1 ויהי כשׁמע אדני צדק מלך ירושׁלם כי לכד יהושׁע את העי ויחרימה כאשׁר עשׂה ליריחו ולמלכה כן עשׂה לעי ולמלכה וכי השׁלימו ישׁבי גבעון את ישׂראל ויהיו בקרבם׃2 וייראו מאד כי עיר גדולה גבעון כאחת ערי הממלכה וכי היא גדולה מן העי וכל אנשׁיה גברים׃3 וישׁלח אדני צדק מלך ירושׁלם אל הוהם מלך חברון ואל פראם מלך ירמות ואל יפיע מלך לכישׁ ואל דביר מלך עגלון לאמר׃4 עלו אלי ועזרני ונכה את גבעון כי השׁלימה את יהושׁע ואת בני ישׂראל׃5 ויאספו ויעלו חמשׁת מלכי האמרי מלך ירושׁלם מלך חברון מלך ירמות מלך לכישׁ מלך עגלון הם וכל מחניהם ויחנו על גבעון וילחמו עליה׃6 וישׁלחו אנשׁי גבעון אל יהושׁע אל המחנה הגלגלה לאמר אל תרף ידיך מעבדיך עלה אלינו מהרה והושׁיעה לנו ועזרנו כי נקבצו אלינו כל מלכי האמרי ישׁבי ההר׃7 ויעל יהושׁע מן הגלגל הוא וכל עם המלחמה עמו וכל גבורי החיל׃8 ויאמר יהוה אל יהושׁע אל תירא מהם כי בידך נתתים לא יעמד אישׁ מהם בפניך׃9 ויבא אליהם יהושׁע פתאם כל הלילה עלה מן הגלגל׃10 ויהמם יהוה לפני ישׂראל ויכם מכה גדולה בגבעון וירדפם דרך מעלה בית חורן ויכם עד עזקה ועד מקדה׃11 ויהי בנסם מפני ישׂראל הם במורד בית חורן ויהוה השׁליך עליהם אבנים גדלות מן השׁמים עד עזקה וימתו רבים אשׁר מתו באבני הברד מאשׁר הרגו בני ישׂראל בחרב׃12 אז ידבר יהושׁע ליהוה ביום תת יהוה את האמרי לפני בני ישׂראל ויאמר לעיני ישׂראל שׁמשׁ בגבעון דום וירח בעמק אילון׃13 וידם השׁמשׁ וירח עמד עד יקם גוי איביו הלא היא כתובה על ספר הישׁר ויעמד השׁמשׁ בחצי השׁמים ולא אץ לבוא כיום תמים׃14 ולא היה כיום ההוא לפניו ואחריו לשׁמע יהוה בקול אישׁ כי יהוה נלחם לישׂראל׃15 וישׁב יהושׁע וכל ישׂראל עמו אל המחנה הגלגלה׃16 וינסו חמשׁת המלכים האלה ויחבאו במערה במקדה׃17 ויגד ליהושׁע לאמר נמצאו חמשׁת המלכים נחבאים במערה במקדה׃18 ויאמר יהושׁע גלו אבנים גדלות אל פי המערה והפקידו עליה אנשׁים לשׁמרם׃19 ואתם אל תעמדו רדפו אחרי איביכם וזנבתם אותם אל תתנום לבוא אל עריהם כי נתנם יהוה אלהיכם בידכם׃20 ויהי ככלות יהושׁע ובני ישׂראל להכותם מכה גדולה מאד עד תמם והשׂרידים שׂרדו מהם ויבאו אל ערי המבצר׃21 וישׁבו כל העם אל המחנה אל יהושׁע מקדה בשׁלום לא חרץ לבני ישׂראל לאישׁ את לשׁנו׃22 ויאמר יהושׁע פתחו את פי המערה והוציאו אלי את חמשׁת המלכים האלה מן המערה׃23 ויעשׂו כן ויציאו אליו את חמשׁת המלכים האלה מן המערה את מלך ירושׁלם את מלך חברון את מלך ירמות את מלך לכישׁ את מלך עגלון׃24 ויהי כהוציאם את המלכים האלה אל יהושׁע ויקרא יהושׁע אל כל אישׁ ישׂראל ויאמר אל קציני אנשׁי המלחמה ההלכוא אתו קרבו שׂימו את רגליכם על צוארי המלכים האלה ויקרבו וישׂימו את רגליהם על צואריהם׃25 ויאמר אליהם יהושׁע אל תיראו ואל תחתו חזקו ואמצו כי ככה יעשׂה יהוה לכל איביכם אשׁר אתם נלחמים אותם׃26 ויכם יהושׁע אחרי כן וימיתם ויתלם על חמשׁה עצים ויהיו תלוים על העצים עד הערב׃27 ויהי לעת בוא השׁמשׁ צוה יהושׁע וירידום מעל העצים וישׁלכם אל המערה אשׁר נחבאו שׁם וישׂמו אבנים גדלות על פי המערה עד עצם היום הזה׃28 ואת מקדה לכד יהושׁע ביום ההוא ויכה לפי חרב ואת מלכה החרם אותם ואת כל הנפשׁ אשׁר בה לא השׁאיר שׂריד ויעשׂ למלך מקדה כאשׁר עשׂה למלך יריחו׃29 ויעבר יהושׁע וכל ישׂראל עמו ממקדה לבנה וילחם עם לבנה׃30 ויתן יהוה גם אותה ביד ישׂראל ואת מלכה ויכה לפי חרב ואת כל הנפשׁ אשׁר בה לא השׁאיר בה שׂריד ויעשׂ למלכה כאשׁר עשׂה למלך יריחו׃31 ויעבר יהושׁע וכל ישׂראל עמו מלבנה לכישׁה ויחן עליה וילחם׃32 ויתן יהוה את לכישׁ ביד ישׂראל וילכדה ביום השׁני ויכה לפי חרב ואת כל הנפשׁ אשׁר בה ככל אשׁר עשׂה ללבנה׃33 אז עלה הרם מלך גזר לעזר את לכישׁ ויכהו יהושׁע ואת עמו עד בלתי השׁאיר לו שׂריד׃34 ויעבר יהושׁע וכל ישׂראל עמו מלכישׁ עגלנה ויחנו עליה וילחמו עליה׃35 וילכדוה ביום ההוא ויכוה לפי חרב ואת כל הנפשׁ אשׁר בה ביום ההוא החרים ככל אשׁר עשׂה ללכישׁ׃36 ויעל יהושׁע וכל ישׂראל עמו מעגלונה חברונה וילחמו עליה׃37 וילכדוה ויכוה לפי חרב ואת מלכה ואת כל עריה ואת כל הנפשׁ אשׁר בה לא השׁאיר שׂריד ככל אשׁר עשׂה לעגלון ויחרם אותה ואת כל הנפשׁ אשׁר׃38 וישׁב יהושׁע וכל ישׂראל עמו דברה וילחם עליה׃39 וילכדה ואת מלכה ואת כל עריה ויכום לפי חרב ויחרימו את כל נפשׁ אשׁר בה לא השׁאיר שׂריד כאשׁר עשׂה לחברון כן עשׂה לדברה ולמלכה וכאשׁר עשׂה ללבנה ולמלכה׃40 ויכה יהושׁע את כל הארץ ההר והנגב והשׁפלה והאשׁדות ואת כל מלכיהם לא השׁאיר שׂריד ואת כל הנשׁמה החרים כאשׁר צוה יהוה אלהי ישׂראל׃41 ויכם יהושׁע מקדשׁ ברנע ועד עזה ואת כל ארץ גשׁן ועד גבעון׃42 ואת כל המלכים האלה ואת ארצם לכד יהושׁע פעם אחת כי יהוה אלהי ישׂראל נלחם לישׂראל׃43 וישׁב יהושׁע וכל ישׂראל עמו אל המחנה הגלגלה׃
Joshua 10 Cross References - HOT
Genesis 14:18
18 ומלכי צדק מלך שׁלם הוציא לחם ויין והוא כהן לאל עליון׃
Joshua 6:21
21 ויחרימו את כל אשׁר בעיר מאישׁ ועד אשׁה מנער ועד זקן ועד שׁור ושׂה וחמור לפי חרב׃
Joshua 8:2
2 ועשׂית לעי ולמלכה כאשׁר עשׂית ליריחו ולמלכה רק שׁללה ובהמתה תבזו לכם שׂים לך ארב לעיר מאחריה׃
