Job 5 Cross References HOT

¹ קרא נא הישׁ עונך ואל מי מקדשׁים תפנה׃² כי לאויל יהרג כעשׂ ופתה תמית קנאה׃³ אני ראיתי אויל משׁרישׁ ואקוב נוהו פתאם׃⁴ ירחקו בניו מישׁע וידכאו בשׁער ואין מציל׃⁵ אשׁר קצירו רעב יאכל ואל מצנים יקחהו ושׁאף צמים חילם׃⁶ כי לא יצא מעפר און ומאדמה לא יצמח עמל׃⁷ כי אדם לעמל יולד ובני רשׁף יגביהו עוף׃⁸ אולם אני אדרשׁ אל אל ואל אלהים אשׂים דברתי׃⁹ עשׂה גדלות ואין חקר נפלאות עד אין מספר׃¹⁰ הנתן מטר על פני ארץ ושׁלח מים על פני חוצות׃¹¹ לשׂום שׁפלים למרום וקדרים שׂגבו ישׁע׃¹² מפר מחשׁבות ערומים ולא תעשׂינה ידיהם תושׁיה׃¹³ לכד חכמים בערמם ועצת נפתלים נמהרה׃¹⁴ יומם יפגשׁו חשׁך וכלילה ימשׁשׁו בצהרים׃¹⁵ וישׁע מחרב מפיהם ומיד חזק אביון׃¹⁶ ותהי לדל תקוה ועלתה קפצה פיה׃¹⁷ הנה אשׁרי אנושׁ יוכחנו אלוה ומוסר שׁדי אל תמאס׃¹⁸ כי הוא יכאיב ויחבשׁ ימחץ וידו תרפינה׃¹⁹ בשׁשׁ צרות יצילך ובשׁבע לא יגע בך רע׃²⁰ ברעב פדך ממות ובמלחמה מידי חרב׃²¹ בשׁוט לשׁון תחבא ולא תירא משׁד כי יבוא׃²² לשׁד ולכפן תשׂחק ומחית הארץ אל תירא׃²³ כי עם אבני השׂדה בריתך וחית השׂדה השׁלמה׃²⁴ וידעת כי שׁלום אהלך ופקדת נוך ולא תחטא׃²⁵ וידעת כי רב זרעך וצאצאיך כעשׂב הארץ׃²⁶ תבוא בכלח אלי קבר כעלות גדישׁ בעתו׃²⁷ הנה זאת חקרנוה כן היא שׁמענה ואתה דע׃

Deuteronomy 33:2-3

² ויאמר יהוה מסיני בא וזרח משׂעיר למו הופיע מהר פארן ואתה מרבבת קדשׁ מימינו אשׁדת׃³ אף חבב עמים כל קדשׁיו בידך והם תכו לרגלך ישׂא מדברתיך׃

Job 4:18

¹⁸ הן בעבדיו לא יאמין ובמלאכיו ישׂים תהלה׃

Job 15:8-10

⁸ הבסוד אלוה תשׁמע ותגרע אליך חכמה׃⁹ מה ידעת ולא נדע תבין ולא עמנו הוא׃¹⁰ גם שׂב גם ישׁישׁ בנו כביר מאביך ימים׃

Job 15:15

¹⁵ הן בקדשׁו לא יאמין ושׁמים לא זכו בעיניו׃

Psalms 16:3

³ לקדושׁים אשׁר בארץ המה ואדירי כל חפצי׃

Psalms 106:16

¹⁶ ויקנאו למשׁה במחנה לאהרן קדושׁ יהוה׃

Isaiah 41:1

¹ החרישׁו אלי איים ולאמים יחליפו כח יגשׁו אז ידברו יחדו למשׁפט נקרבה׃

Isaiah 41:21-23

²¹ קרבו ריבכם יאמר יהוה הגישׁו עצמותיכם יאמר מלך יעקב׃²² יגישׁו ויגידו לנו את אשׁר תקרינה הראשׁנות מה הנה הגידו ונשׂימה לבנו ונדעה אחריתן או הבאות השׁמיענו׃²³ הגידו האתיות לאחור ונדעה כי אלהים אתם אף תיטיבו ותרעו ונשׁתעה ונרא יחדו׃

Genesis 30:1

¹ ותרא רחל כי לא ילדה ליעקב ותקנא רחל באחתה ותאמר אל יעקב הבה לי בנים ואם אין מתה אנכי׃

1 Samuel 18:8-9

⁸ ויחר לשׁאול מאד וירע בעיניו הדבר הזה ויאמר נתנו לדוד רבבות ולי נתנו האלפים ועוד לו אך המלוכה׃⁹ ויהי שׁאול עון את דוד מהיום ההוא והלאה׃

Job 18:4

⁴ טרף נפשׁו באפו הלמענך תעזב ארץ ויעתק צור ממקמו׃

Psalms 14:1

¹ למנצח לדוד אמר נבל בלבו אין אלהים השׁחיתו התעיבו עלילה אין עשׂה טוב׃

Psalms 75:4

⁴ (75:5) אמרתי להוללים אל תהלו ולרשׁעים אל תרימו קרן׃

Psalms 92:6

⁶ (92:7) אישׁ בער לא ידע וכסיל לא יבין את זאת׃

Psalms 107:17

¹⁷ אולים מדרך פשׁעם ומעונתיהם יתענו׃

Proverbs 1:22-23

²² עד מתי פתים תאהבו פתי ולצים לצון חמדו להם וכסילים ישׂנאו דעת׃²³ תשׁובו לתוכחתי הנה אביעה לכם רוחי אודיעה דברי אתכם׃

