכמרתו כי בהמה שׁמן חלקו ומאכלו בראה׃
Genesis 1:16-18
Deuteronomy 4:19
19 ופן תשׂא עיניך השׁמימה וראית את השׁמשׁ ואת הירח ואת הכוכבים כל צבא השׁמים ונדחת והשׁתחוית להם ועבדתם אשׁר חלק יהוה אלהיך אתם לכל העמים תחת כל השׁמים׃
Deuteronomy 11:16
16 השׁמרו לכם פן יפתה לבבכם וסרתם ועבדתם אלהים אחרים והשׁתחויתם׃
Deuteronomy 17:3
3 וילך ויעבד אלהים אחרים וישׁתחו להם ולשׁמשׁ או לירח או לכל צבא השׁמים אשׁר לא צויתי׃
2 Kings 23:5
5 והשׁבית את הכמרים אשׁר נתנו מלכי יהודה ויקטר בבמות בערי יהודה ומסבי ירושׁלם ואת המקטרים לבעל לשׁמשׁ ולירח ולמזלות ולכל צבא השׁמים׃
2 Kings 23:11
11 וישׁבת את הסוסים אשׁר נתנו מלכי יהודה לשׁמשׁ מבא בית יהוה אל לשׁכת נתן מלך הסריס אשׁר בפרורים ואת מרכבות השׁמשׁ שׂרף באשׁ׃
Psalms 8:3-4
Jeremiah 8:2
2 ושׁטחום לשׁמשׁ ולירח ולכל צבא השׁמים אשׁר אהבום ואשׁר עבדום ואשׁר הלכו אחריהם ואשׁר דרשׁום ואשׁר השׁתחוו להם לא יאספו ולא יקברו לדמן על פני האדמה יהיו׃
Jeremiah 44:17
17 כי עשׂה נעשׂה את כל הדבר אשׁר יצא מפינו לקטר למלכת השׁמים והסיך לה נסכים כאשׁר עשׂינו אנחנו ואבתינו מלכינו ושׂרינו בערי יהודה ובחצות ירושׁלם ונשׂבע לחם ונהיה טובים ורעה לא ראינו׃
Ezekiel 8:16
16 ויבא אתי אל חצר בית יהוה הפנימית והנה פתח היכל יהוה בין האולם ובין המזבח כעשׂרים וחמשׁה אישׁ אחריהם אל היכל יהוה ופניהם קדמה והמה משׁתחויתם קדמה לשׁמשׁ׃
Deuteronomy 13:6
6 (13:7) כי יסיתך אחיך בן אמך או בנך או בתך או אשׁת חיקך או רעך אשׁר כנפשׁך בסתר לאמר נלכה ונעבדה אלהים אחרים אשׁר לא ידעת אתה ואבתיך׃
1 Kings 19:18
18 והשׁארתי בישׂראל שׁבעת אלפים כל הברכים אשׁר לא כרעו לבעל וכל הפה אשׁר לא נשׁק׃
Psalms 2:12
12 נשׁקו בר פן יאנף ותאבדו דרך כי יבער כמעט אפו אשׁרי כל חוסי׃
Isaiah 44:20
20 רעה אפר לב הותל הטהו ולא יציל את נפשׁו ולא יאמר הלוא שׁקר בימיני׃
Hosea 13:2
2 ועתה יוספו לחטא ויעשׂו להם מסכה מכספם כתבונם עצבים מעשׂה חרשׁים כלה להם הם אמרים זבחי אדם עגלים ישׁקון׃
Genesis 18:25
25 חללה לך מעשׂת כדבר הזה להמית צדיק עם רשׁע והיה כצדיק כרשׁע חללה לך השׁפט כל הארץ לא יעשׂה משׁפט׃
Deuteronomy 17:2-7
2 כי ימצא בקרבך באחד שׁעריך אשׁר יהוה אלהיך נתן לך אישׁ או אשׁה אשׁר יעשׂה את הרע בעיני יהוה אלהיך לעבר בריתו׃3 וילך ויעבד אלהים אחרים וישׁתחו להם ולשׁמשׁ או לירח או לכל צבא השׁמים אשׁר לא צויתי׃4 והגד לך ושׁמעת ודרשׁת היטב והנה אמת נכון הדבר נעשׂתה התועבה הזאת בישׂראל׃5 והוצאת את האישׁ ההוא או את האשׁה ההוא אשׁר עשׂו את הדבר הרע הזה אל שׁעריך את האישׁ או את האשׁה וסקלתם באבנים ומתו׃6 על פי שׁנים עדים או שׁלשׁה עדים יומת המת לא יומת על פי עד אחד׃7 יד העדים תהיה בו בראשׁנה להמיתו ויד כל העם באחרנה ובערת הרע מקרבך׃