Joshua 8:22-29
22 ואלה יצאו מן העיר לקראתם ויהיו לישׂראל בתוך אלה מזה ואלה מזה ויכו אותם עד בלתי השׁאיר לו שׂריד ופליט׃23 ואת מלך העי תפשׂו חי ויקרבו אתו אל יהושׁע׃24 ויהי ככלות ישׂראל להרג את כל ישׁבי העי בשׂדה במדבר אשׁר רדפום בו ויפלו כלם לפי חרב עד תמם וישׁבו כל ישׂראל העי ויכו אתה לפי חרב׃25 ויהי כל הנפלים ביום ההוא מאישׁ ועד אשׁה שׁנים עשׂר אלף כל אנשׁי העי׃26 ויהושׁע לא השׁיב ידו אשׁר נטה בכידון עד אשׁר החרים את כל ישׁבי העי׃27 רק הבהמה ושׁלל העיר ההיא בזזו להם ישׂראל כדבר יהוה אשׁר צוה את יהושׁע׃28 וישׂרף יהושׁע את העי וישׂימה תל עולם שׁממה עד היום הזה׃29 ואת מלך העי תלה על העץ עד עת הערב וכבוא השׁמשׁ צוה יהושׁע וירידו את נבלתו מן העץ וישׁליכו אותה אל פתח שׁער העיר ויקימו עליו גל אבנים גדול עד היום הזה׃
Joshua 9:15-27
15 ויעשׂ להם יהושׁע שׁלום ויכרת להם ברית לחיותם וישׁבעו להם נשׂיאי העדה׃16 ויהי מקצה שׁלשׁת ימים אחרי אשׁר כרתו להם ברית וישׁמעו כי קרבים הם אליו ובקרבו הם ישׁבים׃17 ויסעו בני ישׂראל ויבאו אל עריהם ביום השׁלישׁי ועריהם גבעון והכפירה ובארות וקרית יערים׃18 ולא הכום בני ישׂראל כי נשׁבעו להם נשׂיאי העדה ביהוה אלהי ישׂראל וילנו כל העדה על הנשׂיאים׃19 ויאמרו כל הנשׂיאים אל כל העדה אנחנו נשׁבענו להם ביהוה אלהי ישׂראל ועתה לא נוכל לנגע׃20 זאת נעשׂה להם והחיה אותם ולא יהיה עלינו קצף על השׁבועה אשׁר נשׁבענו׃21 ויאמרו אליהם הנשׂיאים יחיו ויהיו חטבי עצים ושׁאבי מים לכל העדה כאשׁר דברו להם הנשׂיאים׃22 ויקרא להם יהושׁע וידבר אליהם לאמר למה רמיתם אתנו לאמר רחוקים אנחנו מכם מאד ואתם בקרבנו ישׁבים׃23 ועתה ארורים אתם ולא יכרת מכם עבד וחטבי עצים ושׁאבי מים לבית אלהי׃24 ויענו את יהושׁע ויאמרו כי הגד הגד לעבדיך את אשׁר צוה יהוה אלהיך את משׁה עבדו לתת לכם את כל הארץ ולהשׁמיד את כל ישׁבי הארץ מפניכם ונירא מאד לנפשׁתינו מפניכם ונעשׂה את הדבר הזה׃25 ועתה הננו בידך כטוב וכישׁר בעיניך לעשׂות לנו עשׂה׃26 ויעשׂ להם כן ויצל אותם מיד בני ישׂראל ולא הרגום׃27 ויתנם יהושׁע ביום ההוא חטבי עצים ושׁאבי מים לעדה ולמזבח יהוה עד היום הזה אל המקום אשׁר יבחר׃
Joshua 11:19-20
Exodus 15:14-16
Deuteronomy 11:25
25 לא יתיצב אישׁ בפניכם פחדכם ומוראכם יתן יהוה אלהיכם על פני כל הארץ אשׁר תדרכו בה כאשׁר דבר׃
Deuteronomy 28:10
10 וראו כל עמי הארץ כי שׁם יהוה נקרא עליך ויראו ממך׃
Joshua 2:9-13
9 ותאמר אל האנשׁים ידעתי כי נתן יהוה לכם את הארץ וכי נפלה אימתכם עלינו וכי נמגו כל ישׁבי הארץ מפניכם׃10 כי שׁמענו את אשׁר הובישׁ יהוה את מי ים סוף מפניכם בצאתכם ממצרים ואשׁר עשׂיתם לשׁני מלכי האמרי אשׁר בעבר הירדן לסיחן ולעוג אשׁר החרמתם אותם׃11 ונשׁמע וימס לבבנו ולא קמה עוד רוח באישׁ מפניכם כי יהוה אלהיכם הוא אלהים בשׁמים ממעל ועל הארץ מתחת׃12 ועתה השׁבעו נא לי ביהוה כי עשׂיתי עמכם חסד ועשׂיתם גם אתם עם בית אבי חסד ונתתם לי אות אמת׃13 והחיתם את אבי ואת אמי ואת אחי ואת אחותי ואת כל אשׁר להם והצלתם את נפשׁתינו ממות׃
Joshua 2:24
24 ויאמרו אל יהושׁע כי נתן יהוה בידנו את כל הארץ וגם נמגו כל ישׁבי הארץ מפנינו׃
1 Samuel 27:5
5 ויאמר דוד אל אכישׁ אם נא מצאתי חן בעיניך יתנו לי מקום באחת ערי השׂדה ואשׁבה שׁם ולמה ישׁב עבדך בעיר הממלכה עמך׃
2 Samuel 12:26
26 וילחם יואב ברבת בני עמון וילכד את עיר המלוכה׃
Psalms 48:4-6
Proverbs 1:26-27
Proverbs 10:24
24 מגורת רשׁע היא תבואנו ותאות צדיקים יתן׃
Genesis 23:2
2 ותמת שׂרה בקרית ארבע הוא חברון בארץ כנען ויבא אברהם לספד לשׂרה ולבכתה׃
Genesis 37:14
14 ויאמר לו לך נא ראה את שׁלום אחיך ואת שׁלום הצאן והשׁבני דבר וישׁלחהו מעמק חברון ויבא שׁכמה׃
Numbers 13:22
22 ויעלו בנגב ויבא עד חברון ושׁם אחימן שׁשׁי ותלמי ילידי הענק וחברון שׁבע שׁנים נבנתה לפני צען מצרים׃
Joshua 10:1
1 ויהי כשׁמע אדני צדק מלך ירושׁלם כי לכד יהושׁע את העי ויחרימה כאשׁר עשׂה ליריחו ולמלכה כן עשׂה לעי ולמלכה וכי השׁלימו ישׁבי גבעון את ישׂראל ויהיו בקרבם׃
Joshua 10:5
5 ויאספו ויעלו חמשׁת מלכי האמרי מלך ירושׁלם מלך חברון מלך ירמות מלך לכישׁ מלך עגלון הם וכל מחניהם ויחנו על גבעון וילחמו עליה׃
Joshua 12:10-13
Joshua 14:15
15 ושׁם חברון לפנים קרית ארבע האדם הגדול בענקים הוא והארץ שׁקטה ממלחמה׃
Joshua 15:35-39
Joshua 15:54
54 וחמטה וקרית ארבע היא חברון וציער ערים תשׁע וחצריהן׃
Joshua 15:63
63 ואת היבוסי יושׁבי ירושׁלם לא יוכלו בני יהודה להורישׁם וישׁב היבוסי את בני יהודה בירושׁלם עד היום הזה׃
Joshua 18:28
28 וצלע האלף והיבוסי היא ירושׁלם גבעת קרית ערים ארבע עשׂרה וחצריהן זאת נחלת בני בנימן למשׁפחתם׃
2 Samuel 2:11
11 ויהי מספר הימים אשׁר היה דוד מלך בחברון על בית יהודה שׁבע שׁנים ושׁשׁה חדשׁים׃
2 Kings 18:14
14 וישׁלח חזקיה מלך יהודה אל מלך אשׁור לכישׁה לאמר חטאתי שׁוב מעלי את אשׁר תתן עלי אשׂא וישׂם מלך אשׁור על חזקיה מלך יהודה שׁלשׁ מאות ככר כסף ושׁלשׁים ככר זהב׃
