Job 36 Cross References - HOT

1 ויסף אליהוא ויאמר׃2 כתר לי זעיר ואחוך כי עוד לאלוה מלים׃3 אשׂא דעי למרחוק ולפעלי אתן צדק׃4 כי אמנם לא שׁקר מלי תמים דעות עמך׃5 הן אל כביר ולא ימאס כביר כח לב׃6 לא יחיה רשׁע ומשׁפט עניים יתן׃7 לא יגרע מצדיק עיניו ואת מלכים לכסא וישׁיבם לנצח ויגבהו׃8 ואם אסורים בזקים ילכדון בחבלי עני׃9 ויגד להם פעלם ופשׁעיהם כי יתגברו׃10 ויגל אזנם למוסר ויאמר כי ישׁבון מאון׃11 אם ישׁמעו ויעבדו יכלו ימיהם בטוב ושׁניהם בנעימים׃12 ואם לא ישׁמעו בשׁלח יעברו ויגועו בבלי דעת׃13 וחנפי לב ישׂימו אף לא ישׁועו כי אסרם׃14 תמת בנער נפשׁם וחיתם בקדשׁים׃15 יחלץ עני בעניו ויגל בלחץ אזנם׃16 ואף הסיתך מפי צר רחב לא מוצק תחתיה ונחת שׁלחנך מלא דשׁן׃17 ודין רשׁע מלאת דין ומשׁפט יתמכו׃18 כי חמה פן יסיתך בספק ורב כפר אל יטך׃19 היערך שׁועך לא בצר וכל מאמצי כח׃20 אל תשׁאף הלילה לעלות עמים תחתם׃21 השׁמר אל תפן אל און כי על זה בחרת מעני׃22 הן אל ישׂגיב בכחו מי כמהו מורה׃23 מי פקד עליו דרכו ומי אמר פעלת עולה׃24 זכר כי תשׂגיא פעלו אשׁר שׁררו אנשׁים׃25 כל אדם חזו בו אנושׁ יביט מרחוק׃26 הן אל שׂגיא ולא נדע מספר שׁניו ולא חקר׃27 כי יגרע נטפי מים יזקו מטר לאדו׃28 אשׁר יזלו שׁחקים ירעפו עלי אדם רב׃29 אף אם יבין מפרשׂי עב תשׁאות סכתו׃30 הן פרשׂ עליו אורו ושׁרשׁי הים כסה׃31 כי בם ידין עמים יתן אכל למכביר׃32 על כפים כסה אור ויצו עליה במפגיע׃33 יגיד עליו רעו מקנה אף על עולה׃

Exodus 4:16

16 ודבר הוא לך אל העם והיה הוא יהיה לך לפה ואתה תהיה לו לאלהים׃

Job 13:7-8

7 הלאל תדברו עולה ולו תדברו רמיה׃8 הפניו תשׂאון אם לאל תריבון׃

Job 21:3

3 שׂאוני ואנכי אדבר ואחר דברי תלעיג׃

Job 33:6

6 הן אני כפיך לאל מחמר קרצתי גם אני׃

Job 33:31-33

31 הקשׁב איוב שׁמע לי החרשׁ ואנכי אדבר׃32 אם ישׁ מלין השׁיבני דבר כי חפצתי צדקך׃33 אם אין אתה שׁמע לי החרשׁ ואאלפך חכמה׃

Jeremiah 15:19

19 לכן כה אמר יהוה אם תשׁוב ואשׁיבך לפני תעמד ואם תוציא יקר מזולל כפי תהיה ישׁבו המה אליך ואתה לא תשׁוב אליהם׃

Ezekiel 2:7

7 ודברת את דברי אליהם אם ישׁמעו ואם יחדלו כי מרי המה׃

Deuteronomy 32:4

4 הצור תמים פעלו כי כל דרכיו משׁפט אל אמונה ואין עול צדיק וישׁר הוא׃

Job 8:3

3 האל יעות משׁפט ואם שׁדי יעות צדק׃

Job 28:12-13

12 והחכמה מאין תמצא ואי זה מקום בינה׃13 לא ידע אנושׁ ערכה ולא תמצא בארץ החיים׃

Job 28:20-24

20 והחכמה מאין תבוא ואי זה מקום בינה׃21 ונעלמה מעיני כל חי ומעוף השׁמים נסתרה׃22 אבדון ומות אמרו באזנינו שׁמענו שׁמעה׃23 אלהים הבין דרכה והוא ידע את מקומה׃24 כי הוא לקצות הארץ יביט תחת כל השׁמים יראה׃

Job 32:2

2 ויחר אף אליהוא בן ברכאל הבוזי ממשׁפחת רם באיוב חרה אפו על צדקו נפשׁו מאלהים׃

Job 32:8

8 אכן רוח היא באנושׁ ונשׁמת שׁדי תבינם׃

Job 34:5

5 כי אמר איוב צדקתי ואל הסיר משׁפטי׃

Job 34:10-12

10 לכן אנשׁי לבב שׁמעו לי חללה לאל מרשׁע ושׁדי מעול׃11 כי פעל אדם ישׁלם לו וכארח אישׁ ימצאנו׃12 אף אמנם אל לא ירשׁיע ושׁדי לא יעות משׁפט׃

Job 37:23

23 שׁדי לא מצאנהו שׂגיא כח ומשׁפט ורב צדקה לא יענה׃

Psalms 11:7

7 כי צדיק יהוה צדקות אהב ישׁר יחזו פנימו׃

Psalms 145:17

17 צדיק יהוה בכל דרכיו וחסיד בכל מעשׂיו׃

Proverbs 2:4-5

4 אם תבקשׁנה ככסף וכמטמונים תחפשׂנה׃5 אז תבין יראת יהוה ודעת אלהים תמצא׃

Jeremiah 12:1

1 צדיק אתה יהוה כי אריב אליך אך משׁפטים אדבר אותך מדוע דרך רשׁעים צלחה שׁלו כל בגדי בגד׃

Daniel 9:7

7 לך אדני הצדקה ולנו בשׁת הפנים כיום הזה לאישׁ יהודה וליושׁבי ירושׁלם ולכל ישׂראל הקרבים והרחקים בכל הארצות אשׁר הדחתם שׁם במעלם אשׁר מעלו׃

Daniel 9:14

14 וישׁקד יהוה על הרעה ויביאה עלינו כי צדיק יהוה אלהינו על כל מעשׂיו אשׁר עשׂה ולא שׁמענו בקלו׃

Job 13:4

4 ואולם אתם טפלי שׁקר רפאי אלל כלכם׃

Job 13:7

7 הלאל תדברו עולה ולו תדברו רמיה׃

Job 21:27

27 הן ידעתי מחשׁבותיכם ומזמות עלי תחמסו׃

Job 21:34

34 ואיך תנחמוני הבל ותשׁובתיכם נשׁאר מעל׃

Job 22:6-30

6 כי תחבל אחיך חנם ובגדי ערומים תפשׁיט׃7 לא מים עיף תשׁקה ומרעב תמנע לחם׃8 ואישׁ זרוע לו הארץ ונשׂוא פנים ישׁב׃9 אלמנות שׁלחת ריקם וזרעות יתמים ידכא׃10 על כן סביבותיך פחים ויבהלך פחד פתאם׃11 או חשׁך לא תראה ושׁפעת מים תכסך׃12 הלא אלוה גבה שׁמים וראה ראשׁ כוכבים כי רמו׃13 ואמרת מה ידע אל הבעד ערפל ישׁפוט׃14 עבים סתר לו ולא יראה וחוג שׁמים יתהלך׃15 הארח עולם תשׁמר אשׁר דרכו מתי און׃16 אשׁר קמטו ולא עת נהר יוצק יסודם׃17 האמרים לאל סור ממנו ומה יפעל שׁדי׃18 והוא מלא בתיהם טוב ועצת רשׁעים רחקה מני׃19 יראו צדיקים וישׂמחו ונקי ילעג׃20 אם לא נכחד קימנו ויתרם אכלה אשׁ׃21 הסכן נא עמו ושׁלם בהם תבואתך טובה׃22 קח נא מפיו תורה ושׂים אמריו בלבבך׃23 אם תשׁוב עד שׁדי תבנה תרחיק עולה מאהלך׃24 ושׁית על עפר בצר ובצור נחלים אופיר׃25 והיה שׁדי בצריך וכסף תועפות׃26 כי אז על שׁדי תתענג ותשׂא אל אלוה פניך׃27 תעתיר אליו וישׁמעך ונדריך תשׁלם׃28 ותגזר אומר ויקם לך ועל דרכיך נגה אור׃29 כי השׁפילו ותאמר גוה ושׁח עינים יושׁע׃30 ימלט אי נקי ונמלט בבר כפיך׃

