Job 42 Cross References - HOT

1 ויען איוב את יהוה ויאמר׃2 ידעת כי כל תוכל ולא יבצר ממך מזמה׃3 מי זה מעלים עצה בלי דעת לכן הגדתי ולא אבין נפלאות ממני ולא אדע׃4 שׁמע נא ואנכי אדבר אשׁאלך והודיעני׃5 לשׁמע אזן שׁמעתיך ועתה עיני ראתך׃6 על כן אמאס ונחמתי על עפר ואפר׃7 ויהי אחר דבר יהוה את הדברים האלה אל איוב ויאמר יהוה אל אליפז התימני חרה אפי בך ובשׁני רעיך כי לא דברתם אלי נכונה כעבדי איוב׃8 ועתה קחו לכם שׁבעה פרים ושׁבעה אילים ולכו אל עבדי איוב והעליתם עולה בעדכם ואיוב עבדי יתפלל עליכם כי אם פניו אשׂא לבלתי עשׂות עמכם נבלה כי לא דברתם אלי נכונה כעבדי איוב׃9 וילכו אליפז התימני ובלדד השׁוחי צפר הנעמתי ויעשׂו כאשׁר דבר אליהם יהוה וישׂא יהוה את פני איוב׃10 ויהוה שׁב את שׁבית איוב בהתפללו בעד רעהו ויסף יהוה את כל אשׁר לאיוב למשׁנה׃11 ויבאו אליו כל אחיו וכל אחיתיו וכל ידעיו לפנים ויאכלו עמו לחם בביתו וינדו לו וינחמו אתו על כל הרעה אשׁר הביא יהוה עליו ויתנו לו אישׁ קשׂיטה אחת ואישׁ נזם זהב אחד׃12 ויהוה ברך את אחרית איוב מראשׁתו ויהי לו ארבעה עשׂר אלף צאן ושׁשׁת אלפים גמלים ואלף צמד בקר ואלף אתונות׃13 ויהי לו שׁבענה בנים ושׁלושׁ בנות׃14 ויקרא שׁם האחת ימימה ושׁם השׁנית קציעה ושׁם השׁלישׁית קרן הפוך׃15 ולא נמצא נשׁים יפות כבנות איוב בכל הארץ ויתן להם אביהם נחלה בתוך אחיהם׃16 ויחי איוב אחרי זאת מאה וארבעים שׁנה וירא את בניו ואת בני בניו ארבעה דרות׃17 וימת איוב זקן ושׂבע ימים׃

Genesis 18:14

14 היפלא מיהוה דבר למועד אשׁוב אליך כעת חיה ולשׂרה בן׃

Job 23:13

13 והוא באחד ומי ישׁיבנו ונפשׁו אותה ויעשׂ׃

Psalms 44:21

21 (44:22) הלא אלהים יחקר זאת כי הוא ידע תעלמות לב׃

Psalms 139:2

2 אתה ידעת שׁבתי וקומי בנתה לרעי מרחוק׃

Proverbs 19:21

21 רבות מחשׁבות בלב אישׁ ועצת יהוה היא תקום׃

Ecclesiastes 3:14

14 ידעתי כי כל אשׁר יעשׂה האלהים הוא יהיה לעולם עליו אין להוסיף וממנו אין לגרע והאלהים עשׂה שׁיראו מלפניו׃

Isaiah 14:27

27 כי יהוה צבאות יעץ ומי יפר וידו הנטויה ומי ישׁיבנה׃

Isaiah 43:13

13 גם מיום אני הוא ואין מידי מציל אפעל ומי ישׁיבנה׃

Isaiah 46:10

10 מגיד מראשׁית אחרית ומקדם אשׁר לא נעשׂו אמר עצתי תקום וכל חפצי אעשׂה׃

Jeremiah 17:10

10 אני יהוה חקר לב בחן כליות ולתת לאישׁ כדרכו כפרי מעלליו׃

Jeremiah 32:17

17 אהה אדני יהוה הנה אתה עשׂית את השׁמים ואת הארץ בכחך הגדול ובזרעך הנטויה לא יפלא ממך כל דבר׃