2 Kings 18:17
17 וישׁלח מלך אשׁור את תרתן ואת רב סריס ואת רב שׁקה מן לכישׁ אל המלך חזקיהו בחיל כבד ירושׁלם ויעלו ויבאו ירושׁלם ויעלו ויבאו ויעמדו בתעלת הברכה העליונה אשׁר במסלת שׂדה כובס׃
2 Chronicles 11:9
9 ואת אדורים ואת לכישׁ ואת עזקה׃
Micah 1:13
13 רתם המרכבה לרכשׁ יושׁבת לכישׁ ראשׁית חטאת היא לבת ציון כי בך נמצאו פשׁעי ישׂראל׃
Joshua 9:15
15 ויעשׂ להם יהושׁע שׁלום ויכרת להם ברית לחיותם וישׁבעו להם נשׂיאי העדה׃
Isaiah 8:9-10
Isaiah 41:5-7
Genesis 15:16
16 ודור רביעי ישׁובו הנה כי לא שׁלם עון האמרי עד הנה׃
Numbers 13:29
29 עמלק יושׁב בארץ הנגב והחתי והיבוסי והאמרי יושׁב בהר והכנעני יושׁב על הים ועל יד הירדן׃
Joshua 9:1-2
Joshua 10:6
6 וישׁלחו אנשׁי גבעון אל יהושׁע אל המחנה הגלגלה לאמר אל תרף ידיך מעבדיך עלה אלינו מהרה והושׁיעה לנו ועזרנו כי נקבצו אלינו כל מלכי האמרי ישׁבי ההר׃
Deuteronomy 1:15
15 ואקח את ראשׁי שׁבטיכם אנשׁים חכמים וידעים ואתן אותם ראשׁים עליכם שׂרי אלפים ושׂרי מאות ושׂרי חמשׁים ושׂרי עשׂרת ושׁטרים לשׁבטיכם׃
Joshua 5:10
10 ויחנו בני ישׂראל בגלגל ויעשׂו את הפסח בארבעה עשׂר יום לחדשׁ בערב בערבות יריחו׃
Joshua 9:6
6 וילכו אל יהושׁע אל המחנה הגלגל ויאמרו אליו ואל אישׁ ישׂראל מארץ רחוקה באנו ועתה כרתו לנו ברית׃
Joshua 9:24-25
Joshua 21:11
11 ויתנו להם את קרית ארבע אבי הענוק היא חברון בהר יהודה ואת מגרשׁה סביבתיה׃
2 Kings 4:24
24 ותחבשׁ האתון ותאמר אל נערה נהג ולך אל תעצר לי לרכב כי אם אמרתי׃
Psalms 125:2
2 ירושׁלם הרים סביב לה ויהוה סביב לעמו מעתה ועד עולם׃
Isaiah 33:22
22 כי יהוה שׁפטנו יהוה מחקקנו יהוה מלכנו הוא יושׁיענו׃
Joshua 8:1
1 ויאמר יהוה אל יהושׁע אל תירא ואל תחת קח עמך את כל עם המלחמה וקום עלה העי ראה נתתי בידך את מלך העי ואת עמו ואת עירו ואת ארצו׃
Isaiah 8:12
12 לא תאמרון קשׁר לכל אשׁר יאמר העם הזה קשׁר ואת מוראו לא תיראו ולא תעריצו׃
Isaiah 8:14
14 והיה למקדשׁ ולאבן נגף ולצור מכשׁול לשׁני בתי ישׂראל לפח ולמוקשׁ ליושׁב ירושׁלם׃
Deuteronomy 3:2
2 ויאמר יהוה אלי אל תירא אתו כי בידך נתתי אתו ואת כל עמו ואת ארצו ועשׂית לו כאשׁר עשׂית לסיחן מלך האמרי אשׁר יושׁב בחשׁבון׃
Deuteronomy 20:1-4
1 כי תצא למלחמה על איבך וראית סוס ורכב עם רב ממך לא תירא מהם כי יהוה אלהיך עמך המעלך מארץ מצרים׃2 והיה כקרבכם אל המלחמה ונגשׁ הכהן ודבר אל העם׃3 ואמר אלהם שׁמע ישׂראל אתם קרבים היום למלחמה על איביכם אל ירך לבבכם אל תיראו ואל תחפזו ואל תערצו מפניהם׃4 כי יהוה אלהיכם ההלך עמכם להלחם לכם עם איביכם להושׁיע אתכם׃
Joshua 1:5-9
5 לא יתיצב אישׁ לפניך כל ימי חייך כאשׁר הייתי עם משׁה אהיה עמך לא ארפך ולא אעזבך׃6 חזק ואמץ כי אתה תנחיל את העם הזה את הארץ אשׁר נשׁבעתי לאבותם לתת׃7 רק חזק ואמץ מאד לשׁמר לעשׂות ככל התורה אשׁר צוך משׁה עבדי אל תסור ממנו ימין ושׂמאול למען תשׂכיל בכל אשׁר תלך׃8 לא ימושׁ ספר התורה הזה מפיך והגית בו יומם ולילה למען תשׁמר לעשׂות ככל הכתוב בו כי אז תצליח את דרכך ואז תשׂכיל׃9 הלוא צויתיך חזק ואמץ אל תערץ ואל תחת כי עמך יהוה אלהיך בכל אשׁר תלך׃
Joshua 11:6
6 ויאמר יהוה אל יהושׁע אל תירא מפניהם כי מחר כעת הזאת אנכי נתן את כלם חללים לפני ישׂראל את סוסיהם תעקר ואת מרכבתיהם תשׂרף באשׁ׃
Judges 4:14-15
Psalms 27:1-2
Isaiah 41:10-15
10 אל תירא כי עמך אני אל תשׁתע כי אני אלהיך אמצתיך אף עזרתיך אף תמכתיך בימין צדקי׃11 הן יבשׁו ויכלמו כל הנחרים בך יהיו כאין ויאבדו אנשׁי ריבך׃12 תבקשׁם ולא תמצאם אנשׁי מצתך יהיו כאין וכאפס אנשׁי מלחמתך׃13 כי אני יהוה אלהיך מחזיק ימינך האמר לך אל תירא אני עזרתיך׃14 אל תיראי תולעת יעקב מתי ישׂראל אני עזרתיך נאם יהוה וגאלך קדושׁ ישׂראל׃15 הנה שׂמתיך למורג חרוץ חדשׁ בעל פיפיות תדושׁ הרים ותדק וגבעות כמץ תשׂים׃
1 Samuel 11:9-11
9 ויאמרו למלאכים הבאים כה תאמרון לאישׁ יבישׁ גלעד מחר תהיה לכם תשׁועה בחם השׁמשׁ ויבאו המלאכים ויגידו לאנשׁי יבישׁ וישׂמחו׃10 ויאמרו אנשׁי יבישׁ מחר נצא אליכם ועשׂיתם לנו ככל הטוב בעיניכם׃11 ויהי ממחרת וישׂם שׁאול את העם שׁלשׁה ראשׁים ויבאו בתוך המחנה באשׁמרת הבקר ויכו את עמון עד חם היום ויהי הנשׁארים ויפצו ולא נשׁארו בם שׁנים יחד׃
Proverbs 22:29
29 חזית אישׁ מהיר במלאכתו לפני מלכים יתיצב בל יתיצב לפני חשׁכים׃
Proverbs 24:11-12
Ecclesiastes 9:10
10 כל אשׁר תמצא ידך לעשׂות בכחך עשׂה כי אין מעשׂה וחשׁבון ודעת וחכמה בשׁאול אשׁר אתה הלך שׁמה׃
Deuteronomy 7:23
23 ונתנם יהוה אלהיך לפניך והמם מהומה גדלה עד השׁמדם׃
Joshua 10:11
11 ויהי בנסם מפני ישׂראל הם במורד בית חורן ויהוה השׁליך עליהם אבנים גדלות מן השׁמים עד עזקה וימתו רבים אשׁר מתו באבני הברד מאשׁר הרגו בני ישׂראל בחרב׃
Joshua 10:28
28 ואת מקדה לכד יהושׁע ביום ההוא ויכה לפי חרב ואת מלכה החרם אותם ואת כל הנפשׁ אשׁר בה לא השׁאיר שׂריד ויעשׂ למלך מקדה כאשׁר עשׂה למלך יריחו׃
Joshua 11:8