Proverbs 8:5

⁵ הבינו פתאים ערמה וכסילים הבינו לב׃

Proverbs 12:16

¹⁶ אויל ביום יודע כעסו וכסה קלון ערום׃

Ecclesiastes 7:9

⁹ אל תבהל ברוחך לכעוס כי כעס בחיק כסילים ינוח׃

Hosea 7:11

¹¹ ויהי אפרים כיונה פותה אין לב מצרים קראו אשׁור הלכו׃

Jonah 4:9

⁹ ויאמר אלהים אל יונה ההיטב חרה לך על הקיקיון ויאמר היטב חרה לי עד מות׃

Deuteronomy 27:15-26

¹⁵ ארור האישׁ אשׁר יעשׂה פסל ומסכה תועבת יהוה מעשׂה ידי חרשׁ ושׂם בסתר וענו כל העם ואמרו אמן׃¹⁶ ארור מקלה אביו ואמו ואמר כל העם אמן׃¹⁷ ארור מסיג גבול רעהו ואמר כל העם אמן׃¹⁸ ארור משׁגה עור בדרך ואמר כל העם אמן׃¹⁹ ארור מטה משׁפט גר יתום ואלמנה ואמר כל העם אמן׃²⁰ ארור שׁכב עם אשׁת אביו כי גלה כנף אביו ואמר כל העם אמן׃²¹ ארור שׁכב עם כל בהמה ואמר כל העם אמן׃²² ארור שׁכב עם אחתו בת אביו או בת אמו ואמר כל העם אמן׃²³ ארור שׁכב עם חתנתו ואמר כל העם אמן׃²⁴ ארור מכה רעהו בסתר ואמר כל העם אמן׃²⁵ ארור לקח שׁחד להכות נפשׁ דם נקי ואמר כל העם אמן׃²⁶ ארור אשׁר לא יקים את דברי התורה הזאת לעשׂות אותם ואמר כל העם אמן׃

Job 24:18

¹⁸ קל הוא על פני מים תקלל חלקתם בארץ לא יפנה דרך כרמים׃

Job 27:8

⁸ כי מה תקות חנף כי יבצע כי ישׁל אלוה נפשׁו׃

Psalms 37:35-36

³⁵ ראיתי רשׁע עריץ ומתערה כאזרח רענן׃³⁶ ויעבר והנה איננו ואבקשׁהו ולא נמצא׃

Psalms 69:25

²⁵ (69:26) תהי טירתם נשׁמה באהליהם אל יהי ישׁב׃

Psalms 73:3-9

³ כי קנאתי בהוללים שׁלום רשׁעים אראה׃⁴ כי אין חרצבות למותם ובריא אולם׃⁵ בעמל אנושׁ אינמו ועם אדם לא ינגעו׃⁶ לכן ענקתמו גאוה יעטף שׁית חמס׃⁷ יצא מחלב עינמו עברו משׂכיות לבב׃⁸ ימיקו וידברו ברע עשׁק ממרום ידברו׃⁹ שׁתו בשׁמים פיהם ולשׁונם תהלך בארץ׃

Psalms 73:18-20

¹⁸ אך בחלקות תשׁית למו הפלתם למשׁואות׃¹⁹ איך היו לשׁמה כרגע ספו תמו מן בלהות׃²⁰ כחלום מהקיץ אדני בעיר צלמם תבזה׃

Psalms 92:7

⁷ (92:8) בפרח רשׁעים כמו עשׂב ויציצו כל פעלי און להשׁמדם עדי עד׃

Jeremiah 12:1-3

¹ צדיק אתה יהוה כי אריב אליך אך משׁפטים אדבר אותך מדוע דרך רשׁעים צלחה שׁלו כל בגדי בגד׃² נטעתם גם שׁרשׁו ילכו גם עשׂו פרי קרוב אתה בפיהם ורחוק מכליותיהם׃³ ואתה יהוה ידעתני תראני ובחנת לבי אתך התקם כצאן לטבחה והקדשׁם ליום הרגה׃

Exodus 20:5

⁵ לא תשׁתחוה להם ולא תעבדם כי אנכי יהוה אלהיך אל קנא פקד עון אבת על בנים על שׁלשׁים ועל רבעים לשׂנאי׃

Job 1:19

¹⁹ והנה רוח גדולה באה מעבר המדבר ויגע בארבע פנות הבית ויפל על הנערים וימותו ואמלטה רק אני לבדי להגיד׃

Job 4:10-11

¹⁰ שׁאגת אריה וקול שׁחל ושׁני כפירים נתעו׃¹¹ לישׁ אבד מבלי טרף ובני לביא יתפרדו׃

Job 8:4

Job 10:7

Job 18:16-19

¹⁶ מתחת שׁרשׁיו יבשׁו וממעל ימל קצירו׃¹⁷ זכרו אבד מני ארץ ולא שׁם לו על פני חוץ׃¹⁸ יהדפהו מאור אל חשׁך ומתבל ינדהו׃¹⁹ לא נין לו ולא נכד בעמו ואין שׂריד במגוריו׃

Job 27:14

¹⁴ אם ירבו בניו למו חרב וצאצאיו לא ישׂבעו לחם׃

Psalms 7:2

² (7:3) פן יטרף כאריה נפשׁי פרק ואין מציל׃

Psalms 109:9-15

⁹ יהיו בניו יתומים ואשׁתו אלמנה׃¹⁰ ונוע ינועו בניו ושׁאלו ודרשׁו מחרבותיהם׃¹¹ ינקשׁ נושׁה לכל אשׁר לו ויבזו זרים יגיעו׃¹² אל יהי לו משׁך חסד ואל יהי חונן ליתומיו׃¹³ יהי אחריתו להכרית בדור אחר ימח שׁמם׃¹⁴ יזכר עון אבתיו אל יהוה וחטאת אמו אל תמח׃¹⁵ יהיו נגד יהוה תמיד ויכרת מארץ זכרם׃

Psalms 119:155

¹⁵⁵ רחוק מרשׁעים ישׁועה כי חקיך לא דרשׁו׃

Psalms 127:5

⁵ אשׁרי הגבר אשׁר מלא את אשׁפתו מהם לא יבשׁו כי ידברו את אויבים בשׁער׃

Amos 5:12

¹² כי ידעתי רבים פשׁעיכם ועצמים חטאתיכם צררי צדיק לקחי כפר ואביונים בשׁער הטו׃

Deuteronomy 28:33

³³ פרי אדמתך וכל יגיעך יאכל עם אשׁר לא ידעת והיית רק עשׁוק ורצוץ כל הימים׃

Deuteronomy 28:51

⁵¹ ואכל פרי בהמתך ופרי אדמתך עד השׁמדך אשׁר לא ישׁאיר לך דגן תירושׁ ויצהר שׁגר אלפיך ועשׁתרת צאנך עד האבידו אתך׃