Deuteronomy 17:9
9 ובאת אל הכהנים הלוים ואל השׁפט אשׁר יהיה בימים ההם ודרשׁת והגידו לך את דבר המשׁפט׃
Joshua 24:23
23 ועתה הסירו את אלהי הנכר אשׁר בקרבכם והטו את לבבכם אל יהוה אלהי ישׂראל׃
Joshua 24:27
27 ויאמר יהושׁע אל כל העם הנה האבן הזאת תהיה בנו לעדה כי היא שׁמעה את כל אמרי יהוה אשׁר דבר עמנו והיתה בכם לעדה פן תכחשׁון באלהיכם׃
Judges 11:27
27 ואנכי לא חטאתי לך ואתה עשׂה אתי רעה להלחם בי ישׁפט יהוה השׁפט היום בין בני ישׂראל ובין בני עמון׃
Job 9:15
15 אשׁר אם צדקתי לא אענה למשׁפטי אתחנן׃
Job 23:7
7 שׁם ישׁר נוכח עמו ואפלטה לנצח משׁפטי׃
Job 31:11
11 כי הוא זמה והיא עון פלילים׃
Psalms 50:6
6 ויגידו שׁמים צדקו כי אלהים שׁפט הוא סלה׃
2 Samuel 1:12
12 ויספדו ויבכו ויצמו עד הערב על שׁאול ועל יהונתן בנו ועל עם יהוה ועל בית ישׂראל כי נפלו בחרב׃
2 Samuel 4:10-11
2 Samuel 16:5-8
5 ובא המלך דוד עד בחורים והנה משׁם אישׁ יוצא ממשׁפחת בית שׁאול ושׁמו שׁמעי בן גרא יצא יצוא ומקלל׃6 ויסקל באבנים את דוד ואת כל עבדי המלך דוד וכל העם וכל הגברים מימינו ומשׂמאלו׃7 וכה אמר שׁמעי בקללו צא צא אישׁ הדמים ואישׁ הבליעל׃8 השׁיב עליך יהוה כל דמי בית שׁאול אשׁר מלכת תחתו ויתן יהוה את המלוכה ביד אבשׁלום בנך והנך ברעתך כי אישׁ דמים אתה׃
Psalms 35:13-14
Psalms 35:25-26
Proverbs 17:5
5 לעג לרשׁ חרף עשׂהו שׂמח לאיד לא ינקה׃
Proverbs 24:17-18
Obadiah 1:12
12 ואל תרא ביום אחיך ביום נכרו ואל תשׂמח לבני יהודה ביום אבדם ואל תגדל פיך ביום צרה׃
Exodus 23:4-5
Ecclesiastes 5:2
2 (5:1) אל תבהל על פיך ולבך אל ימהר להוציא דבר לפני האלהים כי האלהים בשׁמים ואתה על הארץ על כן יהיו דבריך מעטים׃
Ecclesiastes 5:6
6 (5:5) אל תתן את פיך לחטיא את בשׂרך ואל תאמר לפני המלאך כי שׁגגה היא למה יקצף האלהים על קולך וחבל את מעשׂה ידיך׃
1 Samuel 24:4
4 (24:5) ויאמרו אנשׁי דוד אליו הנה היום אשׁר אמר יהוה אליך הנה אנכי נתן את איביך בידך ועשׂית לו כאשׁר יטב בעיניך ויקם דוד ויכרת את כנף המעיל אשׁר לשׁאול בלט׃
1 Samuel 24:10
10 (24:11) הנה היום הזה ראו עיניך את אשׁר נתנך יהוה היום בידי במערה ואמר להרגך ותחס עליך ואמר לא אשׁלח ידי באדני כי משׁיח יהוה הוא׃
1 Samuel 26:8
8 ויאמר אבישׁי אל דוד סגר אלהים היום את אויבך בידך ועתה אכנו נא בחנית ובארץ פעם אחת ולא אשׁנה׃
2 Samuel 16:9-10
2 Samuel 19:21-22
Job 19:22
22 למה תרדפני כמו אל ומבשׂרי לא תשׂבעו׃
Psalms 27:2
2 בקרב עלי מרעים לאכל את בשׂרי צרי ואיבי לי המה כשׁלו ונפלו׃
Psalms 35:25
25 אל יאמרו בלבם האח נפשׁנו אל יאמרו בלענוהו׃
Proverbs 1:11-12
Proverbs 1:18
18 והם לדמם יארבו יצפנו לנפשׁתם׃
Jeremiah 40:15-16
Micah 3:2-3
Genesis 19:2-3
