Jonah 2:3 Cross References - HOT

3 (2:4) ותשׁליכני מצולה בלבב ימים ונהר יסבבני כל משׁבריך וגליך עלי עברו׃

Psalms 42:7

7 (42:8) תהום אל תהום קורא לקול צנוריך כל משׁבריך וגליך עלי עברו׃

Psalms 69:1-2

1 למנצח על שׁושׁנים לדוד׃ (69:2) הושׁיעני אלהים כי באו מים עד נפשׁ׃2 (69:3) טבעתי ביון מצולה ואין מעמד באתי במעמקי מים ושׁבלת שׁטפתני׃

Psalms 69:14-15

14 (69:15) הצילני מטיט ואל אטבעה אנצלה משׂנאי וממעמקי מים׃15 (69:16) אל תשׁטפני שׁבלת מים ואל תבלעני מצולה ואל תאטר עלי באר פיה׃

Psalms 88:5-8

5 (88:6) במתים חפשׁי כמו חללים שׁכבי קבר אשׁר לא זכרתם עוד והמה מידך נגזרו׃6 (88:7) שׁתני בבור תחתיות במחשׁכים במצלות׃7 (88:8) עלי סמכה חמתך וכל משׁבריך ענית סלה׃8 (88:9) הרחקת מידעי ממני שׁתני תועבות למו כלא ולא אצא׃

Lamentations 3:54

54 צפו מים על ראשׁי אמרתי נגזרתי׃

Jonah 1:12-16

12 ויאמר אליהם שׂאוני והטילני אל הים וישׁתק הים מעליכם כי יודע אני כי בשׁלי הסער הגדול הזה עליכם׃13 ויחתרו האנשׁים להשׁיב אל היבשׁה ולא יכלו כי הים הולך וסער עליהם׃14 ויקראו אל יהוה ויאמרו אנה יהוה אל נא נאבדה בנפשׁ האישׁ הזה ואל תתן עלינו דם נקיא כי אתה יהוה כאשׁר חפצת עשׂית׃15 וישׂאו את יונה ויטלהו אל הים ויעמד הים מזעפו׃16 וייראו האנשׁים יראה גדולה את יהוה ויזבחו זבח ליהוה וידרו נדרים׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.