Judges 6:3-6

³ והיה אם זרע ישׂראל ועלה מדין ועמלק ובני קדם ועלו עליו׃⁴ ויחנו עליהם וישׁחיתו את יבול הארץ עד בואך עזה ולא ישׁאירו מחיה בישׂראל ושׂה ושׁור וחמור׃⁵ כי הם ומקניהם יעלו ואהליהם יבאו כדי ארבה לרב ולהם ולגמליהם אין מספר ויבאו בארץ לשׁחתה׃⁶ וידל ישׂראל מאד מפני מדין ויזעקו בני ישׂראל אל יהוה׃

Judges 6:11

¹¹ ויבא מלאך יהוה וישׁב תחת האלה אשׁר בעפרה אשׁר ליואשׁ אבי העזרי וגדעון בנו חבט חטים בגת להניס מפני מדין׃

2 Chronicles 33:11

¹¹ ויבא יהוה עליהם את שׂרי הצבא אשׁר למלך אשׁור וילכדו את מנשׁה בחחים ויאסרהו בנחשׁתים ויוליכהו בבלה׃

Job 1:15

¹⁵ ותפל שׁבא ותקחם ואת הנערים הכו לפי חרב ואמלטה רק אני לבדי להגיד׃

Job 1:17

¹⁷ עוד זה מדבר וזה בא ויאמר כשׂדים שׂמו שׁלשׁה ראשׁים ויפשׁטו על הגמלים ויקחום ואת הנערים הכו לפי חרב ואמלטה רק אני לבדי להגיד׃

Job 2:3

³ ויאמר יהוה אל השׂטן השׂמת לבך אל עבדי איוב כי אין כמהו בארץ אישׁ תם וישׁר ירא אלהים וסר מרע ועדנו מחזיק בתמתו ותסיתני בו לבלעו חנם׃

Job 12:6

⁶ ישׁליו אהלים לשׁדדים ובטחות למרגיזי אל לאשׁר הביא אלוה בידו׃

Job 18:8-10

⁸ כי שׁלח ברשׁת ברגליו ועל שׂבכה יתהלך׃⁹ יאחז בעקב פח יחזק עליו צמים׃¹⁰ טמון בארץ חבלו ומלכדתו עלי נתיב׃

Job 20:15

Isaiah 62:8

⁸ נשׁבע יהוה בימינו ובזרוע עזו אם אתן את דגנך עוד מאכל לאיביך ואם ישׁתו בני נכר תירושׁך אשׁר יגעת׃

Jeremiah 51:34

³⁴ אכלנו הממנו נבוכדראצר מלך בבל הציגנו כלי ריק בלענו כתנין מלא כרשׂו מעדני הדיחנו׃

Jeremiah 51:44

⁴⁴ ופקדתי על בל בבבל והצאתי את בלעו מפיו ולא ינהרו אליו עוד גוים גם חומת בבל נפלה׃

Lamentations 2:5

⁵ היה אדני כאויב בלע ישׂראל בלע כל ארמנותיה שׁחת מבצריו וירב בבת יהודה תאניה ואניה׃

Lamentations 2:16

¹⁶ פצו עליך פיהם כל אויביך שׁרקו ויחרקו שׁן אמרו בלענו אך זה היום שׁקוינהו מצאנו ראינו׃

Hosea 8:7

⁷ כי רוח יזרעו וסופתה יקצרו קמה אין לו צמח בלי יעשׂה קמח אולי יעשׂה זרים יבלעהו׃

Deuteronomy 32:27

²⁷ לולי כעס אויב אגור פן ינכרו צרימו פן יאמרו ידנו רמה ולא יהוה פעל כל זאת׃

1 Samuel 6:9

⁹ וראיתם אם דרך גבולו יעלה בית שׁמשׁ הוא עשׂה לנו את הרעה הגדולה הזאת ואם לא וידענו כי לא ידו נגעה בנו מקרה הוא היה׃

Job 34:29

²⁹ והוא ישׁקט ומי ירשׁע ויסתר פנים ומי ישׁורנו ועל גוי ועל אדם יחד׃

Psalms 90:7

Isaiah 45:7

⁷ יוצר אור ובורא חשׁך עשׂה שׁלום ובורא רע אני יהוה עשׂה כל אלה׃

Lamentations 3:38

Hosea 10:4

⁴ דברו דברים אלות שׁוא כרת ברית ופרח כראשׁ משׁפט על תלמי שׂדי׃

Amos 3:6

⁶ אם יתקע שׁופר בעיר ועם לא יחרדו אם תהיה רעה בעיר ויהוה לא עשׂה׃

Genesis 3:17-19

¹⁷ ולאדם אמר כי שׁמעת לקול אשׁתך ותאכל מן העץ אשׁר צויתיך לאמר לא תאכל ממנו ארורה האדמה בעבורך בעצבון תאכלנה כל ימי חייך׃¹⁸ וקוץ ודרדר תצמיח לך ואכלת את עשׂב השׂדה׃¹⁹ בזעת אפיך תאכל לחם עד שׁובך אל האדמה כי ממנה לקחת כי עפר אתה ואל עפר תשׁוב׃

Job 14:1

Psalms 90:8-9

⁸ שׁת עונתינו לנגדך עלמנו למאור פניך׃⁹ כי כל ימינו פנו בעברתך כלינו שׁנינו כמו הגה׃