8 ויתנם יהוה ביד ישׂראל ויכום וירדפום עד צידון רבה ועד משׂרפות מים ועד בקעת מצפה מזרחה ויכם עד בלתי השׁאיר להם שׂריד׃
Joshua 12:16
16 מלך מקדה אחד מלך בית אל אחד׃
Joshua 15:35
35 ירמות ועדלם שׂוכה ועזקה׃
Joshua 15:41
41 וגדרות בית דגון ונעמה ומקדה ערים שׁשׁ עשׂרה וחצריהן׃
Joshua 16:3
3 וירד ימה אל גבול היפלטי עד גבול בית חורן תחתון ועד גזר והיו תצאתו ימה׃
Joshua 16:5
5 ויהי גבול בני אפרים למשׁפחתם ויהי גבול נחלתם מזרחה עטרות אדר עד בית חורן עליון׃
Joshua 21:22
22 ואת קבצים ואת מגרשׁה ואת בית חורן ואת מגרשׁה ערים ארבע׃
Judges 4:15
15 ויהם יהוה את סיסרא ואת כל הרכב ואת כל המחנה לפי חרב לפני ברק וירד סיסרא מעל המרכבה וינס ברגליו׃
1 Samuel 7:10-12
1 Samuel 13:18
18 והראשׁ אחד יפנה דרך בית חרון והראשׁ אחד יפנה דרך הגבול הנשׁקף על גי הצבעים המדברה׃
2 Chronicles 14:12
12 (14:11) ויגף יהוה את הכושׁים לפני אסא ולפני יהודה וינסו הכושׁים׃
Psalms 18:14
14 (18:15) וישׁלח חציו ויפיצם וברקים רב ויהמם׃
Psalms 44:3
3 (44:4) כי לא בחרבם ירשׁו ארץ וזרועם לא הושׁיעה למו כי ימינך וזרועך ואור פניך כי רציתם׃
Psalms 78:55
55 ויגרשׁ מפניהם גוים ויפילם בחבל נחלה וישׁכן באהליהם שׁבטי ישׂראל׃
Isaiah 28:21
21 כי כהר פרצים יקום יהוה כעמק בגבעון ירגז לעשׂות מעשׂהו זר מעשׂהו ולעבד עבדתו נכריה עבדתו׃
Jeremiah 34:7
7 וחיל מלך בבל נלחמים על ירושׁלם ועל כל ערי יהודה הנותרות אל לכישׁ ואל עזקה כי הנה נשׁארו בערי יהודה ערי מבצר׃
Genesis 19:24
24 ויהוה המטיר על סדם ועל עמרה גפרית ואשׁ מאת יהוה מן השׁמים׃
Exodus 9:22-26
22 ויאמר יהוה אל משׁה נטה את ידך על השׁמים ויהי ברד בכל ארץ מצרים על האדם ועל הבהמה ועל כל עשׂב השׂדה בארץ מצרים׃23 ויט משׁה את מטהו על השׁמים ויהוה נתן קלת וברד ותהלך אשׁ ארצה וימטר יהוה ברד על ארץ מצרים׃24 ויהי ברד ואשׁ מתלקחת בתוך הברד כבד מאד אשׁר לא היה כמהו בכל ארץ מצרים מאז היתה לגוי׃25 ויך הברד בכל ארץ מצרים את כל אשׁר בשׂדה מאדם ועד בהמה ואת כל עשׂב השׂדה הכה הברד ואת כל עץ השׂדה שׁבר׃26 רק בארץ גשׁן אשׁר שׁם בני ישׂראל לא היה ברד׃
Judges 5:20
20 מן שׁמים נלחמו הכוכבים ממסלותם נלחמו עם סיסרא׃
Psalms 11:6
6 ימטר על רשׁעים פחים אשׁ וגפרית ורוח זלעפות מנת כוסם׃
Psalms 18:12-14
Psalms 77:17-18
Isaiah 28:2
2 הנה חזק ואמץ לאדני כזרם ברד שׂער קטב כזרם מים כבירים שׁטפים הניח לארץ ביד׃
Isaiah 30:30
30 והשׁמיע יהוה את הוד קולו ונחת זרועו יראה בזעף אף ולהב אשׁ אוכלה נפץ וזרם ואבן ברד׃
Ezekiel 13:11
11 אמר אל טחי תפל ויפל היה גשׁם שׁוטף ואתנה אבני אלגבישׁ תפלנה ורוח סערות תבקע׃
Deuteronomy 4:19
19 ופן תשׂא עיניך השׁמימה וראית את השׁמשׁ ואת הירח ואת הכוכבים כל צבא השׁמים ונדחת והשׁתחוית להם ועבדתם אשׁר חלק יהוה אלהיך אתם לכל העמים תחת כל השׁמים׃
Deuteronomy 17:3
3 וילך ויעבד אלהים אחרים וישׁתחו להם ולשׁמשׁ או לירח או לכל צבא השׁמים אשׁר לא צויתי׃
Joshua 10:13
13 וידם השׁמשׁ וירח עמד עד יקם גוי איביו הלא היא כתובה על ספר הישׁר ויעמד השׁמשׁ בחצי השׁמים ולא אץ לבוא כיום תמים׃
Joshua 19:42
42 ושׁעלבין ואילון ויתלה׃
Judges 12:12
12 וימת אלון הזבולני ויקבר באילון בארץ זבולן׃
Job 9:7
7 האמר לחרס ולא יזרח ובעד כוכבים יחתם׃
Job 31:26-27
Psalms 19:4
4 (19:5) בכל הארץ יצא קום ובקצה תבל מליהם לשׁמשׁ שׂם אהל׃
Psalms 74:16
16 לך יום אף לך לילה אתה הכינות מאור ושׁמשׁ׃
Psalms 148:3
3 הללוהו שׁמשׁ וירח הללוהו כל כוכבי אור׃
Isaiah 38:8
8 הנני משׁיב את צל המעלות אשׁר ירדה במעלות אחז בשׁמשׁ אחרנית עשׂר מעלות ותשׁב השׁמשׁ עשׂר מעלות במעלות אשׁר ירדה׃
Isaiah 60:20
20 לא יבוא עוד שׁמשׁך וירחך לא יאסף כי יהוה יהיה לך לאור עולם ושׁלמו ימי אבלך׃
Amos 8:9
9 והיה ביום ההוא נאם אדני יהוה והבאתי השׁמשׁ בצהרים והחשׁכתי לארץ ביום אור׃
Habakkuk 2:20
20 ויהוה בהיכל קדשׁו הס מפניו כל הארץ׃
Habakkuk 3:11
11 שׁמשׁ ירח עמד זבלה לאור חציך יהלכו לנגה ברק חניתך׃
Zechariah 2:13
13 (2:17) הס כל בשׂר מפני יהוה כי נעור ממעון קדשׁו׃
Numbers 21:14
14 על כן יאמר בספר מלחמת יהוה את והב בסופה ואת הנחלים ארנון׃
Numbers 31:2
2 נקם נקמת בני ישׂראל מאת המדינים אחר תאסף אל עמיך׃
Joshua 10:14
14 ולא היה כיום ההוא לפניו ואחריו לשׁמע יהוה בקול אישׁ כי יהוה נלחם לישׂראל׃
Judges 5:2
2 בפרע פרעות בישׂראל בהתנדב עם ברכו יהוה׃
Judges 16:28
28 ויקרא שׁמשׁון אל יהוה ויאמר אדני יהוה זכרני נא וחזקני נא אך הפעם הזה האלהים ואנקמה נקם אחת משׁתי עיני מפלשׁתים׃
2 Samuel 1:18
18 ויאמר ללמד בני יהודה קשׁת הנה כתובה על ספר הישׁר׃
Esther 8:13
13 פתשׁגן הכתב להנתן דת בכל מדינה ומדינה גלוי לכל העמים ולהיות היהודיים עתודים ליום הזה להנקם מאיביהם׃
Psalms 74:16-17
Psalms 136:7-9
Isaiah 24:23
23 וחפרה הלבנה ובושׁה החמה כי מלך יהוה צבאות בהר ציון ובירושׁלם ונגד זקניו כבוד׃
Joel 2:10
10 לפניו רגזה ארץ רעשׁו שׁמים שׁמשׁ וירח קדרו וכוכבים אספו נגהם׃
Joel 2:31
31 (3:4) השׁמשׁ יהפך לחשׁך והירח לדם לפני בוא יום יהוה הגדול והנורא׃