Job 33:3

3 ישׁר לבי אמרי ודעת שׂפתי ברור מללו׃

Job 37:16

16 התדע על מפלשׂי עב מפלאות תמים דעים׃

Psalms 49:3

3 (49:4) פי ידבר חכמות והגות לבי תבונות׃

Proverbs 8:7-8

7 כי אמת יהגה חכי ותועבת שׂפתי רשׁע׃8 בצדק כל אמרי פי אין בהם נפתל ועקשׁ׃

Proverbs 22:20-21

20 הלא כתבתי לך שׁלשׁום במעצות ודעת׃21 להודיעך קשׁט אמרי אמת להשׁיב אמרים אמת לשׁלחיך׃

Job 9:14

14 אף כי אנכי אעננו אבחרה דברי עמו׃

Job 9:19

19 אם לכח אמיץ הנה ואם למשׁפט מי יועידני׃

Job 10:3

3 הטוב לך כי תעשׁק כי תמאס יגיע כפיך ועל עצת רשׁעים הופעת׃

Job 12:13-16

13 עמו חכמה וגבורה לו עצה ותבונה׃14 הן יהרוס ולא יבנה יסגר על אישׁ ולא יפתח׃15 הן יעצר במים ויבשׁו וישׁלחם ויהפכו ארץ׃16 עמו עז ותושׁיה לו שׁגג ומשׁגה׃

Job 26:12-14

12 בכחו רגע הים ובתובנתו מחץ רהב׃13 ברוחו שׁמים שׁפרה חללה ידו נחשׁ בריח׃14 הן אלה קצות דרכו ומה שׁמץ דבר נשׁמע בו ורעם גבורתו מי יתבונן׃

Job 31:13

13 אם אמאס משׁפט עבדי ואמתי ברבם עמדי׃

Psalms 22:24

24 (22:25) כי לא בזה ולא שׁקץ ענות עני ולא הסתיר פניו ממנו ובשׁועו אליו שׁמע׃

Psalms 99:4

4 ועז מלך משׁפט אהב אתה כוננת מישׁרים משׁפט וצדקה ביעקב אתה עשׂית׃

Psalms 138:6

6 כי רם יהוה ושׁפל יראה וגבה ממרחק יידע׃

Psalms 147:5

5 גדול אדונינו ורב כח לתבונתו אין מספר׃

Jeremiah 10:12

12 עשׂה ארץ בכחו מכין תבל בחכמתו ובתבונתו נטה שׁמים׃

Jeremiah 32:19

19 גדל העצה ורב העליליה אשׁר עיניך פקחות על כל דרכי בני אדם לתת לאישׁ כדרכיו וכפרי מעלליו׃

Exodus 22:22-24

22 (22:21) כל אלמנה ויתום לא תענון׃23 (22:22) אם ענה תענה אתו כי אם צעק יצעק אלי שׁמע אשׁמע צעקתו׃24 (22:23) וחרה אפי והרגתי אתכם בחרב והיו נשׁיכם אלמנות ובניכם יתמים׃

Job 5:15

15 וישׁע מחרב מפיהם ומיד חזק אביון׃

Job 8:22

22 שׂנאיך ילבשׁו בשׁת ואהל רשׁעים איננו׃

Job 21:7-9

7 מדוע רשׁעים יחיו עתקו גם גברו חיל׃8 זרעם נכון לפניהם עמם וצאצאיהם לעיניהם׃9 בתיהם שׁלום מפחד ולא שׁבט אלוה עליהם׃

Job 21:30

30 כי ליום איד יחשׂך רע ליום עברות יובלו׃

Job 29:12-17

12 כי אמלט עני משׁוע ויתום ולא עזר׃13 ברכת אבד עלי תבא ולב אלמנה ארנן׃14 צדק לבשׁתי וילבשׁני כמעיל וצניף משׁפטי׃15 עינים הייתי לעור ורגלים לפסח אני׃16 אב אנכי לאביונים ורב לא ידעתי אחקרהו׃17 ואשׁברה מתלעות עול ומשׁניו אשׁליך טרף׃

Psalms 9:12

12 (9:13) כי דרשׁ דמים אותם זכר לא שׁכח צעקת עניים׃

Psalms 10:14-15

14 ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃15 שׁבר זרוע רשׁע ורע תדרושׁ רשׁעו בל תמצא׃

Psalms 55:23

23 (55:24) ואתה אלהים תורדם לבאר שׁחת אנשׁי דמים ומרמה לא יחצו ימיהם ואני אבטח׃

Psalms 72:4

4 ישׁפט עניי עם יושׁיע לבני אביון וידכא עושׁק׃

Psalms 72:12-14

12 כי יציל אביון משׁוע ועני ואין עזר׃13 יחס על דל ואביון ונפשׁות אביונים יושׁיע׃14 מתוך ומחמס יגאל נפשׁם וייקר דמם בעיניו׃

Psalms 82:1-4

1 מזמור לאסף אלהים נצב בעדת אל בקרב אלהים ישׁפט׃2 עד מתי תשׁפטו עול ופני רשׁעים תשׂאו סלה׃3 שׁפטו דל ויתום עני ורשׁ הצדיקו׃4 פלטו דל ואביון מיד רשׁעים הצילו׃

Psalms 140:12

12 (140:13) ידעת כי יעשׂה יהוה דין עני משׁפט אבינים׃

Proverbs 22:22-23

22 אל תגזל דל כי דל הוא ואל תדכא עני בשׁער׃23 כי יהוה יריב ריבם וקבע את קבעיהם נפשׁ׃

Isaiah 11:4

4 ושׁפט בצדק דלים והוכיח במישׁור לענוי ארץ והכה ארץ בשׁבט פיו וברוח שׂפתיו ימית רשׁע׃

Jeremiah 12:1-2

1 צדיק אתה יהוה כי אריב אליך אך משׁפטים אדבר אותך מדוע דרך רשׁעים צלחה שׁלו כל בגדי בגד׃2 נטעתם גם שׁרשׁו ילכו גם עשׂו פרי קרוב אתה בפיהם ורחוק מכליותיהם׃

Genesis 23:6

6 שׁמענו אדני נשׂיא אלהים אתה בתוכנו במבחר קברינו קבר את מתך אישׁ ממנו את קברו לא יכלה ממך מקבר מתך׃

Genesis 41:40

40 אתה תהיה על ביתי ועל פיך ישׁק כל עמי רק הכסא אגדל ממך׃

1 Samuel 2:8

8 מקים מעפר דל מאשׁפת ירים אביון להושׁיב עם נדיבים וכסא כבוד ינחלם כי ליהוה מצקי ארץ וישׁת עליהם תבל׃

2 Samuel 7:13-16

13 הוא יבנה בית לשׁמי וכננתי את כסא ממלכתו עד עולם׃14 אני אהיה לו לאב והוא יהיה לי לבן אשׁר בהעותו והכחתיו בשׁבט אנשׁים ובנגעי בני אדם׃15 וחסדי לא יסור ממנו כאשׁר הסרתי מעם שׁאול אשׁר הסרתי מלפניך׃16 ונאמן ביתך וממלכתך עד עולם לפניך כסאך יהיה נכון עד עולם׃

2 Chronicles 16:9

9 כי יהוה עיניו משׁטטות בכל הארץ להתחזק עם לבבם שׁלם אליו נסכלת על זאת כי מעתה ישׁ עמך מלחמות׃

Esther 10:3

3 כי מרדכי היהודי משׁנה למלך אחשׁורושׁ וגדול ליהודים ורצוי לרב אחיו דרשׁ טוב לעמו ודבר שׁלום לכל זרעו׃

Job 1:3

3 ויהי מקנהו שׁבעת אלפי צאן ושׁלשׁת אלפי גמלים וחמשׁ מאות צמד בקר וחמשׁ מאות אתונות ועבדה רבה מאד ויהי האישׁ ההוא גדול מכל בני קדם׃

Job 42:12

12 ויהוה ברך את אחרית איוב מראשׁתו ויהי לו ארבעה עשׂר אלף צאן ושׁשׁת אלפים גמלים ואלף צמד בקר ואלף אתונות׃

Psalms 33:18

18 הנה עין יהוה אל יראיו למיחלים לחסדו׃

Psalms 34:15

15 (34:16) עיני יהוה אל צדיקים ואזניו אל שׁועתם׃

Psalms 78:70-72

70 ויבחר בדוד עבדו ויקחהו ממכלאת צאן׃71 מאחר עלות הביאו לרעות ביעקב עמו ובישׂראל נחלתו׃72 וירעם כתם לבבו ובתבונות כפיו ינחם׃

Psalms 112:7-10

7 משׁמועה רעה לא יירא נכון לבו בטח ביהוה׃8 סמוך לבו לא יירא עד אשׁר יראה בצריו׃9 פזר נתן לאביונים צדקתו עמדת לעד קרנו תרום בכבוד׃10 רשׁע יראה וכעס שׁניו יחרק ונמס תאות רשׁעים תאבד׃

