Jonah 4:3 Cross References - HOT

3 ועתה יהוה קח נא את נפשׁי ממני כי טוב מותי מחיי׃

Numbers 11:15

15 ואם ככה את עשׂה לי הרגני נא הרג אם מצאתי חן בעיניך ואל אראה ברעתי׃

Numbers 20:3

3 וירב העם עם משׁה ויאמרו לאמר ולו גוענו בגוע אחינו לפני יהוה׃

1 Kings 19:4

4 והוא הלך במדבר דרך יום ויבא וישׁב תחת רתם אחת וישׁאל את נפשׁו למות ויאמר רב עתה יהוה קח נפשׁי כי לא טוב אנכי מאבתי׃

Job 3:20-21

20 למה יתן לעמל אור וחיים למרי נפשׁ׃21 המחכים למות ואיננו ויחפרהו ממטמונים׃

Job 6:8-9

8 מי יתן תבוא שׁאלתי ותקותי יתן אלוה׃9 ויאל אלוה וידכאני יתר ידו ויבצעני׃

Job 7:15-16

15 ותבחר מחנק נפשׁי מות מעצמותי׃16 מאסתי לא לעלם אחיה חדל ממני כי הבל ימי׃

Ecclesiastes 7:1

1 טוב שׁם משׁמן טוב ויום המות מיום הולדו׃

Jeremiah 20:14-18

14 ארור היום אשׁר ילדתי בו יום אשׁר ילדתני אמי אל יהי ברוך׃15 ארור האישׁ אשׁר בשׂר את אבי לאמר ילד לך בן זכר שׂמח שׂמחהו׃16 והיה האישׁ ההוא כערים אשׁר הפך יהוה ולא נחם ושׁמע זעקה בבקר ותרועה בעת צהרים׃17 אשׁר לא מותתני מרחם ותהי לי אמי קברי ורחמה הרת עולם׃18 למה זה מרחם יצאתי לראות עמל ויגון ויכלו בבשׁת ימי׃

Jonah 4:8

8 ויהי כזרח השׁמשׁ וימן אלהים רוח קדים חרישׁית ותך השׁמשׁ על ראשׁ יונה ויתעלף וישׁאל את נפשׁו למות ויאמר טוב מותי מחיי׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.