Ezekiel 38:10

10 כה אמר אדני יהוה והיה ביום ההוא יעלו דברים על לבבך וחשׁבת מחשׁבת רעה׃

Daniel 4:35

35 (4:32) וכל דארי ארעא כלה חשׁיבין וכמצביה עבד בחיל שׁמיא ודארי ארעא ולא איתי די ימחא בידה ויאמר לה מה עבדת׃

Job 38:2

2 מי זה מחשׁיך עצה במלין בלי דעת׃

Psalms 40:5

5 (40:6) רבות עשׂית אתה יהוה אלהי נפלאתיך ומחשׁבתיך אלינו אין ערך אליך אגידה ואדברה עצמו מספר׃

Psalms 131:1

1 שׁיר המעלות לדוד יהוה לא גבה לבי ולא רמו עיני ולא הלכתי בגדלות ובנפלאות ממני׃

Psalms 139:6

6 פלאיה דעת ממני נשׂגבה לא אוכל׃

Proverbs 30:2-4

2 כי בער אנכי מאישׁ ולא בינת אדם׃3 ולא למדתי חכמה ודעת קדשׁים אדע׃4 מי עלה שׁמים וירד מי אסף רוח בחפניו מי צרר מים בשׂמלה מי הקים כל אפסי ארץ מה שׁמו ומה שׁם בנו כי תדע׃

Genesis 18:27

27 ויען אברהם ויאמר הנה נא הואלתי לדבר אל אדני ואנכי עפר ואפר׃

Genesis 18:30-32

30 ויאמר אל נא יחר לאדני ואדברה אולי ימצאון שׁם שׁלשׁים ויאמר לא אעשׂה אם אמצא שׁם שׁלשׁים׃31 ויאמר הנה נא הואלתי לדבר אל אדני אולי ימצאון שׁם עשׂרים ויאמר לא אשׁחית בעבור העשׂרים׃32 ויאמר אל נא יחר לאדני ואדברה אך הפעם אולי ימצאון שׁם עשׂרה ויאמר לא אשׁחית בעבור העשׂרה׃

Job 38:3

3 אזר נא כגבר חלציך ואשׁאלך והודיעני׃

Job 40:7

7 אזר נא כגבר חלציך אשׁאלך והודיעני׃

Numbers 12:6-8

6 ויאמר שׁמעו נא דברי אם יהיה נביאכם יהוה במראה אליו אתודע בחלום אדבר׃7 לא כן עבדי משׁה בכל ביתי נאמן הוא׃8 פה אל פה אדבר בו ומראה ולא בחידת ותמנת יהוה יביט ומדוע לא יראתם לדבר בעבדי במשׁה׃

Job 4:12

12 ואלי דבר יגנב ותקח אזני שׁמץ מנהו׃

Job 23:8-9

8 הן קדם אהלך ואיננו ואחור ולא אבין׃9 שׂמאול בעשׂתו ולא אחז יעטף ימין ולא אראה׃

Job 26:14

14 הן אלה קצות דרכו ומה שׁמץ דבר נשׁמע בו ורעם גבורתו מי יתבונן׃

Job 28:22

22 אבדון ומות אמרו באזנינו שׁמענו שׁמעה׃

Job 33:16

16 אז יגלה אזן אנשׁים ובמסרם יחתם׃

Isaiah 6:1

1 בשׁנת מות המלך עזיהו ואראה את אדני ישׁב על כסא רם ונשׂא ושׁוליו מלאים את ההיכל׃

Isaiah 6:5

5 ואמר אוי לי כי נדמיתי כי אישׁ טמא שׂפתים אנכי ובתוך עם טמא שׂפתים אנכי יושׁב כי את המלך יהוה צבאות ראו עיני׃

1 Kings 21:27

27 ויהי כשׁמע אחאב את הדברים האלה ויקרע בגדיו וישׂם שׂק על בשׂרו ויצום וישׁכב בשׂק ויהלך אט׃