Psalms 113:7-8

7 מקימי מעפר דל מאשׁפת ירים אביון׃8 להושׁיבי עם נדיבים עם נדיבי עמו׃

Zephaniah 3:17

17 יהוה אלהיך בקרבך גבור יושׁיע ישׂישׂ עליך בשׂמחה יחרישׁ באהבתו יגיל עליך ברנה׃

Job 13:27

27 ותשׂם בסד רגלי ותשׁמור כל ארחותי על שׁרשׁי רגלי תתחקה׃

Job 19:6

6 דעו אפו כי אלוה עותני ומצודו עלי הקיף׃

Job 33:18-19

18 יחשׂך נפשׁו מני שׁחת וחיתו מעבר בשׁלח׃19 והוכח במכאוב על משׁכבו וריב עצמיו אתן׃

Psalms 18:5

5 (18:6) חבלי שׁאול סבבוני קדמוני מוקשׁי מות׃

Psalms 107:10

10 ישׁבי חשׁך וצלמות אסירי עני וברזל׃

Psalms 116:3

3 אפפוני חבלי מות ומצרי שׁאול מצאוני צרה ויגון אמצא׃

Proverbs 5:22

22 עוונותיו ילכדנו את הרשׁע ובחבלי חטאתו יתמך׃

Lamentations 3:9

9 גדר דרכי בגזית נתיבתי עוה׃

Deuteronomy 4:21-22

21 ויהוה התאנף בי על דבריכם וישׁבע לבלתי עברי את הירדן ולבלתי בא אל הארץ הטובה אשׁר יהוה אלהיך נתן לך נחלה׃22 כי אנכי מת בארץ הזאת אינני עבר את הירדן ואתם עברים וירשׁתם את הארץ הטובה הזאת׃

2 Chronicles 33:11-13

11 ויבא יהוה עליהם את שׂרי הצבא אשׁר למלך אשׁור וילכדו את מנשׁה בחחים ויאסרהו בנחשׁתים ויוליכהו בבלה׃12 וכהצר לו חלה את פני יהוה אלהיו ויכנע מאד מלפני אלהי אבתיו׃13 ויתפלל אליו ויעתר לו וישׁמע תחנתו וישׁיבהו ירושׁלם למלכותו וידע מנשׁה כי יהוה הוא האלהים׃

Job 10:2

2 אמר אל אלוה אל תרשׁיעני הודיעני על מה תריבני׃

Job 15:25

25 כי נטה אל אל ידו ואל שׁדי יתגבר׃

Psalms 5:10

10 (5:11) האשׁימם אלהים יפלו ממעצותיהם ברב פשׁעיהם הדיחמו כי מרו׃

Psalms 94:12

12 אשׁרי הגבר אשׁר תיסרנו יה ומתורתך תלמדנו׃

Psalms 119:67

67 טרם אענה אני שׁגג ועתה אמרתך שׁמרתי׃

Psalms 119:71

71 טוב לי כי עניתי למען אלמד חקיך׃

Isaiah 59:12

12 כי רבו פשׁעינו נגדך וחטאותינו ענתה בנו כי פשׁעינו אתנו ועונתינו ידענום׃

Lamentations 3:39-40

39 מה יתאונן אדם חי גבר על חטאו׃40 נחפשׂה דרכינו ונחקרה ונשׁובה עד יהוה׃

Ezekiel 18:28-31

28 ויראה וישׁוב מכל פשׁעיו אשׁר עשׂה חיו יחיה לא ימות׃29 ואמרו בית ישׂראל לא יתכן דרך אדני הדרכי לא יתכנו בית ישׂראל הלא דרכיכם לא יתכן׃30 לכן אישׁ כדרכיו אשׁפט אתכם בית ישׂראל נאם אדני יהוה שׁובו והשׁיבו מכל פשׁעיכם ולא יהיה לכם למכשׁול עון׃31 השׁליכו מעליכם את כל פשׁעיכם אשׁר פשׁעתם בם ועשׂו לכם לב חדשׁ ורוח חדשׁה ולמה תמתו בית ישׂראל׃

2 Kings 17:13

13 ויעד יהוה בישׂראל וביהודה ביד כל נביאו כל חזה לאמר שׁבו מדרכיכם הרעים ושׁמרו מצותי חקותי ככל התורה אשׁר צויתי את אבתיכם ואשׁר שׁלחתי אליכם ביד עבדי הנביאים׃

Job 33:16-23

16 אז יגלה אזן אנשׁים ובמסרם יחתם׃17 להסיר אדם מעשׂה וגוה מגבר יכסה׃18 יחשׂך נפשׁו מני שׁחת וחיתו מעבר בשׁלח׃19 והוכח במכאוב על משׁכבו וריב עצמיו אתן׃20 וזהמתו חיתו לחם ונפשׁו מאכל תאוה׃21 יכל בשׂרו מראי ושׁפי עצמותיו לא ראו׃22 ותקרב לשׁחת נפשׁו וחיתו לממתים׃23 אם ישׁ עליו מלאך מליץ אחד מני אלף להגיד לאדם ישׁרו׃

Job 36:15

15 יחלץ עני בעניו ויגל בלחץ אזנם׃

Psalms 40:6

6 (40:7) זבח ומנחה לא חפצת אזנים כרית לי עולה וחטאה לא שׁאלת׃

Proverbs 1:22-23

22 עד מתי פתים תאהבו פתי ולצים לצון חמדו להם וכסילים ישׂנאו דעת׃23 תשׁובו לתוכחתי הנה אביעה לכם רוחי אודיעה דברי אתכם׃

Proverbs 8:4-5

4 אליכם אישׁים אקרא וקולי אל בני אדם׃5 הבינו פתאים ערמה וכסילים הבינו לב׃

Proverbs 9:4-6

4 מי פתי יסר הנה חסר לב אמרה׃5 לכו לחמו בלחמי ושׁתו ביין מסכתי׃6 עזבו פתאים וחיו ואשׁרו בדרך בינה׃

Isaiah 1:16-20

16 רחצו הזכו הסירו רע מעלליכם מנגד עיני חדלו הרע׃17 למדו היטב דרשׁו משׁפט אשׁרו חמוץ שׁפטו יתום ריבו אלמנה׃18 לכו נא ונוכחה יאמר יהוה אם יהיו חטאיכם כשׁנים כשׁלג ילבינו אם יאדימו כתולע כצמר יהיו׃19 אם תאבו ושׁמעתם טוב הארץ תאכלו׃20 ואם תמאנו ומריתם חרב תאכלו כי פי יהוה דבר׃

Isaiah 48:8

8 גם לא שׁמעת גם לא ידעת גם מאז לא פתחה אזנך כי ידעתי בגוד תבגוד ופשׁע מבטן קרא׃

Isaiah 48:17

17 כה אמר יהוה גאלך קדושׁ ישׂראל אני יהוה אלהיך מלמדך להועיל מדריכך בדרך תלך׃

Isaiah 50:5

5 אדני יהוה פתח לי אזן ואנכי לא מריתי אחור לא נסוגתי׃

Isaiah 55:6-7

6 דרשׁו יהוה בהמצאו קראהו בהיותו קרוב׃7 יעזב רשׁע דרכו ואישׁ און מחשׁבתיו וישׁב אל יהוה וירחמהו ואל אלהינו כי ירבה לסלוח׃

Jeremiah 4:3-4

3 כי כה אמר יהוה לאישׁ יהודה ולירושׁלם נירו לכם ניר ואל תזרעו אל קוצים׃4 המלו ליהוה והסרו ערלות לבבכם אישׁ יהודה וישׁבי ירושׁלם פן תצא כאשׁ חמתי ובערה ואין מכבה מפני רע מעלליכם׃

Jeremiah 7:3-7

3 כה אמר יהוה צבאות אלהי ישׂראל היטיבו דרכיכם ומעלליכם ואשׁכנה אתכם במקום הזה׃4 אל תבטחו לכם אל דברי השׁקר לאמר היכל יהוה היכל יהוה היכל יהוה המה׃5 כי אם היטיב תיטיבו את דרכיכם ואת מעלליכם אם עשׂו תעשׂו משׁפט בין אישׁ ובין רעהו׃6 גר יתום ואלמנה לא תעשׁקו ודם נקי אל תשׁפכו במקום הזה ואחרי אלהים אחרים לא תלכו לרע׃7 ושׁכנתי אתכם במקום הזה בארץ אשׁר נתתי לאבותיכם למן עולם ועד עולם׃