Ecclesiastes 1:8

⁸ כל הדברים יגעים לא יוכל אישׁ לדבר לא תשׂבע עין לראות ולא תמלא אזן משׁמע׃

Ecclesiastes 2:22

²² כי מה הוה לאדם בכל עמלו וברעיון לבו שׁהוא עמל תחת השׁמשׁ׃

Ecclesiastes 5:15-17

¹⁵ (5:14) כאשׁר יצא מבטן אמו ערום ישׁוב ללכת כשׁבא ומאומה לא ישׂא בעמלו שׁילך בידו׃¹⁶ (5:15) וגם זה רעה חולה כל עמת שׁבא כן ילך ומה יתרון לו שׁיעמל לרוח׃¹⁷ (5:16) גם כל ימיו בחשׁך יאכל וכעס הרבה וחליו וקצף׃

Genesis 32:7-12

⁷ (32:8) ויירא יעקב מאד ויצר לו ויחץ את העם אשׁר אתו ואת הצאן ואת הבקר והגמלים לשׁני מחנות׃⁸ (32:9) ויאמר אם יבוא עשׂו אל המחנה האחת והכהו והיה המחנה הנשׁאר לפליטה׃⁹ (32:10) ויאמר יעקב אלהי אבי אברהם ואלהי אבי יצחק יהוה האמר אלי שׁוב לארצך ולמולדתך ואיטיבה עמך׃¹⁰ (32:11) קטנתי מכל החסדים ומכל האמת אשׁר עשׂית את עבדך כי במקלי עברתי את הירדן הזה ועתה הייתי לשׁני מחנות׃¹¹ (32:12) הצילני נא מיד אחי מיד עשׂו כי ירא אנכי אתו פן יבוא והכני אם על בנים׃¹² (32:13) ואתה אמרת היטב איטיב עמך ושׂמתי את זרעך כחול הים אשׁר לא יספר מרב׃

2 Chronicles 33:12-13

¹² וכהצר לו חלה את פני יהוה אלהיו ויכנע מאד מלפני אלהי אבתיו׃¹³ ויתפלל אליו ויעתר לו וישׁמע תחנתו וישׁיבהו ירושׁלם למלכותו וידע מנשׁה כי יהוה הוא האלהים׃

⁵ גול על יהוה דרכך ובטח עליו והוא יעשׂה׃

Psalms 50:15

Psalms 77:1-2

¹ למנצח על ידיתון לאסף מזמור׃ (77:2) קולי אל אלהים ואצעקה קולי אל אלהים והאזין אלי׃² (77:3) ביום צרתי אדני דרשׁתי ידי לילה נגרה ולא תפוג מאנה הנחם נפשׁי׃

Jonah 2:1-7

¹ (2:2) ויתפלל יונה אל יהוה אלהיו ממעי הדגה׃² (2:3) ויאמר קראתי מצרה לי אל יהוה ויענני מבטן שׁאול שׁועתי שׁמעת קולי׃³ (2:4) ותשׁליכני מצולה בלבב ימים ונהר יסבבני כל משׁבריך וגליך עלי עברו׃⁴ (2:5) ואני אמרתי נגרשׁתי מנגד עיניך אך אוסיף להביט אל היכל קדשׁך׃⁵ (2:6) אפפוני מים עד נפשׁ תהום יסבבני סוף חבושׁ לראשׁי׃⁶ (2:7) לקצבי הרים ירדתי הארץ ברחיה בעדי לעולם ותעל משׁחת חיי יהוה אלהי׃⁷ (2:8) בהתעטף עלי נפשׁי את יהוה זכרתי ותבוא אליך תפלתי אל היכל קדשׁך׃

Job 9:10

¹⁰ עשׂה גדלות עד אין חקר ונפלאות עד אין מספר׃

Job 11:7-9

⁷ החקר אלוה תמצא אם עד תכלית שׁדי תמצא׃⁸ גבהי שׁמים מה תפעל עמקה משׁאול מה תדע׃⁹ ארכה מארץ מדה ורחבה מני ים׃

Job 26:5-14

⁵ הרפאים יחוללו מתחת מים ושׁכניהם׃⁶ ערום שׁאול נגדו ואין כסות לאבדון׃⁷ נטה צפון על תהו תלה ארץ על בלי מה׃⁸ צרר מים בעביו ולא נבקע ענן תחתם׃⁹ מאחז פני כסה פרשׁז עליו עננו׃¹⁰ חק חג על פני מים עד תכלית אור עם חשׁך׃¹¹ עמודי שׁמים ירופפו ויתמהו מגערתו׃¹² בכחו רגע הים ובתובנתו מחץ רהב׃¹³ ברוחו שׁמים שׁפרה חללה ידו נחשׁ בריח׃¹⁴ הן אלה קצות דרכו ומה שׁמץ דבר נשׁמע בו ורעם גבורתו מי יתבונן׃

Job 37:5

⁵ ירעם אל בקולו נפלאות עשׂה גדלות ולא נדע׃

Job 42:3

³ מי זה מעלים עצה בלי דעת לכן הגדתי ולא אבין נפלאות ממני ולא אדע׃

Psalms 40:5

⁵ (40:6) רבות עשׂית אתה יהוה אלהי נפלאתיך ומחשׁבתיך אלינו אין ערך אליך אגידה ואדברה עצמו מספר׃

Psalms 72:18

¹⁸ ברוך יהוה אלהים אלהי ישׂראל עשׂה נפלאות לבדו׃

Psalms 86:10

¹⁰ כי גדול אתה ועשׂה נפלאות אתה אלהים לבדך׃

Psalms 139:18

¹⁸ אספרם מחול ירבון הקיצתי ועודי עמך׃

Isaiah 40:28

²⁸ הלוא ידעת אם לא שׁמעת אלהי עולם יהוה בורא קצות הארץ לא ייעף ולא ייגע אין חקר לתבונתו׃

Job 28:26

Job 36:28

Job 38:26-28

²⁶ להמטיר על ארץ לא אישׁ מדבר לא אדם׃²⁷ להשׂביע שׁאה ומשׁאה ולהצמיח מצא דשׁא׃²⁸ הישׁ למטר אב או מי הוליד אגלי טל׃

Psalms 65:9-11

⁹ (65:10) פקדת הארץ ותשׁקקה רבת תעשׁרנה פלג אלהים מלא מים תכין דגנם כי כן תכינה׃¹⁰ (65:11) תלמיה רוה נחת גדודיה ברביבים תמגגנה צמחה תברך׃¹¹ (65:12) עטרת שׁנת טובתך ומעגליך ירעפון דשׁן׃