Ezra 9:6

6 ואמרה אלהי בשׁתי ונכלמתי להרים אלהי פני אליך כי עונתינו רבו למעלה ראשׁ ואשׁמתנו גדלה עד לשׁמים׃

Esther 4:1-3

1 ומרדכי ידע את כל אשׁר נעשׂה ויקרע מרדכי את בגדיו וילבשׁ שׂק ואפר ויצא בתוך העיר ויזעק זעקה גדולה ומרה׃2 ויבוא עד לפני שׁער המלך כי אין לבוא אל שׁער המלך בלבושׁ שׂק׃3 ובכל מדינה ומדינה מקום אשׁר דבר המלך ודתו מגיע אבל גדול ליהודים וצום ובכי ומספד שׂק ואפר יצע לרבים׃

Job 2:8

8 ויקח לו חרשׂ להתגרד בו והוא ישׁב בתוך האפר׃

Job 9:31

31 אז בשׁחת תטבלני ותעבוני שׂלמותי׃

Job 30:19

19 הרני לחמר ואתמשׁל כעפר ואפר׃

Job 40:3-4

3 ויען איוב את יהוה ויאמר׃4 הן קלתי מה אשׁיבך ידי שׂמתי למו פי׃

Psalms 51:17

17 (51:19) זבחי אלהים רוח נשׁברה לב נשׁבר ונדכה אלהים לא תבזה׃

Isaiah 5:5

5 ועתה אודיעה נא אתכם את אשׁר אני עשׂה לכרמי הסר משׂוכתו והיה לבער פרץ גדרו והיה למרמס׃

Isaiah 58:5

5 הכזה יהיה צום אבחרהו יום ענות אדם נפשׁו הלכף כאגמן ראשׁו ושׂק ואפר יציע הלזה תקרא צום ויום רצון ליהוה׃

Jeremiah 31:19

19 כי אחרי שׁובי נחמתי ואחרי הודעי ספקתי על ירך בשׁתי וגם נכלמתי כי נשׂאתי חרפת נעורי׃

Ezekiel 16:63

63 למען תזכרי ובשׁת ולא יהיה לך עוד פתחון פה מפני כלמתך בכפרי לך לכל אשׁר עשׂית נאם אדני יהוה׃

Ezekiel 20:43

43 וזכרתם שׁם את דרכיכם ואת כל עלילותיכם אשׁר נטמאתם בם ונקטתם בפניכם בכל רעותיכם אשׁר עשׂיתם׃

Ezekiel 36:31

31 וזכרתם את דרכיכם הרעים ומעלליכם אשׁר לא טובים ונקטתם בפניכם על עונתיכם ועל תועבותיכם׃

Daniel 9:3

3 ואתנה את פני אל אדני האלהים לבקשׁ תפלה ותחנונים בצום ושׂק ואפר׃

Jonah 3:6-10

6 ויגע הדבר אל מלך נינוה ויקם מכסאו ויעבר אדרתו מעליו ויכס שׂק וישׁב על האפר׃7 ויזעק ויאמר בנינוה מטעם המלך וגדליו לאמר האדם והבהמה הבקר והצאן אל יטעמו מאומה אל ירעו ומים אל ישׁתו׃8 ויתכסו שׂקים האדם והבהמה ויקראו אל אלהים בחזקה וישׁבו אישׁ מדרכו הרעה ומן החמס אשׁר בכפיהם׃9 מי יודע ישׁוב ונחם האלהים ושׁב מחרון אפו ולא נאבד׃10 וירא האלהים את מעשׂיהם כי שׁבו מדרכם הרעה וינחם האלהים על הרעה אשׁר דבר לעשׂות להם ולא עשׂה׃

Job 2:11

11 וישׁמעו שׁלשׁת רעי איוב את כל הרעה הזאת הבאה עליו ויבאו אישׁ ממקמו אליפז התימני ובלדד השׁוחי וצופר הנעמתי ויועדו יחדו לבוא לנוד לו ולנחמו׃