Hosea 14:1

1 (14:2) שׁובה ישׂראל עד יהוה אלהיך כי כשׁלת בעונך׃

Deuteronomy 4:30

30 בצר לך ומצאוך כל הדברים האלה באחרית הימים ושׁבת עד יהוה אלהיך ושׁמעת בקלו׃

Job 11:13-19

13 אם אתה הכינות לבך ופרשׂת אליו כפך׃14 אם און בידך הרחיקהו ואל תשׁכן באהליך עולה׃15 כי אז תשׂא פניך ממום והיית מצק ולא תירא׃16 כי אתה עמל תשׁכח כמים עברו תזכר׃17 ומצהרים יקום חלד תעפה כבקר תהיה׃18 ובטחת כי ישׁ תקוה וחפרת לבטח תשׁכב׃19 ורבצת ואין מחריד וחלו פניך רבים׃

Job 21:11

11 ישׁלחו כצאן עויליהם וילדיהם ירקדון׃

Job 22:21

21 הסכן נא עמו ושׁלם בהם תבואתך טובה׃

Job 22:23

23 אם תשׁוב עד שׁדי תבנה תרחיק עולה מאהלך׃

Ecclesiastes 9:2-3

2 הכל כאשׁר לכל מקרה אחד לצדיק ולרשׁע לטוב ולטהור ולטמא ולזבח ולאשׁר איננו זבח כטוב כחטא הנשׁבע כאשׁר שׁבועה ירא׃3 זה רע בכל אשׁר נעשׂה תחת השׁמשׁ כי מקרה אחד לכל וגם לב בני האדם מלא רע והוללות בלבבם בחייהם ואחריו אל המתים׃

Isaiah 1:19

19 אם תאבו ושׁמעתם טוב הארץ תאכלו׃

Jeremiah 7:23

23 כי אם את הדבר הזה צויתי אותם לאמר שׁמעו בקולי והייתי לכם לאלהים ואתם תהיו לי לעם והלכתם בכל הדרך אשׁר אצוה אתכם למען ייטב׃

Jeremiah 26:13

13 ועתה היטיבו דרכיכם ומעלליכם ושׁמעו בקול יהוה אלהיכם וינחם יהוה אל הרעה אשׁר דבר עליכם׃

Deuteronomy 18:15-22

15 נביא מקרבך מאחיך כמני יקים לך יהוה אלהיך אליו תשׁמעון׃16 ככל אשׁר שׁאלת מעם יהוה אלהיך בחרב ביום הקהל לאמר לא אסף לשׁמע את קול יהוה אלהי ואת האשׁ הגדלה הזאת לא אראה עוד ולא אמות׃17 ויאמר יהוה אלי היטיבו אשׁר דברו׃18 נביא אקים להם מקרב אחיהם כמוך ונתתי דברי בפיו ודבר אליהם את כל אשׁר אצונו׃19 והיה האישׁ אשׁר לא ישׁמע אל דברי אשׁר ידבר בשׁמי אנכי אדרשׁ מעמו׃20 אך הנביא אשׁר יזיד לדבר דבר בשׁמי את אשׁר לא צויתיו לדבר ואשׁר ידבר בשׁם אלהים אחרים ומת הנביא ההוא׃21 וכי תאמר בלבבך איכה נדע את הדבר אשׁר לא דברו יהוה׃22 אשׁר ידבר הנביא בשׁם יהוה ולא יהיה הדבר ולא יבא הוא הדבר אשׁר לא דברו יהוה בזדון דברו הנביא לא תגור ממנו׃

Deuteronomy 29:15-20

15 (29:14) כי את אשׁר ישׁנו פה עמנו עמד היום לפני יהוה אלהינו ואת אשׁר איננו פה עמנו היום׃16 (29:15) כי אתם ידעתם את אשׁר ישׁבנו בארץ מצרים ואת אשׁר עברנו בקרב הגוים אשׁר עברתם׃17 (29:16) ותראו את שׁקוציהם ואת גלליהם עץ ואבן כסף וזהב אשׁר עמהם׃18 (29:17) פן ישׁ בכם אישׁ או אשׁה או משׁפחה או שׁבט אשׁר לבבו פנה היום מעם יהוה אלהינו ללכת לעבד את אלהי הגוים ההם פן ישׁ בכם שׁרשׁ פרה ראשׁ ולענה׃19 (29:18) והיה בשׁמעו את דברי האלה הזאת והתברך בלבבו לאמר שׁלום יהיה לי כי בשׁררות לבי אלך למען ספות הרוה את הצמאה׃20 (29:19) לא יאבה יהוה סלח לו כי אז יעשׁן אף יהוה וקנאתו באישׁ ההוא ורבצה בו כל האלה הכתובה בספר הזה ומחה יהוה את שׁמו מתחת השׁמים׃

Job 4:21

21 הלא נסע יתרם בם ימותו ולא בחכמה׃

Job 15:22

22 לא יאמין שׁוב מני חשׁך וצפו הוא אלי חרב׃

Isaiah 1:20

20 ואם תמאנו ומריתם חרב תאכלו כי פי יהוה דבר׃

Isaiah 3:11

11 אוי לרשׁע רע כי גמול ידיו יעשׂה׃

Numbers 32:14

14 והנה קמתם תחת אבתיכם תרבות אנשׁים חטאים לספות עוד על חרון אף יהוה אל ישׂראל׃

2 Chronicles 28:13

13 ויאמרו להם לא תביאו את השׁביה הנה כי לאשׁמת יהוה עלינו אתם אמרים להסיף על חטאתינו ועל אשׁמתינו כי רבה אשׁמה לנו וחרון אף על ישׂראל׃

2 Chronicles 28:22

22 ובעת הצר לו ויוסף למעול ביהוה הוא המלך אחז׃

Job 15:4

4 אף אתה תפר יראה ותגרע שׂיחה לפני אל׃

Job 27:8-10

8 כי מה תקות חנף כי יבצע כי ישׁל אלוה נפשׁו׃9 הצעקתו ישׁמע אל כי תבוא עליו צרה׃10 אם על שׁדי יתענג יקרא אלוה בכל עת׃

Job 35:9-10

9 מרב עשׁוקים יזעיקו ישׁועו מזרוע רבים׃10 ולא אמר איה אלוה עשׂי נתן זמרות בלילה׃

Job 36:8

8 ואם אסורים בזקים ילכדון בחבלי עני׃

Genesis 19:5

5 ויקראו אל לוט ויאמרו לו איה האנשׁים אשׁר באו אליך הלילה הוציאם אלינו ונדעה אתם׃

Genesis 19:24-25

24 ויהוה המטיר על סדם ועל עמרה גפרית ואשׁ מאת יהוה מן השׁמים׃25 ויהפך את הערים האל ואת כל הככר ואת כל ישׁבי הערים וצמח האדמה׃

Genesis 38:7-10

7 ויהי ער בכור יהודה רע בעיני יהוה וימתהו יהוה׃8 ויאמר יהודה לאונן בא אל אשׁת אחיך ויבם אתה והקם זרע לאחיך׃9 וידע אונן כי לא לו יהיה הזרע והיה אם בא אל אשׁת אחיו ושׁחת ארצה לבלתי נתן זרע לאחיו׃10 וירע בעיני יהוה אשׁר עשׂה וימת גם אתו׃

Leviticus 10:1-2

1 ויקחו בני אהרן נדב ואביהוא אישׁ מחתתו ויתנו בהן אשׁ וישׂימו עליה קטרת ויקריבו לפני יהוה אשׁ זרה אשׁר לא צוה אתם׃2 ותצא אשׁ מלפני יהוה ותאכל אותם וימתו לפני יהוה׃

Deuteronomy 23:17

17 (23:18) לא תהיה קדשׁה מבנות ישׂראל ולא יהיה קדשׁ מבני ישׂראל׃

Job 15:32

32 בלא יומו תמלא וכפתו לא רעננה׃

Job 21:23-25

23 זה ימות בעצם תמו כלו שׁלאנן ושׁליו׃24 עטיניו מלאו חלב ומח עצמותיו ישׁקה׃25 וזה ימות בנפשׁ מרה ולא אכל בטובה׃

Job 22:16

16 אשׁר קמטו ולא עת נהר יוצק יסודם׃

2 Chronicles 12:8

8 כי יהיו לו לעבדים וידעו עבודתי ועבודת ממלכות הארצות׃

Job 36:10

10 ויגל אזנם למוסר ויאמר כי ישׁבון מאון׃

Job 19:8

8 ארחי גדר ולא אעבור ועל נתיבותי חשׁך ישׂים׃

Job 42:10-17

10 ויהוה שׁב את שׁבית איוב בהתפללו בעד רעהו ויסף יהוה את כל אשׁר לאיוב למשׁנה׃11 ויבאו אליו כל אחיו וכל אחיתיו וכל ידעיו לפנים ויאכלו עמו לחם בביתו וינדו לו וינחמו אתו על כל הרעה אשׁר הביא יהוה עליו ויתנו לו אישׁ קשׂיטה אחת ואישׁ נזם זהב אחד׃12 ויהוה ברך את אחרית איוב מראשׁתו ויהי לו ארבעה עשׂר אלף צאן ושׁשׁת אלפים גמלים ואלף צמד בקר ואלף אתונות׃13 ויהי לו שׁבענה בנים ושׁלושׁ בנות׃14 ויקרא שׁם האחת ימימה ושׁם השׁנית קציעה ושׁם השׁלישׁית קרן הפוך׃15 ולא נמצא נשׁים יפות כבנות איוב בכל הארץ ויתן להם אביהם נחלה בתוך אחיהם׃16 ויחי איוב אחרי זאת מאה וארבעים שׁנה וירא את בניו ואת בני בניו ארבעה דרות׃17 וימת איוב זקן ושׂבע ימים׃