Judges 19:15
15 ויסרו שׁם לבוא ללון בגבעה ויבא וישׁב ברחוב העיר ואין אישׁ מאסף אותם הביתה ללון׃
Judges 19:20-21
Job 31:17-18
Genesis 3:7-8
Genesis 3:12
12 ויאמר האדם האשׁה אשׁר נתתה עמדי הוא נתנה לי מן העץ ואכל׃
Joshua 7:11
11 חטא ישׂראל וגם עברו את בריתי אשׁר צויתי אותם וגם לקחו מן החרם וגם גנבו וגם כחשׁו וגם שׂמו בכליהם׃
Proverbs 28:13
13 מכסה פשׁעיו לא יצליח ומודה ועזב ירחם׃
Hosea 6:7
7 והמה כאדם עברו ברית שׁם בגדו׃
Exodus 23:2
2 לא תהיה אחרי רבים לרעת ולא תענה על רב לנטת אחרי רבים להטת׃
Exodus 32:27
27 ויאמר להם כה אמר יהוה אלהי ישׂראל שׂימו אישׁ חרבו על ירכו עברו ושׁובו משׁער לשׁער במחנה והרגו אישׁ את אחיו ואישׁ את רעהו ואישׁ את קרבו׃
Numbers 25:14-15
Nehemiah 5:7
7 וימלך לבי עלי ואריבה את החרים ואת הסגנים ואמרה להם משׁא אישׁ באחיו אתם נשׁאים ואתן עליהם קהלה גדולה׃
Nehemiah 13:4-8
4 ולפני מזה אלישׁיב הכהן נתון בלשׁכת בית אלהינו קרוב לטוביה׃5 ויעשׂ לו לשׁכה גדולה ושׁם היו לפנים נתנים את המנחה הלבונה והכלים ומעשׂר הדגן התירושׁ והיצהר מצות הלוים והמשׁררים והשׁערים ותרומת הכהנים׃6 ובכל זה לא הייתי בירושׁלם כי בשׁנת שׁלשׁים ושׁתים לארתחשׁסתא מלך בבל באתי אל המלך ולקץ ימים נשׁאלתי מן המלך׃7 ואבוא לירושׁלם ואבינה ברעה אשׁר עשׂה אלישׁיב לטוביה לעשׂות לו נשׁכה בחצרי בית האלהים׃8 וירע לי מאד ואשׁליכה את כל כלי בית טוביה החוץ מן הלשׁכה׃
Nehemiah 13:28
28 ומבני יוידע בן אלישׁיב הכהן הגדול חתן לסנבלט החרני ואבריחהו מעלי׃
Esther 4:11
11 כל עבדי המלך ועם מדינות המלך ידעים אשׁר כל אישׁ ואשׁה אשׁר יבוא אל המלך אל החצר הפנימית אשׁר לא יקרא אחת דתו להמית לבד מאשׁר יושׁיט לו המלך את שׁרביט הזהב וחיה ואני לא נקראתי לבוא אל המלך זה שׁלושׁים יום׃
Esther 4:14
14 כי אם החרשׁ תחרישׁי בעת הזאת רוח והצלה יעמוד ליהודים ממקום אחר ואת ובית אביך תאבדו ומי יודע אם לעת כזאת הגעת למלכות׃
Job 22:8
8 ואישׁ זרוע לו הארץ ונשׂוא פנים ישׁב׃
Proverbs 24:11-12
Proverbs 29:25
25 חרדת אדם יתן מוקשׁ ובוטח ביהוה ישׂגב׃
Jeremiah 38:4-5
Jeremiah 38:16
16 וישׁבע המלך צדקיהו אל ירמיהו בסתר לאמר חי יהוה את אשׁר עשׂה לנו את הנפשׁ הזאת אם אמיתך ואם אתנך ביד האנשׁים האלה אשׁר מבקשׁים את נפשׁך׃
Jeremiah 38:19
19 ויאמר המלך צדקיהו אל ירמיהו אני דאג את היהודים אשׁר נפלו אל הכשׂדים פן יתנו אתי בידם והתעללו׃
Amos 5:11-13
Job 13:3
3 אולם אני אל שׁדי אדבר והוכח אל אל אחפץ׃
Job 13:21-22
Job 13:24
24 למה פניך תסתיר ותחשׁבני לאויב׃
Job 17:3
3 שׂימה נא ערבני עמך מי הוא לידי יתקע׃
Job 19:7
7 הן אצעק חמס ולא אענה אשׁוע ואין משׁפט׃
Job 19:11
11 ויחר עלי אפו ויחשׁבני לו כצריו׃
Job 19:23-24
Job 23:3-7
Job 27:7