Job 4:1

1 ויען אליפז התימני ויאמר׃

Job 8:1

1 ויען בלדד השׁוחי ויאמר׃

Job 11:1

1 ויען צפר הנעמתי ויאמר׃

Job 11:5-6

5 ואולם מי יתן אלוה דבר ויפתח שׂפתיו עמך׃6 ויגד לך תעלמות חכמה כי כפלים לתושׁיה ודע כי ישׁה לך אלוה מעונך׃

Job 32:2-3

2 ויחר אף אליהוא בן ברכאל הבוזי ממשׁפחת רם באיוב חרה אפו על צדקו נפשׁו מאלהים׃3 ובשׁלשׁת רעיו חרה אפו על אשׁר לא מצאו מענה וירשׁיעו את איוב׃

Job 32:5

5 וירא אליהוא כי אין מענה בפי שׁלשׁת האנשׁים ויחר אפו׃

Psalms 51:4

4 (51:6) לך לבדך חטאתי והרע בעיניך עשׂיתי למען תצדק בדברך תזכה בשׁפטך׃

Genesis 20:17

17 ויתפלל אברהם אל האלהים וירפא אלהים את אבימלך ואת אשׁתו ואמהתיו וילדו׃

Exodus 18:12

12 ויקח יתרו חתן משׁה עלה וזבחים לאלהים ויבא אהרן וכל זקני ישׂראל לאכל לחם עם חתן משׁה לפני האלהים׃

Numbers 23:1

1 ויאמר בלעם אל בלק בנה לי בזה שׁבעה מזבחת והכן לי בזה שׁבעה פרים ושׁבעה אילים׃

Numbers 23:14

14 ויקחהו שׂדה צפים אל ראשׁ הפסגה ויבן שׁבעה מזבחת ויעל פר ואיל במזבח׃

Numbers 23:29

29 ויאמר בלעם אל בלק בנה לי בזה שׁבעה מזבחת והכן לי בזה שׁבעה פרים ושׁבעה אילם׃

1 Samuel 25:35

35 ויקח דוד מידה את אשׁר הביאה לו ולה אמר עלי לשׁלום לביתך ראי שׁמעתי בקולך ואשׂא פניך׃

1 Chronicles 15:26

26 ויהי בעזר האלהים את הלוים נשׂאי ארון ברית יהוה ויזבחו שׁבעה פרים ושׁבעה אילים׃

2 Chronicles 29:21

21 ויביאו פרים שׁבעה ואילים שׁבעה וכבשׂים שׁבעה וצפירי עזים שׁבעה לחטאת על הממלכה ועל המקדשׁ ועל יהודה ויאמר לבני אהרן הכהנים להעלות על מזבח יהוה׃

Job 1:5

5 ויהי כי הקיפו ימי המשׁתה וישׁלח איוב ויקדשׁם והשׁכים בבקר והעלה עלות מספר כלם כי אמר איוב אולי חטאו בני וברכו אלהים בלבבם ככה יעשׂה איוב כל הימים׃

Job 22:30

30 ימלט אי נקי ונמלט בבר כפיך׃

Job 42:9

9 וילכו אליפז התימני ובלדד השׁוחי צפר הנעמתי ויעשׂו כאשׁר דבר אליהם יהוה וישׂא יהוה את פני איוב׃

Psalms 103:10

10 לא כחטאינו עשׂה לנו ולא כעונתינו גמל עלינו׃

Isaiah 60:14

14 והלכו אליך שׁחוח בני מעניך והשׁתחוו על כפות רגליך כל מנאציך וקראו לך עיר יהוה ציון קדושׁ ישׂראל׃

Jeremiah 14:11

11 ויאמר יהוה אלי אל תתפלל בעד העם הזה לטובה׃

Jeremiah 15:1

1 ויאמר יהוה אלי אם יעמד משׁה ושׁמואל לפני אין נפשׁי אל העם הזה שׁלח מעל פני ויצאו׃