Joel 3:15
15 (4:15) שׁמשׁ וירח קדרו וכוכבים אספו נגהם׃
Exodus 14:14
14 יהוה ילחם לכם ואתם תחרשׁון׃
Deuteronomy 1:30
30 יהוה אלהיכם ההלך לפניכם הוא ילחם לכם ככל אשׁר עשׂה אתכם במצרים לעיניכם׃
Joshua 10:42
42 ואת כל המלכים האלה ואת ארצם לכד יהושׁע פעם אחת כי יהוה אלהי ישׂראל נלחם לישׂראל׃
Joshua 23:3
3 ואתם ראיתם את כל אשׁר עשׂה יהוה אלהיכם לכל הגוים האלה מפניכם כי יהוה אלהיכם הוא הנלחם׃
2 Kings 20:10-11
Zechariah 4:6-7
Joshua 10:43
43 וישׁב יהושׁע וכל ישׂראל עמו אל המחנה הגלגלה׃
Judges 6:2
2 ותעז יד מדין על ישׂראל מפני מדין עשׂו להם בני ישׂראל את המנהרות אשׁר בהרים ואת המערות ואת המצדות׃
1 Samuel 13:6
6 ואישׁ ישׂראל ראו כי צר לו כי נגשׂ העם ויתחבאו העם במערות ובחוחים ובסלעים ובצרחים ובברות׃
1 Samuel 24:3
3 (24:4) ויבא אל גדרות הצאן על הדרך ושׁם מערה ויבא שׁאול להסך את רגליו ודוד ואנשׁיו בירכתי המערה ישׁבים׃
1 Samuel 24:8
8 (24:9) ויקם דוד אחרי כן ויצא מן המערה ויקרא אחרי שׁאול לאמר אדני המלך ויבט שׁאול אחריו ויקד דוד אפים ארצה וישׁתחו׃
Psalms 139:7-10
Isaiah 2:10-12
Isaiah 2:19-22
Isaiah 24:21-22
Amos 9:2
2 אם יחתרו בשׁאול משׁם ידי תקחם ואם יעלו השׁמים משׁם אורידם׃
Micah 7:17
17 ילחכו עפר כנחשׁ כזחלי ארץ ירגזו ממסגרתיהם אל יהוה אלהינו יפחדו ויראו ממך׃
Joshua 10:22
22 ויאמר יהושׁע פתחו את פי המערה והוציאו אלי את חמשׁת המלכים האלה מן המערה׃
Judges 9:46-49
46 וישׁמעו כל בעלי מגדל שׁכם ויבאו אל צריח בית אל ברית׃47 ויגד לאבימלך כי התקבצו כל בעלי מגדל שׁכם׃48 ויעל אבימלך הר צלמון הוא וכל העם אשׁר אתו ויקח אבימלך את הקרדמות בידו ויכרת שׂוכת עצים וישׂאה וישׂם על שׁכמו ויאמר אל העם אשׁר עמו מה ראיתם עשׂיתי מהרו עשׂו כמוני׃49 ויכרתו גם כל העם אישׁ שׂוכה וילכו אחרי אבימלך וישׂימו על הצריח ויציתו עליהם את הצריח באשׁ וימתו גם כל אנשׁי מגדל שׁכם כאלף אישׁ ואשׁה׃
Job 21:30
30 כי ליום איד יחשׂך רע ליום עברות יובלו׃
Amos 5:19
19 כאשׁר ינוס אישׁ מפני הארי ופגעו הדב ובא הבית וסמך ידו על הקיר ונשׁכו הנחשׁ׃
Amos 9:1
1 ראיתי את אדני נצב על המזבח ויאמר הך הכפתור וירעשׁו הספים ובצעם בראשׁ כלם ואחריתם בחרב אהרג לא ינוס להם נס ולא ימלט להם פליט׃
Joshua 10:20
20 ויהי ככלות יהושׁע ובני ישׂראל להכותם מכה גדולה מאד עד תמם והשׂרידים שׂרדו מהם ויבאו אל ערי המבצר׃
2 Samuel 17:13
13 ואם אל עיר יאסף והשׂיאו כל ישׂראל אל העיר ההיא חבלים וסחבנו אתו עד הנחל עד אשׁר לא נמצא שׁם גם צרור׃
2 Samuel 20:6
6 ויאמר דוד אל אבישׁי עתה ירע לנו שׁבע בן בכרי מן אבשׁלום אתה קח את עבדי אדניך ורדף אחריו פן מצא לו ערים בצרות והציל עיננו׃
Psalms 18:37-41
Isaiah 9:14-15
Jeremiah 8:14
14 על מה אנחנו ישׁבים האספו ונבוא אל ערי המבצר ונדמה שׁם כי יהוה אלהינו הדמנו וישׁקנו מי ראשׁ כי חטאנו ליהוה׃
Jeremiah 48:10
10 ארור עשׂה מלאכת יהוה רמיה וארור מנע חרבו מדם׃
Deuteronomy 20:16
16 רק מערי העמים האלה אשׁר יהוה אלהיך נתן לך נחלה לא תחיה כל נשׁמה׃
Joshua 8:24
24 ויהי ככלות ישׂראל להרג את כל ישׁבי העי בשׂדה במדבר אשׁר רדפום בו ויפלו כלם לפי חרב עד תמם וישׁבו כל ישׂראל העי ויכו אתה לפי חרב׃
Joshua 10:10
10 ויהמם יהוה לפני ישׂראל ויכם מכה גדולה בגבעון וירדפם דרך מעלה בית חורן ויכם עד עזקה ועד מקדה׃
2 Chronicles 13:17
17 ויכו בהם אביה ועמו מכה רבה ויפלו חללים מישׂראל חמשׁ מאות אלף אישׁ בחור׃
Exodus 11:7
7 ולכל בני ישׂראל לא יחרץ כלב לשׁנו למאישׁ ועד בהמה למען תדעון אשׁר יפלה יהוה בין מצרים ובין ישׂראל׃
Isaiah 54:17
17 כל כלי יוצר עליך לא יצלח וכל לשׁון תקום אתך למשׁפט תרשׁיעי זאת נחלת עבדי יהוה וצדקתם מאתי נאם יהוה׃
Isaiah 57:4
4 על מי תתענגו על מי תרחיבו פה תאריכו לשׁון הלוא אתם ילדי פשׁע זרע שׁקר׃
1 Samuel 15:32
32 ויאמר שׁמואל הגישׁו אלי את אגג מלך עמלק וילך אליו אגג מעדנת ויאמר אגג אכן סר מר המות׃
Joshua 10:3
3 וישׁלח אדני צדק מלך ירושׁלם אל הוהם מלך חברון ואל פראם מלך ירמות ואל יפיע מלך לכישׁ ואל דביר מלך עגלון לאמר׃
Deuteronomy 33:29
29 אשׁריך ישׂראל מי כמוך עם נושׁע ביהוה מגן עזרך ואשׁר חרב גאותך ויכחשׁו איביך לך ואתה על במותימו תדרך׃
Judges 8:20
20 ויאמר ליתר בכורו קום הרג אותם ולא שׁלף הנער חרבו כי ירא כי עודנו נער׃
Psalms 2:8-12
Psalms 18:40
40 (18:41) ואיבי נתתה לי ערף ומשׂנאי אצמיתם׃
Psalms 91:13
13 על שׁחל ופתן תדרך תרמס כפיר ותנין׃
Psalms 107:40
40 שׁפך בוז על נדיבים ויתעם בתהו לא דרך׃
Psalms 110:1
1 לדוד מזמור נאם יהוה לאדני שׁב לימיני עד אשׁית איביך הדם לרגליך׃
Psalms 110:5
5 אדני על ימינך מחץ ביום אפו מלכים׃
Psalms 149:8-9
Isaiah 26:5-6
Isaiah 60:11-12
Malachi 4:3
3 (3:21) ועסותם רשׁעים כי יהיו אפר תחת כפות רגליכם ביום אשׁר אני עשׂה אמר יהוה צבאות׃
Deuteronomy 3:21-22
Deuteronomy 7:19
19 המסת הגדלת אשׁר ראו עיניך והאתת והמפתים והיד החזקה והזרע הנטויה אשׁר הוצאך יהוה אלהיך כן יעשׂה יהוה אלהיך לכל העמים אשׁר אתה ירא מפניהם׃