Psalms 147:8

⁸ המכסה שׁמים בעבים המכין לארץ מטר המצמיח הרים חציר׃

Jeremiah 5:24

²⁴ ולא אמרו בלבבם נירא נא את יהוה אלהינו הנתן גשׁם וירה ומלקושׁ בעתו שׁבעות חקות קציר ישׁמר׃

Jeremiah 10:13

¹³ לקול תתו המון מים בשׁמים ויעלה נשׂאים מקצה ארץ ברקים למטר עשׂה ויוצא רוח מאצרתיו׃

Jeremiah 14:22

²² הישׁ בהבלי הגוים מגשׁמים ואם השׁמים יתנו רבבים הלא אתה הוא יהוה אלהינו ונקוה לך כי אתה עשׂית את כל אלה׃

Amos 4:7

⁷ וגם אנכי מנעתי מכם את הגשׁם בעוד שׁלשׁה חדשׁים לקציר והמטרתי על עיר אחת ועל עיר אחת לא אמטיר חלקה אחת תמטר וחלקה אשׁר לא תמטיר עליה תיבשׁ׃

Deuteronomy 33:27

²⁷ מענה אלהי קדם ומתחת זרעת עולם ויגרשׁ מפניך אויב ויאמר השׁמד׃

1 Samuel 2:7-8

⁷ יהוה מורישׁ ומעשׁיר משׁפיל אף מרומם׃⁸ מקים מעפר דל מאשׁפת ירים אביון להושׁיב עם נדיבים וכסא כבוד ינחלם כי ליהוה מצקי ארץ וישׁת עליהם תבל׃

Psalms 91:14

¹⁴ כי בי חשׁק ואפלטהו אשׂגבהו כי ידע שׁמי׃

Psalms 107:41

⁴¹ וישׂגב אביון מעוני וישׂם כצאן משׁפחות׃

Psalms 113:7

Ezekiel 17:24

²⁴ וידעו כל עצי השׂדה כי אני יהוה השׁפלתי עץ גבה הגבהתי עץ שׁפל הובשׁתי עץ לח והפרחתי עץ יבשׁ אני יהוה דברתי ועשׂיתי׃

Nehemiah 4:15

¹⁵ (4:9) ויהי כאשׁר שׁמעו אויבינו כי נודע לנו ויפר האלהים את עצתם ונשׁוב כלנו אל החומה אישׁ אל מלאכתו׃

Job 12:16-17

¹⁶ עמו עז ותושׁיה לו שׁגג ומשׁגה׃¹⁷ מוליך יועצים שׁולל ושׁפטים יהולל׃

Psalms 21:11

¹¹ (21:12) כי נטו עליך רעה חשׁבו מזמה בל יוכלו׃

Psalms 33:10-11

¹⁰ יהוה הפיר עצת גוים הניא מחשׁבות עמים׃¹¹ עצת יהוה לעולם תעמד מחשׁבות לבו לדר ודר׃

Psalms 37:17

¹⁷ כי זרועות רשׁעים תשׁברנה וסומך צדיקים יהוה׃

Proverbs 21:30

³⁰ אין חכמה ואין תבונה ואין עצה לנגד יהוה׃

Isaiah 8:10

¹⁰ עצו עצה ותפר דברו דבר ולא יקום כי עמנו אל׃

Isaiah 19:3

³ ונבקה רוח מצרים בקרבו ועצתו אבלע ודרשׁו אל האלילים ואל האטים ואל האבות ואל הידענים׃

Isaiah 37:36

³⁶ ויצא מלאך יהוה ויכה במחנה אשׁור מאה ושׁמנים וחמשׁה אלף וישׁכימו בבקר והנה כלם פגרים מתים׃

2 Samuel 15:31

³¹ ודוד הגיד לאמר אחיתפל בקשׁרים עם אבשׁלום ויאמר דוד סכל נא את עצת אחיתפל יהוה׃

2 Samuel 15:34

³⁴ ואם העיר תשׁוב ואמרת לאבשׁלום עבדך אני המלך אהיה עבד אביך ואני מאז ועתה ואני עבדך והפרתה לי את עצת אחיתפל׃

2 Samuel 17:23

²³ ואחיתפל ראה כי לא נעשׂתה עצתו ויחבשׁ את החמור ויקם וילך אל ביתו אל עירו ויצו אל ביתו ויחנק וימת ויקבר בקבר אביו׃

Esther 6:4-11

⁴ ויאמר המלך מי בחצר והמן בא לחצר בית המלך החיצונה לאמר למלך לתלות את מרדכי על העץ אשׁר הכין׃⁵ ויאמרו נערי המלך אליו הנה המן עמד בחצר ויאמר המלך יבוא׃⁶ ויבוא המן ויאמר לו המלך מה לעשׂות באישׁ אשׁר המלך חפץ ביקרו ויאמר המן בלבו למי יחפץ המלך לעשׂות יקר יותר ממני׃⁷ ויאמר המן אל המלך אישׁ אשׁר המלך חפץ ביקרו׃⁸ יביאו לבושׁ מלכות אשׁר לבשׁ בו המלך וסוס אשׁר רכב עליו המלך ואשׁר נתן כתר מלכות בראשׁו׃⁹ ונתון הלבושׁ והסוס על יד אישׁ משׂרי המלך הפרתמים והלבשׁו את האישׁ אשׁר המלך חפץ ביקרו והרכיבהו על הסוס ברחוב העיר וקראו לפניו ככה יעשׂה לאישׁ אשׁר המלך חפץ ביקרו׃¹⁰ ויאמר המלך להמן מהר קח את הלבושׁ ואת הסוס כאשׁר דברת ועשׂה כן למרדכי היהודי היושׁב בשׁער המלך אל תפל דבר מכל אשׁר דברת׃¹¹ ויקח המן את הלבושׁ ואת הסוס וילבשׁ את מרדכי וירכיבהו ברחוב העיר ויקרא לפניו ככה יעשׂה לאישׁ אשׁר המלך חפץ ביקרו׃