Ezekiel 14:14

14 והיו שׁלשׁת האנשׁים האלה בתוכה נח דנאל ואיוב המה בצדקתם ינצלו נפשׁם נאם אדני יהוה׃

Ezekiel 45:23

23 ושׁבעת ימי החג יעשׂה עולה ליהוה שׁבעת פרים ושׁבעת אילים תמימם ליום שׁבעת הימים וחטאת שׂעיר עזים ליום׃

Malachi 1:8-9

8 וכי תגשׁון עור לזבח אין רע וכי תגישׁו פסח וחלה אין רע הקריבהו נא לפחתך הירצך או הישׂא פניך אמר יהוה צבאות׃9 ועתה חלו נא פני אל ויחננו מידכם היתה זאת הישׂא מכם פנים אמר יהוה צבאות׃

Job 22:27

27 תעתיר אליו וישׁמעך ונדריך תשׁלם׃

Job 34:31-32

31 כי אל אל האמר נשׂאתי לא אחבל׃32 בלעדי אחזה אתה הרני אם עול פעלתי לא אסיף׃

Job 42:8

8 ועתה קחו לכם שׁבעה פרים ושׁבעה אילים ולכו אל עבדי איוב והעליתם עולה בעדכם ואיוב עבדי יתפלל עליכם כי אם פניו אשׂא לבלתי עשׂות עמכם נבלה כי לא דברתם אלי נכונה כעבדי איוב׃

Proverbs 3:11-12

11 מוסר יהוה בני אל תמאס ואל תקץ בתוכחתו׃12 כי את אשׁר יאהב יהוה יוכיח וכאב את בן ירצה׃

Ecclesiastes 9:7

7 לך אכל בשׂמחה לחמך ושׁתה בלב טוב יינך כי כבר רצה האלהים את מעשׂיך׃

Exodus 17:4-5

4 ויצעק משׁה אל יהוה לאמר מה אעשׂה לעם הזה עוד מעט וסקלני׃5 ויאמר יהוה אל משׁה עבר לפני העם וקח אתך מזקני ישׂראל ומטך אשׁר הכית בו את היאר קח בידך והלכת׃

Numbers 12:2

2 ויאמרו הרק אך במשׁה דבר יהוה הלא גם בנו דבר וישׁמע יהוה׃

Numbers 12:13

13 ויצעק משׁה אל יהוה לאמר אל נא רפא נא׃

Numbers 14:1-4

1 ותשׂא כל העדה ויתנו את קולם ויבכו העם בלילה ההוא׃2 וילנו על משׁה ועל אהרן כל בני ישׂראל ויאמרו אלהם כל העדה לו מתנו בארץ מצרים או במדבר הזה לו מתנו׃3 ולמה יהוה מביא אתנו אל הארץ הזאת לנפל בחרב נשׁינו וטפנו יהיו לבז הלוא טוב לנו שׁוב מצרימה׃4 ויאמרו אישׁ אל אחיו נתנה ראשׁ ונשׁובה מצרימה׃

Numbers 14:10

10 ויאמרו כל העדה לרגום אתם באבנים וכבוד יהוה נראה באהל מועד אל כל בני ישׂראל׃

Numbers 14:13-20

13 ויאמר משׁה אל יהוה ושׁמעו מצרים כי העלית בכחך את העם הזה מקרבו׃14 ואמרו אל יושׁב הארץ הזאת שׁמעו כי אתה יהוה בקרב העם הזה אשׁר עין בעין נראה אתה יהוה ועננך עמד עלהם ובעמד ענן אתה הלך לפניהם יומם ובעמוד אשׁ לילה׃15 והמתה את העם הזה כאישׁ אחד ואמרו הגוים אשׁר שׁמעו את שׁמעך לאמר׃16 מבלתי יכלת יהוה להביא את העם הזה אל הארץ אשׁר נשׁבע להם וישׁחטם במדבר׃17 ועתה יגדל נא כח אדני כאשׁר דברת לאמר׃18 יהוה ארך אפים ורב חסד נשׂא עון ופשׁע ונקה לא ינקה פקד עון אבות על בנים על שׁלשׁים ועל רבעים׃19 סלח נא לעון העם הזה כגדל חסדך וכאשׁר נשׂאתה לעם הזה ממצרים ועד הנה׃20 ויאמר יהוה סלחתי כדברך׃