Psalms 18:19

19 (18:20) ויוציאני למרחב יחלצני כי חפץ׃

Psalms 23:5

5 תערך לפני שׁלחן נגד צררי דשׁנת בשׁמן ראשׁי כוסי רויה׃

Psalms 31:8

8 (31:9) ולא הסגרתני ביד אויב העמדת במרחב רגלי׃

Psalms 36:8

8 (36:9) ירוין מדשׁן ביתך ונחל עדניך תשׁקם׃

Psalms 40:1-3

1 למנצח לדוד מזמור׃ (40:2) קוה קויתי יהוה ויט אלי וישׁמע שׁועתי׃2 (40:3) ויעלני מבור שׁאון מטיט היון ויקם על סלע רגלי כונן אשׁרי׃3 (40:4) ויתן בפי שׁיר חדשׁ תהלה לאלהינו יראו רבים וייראו ויבטחו ביהוה׃

Psalms 63:5

5 (63:6) כמו חלב ודשׁן תשׂבע נפשׁי ושׂפתי רננות יהלל פי׃

Psalms 118:5

5 מן המצר קראתי יה ענני במרחב יה׃

Isaiah 25:6

6 ועשׂה יהוה צבאות לכל העמים בהר הזה משׁתה שׁמנים משׁתה שׁמרים שׁמנים ממחים שׁמרים מזקקים׃

Isaiah 55:2

2 למה תשׁקלו כסף בלוא לחם ויגיעכם בלוא לשׂבעה שׁמעו שׁמוע אלי ואכלו טוב ותתענג בדשׁן נפשׁכם׃

Hosea 2:14

14 (2:16) לכן הנה אנכי מפתיה והלכתיה המדבר ודברתי על לבה׃

Job 16:5

5 אאמצכם במו פי וניד שׂפתי יחשׂך׃

Job 22:11

11 או חשׁך לא תראה ושׁפעת מים תכסך׃

Job 34:8

8 וארח לחברה עם פעלי און וללכת עם אנשׁי רשׁע׃

Job 34:36

36 אבי יבחן איוב עד נצח על תשׁבת באנשׁי און׃

Job 33:24

24 ויחננו ויאמר פדעהו מרדת שׁחת מצאתי כפר׃

Psalms 2:5

5 אז ידבר אלימו באפו ובחרונו יבהלמו׃

Psalms 2:12

12 נשׁקו בר פן יאנף ותאבדו דרך כי יבער כמעט אפו אשׁרי כל חוסי׃

Psalms 39:10

10 (39:11) הסר מעלי נגעך מתגרת ידך אני כליתי׃

Psalms 49:7-8

7 (49:8) אח לא פדה יפדה אישׁ לא יתן לאלהים כפרו׃8 (49:9) ויקר פדיון נפשׁם וחדל לעולם׃

Psalms 110:5

5 אדני על ימינך מחץ ביום אפו מלכים׃

Isaiah 14:6

6 מכה עמים בעברה מכת בלתי סרה רדה באף גוים מרדף בלי חשׂך׃

Ezekiel 24:16

16 בן אדם הנני לקח ממך את מחמד עיניך במגפה ולא תספד ולא תבכה ולוא תבוא דמעתך׃

Job 9:13

13 אלוה לא ישׁיב אפו תחתו שׁחחו עזרי רהב׃

Job 34:20

20 רגע ימתו וחצות לילה יגעשׁו עם ויעברו ויסירו אביר לא ביד׃

Psalms 33:16-17

16 אין המלך נושׁע ברב חיל גבור לא ינצל ברב כח׃17 שׁקר הסוס לתשׁועה וברב חילו לא ימלט׃

Proverbs 10:2

2 לא יועילו אוצרות רשׁע וצדקה תציל ממות׃

Proverbs 11:4

4 לא יועיל הון ביום עברה וצדקה תציל ממות׃

Proverbs 11:21

21 יד ליד לא ינקה רע וזרע צדיקים נמלט׃

Isaiah 2:20

20 ביום ההוא ישׁליך האדם את אלילי כספו ואת אלילי זהבו אשׁר עשׂו לו להשׁתחות לחפר פרות ולעטלפים׃

Isaiah 37:36

36 ויצא מלאך יהוה ויכה במחנה אשׁור מאה ושׁמנים וחמשׁה אלף וישׁכימו בבקר והנה כלם פגרים מתים׃

Zephaniah 1:18

18 גם כספם גם זהבם לא יוכל להצילם ביום עברת יהוה ובאשׁ קנאתו תאכל כל הארץ כי כלה אך נבהלה יעשׂה את כל ישׁבי הארץ׃

Exodus 12:29

29 ויהי בחצי הלילה ויהוה הכה כל בכור בארץ מצרים מבכר פרעה הישׁב על כסאו עד בכור השׁבי אשׁר בבית הבור וכל בכור בהמה׃

2 Kings 19:35

35 ויהי בלילה ההוא ויצא מלאך יהוה ויך במחנה אשׁור מאה שׁמונים וחמשׁה אלף וישׁכימו בבקר והנה כלם פגרים מתים׃

Job 3:20-21

20 למה יתן לעמל אור וחיים למרי נפשׁ׃21 המחכים למות ואיננו ויחפרהו ממטמונים׃

Job 6:9

9 ויאל אלוה וידכאני יתר ידו ויבצעני׃

Job 7:15

15 ותבחר מחנק נפשׁי מות מעצמותי׃

Job 14:13

13 מי יתן בשׁאול תצפנני תסתירני עד שׁוב אפך תשׁית לי חק ותזכרני׃

Job 17:13-14

13 אם אקוה שׁאול ביתי בחשׁך רפדתי יצועי׃14 לשׁחת קראתי אבי אתה אמי ואחתי לרמה׃

Job 34:25

25 לכן יכיר מעבדיהם והפך לילה וידכאו׃

Proverbs 14:32

32 ברעתו ידחה רשׁע וחסה במותו צדיק׃

Ecclesiastes 11:3

3 אם ימלאו העבים גשׁם על הארץ יריקו ואם יפול עץ בדרום ואם בצפון מקום שׁיפול העץ שׁם יהוא׃

Daniel 5:30

30 בה בליליא קטיל בלאשׁצר מלכא כשׂדיא׃

Job 34:7-9

7 מי גבר כאיוב ישׁתה לעג כמים׃8 וארח לחברה עם פעלי און וללכת עם אנשׁי רשׁע׃9 כי אמר לא יסכן גבר ברצתו עם אלהים׃

Job 35:3

3 כי תאמר מה יסכן לך מה אעיל מחטאתי׃

Psalms 66:18

18 און אם ראיתי בלבי לא ישׁמע אדני׃

Ezekiel 14:4

4 לכן דבר אותם ואמרת אליהם כה אמר אדני יהוה אישׁ אישׁ מבית ישׂראל אשׁר יעלה את גלוליו אל לבו ומכשׁול עונו ישׂים נכח פניו ובא אל הנביא אני יהוה נעניתי לו בה ברב גלוליו׃

Daniel 3:16-18

16 ענו שׁדרך מישׁך ועבד נגו ואמרין למלכא נבוכדנצר לא חשׁחין אנחנה על דנה פתגם להתבותך׃17 הן איתי אלהנא די אנחנא פלחין יכל לשׁיזבותנא מן אתון נורא יקדתא ומן ידך מלכא ישׁיזב׃18 והן לא ידיע להוא לך מלכא די לאלהיך לא איתינא פלחין ולצלם דהבא די הקימת לא נסגד׃

Daniel 6:10

10 (6:11) ודניאל כדי ידע די רשׁים כתבא על לביתה וכוין פתיחן לה בעליתה נגד ירושׁלם וזמנין תלתה ביומא הוא ברך על ברכוהי ומצלא ומודא קדם אלהה כל קבל די הוא עבד מן קדמת דנה׃

1 Samuel 2:7-8

7 יהוה מורישׁ ומעשׁיר משׁפיל אף מרומם׃8 מקים מעפר דל מאשׁפת ירים אביון להושׁיב עם נדיבים וכסא כבוד ינחלם כי ליהוה מצקי ארץ וישׁת עליהם תבל׃