Esther 7:10

¹⁰ ויתלו את המן על העץ אשׁר הכין למרדכי וחמת המלך שׁככה׃

Esther 9:25

²⁵ ובבאה לפני המלך אמר עם הספר ישׁוב מחשׁבתו הרעה אשׁר חשׁב על היהודים על ראשׁו ותלו אתו ואת בניו על העץ׃

Psalms 7:15-16

¹⁵ (7:16) בור כרה ויחפרהו ויפל בשׁחת יפעל׃¹⁶ (7:17) ישׁוב עמלו בראשׁו ועל קדקדו חמסו ירד׃

Psalms 9:15-16

¹⁵ (9:16) טבעו גוים בשׁחת עשׂו ברשׁת זו טמנו נלכדה רגלם׃¹⁶ (9:17) נודע יהוה משׁפט עשׂה בפעל כפיו נוקשׁ רשׁע הגיון סלה׃

Psalms 18:26

²⁶ (18:27) עם נבר תתברר ועם עקשׁ תתפתל׃

Psalms 35:7-8

⁷ כי חנם טמנו לי שׁחת רשׁתם חנם חפרו לנפשׁי׃⁸ תבואהו שׁואה לא ידע ורשׁתו אשׁר טמן תלכדו בשׁואה יפל׃

Proverbs 3:32

³² כי תועבת יהוה נלוז ואת ישׁרים סודו׃

Deuteronomy 28:29

²⁹ והיית ממשׁשׁ בצהרים כאשׁר ימשׁשׁ העור באפלה ולא תצליח את דרכיך והיית אך עשׁוק וגזול כל הימים ואין מושׁיע׃

Job 12:25

Proverbs 4:19

¹⁹ דרך רשׁעים כאפלה לא ידעו במה יכשׁלו׃

Isaiah 59:10

¹⁰ נגשׁשׁה כעורים קיר וכאין עינים נגשׁשׁה כשׁלנו בצהרים כנשׁף באשׁמנים כמתים׃

Amos 8:9

⁹ והיה ביום ההוא נאם אדני יהוה והבאתי השׁמשׁ בצהרים והחשׁכתי לארץ ביום אור׃

Job 4:10

¹⁰ שׁאגת אריה וקול שׁחל ושׁני כפירים נתעו׃

Psalms 10:14

¹⁴ ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃

Psalms 10:17

¹⁷ תאות ענוים שׁמעת יהוה תכין לבם תקשׁיב אזנך׃

Psalms 35:10

¹⁰ כל עצמותי תאמרנה יהוה מי כמוך מציל עני מחזק ממנו ועני ואביון מגזלו׃

Psalms 72:4

⁴ ישׁפט עניי עם יושׁיע לבני אביון וידכא עושׁק׃

Psalms 72:12-13

¹² כי יציל אביון משׁוע ועני ואין עזר׃¹³ יחס על דל ואביון ונפשׁות אביונים יושׁיע׃

Psalms 109:31

³¹ כי יעמד לימין אביון להושׁיע משׁפטי נפשׁו׃

Psalms 140:12

¹² (140:13) ידעת כי יעשׂה יהוה דין עני משׁפט אבינים׃

Exodus 11:7

⁷ ולכל בני ישׂראל לא יחרץ כלב לשׁנו למאישׁ ועד בהמה למען תדעון אשׁר יפלה יהוה בין מצרים ובין ישׂראל׃

1 Samuel 2:8-9

⁸ מקים מעפר דל מאשׁפת ירים אביון להושׁיב עם נדיבים וכסא כבוד ינחלם כי ליהוה מצקי ארץ וישׁת עליהם תבל׃⁹ רגלי חסידו ישׁמר ורשׁעים בחשׁך ידמו כי לא בכח יגבר אישׁ׃

Psalms 9:18

¹⁸ (9:19) כי לא לנצח ישׁכח אביון תקות ענוים תאבד לעד׃

Psalms 63:11

¹¹ (63:12) והמלך ישׂמח באלהים יתהלל כל הנשׁבע בו כי יסכר פי דוברי שׁקר׃

Psalms 107:42

⁴² יראו ישׁרים וישׂמחו וכל עולה קפצה פיה׃

Isaiah 14:32

³² ומה יענה מלאכי גוי כי יהוה יסד ציון ובה יחסו עניי עמו׃

Zechariah 9:12

¹² שׁובו לבצרון אסירי התקוה גם היום מגיד משׁנה אשׁיב׃

Psalms 94:12

¹² אשׁרי הגבר אשׁר תיסרנו יה ומתורתך תלמדנו׃

Proverbs 3:11-12

¹¹ מוסר יהוה בני אל תמאס ואל תקץ בתוכחתו׃¹² כי את אשׁר יאהב יהוה יוכיח וכאב את בן ירצה׃

Jeremiah 31:18

¹⁸ שׁמוע שׁמעתי אפרים מתנודד יסרתני ואוסר כעגל לא למד השׁיבני ואשׁובה כי אתה יהוה אלהי׃

Deuteronomy 32:39

³⁹ ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל׃

1 Samuel 2:6

Psalms 147:3

Isaiah 30:26

²⁶ והיה אור הלבנה כאור החמה ואור החמה יהיה שׁבעתים כאור שׁבעת הימים ביום חבשׁ יהוה את שׁבר עמו ומחץ מכתו ירפא׃

Hosea 6:1

¹ לכו ונשׁובה אל יהוה כי הוא טרף וירפאנו יך ויחבשׁנו׃

Psalms 34:19

¹⁹ (34:20) רבות רעות צדיק ומכלם יצילנו יהוה׃

Psalms 91:3-10

³ כי הוא יצילך מפח יקושׁ מדבר הוות׃⁴ באברתו יסך לך ותחת כנפיו תחסה צנה וסחרה אמתו׃⁵ לא תירא מפחד לילה מחץ יעוף יומם׃⁶ מדבר באפל יהלך מקטב ישׁוד צהרים׃⁷ יפל מצדך אלף ורבבה מימינך אליך לא יגשׁ׃⁸ רק בעיניך תביט ושׁלמת רשׁעים תראה׃⁹ כי אתה יהוה מחסי עליון שׂמת מעונך׃¹⁰ לא תאנה אליך רעה ונגע לא יקרב באהלך׃