Deuteronomy 31:6-8
Joshua 1:9
9 הלוא צויתיך חזק ואמץ אל תערץ ואל תחת כי עמך יהוה אלהיך בכל אשׁר תלך׃
1 Samuel 17:37
37 ויאמר דוד יהוה אשׁר הצלני מיד הארי ומיד הדב הוא יצילני מיד הפלשׁתי הזה ויאמר שׁאול אל דוד לך ויהוה יהיה עמך׃
Psalms 63:9
9 (63:10) והמה לשׁואה יבקשׁו נפשׁי יבאו בתחתיות הארץ׃
Psalms 77:11
11 (77:12) אזכיר מעללי יה כי אזכרה מקדם פלאך׃
Numbers 25:4
4 ויאמר יהוה אל משׁה קח את כל ראשׁי העם והוקע אותם ליהוה נגד השׁמשׁ וישׁב חרון אף יהוה מישׂראל׃
Deuteronomy 21:22-23
Joshua 8:29
29 ואת מלך העי תלה על העץ עד עת הערב וכבוא השׁמשׁ צוה יהושׁע וירידו את נבלתו מן העץ וישׁליכו אותה אל פתח שׁער העיר ויקימו עליו גל אבנים גדול עד היום הזה׃
Judges 8:21
21 ויאמר זבח וצלמנע קום אתה ופגע בנו כי כאישׁ גבורתו ויקם גדעון ויהרג את זבח ואת צלמנע ויקח את השׂהרנים אשׁר בצוארי גמליהם׃
1 Samuel 15:33
33 ויאמר שׁמואל כאשׁר שׁכלה נשׁים חרבך כן תשׁכל מנשׁים אמך וישׁסף שׁמואל את אגג לפני יהוה בגלגל׃
2 Samuel 21:6
6 ינתן לנו שׁבעה אנשׁים מבניו והוקענום ליהוה בגבעת שׁאול בחיר יהוה ויאמר המלך אני אתן׃
2 Samuel 21:9
9 ויתנם ביד הגבענים ויקיעם בהר לפני יהוה ויפלו שׁבעתים יחד והם המתו בימי קציר בראשׁנים תחלת קציר שׂערים׃
Esther 2:23
23 ויבקשׁ הדבר וימצא ויתלו שׁניהם על עץ ויכתב בספר דברי הימים לפני המלך׃
Esther 7:9-10
Joshua 4:9
9 ושׁתים עשׂרה אבנים הקים יהושׁע בתוך הירדן תחת מצב רגלי הכהנים נשׂאי ארון הברית ויהיו שׁם עד היום הזה׃
Joshua 7:26
26 ויקימו עליו גל אבנים גדול עד היום הזה וישׁב יהוה מחרון אפו על כן קרא שׁם המקום ההוא עמק עכור עד היום הזה׃
2 Samuel 18:17
17 ויקחו את אבשׁלום וישׁליכו אתו ביער אל הפחת הגדול ויצבו עליו גל אבנים גדול מאד וכל ישׂראל נסו אישׁ לאהלו׃
Deuteronomy 7:2
2 ונתנם יהוה אלהיך לפניך והכיתם החרם תחרים אתם לא תכרת להם ברית ולא תחנם׃
Deuteronomy 7:16
16 ואכלת את כל העמים אשׁר יהוה אלהיך נתן לך לא תחוס עינך עליהם ולא תעבד את אלהיהם כי מוקשׁ הוא׃
Deuteronomy 20:16-17
Joshua 10:30
30 ויתן יהוה גם אותה ביד ישׂראל ואת מלכה ויכה לפי חרב ואת כל הנפשׁ אשׁר בה לא השׁאיר בה שׂריד ויעשׂ למלכה כאשׁר עשׂה למלך יריחו׃
Joshua 10:32
32 ויתן יהוה את לכישׁ ביד ישׂראל וילכדה ביום השׁני ויכה לפי חרב ואת כל הנפשׁ אשׁר בה ככל אשׁר עשׂה ללבנה׃
Joshua 10:35
35 וילכדוה ביום ההוא ויכוה לפי חרב ואת כל הנפשׁ אשׁר בה ביום ההוא החרים ככל אשׁר עשׂה ללכישׁ׃
Joshua 10:37
37 וילכדוה ויכוה לפי חרב ואת מלכה ואת כל עריה ואת כל הנפשׁ אשׁר בה לא השׁאיר שׂריד ככל אשׁר עשׂה לעגלון ויחרם אותה ואת כל הנפשׁ אשׁר׃
Joshua 10:39
39 וילכדה ואת מלכה ואת כל עריה ויכום לפי חרב ויחרימו את כל נפשׁ אשׁר בה לא השׁאיר שׂריד כאשׁר עשׂה לחברון כן עשׂה לדברה ולמלכה וכאשׁר עשׂה ללבנה ולמלכה׃
Psalms 21:8-9
Numbers 33:20
20 ויסעו מרמן פרץ ויחנו בלבנה׃
Joshua 12:15
15 מלך לבנה אחד מלך עדלם אחד׃
Joshua 15:42
42 לבנה ועתר ועשׁן׃
Joshua 21:13
13 ולבני אהרן הכהן נתנו את עיר מקלט הרצח את חברון ואת מגרשׁה ואת לבנה ואת מגרשׁה׃
2 Kings 8:22
22 ויפשׁע אדום מתחת יד יהודה עד היום הזה אז תפשׁע לבנה בעת ההיא׃
2 Kings 19:8
8 וישׁב רב שׁקה וימצא את מלך אשׁור נלחם על לבנה כי שׁמע כי נסע מלכישׁ׃
Jeremiah 52:1
1 בן עשׂרים ואחת שׁנה צדקיהו במלכו ואחת עשׂרה שׁנה מלך בירושׁלם ושׁם אמו חמיטל בת ירמיהו מלבנה׃
Joshua 12:11
11 מלך ירמות אחד מלך לכישׁ אחד׃
Joshua 15:39
39 לכישׁ ובצקת ועגלון׃
Isaiah 37:8
8 וישׁב רב שׁקה וימצא את מלך אשׁור נלחם על לבנה כי שׁמע כי נסע מלכישׁ׃
Joshua 12:12
12 מלך עגלון אחד מלך גזר אחד׃
Joshua 16:10
10 ולא הורישׁו את הכנעני היושׁב בגזר וישׁב הכנעני בקרב אפרים עד היום הזה ויהי למס עבד׃
Joshua 21:21
21 ויתנו להם את עיר מקלט הרצח את שׁכם ואת מגרשׁה בהר אפרים ואת גזר ואת מגרשׁה׃
Judges 1:29
29 ואפרים לא הורישׁ את הכנעני היושׁב בגזר וישׁב הכנעני בקרבו בגזר׃
1 Kings 9:15-17
1 Chronicles 6:67
67 (6:52) ויתנו להם את ערי המקלט את שׁכם ואת מגרשׁיה בהר אפרים ואת גזר ואת מגרשׁיה׃
1 Chronicles 20:4
4 ויהי אחריכן ותעמד מלחמה בגזר עם פלשׁתים אז הכה סבכי החשׁתי את ספי מילדי הרפאים ויכנעו׃
Leviticus 26:44
44 ואף גם זאת בהיותם בארץ איביהם לא מאסתים ולא געלתים לכלתם להפר בריתי אתם כי אני יהוה אלהיהם׃
Job 19:10
10 יתצני סביב ואלך ויסע כעץ תקותי׃
Genesis 13:18
18 ויאהל אברם ויבא וישׁב באלני ממרא אשׁר בחברון ויבן שׁם מזבח ליהוה׃
Joshua 14:13-14
Joshua 15:13
13 ולכלב בן יפנה נתן חלק בתוך בני יהודה אל פי יהוה ליהושׁע את קרית ארבע אבי הענק היא חברון׃
Judges 1:10
10 וילך יהודה אל הכנעני היושׁב בחברון ושׁם חברון לפנים קרית ארבע ויכו את שׁשׁי ואת אחימן ואת תלמי׃
2 Samuel 5:1-5