Job 35:11

11 מלפנו מבהמות ארץ ומעוף השׁמים יחכמנו׃

Psalms 75:7

7 (75:8) כי אלהים שׁפט זה ישׁפיל וזה ירים׃

Psalms 94:10

10 היסר גוים הלא יוכיח המלמד אדם דעת׃

Isaiah 14:5

5 שׁבר יהוה מטה רשׁעים שׁבט משׁלים׃

Isaiah 54:13

13 וכל בניך למודי יהוה ורב שׁלום בניך׃

Jeremiah 27:5-8

5 אנכי עשׂיתי את הארץ את האדם ואת הבהמה אשׁר על פני הארץ בכחי הגדול ובזרועי הנטויה ונתתיה לאשׁר ישׁר בעיני׃6 ועתה אנכי נתתי את כל הארצות האלה ביד נבוכדנאצר מלך בבל עבדי וגם את חית השׂדה נתתי לו לעבדו׃7 ועבדו אתו כל הגוים ואת בנו ואת בן בנו עד בא עת ארצו גם הוא ועבדו בו גוים רבים ומלכים גדלים׃8 והיה הגוי והממלכה אשׁר לא יעבדו אתו את נבוכדנאצר מלך בבל ואת אשׁר לא יתן את צוארו בעל מלך בבל בחרב וברעב ובדבר אפקד על הגוי ההוא נאם יהוה עד תמי אתם בידו׃

Jeremiah 31:38

38 הנה ימים נאם יהוה ונבנתה העיר ליהוה ממגדל חננאל שׁער הפנה׃

Daniel 4:25

25 (4:22) ולך טרדין מן אנשׁא ועם חיות ברא להוה מדרך ועשׂבא כתורין לך יטעמון ומטל שׁמיא לך מצבעין ושׁבעה עדנין יחלפון עליך עד די תנדע די שׁליט עליא במלכות אנשׁא ולמן די יצבא יתננה׃

Daniel 4:32

32 (4:29) ומן אנשׁא לך טרדין ועם חיות ברא מדרך עשׂבא כתורין לך יטעמון ושׁבעה עדנין יחלפון עליך עד די תנדע די שׁליט עליא במלכות אנשׁא ולמן די יצבא יתננה׃

Daniel 5:18

18 אנתה מלכא אלהא עליא מלכותא ורבותא ויקרא והדרה יהב לנבכדנצר אבוך׃

Job 34:10

10 לכן אנשׁי לבב שׁמעו לי חללה לאל מרשׁע ושׁדי מעול׃

Job 34:13-33

13 מי פקד עליו ארצה ומי שׂם תבל כלה׃14 אם ישׂים אליו לבו רוחו ונשׁמתו אליו יאסף׃15 יגוע כל בשׂר יחד ואדם על עפר ישׁוב׃16 ואם בינה שׁמעה זאת האזינה לקול מלי׃17 האף שׂונא משׁפט יחבושׁ ואם צדיק כביר תרשׁיע׃18 האמר למלך בליעל רשׁע אל נדיבים׃19 אשׁר לא נשׂא פני שׂרים ולא נכר שׁוע לפני דל כי מעשׂה ידיו כלם׃20 רגע ימתו וחצות לילה יגעשׁו עם ויעברו ויסירו אביר לא ביד׃21 כי עיניו על דרכי אישׁ וכל צעדיו יראה׃22 אין חשׁך ואין צלמות להסתר שׁם פעלי און׃23 כי לא על אישׁ ישׂים עוד להלך אל אל במשׁפט׃24 ירע כבירים לא חקר ויעמד אחרים תחתם׃25 לכן יכיר מעבדיהם והפך לילה וידכאו׃26 תחת רשׁעים ספקם במקום ראים׃27 אשׁר על כן סרו מאחריו וכל דרכיו לא השׂכילו׃28 להביא עליו צעקת דל וצעקת עניים ישׁמע׃29 והוא ישׁקט ומי ירשׁע ויסתר פנים ומי ישׁורנו ועל גוי ועל אדם יחד׃30 ממלך אדם חנף ממקשׁי עם׃31 כי אל אל האמר נשׂאתי לא אחבל׃32 בלעדי אחזה אתה הרני אם עול פעלתי לא אסיף׃33 המעמך ישׁלמנה כי מאסת כי אתה תבחר ולא אני ומה ידעת דבר׃

Job 40:8

8 האף תפר משׁפטי תרשׁיעני למען תצדק׃

Isaiah 40:13-14

13 מי תכן את רוח יהוה ואישׁ עצתו יודיענו׃14 את מי נועץ ויבינהו וילמדהו בארח משׁפט וילמדהו דעת ודרך תבונות יודיענו׃

Deuteronomy 4:19

19 ופן תשׂא עיניך השׁמימה וראית את השׁמשׁ ואת הירח ואת הכוכבים כל צבא השׁמים ונדחת והשׁתחוית להם ועבדתם אשׁר חלק יהוה אלהיך אתם לכל העמים תחת כל השׁמים׃

Job 12:13-25

13 עמו חכמה וגבורה לו עצה ותבונה׃14 הן יהרוס ולא יבנה יסגר על אישׁ ולא יפתח׃15 הן יעצר במים ויבשׁו וישׁלחם ויהפכו ארץ׃16 עמו עז ותושׁיה לו שׁגג ומשׁגה׃17 מוליך יועצים שׁולל ושׁפטים יהולל׃18 מוסר מלכים פתח ויאסר אזור במתניהם׃19 מוליך כהנים שׁולל ואתנים יסלף׃20 מסיר שׂפה לנאמנים וטעם זקנים יקח׃21 שׁופך בוז על נדיבים ומזיח אפיקים רפה׃22 מגלה עמקות מני חשׁך ויצא לאור צלמות׃23 משׂגיא לגוים ויאבדם שׁטח לגוים וינחם׃24 מסיר לב ראשׁי עם הארץ ויתעם בתהו לא דרך׃25 ימשׁשׁו חשׁך ולא אור ויתעם כשׁכור׃

Job 26:5-14

5 הרפאים יחוללו מתחת מים ושׁכניהם׃6 ערום שׁאול נגדו ואין כסות לאבדון׃7 נטה צפון על תהו תלה ארץ על בלי מה׃8 צרר מים בעביו ולא נבקע ענן תחתם׃9 מאחז פני כסה פרשׁז עליו עננו׃10 חק חג על פני מים עד תכלית אור עם חשׁך׃11 עמודי שׁמים ירופפו ויתמהו מגערתו׃

Psalms 19:1-4

1 למנצח מזמור לדוד׃ (19:2) השׁמים מספרים כבוד אל ומעשׂה ידיו מגיד הרקיע׃2 (19:3) יום ליום יביע אמר ולילה ללילה יחוה דעת׃3 (19:4) אין אמר ואין דברים בלי נשׁמע קולם׃4 (19:5) בכל הארץ יצא קום ובקצה תבל מליהם לשׁמשׁ שׂם אהל׃

Psalms 28:5

5 כי לא יבינו אל פעלת יהוה ואל מעשׂה ידיו יהרסם ולא יבנם׃

Psalms 34:3

3 (34:4) גדלו ליהוה אתי ונרוממה שׁמו יחדו׃

Psalms 59:16

16 (59:17) ואני אשׁיר עזך וארנן 2'ecבקר חסדך כי היית משׂגב לי ומנוס ביום צר׃

Psalms 72:18

18 ברוך יהוה אלהים אלהי ישׂראל עשׂה נפלאות לבדו׃

Psalms 86:8-10

8 אין כמוך באלהים אדני ואין כמעשׂיך׃9 כל גוים אשׁר עשׂית יבואו וישׁתחוו לפניך אדני ויכבדו לשׁמך׃10 כי גדול אתה ועשׂה נפלאות אתה אלהים לבדך׃

Psalms 92:4-5

4 (92:5) כי שׂמחתני יהוה בפעלך במעשׂי ידיך ארנן׃5 (92:6) מה גדלו מעשׂיך יהוה מאד עמקו מחשׁבתיך׃

Psalms 104:24

24 מה רבו מעשׂיך יהוה כלם בחכמה עשׂית מלאה הארץ קנינך׃

Psalms 107:8

8 יודו ליהוה חסדו ונפלאותיו לבני אדם׃

Psalms 107:15

15 יודו ליהוה חסדו ונפלאותיו לבני אדם׃

Psalms 111:2-4

2 גדלים מעשׂי יהוה דרושׁים לכל חפציהם׃3 הוד והדר פעלו וצדקתו עמדת לעד׃4 זכר עשׂה לנפלאתיו חנון ורחום יהוה׃