Proverbs 24:16

¹⁶ כי שׁבע יפול צדיק וקם ורשׁעים יכשׁלו ברעה׃

Genesis 45:7

⁷ וישׁלחני אלהים לפניכם לשׂום לכם שׁארית בארץ ולהחיות לכם לפליטה גדלה׃

1 Kings 17:6

⁶ והערבים מביאים לו לחם ובשׂר בבקר ולחם ובשׂר בערב ומן הנחל ישׁתה׃

Psalms 27:3

³ אם תחנה עלי מחנה לא יירא לבי אם תקום עלי מלחמה בזאת אני בוטח׃

Psalms 33:19

Psalms 37:19

¹⁹ לא יבשׁו בעת רעה ובימי רעבון ישׂבעו׃

Psalms 49:7

⁷ (49:8) אח לא פדה יפדה אישׁ לא יתן לאלהים כפרו׃

Psalms 144:10

¹⁰ הנותן תשׁועה למלכים הפוצה את דוד עבדו מחרב רעה׃

Proverbs 10:3

³ לא ירעיב יהוה נפשׁ צדיק והות רשׁעים יהדף׃

Isaiah 33:16

¹⁶ הוא מרומים ישׁכן מצדות סלעים משׂגבו לחמו נתן מימיו נאמנים׃

Hosea 13:14

¹⁴ מיד שׁאול אפדם ממות אגאלם אהי דבריך מות אהי קטבך שׁאול נחם יסתר מעיני׃

Habakkuk 3:17

¹⁷ כי תאנה לא תפרח ואין יבול בגפנים כחשׁ מעשׂה זית ושׁדמות לא עשׂה אכל גזר ממכלה צאן ואין בקר ברפתים׃

Psalms 31:20

²⁰ (31:21) תסתירם בסתר פניך מרכסי אישׁ תצפנם בסכה מריב לשׁנות׃

Psalms 55:21

²¹ (55:22) חלקו מחמאת פיו וקרב לבו רכו דבריו משׁמן והמה פתחות׃

Psalms 57:4

⁴ (57:5) נפשׁי בתוך לבאם אשׁכבה להטים בני אדם שׁניהם חנית וחצים ולשׁונם חרב חדה׃

Psalms 91:5-7

⁵ לא תירא מפחד לילה מחץ יעוף יומם׃⁶ מדבר באפל יהלך מקטב ישׁוד צהרים׃⁷ יפל מצדך אלף ורבבה מימינך אליך לא יגשׁ׃

Proverbs 12:18

¹⁸ ישׁ בוטה כמדקרות חרב ולשׁון חכמים מרפא׃

Isaiah 54:17

¹⁷ כל כלי יוצר עליך לא יצלח וכל לשׁון תקום אתך למשׁפט תרשׁיעי זאת נחלת עבדי יהוה וצדקתם מאתי נאם יהוה׃

Jeremiah 18:18

¹⁸ ויאמרו לכו ונחשׁבה על ירמיהו מחשׁבות כי לא תאבד תורה מכהן ועצה מחכם ודבר מנביא לכו ונכהו בלשׁון ואל נקשׁיבה אל כל דבריו׃

2 Kings 19:21

²¹ זה הדבר אשׁר דבר יהוה עליו בזה לך לעגה לך בתולת בת ציון אחריך ראשׁ הניעה בת ירושׁלם׃

Psalms 91:13

Isaiah 35:9

⁹ לא יהיה שׁם אריה ופריץ חיות בל יעלנה לא תמצא שׁם והלכו גאולים׃

Isaiah 65:25

²⁵ זאב וטלה ירעו כאחד ואריה כבקר יאכל תבן ונחשׁ עפר לחמו לא ירעו ולא ישׁחיתו בכל הר קדשׁי אמר יהוה׃

Ezekiel 34:25

²⁵ וכרתי להם ברית שׁלום והשׁבתי חיה רעה מן הארץ וישׁבו במדבר לבטח וישׁנו ביערים׃

Hosea 2:18

¹⁸ (2:20) וכרתי להם ברית ביום ההוא עם חית השׂדה ועם עוף השׁמים ורמשׂ האדמה וקשׁת וחרב ומלחמה אשׁבור מן הארץ והשׁכבתים לבטח׃

Leviticus 26:6

⁶ ונתתי שׁלום בארץ ושׁכבתם ואין מחריד והשׁבתי חיה רעה מן הארץ וחרב לא תעבר בארצכם׃

Psalms 91:12-13

¹² על כפים ישׂאונך פן תגף באבן רגלך׃¹³ על שׁחל ופתן תדרך תרמס כפיר ותנין׃

Isaiah 11:6-9

⁶ וגר זאב עם כבשׂ ונמר עם גדי ירבץ ועגל וכפיר ומריא יחדו ונער קטן נהג׃⁷ ופרה ודב תרעינה יחדו ירבצו ילדיהן ואריה כבקר יאכל תבן׃⁸ ושׁעשׁע יונק על חר פתן ועל מאורת צפעוני גמול ידו הדה׃⁹ לא ירעו ולא ישׁחיתו בכל הר קדשׁי כי מלאה הארץ דעה את יהוה כמים לים מכסים׃

Ezekiel 14:15-16

¹⁵ לו חיה רעה אעביר בארץ ושׁכלתה והיתה שׁממה מבלי עובר מפני החיה׃¹⁶ שׁלשׁת האנשׁים האלה בתוכה חי אני נאם אדני יהוה אם בנים ואם בנות יצילו המה לבדם ינצלו והארץ תהיה שׁממה׃

Daniel 6:22

²² (6:23) אלהי שׁלח מלאכה וסגר פם אריותא ולא חבלוני כל קבל די קדמוהי זכו השׁתכחת לי ואף קדמיך מלכא חבולה לא עבדת׃