7 יהי כרשׁע איבי ומתקוממי כעול׃
Job 30:28
28 קדר הלכתי בלא חמה קמתי בקהל אשׁוע׃
Job 33:6
6 הן אני כפיך לאל מחמר קרצתי גם אני׃
Job 33:10-11
Job 35:14
14 אף כי תאמר לא תשׁורנו דין לפניו ותחולל׃
Job 38:1-3
Job 40:4-5
Exodus 28:12
12 ושׂמת את שׁתי האבנים על כתפת האפד אבני זכרן לבני ישׂראל ונשׂא אהרן את שׁמותם לפני יהוה על שׁתי כתפיו לזכרן׃
Job 29:14
14 צדק לבשׁתי וילבשׁני כמעיל וצניף משׁפטי׃
Isaiah 22:22
22 ונתתי מפתח בית דוד על שׁכמו ופתח ואין סגר וסגר ואין פתח׃
Isaiah 62:3
3 והיית עטרת תפארת ביד יהוה וצנוף מלוכה בכף אלהיך׃
Genesis 32:28
28 (32:29) ויאמר לא יעקב יאמר עוד שׁמך כי אם ישׂראל כי שׂרית עם אלהים ועם אנשׁים ותוכל׃
Job 1:3
3 ויהי מקנהו שׁבעת אלפי צאן ושׁלשׁת אלפי גמלים וחמשׁ מאות צמד בקר וחמשׁ מאות אתונות ועבדה רבה מאד ויהי האישׁ ההוא גדול מכל בני קדם׃
Job 9:3
3 אם יחפץ לריב עמו לא יעננו אחת מני אלף׃
Job 13:15
15 הן יקטלני לא איחל אך דרכי אל פניו אוכיח׃
Job 29:25
25 אבחר דרכם ואשׁב ראשׁ ואשׁכון כמלך בגדוד כאשׁר אבלים ינחם׃
Job 42:3-6
Psalms 19:12
12 (19:13) שׁגיאות מי יבין מנסתרות נקני׃
Job 20:27
27 יגלו שׁמים עונו וארץ מתקוממה׃
Psalms 65:13
13 (65:14) לבשׁו כרים הצאן ועמקים יעטפו בר יתרועעו אף ישׁירו׃
Habakkuk 2:11
11 כי אבן מקיר תזעק וכפיס מעץ יעננה׃
Genesis 4:12
12 כי תעבד את האדמה לא תסף תת כחה לך נע ונד תהיה בארץ׃
1 Kings 21:13-16
13 ויבאו שׁני האנשׁים בני בליעל וישׁבו נגדו ויעדהו אנשׁי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃14 וישׁלחו אל איזבל לאמר סקל נבות וימת׃15 ויהי כשׁמע איזבל כי סקל נבות וימת ותאמר איזבל אל אחאב קום רשׁ את כרם נבות היזרעאלי אשׁר מאן לתת לך בכסף כי אין נבות חי כי מת׃16 ויהי כשׁמע אחאב כי מת נבות ויקם אחאב לרדת אל כרם נבות היזרעאלי לרשׁתו׃
1 Kings 21:19
19 ודברת אליו לאמר כה אמר יהוה הרצחת וגם ירשׁת ודברת אליו לאמר כה אמר יהוה במקום אשׁר לקקו הכלבים את דם נבות ילקו הכלבים את דמך גם אתה׃
Proverbs 1:19
19 כן ארחות כל בצע בצע את נפשׁ בעליו יקח׃
Isaiah 26:21
21 כי הנה יהוה יצא ממקומו לפקד עון ישׁב הארץ עליו וגלתה הארץ את דמיה ולא תכסה עוד על הרוגיה׃
Ezekiel 22:6
6 הנה נשׂיאי ישׂראל אישׁ לזרעו היו בך למען שׁפך דם׃
Ezekiel 22:12-13
Genesis 3:17-18
Psalms 72:20
20 כלו תפלות דוד בן ישׁי׃
Isaiah 7:23
23 והיה ביום ההוא יהיה כל מקום אשׁר יהיה שׁם אלף גפן באלף כסף לשׁמיר ולשׁית יהיה׃
Zephaniah 2:9
9 לכן חי אני נאם יהוה צבאות אלהי ישׂראל כי מואב כסדם תהיה ובני עמון כעמרה ממשׁק חרול ומכרה מלח ושׁממה עד עולם שׁארית עמי יבזום ויתר גוי ינחלום׃
Malachi 1:3
3 ואת עשׂו שׂנאתי ואשׂים את הריו שׁממה ואת נחלתו לתנות מדבר׃