Psalms 111:8

8 סמוכים לעד לעולם עשׂוים באמת וישׁר׃

Psalms 138:5

5 וישׁירו בדרכי יהוה כי גדול כבוד יהוה׃

Psalms 145:10-12

10 יודוך יהוה כל מעשׂיך וחסידיך יברכוכה׃11 כבוד מלכותך יאמרו וגבורתך ידברו׃12 להודיע לבני האדם גבורתיו וכבוד הדר מלכותו׃

Daniel 4:3

3 (3:33) אתוהי כמה רברבין ותמהוהי כמה תקיפין מלכותה מלכות עלם ושׁלטנה עם דר ודר׃

Daniel 4:37

37 (4:34) כען אנה נבוכדנצר משׁבח ומרומם ומהדר למלך שׁמיא די כל מעבדוהי קשׁט וארחתה דין ודי מהלכין בגוה יכל להשׁפלה׃

1 Kings 8:27

27 כי האמנם ישׁב אלהים על הארץ הנה השׁמים ושׁמי השׁמים לא יכלכלוך אף כי הבית הזה אשׁר בניתי׃

Job 10:5

5 הכימי אנושׁ ימיך אם שׁנותיך כימי גבר׃

Job 11:7-9

7 החקר אלוה תמצא אם עד תכלית שׁדי תמצא׃8 גבהי שׁמים מה תפעל עמקה משׁאול מה תדע׃9 ארכה מארץ מדה ורחבה מני ים׃

Job 26:14

14 הן אלה קצות דרכו ומה שׁמץ דבר נשׁמע בו ורעם גבורתו מי יתבונן׃

Job 37:5

5 ירעם אל בקולו נפלאות עשׂה גדלות ולא נדע׃

Psalms 90:2

2 בטרם הרים ילדו ותחולל ארץ ותבל ומעולם עד עולם אתה אל׃

Psalms 102:24-27

24 (102:25) אמר אלי אל תעלני בחצי ימי בדור דורים שׁנותיך׃25 (102:26) לפנים הארץ יסדת ומעשׂה ידיך שׁמים׃26 (102:27) המה יאבדו ואתה תעמד וכלם כבגד יבלו כלבושׁ תחליפם ויחלפו׃27 (102:28) ואתה הוא ושׁנותיך לא יתמו׃

Psalms 145:3

3 גדול יהוה ומהלל מאד ולגדלתו אין חקר׃

Genesis 2:5-6

5 וכל שׂיח השׂדה טרם יהיה בארץ וכל עשׂב השׂדה טרם יצמח כי לא המטיר יהוה אלהים על הארץ ואדם אין לעבד את האדמה׃6 ואד יעלה מן הארץ והשׁקה את כל פני האדמה׃

Job 5:9

9 עשׂה גדלות ואין חקר נפלאות עד אין מספר׃

Job 36:33

33 יגיד עליו רעו מקנה אף על עולה׃

Job 38:25-28

25 מי פלג לשׁטף תעלה ודרך לחזיז קלות׃26 להמטיר על ארץ לא אישׁ מדבר לא אדם׃27 להשׂביע שׁאה ומשׁאה ולהצמיח מצא דשׁא׃28 הישׁ למטר אב או מי הוליד אגלי טל׃

Job 38:34

34 התרים לעב קולך ושׁפעת מים תכסך׃

Psalms 65:9-13

9 (65:10) פקדת הארץ ותשׁקקה רבת תעשׁרנה פלג אלהים מלא מים תכין דגנם כי כן תכינה׃10 (65:11) תלמיה רוה נחת גדודיה ברביבים תמגגנה צמחה תברך׃11 (65:12) עטרת שׁנת טובתך ומעגליך ירעפון דשׁן׃12 (65:13) ירעפו נאות מדבר וגיל גבעות תחגרנה׃13 (65:14) לבשׁו כרים הצאן ועמקים יעטפו בר יתרועעו אף ישׁירו׃

Psalms 147:8

8 המכסה שׁמים בעבים המכין לארץ מטר המצמיח הרים חציר׃

Psalms 148:8

8 אשׁ וברד שׁלג וקיטור רוח סערה עשׂה דברו׃

Isaiah 5:6

6 ואשׁיתהו בתה לא יזמר ולא יעדר ועלה שׁמיר ושׁית ועל העבים אצוה מהמטיר עליו מטר׃

Jeremiah 14:22

22 הישׁ בהבלי הגוים מגשׁמים ואם השׁמים יתנו רבבים הלא אתה הוא יהוה אלהינו ונקוה לך כי אתה עשׂית את כל אלה׃

Genesis 7:11-12

11 בשׁנת שׁשׁ מאות שׁנה לחיי נח בחדשׁ השׁני בשׁבעה עשׂר יום לחדשׁ ביום הזה נבקעו כל מעינות תהום רבה וארבת השׁמים נפתחו׃12 ויהי הגשׁם על הארץ ארבעים יום וארבעים לילה׃

Job 37:11-13

11 אף ברי יטריח עב יפיץ ענן אורו׃12 והוא מסבות מתהפך בתחבולתו לפעלם כל אשׁר יצום על פני תבל ארצה׃13 אם לשׁבט אם לארצו אם לחסד ימצאהו׃

Proverbs 3:20

20 בדעתו תהומות נבקעו ושׁחקים ירעפו טל׃

1 Kings 18:44-45

44 ויהי בשׁבעית ויאמר הנה עב קטנה ככף אישׁ עלה מים ויאמר עלה אמר אל אחאב אסר ורד ולא יעצרכה הגשׁם׃45 ויהי עד כה ועד כה והשׁמים התקדרו עבים ורוח ויהי גשׁם גדול וירכב אחאב וילך יזרעאלה׃

Job 37:2-5

2 שׁמעו שׁמוע ברגז קלו והגה מפיו יצא׃3 תחת כל השׁמים ישׁרהו ואורו על כנפות הארץ׃4 אחריו ישׁאג קול ירעם בקול גאונו ולא יעקבם כי ישׁמע קולו׃5 ירעם אל בקולו נפלאות עשׂה גדלות ולא נדע׃

Job 38:9

9 בשׂומי ענן לבשׁו וערפל חתלתו׃

Job 38:37

37 מי יספר שׁחקים בחכמה ונבלי שׁמים מי ישׁכיב׃

Psalms 18:13

13 (18:14) וירעם בשׁמים יהוה ועליון יתן קלו ברד וגחלי אשׁ׃

Psalms 29:3-10

3 קול יהוה על המים אל הכבוד הרעים יהוה על מים רבים׃4 קול יהוה בכח קול יהוה בהדר׃5 קול יהוה שׁבר ארזים וישׁבר יהוה את ארזי הלבנון׃6 וירקידם כמו עגל לבנון ושׂרין כמו בן ראמים׃7 קול יהוה חצב להבות אשׁ׃8 קול יהוה יחיל מדבר יחיל יהוה מדבר קדשׁ׃9 קול יהוה יחולל אילות ויחשׂף יערות ובהיכלו כלו אמר כבוד׃10 יהוה למבול ישׁב וישׁב יהוה מלך לעולם׃

Psalms 77:16-19

16 (77:17) ראוך מים אלהים ראוך מים יחילו אף ירגזו תהמות׃17 (77:18) זרמו מים עבות קול נתנו שׁחקים אף חצציך יתהלכו׃18 (77:19) קול רעמך בגלגל האירו ברקים תבל רגזה ותרעשׁ הארץ׃19 (77:20) בים דרכך ושׁביליך במים רבים ועקבותיך לא נדעו׃

Psalms 104:3

3 המקרה במים עליותיו השׂם עבים רכובו המהלך על כנפי רוח׃

Psalms 104:7

7 מן גערתך ינוסון מן קול רעמך יחפזון׃

Nahum 1:3

3 יהוה ארך אפים וגדול כח ונקה לא ינקה יהוה בסופה ובשׂערה דרכו וענן אבק רגליו׃

Habakkuk 3:10

10 ראוך יחילו הרים זרם מים עבר נתן תהום קולו רום ידיהו נשׂא׃

Genesis 1:9

9 ויאמר אלהים יקוו המים מתחת השׁמים אל מקום אחד ותראה היבשׁה ויהי כן׃

Exodus 14:22

22 ויבאו בני ישׂראל בתוך הים ביבשׁה והמים להם חומה מימינם ומשׂמאלם׃

Exodus 14:28

28 וישׁבו המים ויכסו את הרכב ואת הפרשׁים לכל חיל פרעה הבאים אחריהם בים לא נשׁאר בהם עד אחד׃

Exodus 15:4-5

4 מרכבת פרעה וחילו ירה בים ומבחר שׁלשׁיו טבעו בים סוף׃5 תהמת יכסימו ירדו במצולת כמו אבן׃