1 ויבאו כל שׁבטי ישׂראל אל דוד חברונה ויאמרו לאמר הננו עצמך ובשׂרך אנחנו׃2 גם אתמול גם שׁלשׁום בהיות שׁאול מלך עלינו אתה הייתה מוציא והמבי את ישׂראל ויאמר יהוה לך אתה תרעה את עמי את ישׂראל ואתה תהיה לנגיד על ישׂראל׃3 ויבאו כל זקני ישׂראל אל המלך חברונה ויכרת להם המלך דוד ברית בחברון לפני יהוה וימשׁחו את דוד למלך על ישׂראל׃4 בן שׁלשׁים שׁנה דוד במלכו ארבעים שׁנה מלך׃5 בחברון מלך על יהודה שׁבע שׁנים ושׁשׁה חדשׁים ובירושׁלם מלך שׁלשׁים ושׁלשׁ שׁנה על כל ישׂראל ויהודה׃
2 Samuel 15:9-10
1 Chronicles 12:23
23 (12:24) ואלה מספרי ראשׁי החלוץ לצבא באו על דויד חברונה להסב מלכות שׁאול אליו כפי יהוה׃
1 Chronicles 12:28
28 (12:29) וצדוק נער גבור חיל ובית אביו שׂרים עשׂרים ושׁנים׃
Joshua 12:13
13 מלך דבר אחד מלך גדר אחד׃
Joshua 15:15
15 ויעל משׁם אל ישׁבי דבר ושׁם דבר לפנים קרית ספר׃
Joshua 15:49
49 ודנה וקרית סנה היא דבר׃
Joshua 21:15
15 ואת חלן ואת מגרשׁה ואת דבר ואת מגרשׁה׃
Judges 1:11-15
11 וילך משׁם אל יושׁבי דביר ושׁם דביר לפנים קרית ספר׃12 ויאמר כלב אשׁר יכה את קרית ספר ולכדה ונתתי לו את עכסה בתי לאשׁה׃13 וילכדה עתניאל בן קנז אחי כלב הקטן ממנו ויתן לו את עכסה בתו לאשׁה׃14 ויהי בבואה ותסיתהו לשׁאול מאת אביה השׂדה ותצנח מעל החמור ויאמר לה כלב מה׃15 ותאמר לו הבה לי ברכה כי ארץ הנגב נתתני ונתתה לי גלת מים ויתן לה כלב את גלת עלית ואת גלת תחתית׃
Deuteronomy 3:3
3 ויתן יהוה אלהינו בידנו גם את עוג מלך הבשׁן ואת כל עמו ונכהו עד בלתי השׁאיר לו שׂריד׃
Joshua 10:33
33 אז עלה הרם מלך גזר לעזר את לכישׁ ויכהו יהושׁע ואת עמו עד בלתי השׁאיר לו שׂריד׃
Joshua 10:40
40 ויכה יהושׁע את כל הארץ ההר והנגב והשׁפלה והאשׁדות ואת כל מלכיהם לא השׁאיר שׂריד ואת כל הנשׁמה החרים כאשׁר צוה יהוה אלהי ישׂראל׃
2 Kings 10:11
11 ויך יהוא את כל הנשׁארים לבית אחאב ביזרעאל וכל גדליו ומידעיו וכהניו עד בלתי השׁאיר לו שׂריד׃
Obadiah 1:18
18 והיה בית יעקב אשׁ ובית יוסף להבה ובית עשׂו לקשׁ ודלקו בהם ואכלום ולא יהיה שׂריד לבית עשׂו כי יהוה דבר׃
Exodus 23:31-33
Exodus 34:12
12 השׁמר לך פן תכרת ברית ליושׁב הארץ אשׁר אתה בא עליה פן יהיה למוקשׁ בקרבך׃
Deuteronomy 1:7
7 פנו וסעו לכם ובאו הר האמרי ואל כל שׁכניו בערבה בהר ובשׁפלה ובנגב ובחוף הים ארץ הכנעני והלבנון עד הנהר הגדל נהר פרת׃
Deuteronomy 7:2-16
2 ונתנם יהוה אלהיך לפניך והכיתם החרם תחרים אתם לא תכרת להם ברית ולא תחנם׃3 ולא תתחתן בם בתך לא תתן לבנו ובתו לא תקח לבנך׃4 כי יסיר את בנך מאחרי ועבדו אלהים אחרים וחרה אף יהוה בכם והשׁמידך מהר׃5 כי אם כה תעשׂו להם מזבחתיהם תתצו ומצבתם תשׁברו ואשׁירהם תגדעון ופסיליהם תשׂרפון באשׁ׃6 כי עם קדושׁ אתה ליהוה אלהיך בך בחר יהוה אלהיך להיות לו לעם סגלה מכל העמים אשׁר על פני האדמה׃7 לא מרבכם מכל העמים חשׁק יהוה בכם ויבחר בכם כי אתם המעט מכל העמים׃8 כי מאהבת יהוה אתכם ומשׁמרו את השׁבעה אשׁר נשׁבע לאבתיכם הוציא יהוה אתכם ביד חזקה ויפדך מבית עבדים מיד פרעה מלך מצרים׃9 וידעת כי יהוה אלהיך הוא האלהים האל הנאמן שׁמר הברית והחסד לאהביו ולשׁמרי מצותו לאלף דור׃10 ומשׁלם לשׂנאיו אל פניו להאבידו לא יאחר לשׂנאו אל פניו ישׁלם׃11 ושׁמרת את המצוה ואת החקים ואת המשׁפטים אשׁר אנכי מצוך היום לעשׂותם׃12 והיה עקב תשׁמעון את המשׁפטים האלה ושׁמרתם ועשׂיתם אתם ושׁמר יהוה אלהיך לך את הברית ואת החסד אשׁר נשׁבע לאבתיך׃13 ואהבך וברכך והרבך וברך פרי בטנך ופרי אדמתך דגנך ותירשׁך ויצהרך שׁגר אלפיך ועשׁתרת צאנך על האדמה אשׁר נשׁבע לאבתיך לתת׃14 ברוך תהיה מכל העמים לא יהיה בך עקר ועקרה ובבהמתך׃15 והסיר יהוה ממך כל חלי וכל מדוי מצרים הרעים אשׁר ידעת לא ישׂימם בך ונתנם בכל שׂנאיך׃16 ואכלת את כל העמים אשׁר יהוה אלהיך נתן לך לא תחוס עינך עליהם ולא תעבד את אלהיהם כי מוקשׁ הוא׃
Deuteronomy 7:24
24 ונתן מלכיהם בידך והאבדת את שׁמם מתחת השׁמים לא יתיצב אישׁ בפניך עד השׁמדך אתם׃
Deuteronomy 26:16-17
Joshua 6:17
17 והיתה העיר חרם היא וכל אשׁר בה ליהוה רק רחב הזונה תחיה היא וכל אשׁר אתה בבית כי החבאתה את המלאכים אשׁר שׁלחנו׃
Joshua 8:27
27 רק הבהמה ושׁלל העיר ההיא בזזו להם ישׂראל כדבר יהוה אשׁר צוה את יהושׁע׃
Joshua 9:24
24 ויענו את יהושׁע ויאמרו כי הגד הגד לעבדיך את אשׁר צוה יהוה אלהיך את משׁה עבדו לתת לכם את כל הארץ ולהשׁמיד את כל ישׁבי הארץ מפניכם ונירא מאד לנפשׁתינו מפניכם ונעשׂה את הדבר הזה׃
Joshua 12:8
8 בהר ובשׁפלה ובערבה ובאשׁדות ובמדבר ובנגב החתי האמרי והכנעני הפרזי החוי והיבוסי׃
Joshua 15:21-63