Numbers 16:21-22

21 הבדלו מתוך העדה הזאת ואכלה אתם כרגע׃22 ויפלו על פניהם ויאמרו אל אלהי הרוחת לכל בשׂר האישׁ אחד יחטא ועל כל העדה תקצף׃

Numbers 16:46-48

46 (17:11) ויאמר משׁה אל אהרן קח את המחתה ותן עליה אשׁ מעל המזבח ושׂים קטרת והולך מהרה אל העדה וכפר עליהם כי יצא הקצף מלפני יהוה החל הנגף׃47 (17:12) ויקח אהרן כאשׁר דבר משׁה וירץ אל תוך הקהל והנה החל הנגף בעם ויתן את הקטרת ויכפר על העם׃48 (17:13) ויעמד בין המתים ובין החיים ותעצר המגפה׃

Deuteronomy 8:18

18 וזכרת את יהוה אלהיך כי הוא הנתן לך כח לעשׂות חיל למען הקים את בריתו אשׁר נשׁבע לאבתיך כיום הזה׃

Deuteronomy 9:20

20 ובאהרן התאנף יהוה מאד להשׁמידו ואתפלל גם בעד אהרן בעת ההוא׃

Deuteronomy 30:3

3 ושׁב יהוה אלהיך את שׁבותך ורחמך ושׁב וקבצך מכל העמים אשׁר הפיצך יהוה אלהיך שׁמה׃

1 Samuel 2:7

7 יהוה מורישׁ ומעשׁיר משׁפיל אף מרומם׃

2 Chronicles 25:9

9 ויאמר אמציהו לאישׁ האלהים ומה לעשׂות למאת הככר אשׁר נתתי לגדוד ישׂראל ויאמר אישׁ האלהים ישׁ ליהוה לתת לך הרבה מזה׃

Job 1:3

3 ויהי מקנהו שׁבעת אלפי צאן ושׁלשׁת אלפי גמלים וחמשׁ מאות צמד בקר וחמשׁ מאות אתונות ועבדה רבה מאד ויהי האישׁ ההוא גדול מכל בני קדם׃

Job 5:18-20

18 כי הוא יכאיב ויחבשׁ ימחץ וידו תרפינה׃19 בשׁשׁ צרות יצילך ובשׁבע לא יגע בך רע׃20 ברעב פדך ממות ובמלחמה מידי חרב׃

Job 8:6-7

6 אם זך וישׁר אתה כי עתה יעיר עליך ושׁלם נות צדקך׃7 והיה ראשׁיתך מצער ואחריתך ישׂגה מאד׃

Job 22:24-25

24 ושׁית על עפר בצר ובצור נחלים אופיר׃25 והיה שׁדי בצריך וכסף תועפות׃

Psalms 14:7

7 מי יתן מציון ישׁועת ישׂראל בשׁוב יהוה שׁבות עמו יגל יעקב ישׂמח ישׂראל׃

Psalms 53:6

6 (53:7) מי יתן מציון ישׁעות ישׂראל בשׁוב אלהים שׁבות עמו יגל יעקב ישׂמח ישׂראל׃

Psalms 85:1-3

1 למנצח לבני קרח מזמור׃ (85:2) רצית יהוה ארצך שׁבת שׁבות יעקב׃2 (85:3) נשׂאת עון עמך כסית כל חטאתם סלה׃3 (85:4) אספת כל עברתך השׁיבות מחרון אפך׃

Psalms 126:1

1 שׁיר המעלות בשׁוב יהוה את שׁיבת ציון היינו כחלמים׃

Psalms 126:4-6

4 שׁובה יהוה את שׁבותנו כאפיקים בנגב׃5 הזרעים בדמעה ברנה יקצרו׃6 הלוך ילך ובכה נשׂא משׁך הזרע בא יבוא ברנה נשׂא אלמתיו׃