Job 38:8-11

8 ויסך בדלתים ים בגיחו מרחם יצא׃9 בשׂומי ענן לבשׁו וערפל חתלתו׃10 ואשׁבר עליו חקי ואשׂים בריח ודלתים׃11 ואמר עד פה תבוא ולא תסיף ופא ישׁית בגאון גליך׃

Job 38:25

25 מי פלג לשׁטף תעלה ודרך לחזיז קלות׃

Job 38:34-35

34 התרים לעב קולך ושׁפעת מים תכסך׃35 התשׁלח ברקים וילכו ויאמרו לך הננו׃

Psalms 18:11-16

11 (18:12) ישׁת חשׁך סתרו סביבותיו סכתו חשׁכת מים עבי שׁחקים׃12 (18:13) מנגה נגדו עביו עברו ברד וגחלי אשׁ׃13 (18:14) וירעם בשׁמים יהוה ועליון יתן קלו ברד וגחלי אשׁ׃14 (18:15) וישׁלח חציו ויפיצם וברקים רב ויהמם׃15 (18:16) ויראו אפיקי מים ויגלו מוסדות תבל מגערתך יהוה מנשׁמת רוח אפך׃16 (18:17) ישׁלח ממרום יקחני ימשׁני ממים רבים׃

Psalms 104:5-9

5 יסד ארץ על מכוניה בל תמוט עולם ועד׃6 תהום כלבושׁ כסיתו על הרים יעמדו מים׃7 מן גערתך ינוסון מן קול רעמך יחפזון׃8 יעלו הרים ירדו בקעות אל מקום זה יסדת להם׃9 גבול שׂמת בל יעברון בל ישׁובון לכסות הארץ׃

Genesis 6:17

17 ואני הנני מביא את המבול מים על הארץ לשׁחת כל בשׂר אשׁר בו רוח חיים מתחת השׁמים כל אשׁר בארץ יגוע׃

Genesis 7:17-24

17 ויהי המבול ארבעים יום על הארץ וירבו המים וישׂאו את התבה ותרם מעל הארץ׃18 ויגברו המים וירבו מאד על הארץ ותלך התבה על פני המים׃19 והמים גברו מאד מאד על הארץ ויכסו כל ההרים הגבהים אשׁר תחת כל השׁמים׃20 חמשׁ עשׂרה אמה מלמעלה גברו המים ויכסו ההרים׃21 ויגוע כל בשׂר הרמשׂ על הארץ בעוף ובבהמה ובחיה ובכל השׁרץ השׁרץ על הארץ וכל האדם׃22 כל אשׁר נשׁמת רוח חיים באפיו מכל אשׁר בחרבה מתו׃23 וימח את כל היקום אשׁר על פני האדמה מאדם עד בהמה עד רמשׂ ועד עוף השׁמים וימחו מן הארץ וישׁאר אך נח ואשׁר אתו בתבה׃24 ויגברו המים על הארץ חמשׁים ומאת יום׃

Genesis 19:24

24 ויהוה המטיר על סדם ועל עמרה גפרית ואשׁ מאת יהוה מן השׁמים׃

Exodus 9:23-25

23 ויט משׁה את מטהו על השׁמים ויהוה נתן קלת וברד ותהלך אשׁ ארצה וימטר יהוה ברד על ארץ מצרים׃24 ויהי ברד ואשׁ מתלקחת בתוך הברד כבד מאד אשׁר לא היה כמהו בכל ארץ מצרים מאז היתה לגוי׃25 ויך הברד בכל ארץ מצרים את כל אשׁר בשׂדה מאדם ועד בהמה ואת כל עשׂב השׂדה הכה הברד ואת כל עץ השׂדה שׁבר׃

Deuteronomy 8:2

2 וזכרת את כל הדרך אשׁר הוליכך יהוה אלהיך זה ארבעים שׁנה במדבר למען ענתך לנסתך לדעת את אשׁר בלבבך התשׁמר מצותו אם לא׃

Deuteronomy 8:15

15 המוליכך במדבר הגדל והנורא נחשׁ שׂרף ועקרב וצמאון אשׁר אין מים המוציא לך מים מצור החלמישׁ׃

Joshua 10:11

11 ויהי בנסם מפני ישׂראל הם במורד בית חורן ויהוה השׁליך עליהם אבנים גדלות מן השׁמים עד עזקה וימתו רבים אשׁר מתו באבני הברד מאשׁר הרגו בני ישׂראל בחרב׃

1 Samuel 2:10

10 יהוה יחתו מריבו עלו בשׁמים ירעם יהוה ידין אפסי ארץ ויתן עז למלכו וירם קרן משׁיחו׃

1 Samuel 7:10

10 ויהי שׁמואל מעלה העולה ופלשׁתים נגשׁו למלחמה בישׂראל וירעם יהוה בקול גדול ביום ההוא על פלשׁתים ויהמם וינגפו לפני ישׂראל׃

1 Samuel 12:18

18 ויקרא שׁמואל אל יהוה ויתן יהוה קלת ומטר ביום ההוא ויירא כל העם מאד את יהוה ואת שׁמואל׃

Job 37:13

13 אם לשׁבט אם לארצו אם לחסד ימצאהו׃

Job 38:22-23

22 הבאת אל אצרות שׁלג ואצרות ברד תראה׃23 אשׁר חשׂכתי לעת צר ליום קרב ומלחמה׃

Job 38:26-27

26 להמטיר על ארץ לא אישׁ מדבר לא אדם׃27 להשׂביע שׁאה ומשׁאה ולהצמיח מצא דשׁא׃

Psalms 104:13-15

13 משׁקה הרים מעליותיו מפרי מעשׂיך תשׂבע הארץ׃14 מצמיח חציר לבהמה ועשׂב לעבדת האדם להוציא לחם מן הארץ׃15 ויין ישׂמח לבב אנושׁ להצהיל פנים משׁמן ולחם לבב אנושׁ יסעד׃

Psalms 104:27-28

27 כלם אליך ישׂברון לתת אכלם בעתו׃28 תתן להם ילקטון תפתח ידך ישׂבעון טוב׃

Psalms 136:25

25 נתן לחם לכל בשׂר כי לעולם חסדו׃

Exodus 10:21-23

21 ויאמר יהוה אל משׁה נטה ידך על השׁמים ויהי חשׁך על ארץ מצרים וימשׁ חשׁך׃22 ויט משׁה את ידו על השׁמים ויהי חשׁך אפלה בכל ארץ מצרים שׁלשׁת ימים׃23 לא ראו אישׁ את אחיו ולא קמו אישׁ מתחתיו שׁלשׁת ימים ולכל בני ישׂראל היה אור במושׁבתם׃

Job 26:9

9 מאחז פני כסה פרשׁז עליו עננו׃

Job 37:12

12 והוא מסבות מתהפך בתחבולתו לפעלם כל אשׁר יצום על פני תבל ארצה׃

Job 37:15

15 התדע בשׂום אלוה עליהם והופיע אור עננו׃

Psalms 18:11

11 (18:12) ישׁת חשׁך סתרו סביבותיו סכתו חשׁכת מים עבי שׁחקים׃

Psalms 135:7

7 מעלה נשׂאים מקצה הארץ ברקים למטר עשׂה מוצא רוח מאוצרותיו׃

Psalms 147:8-9

8 המכסה שׁמים בעבים המכין לארץ מטר המצמיח הרים חציר׃9 נותן לבהמה לחמה לבני ערב אשׁר יקראו׃

2 Samuel 22:14

14 ירעם מן שׁמים יהוה ועליון יתן קולו׃

1 Kings 18:41-45

41 ויאמר אליהו לאחאב עלה אכל ושׁתה כי קול המון הגשׁם׃42 ויעלה אחאב לאכל ולשׁתות ואליהו עלה אל ראשׁ הכרמל ויגהר ארצה וישׂם פניו בין ברכו׃43 ויאמר אל נערו עלה נא הבט דרך ים ויעל ויבט ויאמר אין מאומה ויאמר שׁב שׁבע פעמים׃

Job 36:29

29 אף אם יבין מפרשׂי עב תשׁאות סכתו׃

Job 37:2

2 שׁמעו שׁמוע ברגז קלו והגה מפיו יצא׃

Jeremiah 14:4-6

4 בעבור האדמה חתה כי לא היה גשׁם בארץ בשׁו אכרים חפו ראשׁם׃5 כי גם אילת בשׂדה ילדה ועזוב כי לא היה דשׁא׃6 ופראים עמדו על שׁפים שׁאפו רוח כתנים כלו עיניהם כי אין עשׂב׃

Joel 1:18

18 מה נאנחה בהמה נבכו עדרי בקר כי אין מרעה להם גם עדרי הצאן נאשׁמו׃

Joel 2:22

22 אל תיראו בהמות שׂדי כי דשׁאו נאות מדבר כי עץ נשׂא פריו תאנה וגפן נתנו חילם׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.