21 ויהיו הערים מקצה למטה בני יהודה אל גבול אדום בנגבה קבצאל ועדר ויגור׃22 וקינה ודימונה ועדעדה׃23 וקדשׁ וחצור ויתנן׃24 זיף וטלם ובעלות׃25 וחצור חדתה וקריות חצרון היא חצור׃26 אמם ושׁמע ומולדה׃27 וחצר גדה וחשׁמון ובית פלט׃28 וחצר שׁועל ובאר שׁבע ובזיותיה׃29 בעלה ועיים ועצם׃30 ואלתולד וכסיל וחרמה׃31 וצקלג ומדמנה וסנסנה׃32 ולבאות ושׁלחים ועין ורמון כל ערים עשׂרים ותשׁע וחצריהן׃33 בשׁפלה אשׁתאול וצרעה ואשׁנה׃34 וזנוח ועין גנים תפוח והעינם׃35 ירמות ועדלם שׂוכה ועזקה׃36 ושׁערים ועדיתים והגדרה וגדרתים ערים ארבע עשׂרה וחצריהן׃37 צנן וחדשׁה ומגדל גד׃38 ודלען והמצפה ויקתאל׃39 לכישׁ ובצקת ועגלון׃40 וכבון ולחמס וכתלישׁ׃41 וגדרות בית דגון ונעמה ומקדה ערים שׁשׁ עשׂרה וחצריהן׃42 לבנה ועתר ועשׁן׃43 ויפתח ואשׁנה ונציב׃44 וקעילה ואכזיב ומראשׁה ערים תשׁע וחצריהן׃45 עקרון ובנתיה וחצריה׃46 מעקרון וימה כל אשׁר על יד אשׁדוד וחצריהן׃47 אשׁדוד בנותיה וחצריה עזה בנותיה וחצריה עד נחל מצרים והים הגבול וגבול׃48 ובהר שׁמיר ויתיר ושׂוכה׃49 ודנה וקרית סנה היא דבר׃50 וענב ואשׁתמה וענים׃51 וגשׁן וחלן וגלה ערים אחת עשׂרה וחצריהן׃52 ארב ורומה ואשׁען׃53 וינים ובית תפוח ואפקה׃54 וחמטה וקרית ארבע היא חברון וציער ערים תשׁע וחצריהן׃55 מעון כרמל וזיף ויוטה׃56 ויזרעאל ויקדעם וזנוח׃57 הקין גבעה ותמנה ערים עשׂר וחצריהן׃58 חלחול בית צור וגדור׃59 ומערת ובית ענות ואלתקן ערים שׁשׁ וחצריהן׃60 קרית בעל היא קרית יערים והרבה ערים שׁתים וחצריהן׃61 במדבר בית הערבה מדין וסככה׃62 והנבשׁן ועיר המלח ועין גדי ערים שׁשׁ וחצריהן׃63 ואת היבוסי יושׁבי ירושׁלם לא יוכלו בני יהודה להורישׁם וישׁב היבוסי את בני יהודה בירושׁלם עד היום הזה׃
Joshua 18:21-19:8
21 והיו הערים למטה בני בנימן למשׁפחותיהם יריחו ובית חגלה ועמק קציץ׃
Joshua 19:40-48
40 למטה בני דן למשׁפחתם יצא הגורל השׁביעי׃41 ויהי גבול נחלתם צרעה ואשׁתאול ועיר שׁמשׁ׃42 ושׁעלבין ואילון ויתלה׃43 ואילון ותמנתה ועקרון׃44 ואלתקה וגבתון ובעלת׃45 ויהד ובני ברק וגת רמון׃46 ומי הירקון והרקון עם הגבול מול יפו׃47 ויצא גבול בני דן מהם ויעלו בני דן וילחמו עם לשׁם וילכדו אותה ויכו אותה לפי חרב וירשׁו אותה וישׁבו בה ויקראו ללשׁם דן כשׁם דן אביהם׃48 זאת נחלת מטה בני דן למשׁפחתם הערים האלה וחצריהן׃
1 Kings 15:29
29 ויהי כמלכו הכה את כל בית ירבעם לא השׁאיר כל נשׁמה לירבעם עד השׁמדו כדבר יהוה אשׁר דבר ביד עבדו אחיה השׁילני׃
Psalms 9:17
17 (9:18) ישׁובו רשׁעים לשׁאולה כל גוים שׁכחי אלהים׃
Genesis 10:19
19 ויהי גבול הכנעני מצידן באכה גררה עד עזה באכה סדמה ועמרה ואדמה וצבים עד לשׁע׃
Numbers 13:26
26 וילכו ויבאו אל משׁה ואל אהרן ואל כל עדת בני ישׂראל אל מדבר פארן קדשׁה וישׁיבו אתם דבר ואת כל העדה ויראום את פרי הארץ׃
Numbers 32:8
8 כה עשׂו אבתיכם בשׁלחי אתם מקדשׁ ברנע לראות את הארץ׃
Numbers 34:4
4 ונסב לכם הגבול מנגב למעלה עקרבים ועבר צנה והיה תוצאתיו מנגב לקדשׁ ברנע ויצא חצר אדר ועבר עצמנה׃
Deuteronomy 9:23
23 ובשׁלח יהוה אתכם מקדשׁ ברנע לאמר עלו ורשׁו את הארץ אשׁר נתתי לכם ותמרו את פי יהוה אלהיכם ולא האמנתם לו ולא שׁמעתם בקלו׃
Joshua 10:2
2 וייראו מאד כי עיר גדולה גבעון כאחת ערי הממלכה וכי היא גדולה מן העי וכל אנשׁיה גברים׃
Joshua 10:12
12 אז ידבר יהושׁע ליהוה ביום תת יהוה את האמרי לפני בני ישׂראל ויאמר לעיני ישׂראל שׁמשׁ בגבעון דום וירח בעמק אילון׃
Joshua 11:16
16 ויקח יהושׁע את כל הארץ הזאת ההר ואת כל הנגב ואת כל ארץ הגשׁן ואת השׁפלה ואת הערבה ואת הר ישׂראל ושׁפלתה׃
Joshua 14:6-7
Joshua 15:51
51 וגשׁן וחלן וגלה ערים אחת עשׂרה וחצריהן׃
Judges 16:1
1 וילך שׁמשׁון עזתה וירא שׁם אשׁה זונה ויבא אליה׃
Judges 16:21
21 ויאחזוהו פלשׁתים וינקרו את עיניו ויורידו אותו עזתה ויאסרוהו בנחשׁתים ויהי טוחן בבית האסירים׃
1 Samuel 6:17
17 ואלה טחרי הזהב אשׁר השׁיבו פלשׁתים אשׁם ליהוה לאשׁדוד אחד לעזה אחד לאשׁקלון אחד לגת אחד לעקרון אחד׃
1 Kings 3:5
5 בגבעון נראה יהוה אל שׁלמה בחלום הלילה ויאמר אלהים שׁאל מה אתן׃
Zechariah 9:5
5 תרא אשׁקלון ותירא ועזה ותחיל מאד ועקרון כי הבישׁ מבטה ואבד מלך מעזה ואשׁקלון לא תשׁב׃
Exodus 14:25
25 ויסר את אפן מרכבתיו וינהגהו בכבדת ויאמר מצרים אנוסה מפני ישׂראל כי יהוה נלחם להם במצרים׃
Deuteronomy 20:4
4 כי יהוה אלהיכם ההלך עמכם להלחם לכם עם איביכם להושׁיע אתכם׃
Psalms 44:3-8
3 (44:4) כי לא בחרבם ירשׁו ארץ וזרועם לא הושׁיעה למו כי ימינך וזרועך ואור פניך כי רציתם׃4 (44:5) אתה הוא מלכי אלהים צוה ישׁועות יעקב׃5 (44:6) בך צרינו ננגח בשׁמך נבוס קמינו׃6 (44:7) כי לא בקשׁתי אבטח וחרבי לא תושׁיעני׃7 (44:8) כי הושׁעתנו מצרינו ומשׂנאינו הבישׁות׃8 (44:9) באלהים הללנו כל היום ושׁמך לעולם נודה סלה׃
Psalms 46:1
1 למנצח לבני קרח על עלמות שׁיר׃ (46:2) אלהים לנו מחסה ועז עזרה בצרות נמצא מאד׃
Psalms 46:7
7 (46:8) יהוה צבאות עמנו משׂגב לנו אלהי יעקב סלה׃
Psalms 46:11
11 (46:12) יהוה צבאות עמנו משׂגב לנו אלהי יעקב סלה׃
Psalms 80:3
3 (80:4) אלהים השׁיבנו והאר פניך ונושׁעה׃
Psalms 118:6
6 יהוה לי לא אירא מה יעשׂה לי אדם׃
Isaiah 43:4
4 מאשׁר יקרת בעיני נכבדת ואני אהבתיך ואתן אדם תחתיך ולאמים תחת נפשׁך׃
Joshua 4:19
19 והעם עלו מן הירדן בעשׂור לחדשׁ הראשׁון ויחנו בגלגל בקצה מזרח יריחו׃
Joshua 10:15
15 וישׁב יהושׁע וכל ישׂראל עמו אל המחנה הגלגלה׃
1 Samuel 11:14
14 ויאמר שׁמואל אל העם לכו ונלכה הגלגל ונחדשׁ שׁם המלוכה׃