Deuteronomy 28:6

1 Samuel 30:3

³ ויבא דוד ואנשׁיו אל העיר והנה שׂרופה באשׁ ונשׁיהם ובניהם ובנתיהם נשׁבו׃

Job 8:6

⁶ אם זך וישׁר אתה כי עתה יעיר עליך ושׁלם נות צדקך׃

Job 18:6

Job 18:15

¹⁵ תשׁכון באהלו מבלי לו יזרה על נוהו גפרית׃

Job 18:21

²¹ אך אלה משׁכנות עול וזה מקום לא ידע אל׃

Job 21:7-9

⁷ מדוע רשׁעים יחיו עתקו גם גברו חיל׃⁸ זרעם נכון לפניהם עמם וצאצאיהם לעיניהם׃⁹ בתיהם שׁלום מפחד ולא שׁבט אלוה עליהם׃

Psalms 25:13

Psalms 91:10

¹⁰ לא תאנה אליך רעה ונגע לא יקרב באהלך׃

Psalms 107:4

⁴ תעו במדבר בישׁימון דרך עיר מושׁב לא מצאו׃

Psalms 107:40

⁴⁰ שׁפך בוז על נדיבים ויתעם בתהו לא דרך׃

Psalms 121:7-8

⁷ יהוה ישׁמרך מכל רע ישׁמר את נפשׁך׃⁸ יהוה ישׁמר צאתך ובואך מעתה ועד עולם׃

Isaiah 4:5-6

⁵ וברא יהוה על כל מכון הר ציון ועל מקראה ענן יומם ועשׁן ונגה אשׁ להבה לילה כי על כל כבוד חפה׃⁶ וסכה תהיה לצל יומם מחרב ולמחסה ולמסתור מזרם וממטר׃

Genesis 15:5

⁵ ויוצא אתו החוצה ויאמר הבט נא השׁמימה וספר הכוכבים אם תוכל לספר אתם ויאמר לו כה יהיה זרעך׃

Leviticus 26:9

⁹ ופניתי אליכם והפריתי אתכם והרביתי אתכם והקימתי את בריתי אתכם׃

Deuteronomy 28:4

⁴ ברוך פרי בטנך ופרי אדמתך ופרי בהמתך שׁגר אלפיך ועשׁתרות צאנך׃

Job 42:13-16

¹³ ויהי לו שׁבענה בנים ושׁלושׁ בנות׃¹⁴ ויקרא שׁם האחת ימימה ושׁם השׁנית קציעה ושׁם השׁלישׁית קרן הפוך׃¹⁵ ולא נמצא נשׁים יפות כבנות איוב בכל הארץ ויתן להם אביהם נחלה בתוך אחיהם׃¹⁶ ויחי איוב אחרי זאת מאה וארבעים שׁנה וירא את בניו ואת בני בניו ארבעה דרות׃

Psalms 72:16

¹⁶ יהי פסת בר בארץ בראשׁ הרים ירעשׁ כלבנון פריו ויציצו מעיר כעשׂב הארץ׃

Psalms 112:2

² גבור בארץ יהיה זרעו דור ישׁרים יברך׃

Psalms 127:3-5

³ הנה נחלת יהוה בנים שׂכר פרי הבטן׃⁴ כחצים ביד גבור כן בני הנעורים׃⁵ אשׁרי הגבר אשׁר מלא את אשׁפתו מהם לא יבשׁו כי ידברו את אויבים בשׁער׃

Psalms 128:3-6

³ אשׁתך כגפן פריה בירכתי ביתך בניך כשׁתלי זיתים סביב לשׁלחנך׃⁴ הנה כי כן יברך גבר ירא יהוה׃⁵ יברכך יהוה מציון וראה בטוב ירושׁלם כל ימי חייך׃⁶ וראה בנים לבניך שׁלום על ישׂראל׃

Isaiah 44:3-4

³ כי אצק מים על צמא ונזלים על יבשׁה אצק רוחי על זרעך וברכתי על צאצאיך׃⁴ וצמחו בבין חציר כערבים על יבלי מים׃

Genesis 15:15

¹⁵ ואתה תבוא אל אבתיך בשׁלום תקבר בשׂיבה טובה׃

Genesis 25:8

⁸ ויגוע וימת אברהם בשׂיבה טובה זקן ושׂבע ויאסף אל עמיו׃

Job 42:16-17

¹⁶ ויחי איוב אחרי זאת מאה וארבעים שׁנה וירא את בניו ואת בני בניו ארבעה דרות׃¹⁷ וימת איוב זקן ושׂבע ימים׃

Psalms 91:16

¹⁶ ארך ימים אשׂביעהו ואראהו בישׁועתי׃

Proverbs 9:11

¹¹ כי בי ירבו ימיך ויוסיפו לך שׁנות חיים׃

Proverbs 10:27

²⁷ יראת יהוה תוסיף ימים ושׁנות רשׁעים תקצרנה׃

Deuteronomy 10:13

¹³ לשׁמר את מצות יהוה ואת חקתיו אשׁר אנכי מצוך היום לטוב׃

Job 8:8-10

⁸ כי שׁאל נא לדר רישׁון וכונן לחקר אבותם׃⁹ כי תמול אנחנו ולא נדע כי צל ימינו עלי ארץ׃¹⁰ הלא הם יורוך יאמרו לך ומלבם יוצאו מלים׃

¹¹ הן הוחלתי לדבריכם אזין עד תבונתיכם עד תחקרון מלין׃¹² ועדיכם אתבונן והנה אין לאיוב מוכיח עונה אמריו מכם׃

Psalms 111:2

² גדלים מעשׂי יהוה דרושׁים לכל חפציהם׃

Proverbs 2:3-5

³ כי אם לבינה תקרא לתבונה תתן קולך׃⁴ אם תבקשׁנה ככסף וכמטמונים תחפשׂנה׃⁵ אז תבין יראת יהוה ודעת אלהים תמצא׃

Job 5 Cross References - HOT