Proverbs 22:4

4 עקב ענוה יראת יהוה עשׁר וכבוד וחיים׃

Isaiah 40:2

2 דברו על לב ירושׁלם וקראו אליה כי מלאה צבאה כי נרצה עונה כי לקחה מיד יהוה כפלים בכל חטאתיה׃

Isaiah 61:7

7 תחת בשׁתכם משׁנה וכלמה ירנו חלקם לכן בארצם משׁנה יירשׁו שׂמחת עולם תהיה׃

Haggai 2:8

8 לי הכסף ולי הזהב נאם יהוה צבאות׃

Genesis 24:22

22 ויהי כאשׁר כלו הגמלים לשׁתות ויקח האישׁ נזם זהב בקע משׁקלו ושׁני צמידים על ידיה עשׂרה זהב משׁקלם׃

Genesis 24:53

53 ויוצא העבד כלי כסף וכלי זהב ובגדים ויתן לרבקה ומגדנת נתן לאחיה ולאמה׃

Genesis 37:35

35 ויקמו כל בניו וכל בנתיו לנחמו וימאן להתנחם ויאמר כי ארד אל בני אבל שׁאלה ויבך אתו אביו׃

Joshua 24:32

32 ואת עצמות יוסף אשׁר העלו בני ישׂראל ממצרים קברו בשׁכם בחלקת השׂדה אשׁר קנה יעקב מאת בני חמור אבי שׁכם במאה קשׂיטה ויהיו לבני יוסף לנחלה׃

1 Samuel 10:27

27 ובני בליעל אמרו מה ישׁענו זה ויבזהו ולא הביאו לו מנחה ויהי כמחרישׁ׃

Job 4:4

4 כושׁל יקימון מליך וברכים כרעות תאמץ׃

Job 6:22-23

22 הכי אמרתי הבו לי ומכחכם שׁחדו בעדי׃23 ומלטוני מיד צר ומיד עריצים תפדוני׃

Job 16:5

5 אאמצכם במו פי וניד שׂפתי יחשׂך׃

Job 19:13-14

13 אחי מעלי הרחיק וידעי אך זרו ממני׃14 חדלו קרובי ומידעי שׁכחוני׃

Proverbs 16:7

7 ברצות יהוה דרכי אישׁ גם אויביו ישׁלם אתו׃

Isaiah 35:3-4

3 חזקו ידים רפות וברכים כשׁלות אמצו׃4 אמרו לנמהרי לב חזקו אל תיראו הנה אלהיכם נקם יבוא גמול אלהים הוא יבוא וישׁעכם׃

Genesis 24:35

35 ויהוה ברך את אדני מאד ויגדל ויתן לו צאן ובקר וכסף וזהב ועבדם ושׁפחת וגמלים וחמרים׃

Genesis 26:12-14

12 ויזרע יצחק בארץ ההוא וימצא בשׁנה ההוא מאה שׁערים ויברכהו יהוה׃13 ויגדל האישׁ וילך הלוך וגדל עד כי גדל מאד׃14 ויהי לו מקנה צאן ומקנה בקר ועבדה רבה ויקנאו אתו פלשׁתים׃

Deuteronomy 8:16

16 המאכלך מן במדבר אשׁר לא ידעון אבתיך למען ענתך ולמען נסתך להיטבך באחריתך׃

Job 8:7

7 והיה ראשׁיתך מצער ואחריתך ישׂגה מאד׃

Psalms 107:38

38 ויברכם וירבו מאד ובהמתם לא ימעיט׃

Psalms 144:13-15

13 מזוינו מלאים מפיקים מזן אל זן צאוננו מאליפות מרבבות בחוצותינו׃14 אלופינו מסבלים אין פרץ ואין יוצאת ואין צוחה ברחבתינו׃15 אשׁרי העם שׁככה לו אשׁרי העם שׁיהוה אלהיו׃

Proverbs 10:22

22 ברכת יהוה היא תעשׁיר ולא יוסף עצב עמה׃

Ecclesiastes 7:8

8 טוב אחרית דבר מראשׁיתו טוב ארך רוח מגבה רוח׃

Job 1:2

2 ויולדו לו שׁבעה בנים ושׁלושׁ בנות׃

Psalms 107:41

41 וישׂגב אביון מעוני וישׂם כצאן משׁפחות׃

Psalms 127:3

3 הנה נחלת יהוה בנים שׂכר פרי הבטן׃

Isaiah 49:20

20 עוד יאמרו באזניך בני שׁכליך צר לי המקום גשׁה לי ואשׁבה׃

Numbers 27:7

7 כן בנות צלפחד דברת נתן תתן להם אחזת נחלה בתוך אחי אביהם והעברת את נחלת אביהן׃

Joshua 15:18-19

18 ויהי בבואה ותסיתהו לשׁאול מאת אביה שׂדה ותצנח מעל החמור ויאמר לה כלב מה׃19 ותאמר תנה לי ברכה כי ארץ הנגב נתתני ונתתה לי גלת מים ויתן לה את גלת עליות ואת גלת תחתיות׃

Joshua 18:4

4 הבו לכם שׁלשׁה אנשׁים לשׁבט ואשׁלחם ויקמו ויתהלכו בארץ ויכתבו אותה לפי נחלתם ויבאו אלי׃

Psalms 144:12

12 אשׁר בנינו כנטעים מגדלים בנעוריהם בנותינו כזוית מחטבות תבנית היכל׃

Genesis 11:32

32 ויהיו ימי תרח חמשׁ שׁנים ומאתים שׁנה וימת תרח בחרן׃

Genesis 25:7

7 ואלה ימי שׁני חיי אברהם אשׁר חי מאת שׁנה ושׁבעים שׁנה וחמשׁ שׁנים׃

Genesis 35:28

28 ויהיו ימי יצחק מאת שׁנה ושׁמנים שׁנה׃

Genesis 47:28

28 ויחי יעקב בארץ מצרים שׁבע עשׂרה שׁנה ויהי ימי יעקב שׁני חייו שׁבע שׁנים וארבעים ומאת שׁנה׃

Genesis 50:23

23 וירא יוסף לאפרים בני שׁלשׁים גם בני מכיר בן מנשׁה ילדו על ברכי יוסף׃

Genesis 50:26

26 וימת יוסף בן מאה ועשׂר שׁנים ויחנטו אתו ויישׂם בארון במצרים׃

Deuteronomy 34:7

7 ומשׁה בן מאה ועשׂרים שׁנה במתו לא כהתה עינו ולא נס לחה׃

Joshua 24:29

29 ויהי אחרי הדברים האלה וימת יהושׁע בן נון עבד יהוה בן מאה ועשׂר שׁנים׃

Psalms 90:10

10 ימי שׁנותינו בהם שׁבעים שׁנה ואם בגבורת שׁמונים שׁנה ורהבם עמל ואון כי גז חישׁ ונעפה׃

Psalms 128:6

6 וראה בנים לבניך שׁלום על ישׂראל׃

Proverbs 17:6

6 עטרת זקנים בני בנים ותפארת בנים אבותם׃

Genesis 15:15

15 ואתה תבוא אל אבתיך בשׁלום תקבר בשׂיבה טובה׃

Genesis 25:8

8 ויגוע וימת אברהם בשׂיבה טובה זקן ושׂבע ויאסף אל עמיו׃

Deuteronomy 6:2

2 למען תירא את יהוה אלהיך לשׁמר את כל חקתיו ומצותיו אשׁר אנכי מצוך אתה ובנך ובן בנך כל ימי חייך ולמען יארכן ימיך׃

Job 5:26

26 תבוא בכלח אלי קבר כעלות גדישׁ בעתו׃

Psalms 91:16

16 ארך ימים אשׂביעהו ואראהו בישׁועתי׃

Proverbs 3:16

16 ארך ימים בימינה בשׂמאולה עשׁר וכבוד׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.