Joshua 14:6 Cross References - HOT

6 ויגשׁו בני יהודה אל יהושׁע בגלגל ויאמר אליו כלב בן יפנה הקנזי אתה ידעת את הדבר אשׁר דבר יהוה אל משׁה אישׁ האלהים על אדותי ועל אדותיך בקדשׁ ברנע׃

Numbers 12:7-8

7 לא כן עבדי משׁה בכל ביתי נאמן הוא׃8 פה אל פה אדבר בו ומראה ולא בחידת ותמנת יהוה יביט ומדוע לא יראתם לדבר בעבדי במשׁה׃

Numbers 13:6

6 למטה יהודה כלב בן יפנה׃

Numbers 13:26

26 וילכו ויבאו אל משׁה ואל אהרן ואל כל עדת בני ישׂראל אל מדבר פארן קדשׁה וישׁיבו אתם דבר ואת כל העדה ויראום את פרי הארץ׃

Numbers 14:6

6 ויהושׁע בן נון וכלב בן יפנה מן התרים את הארץ קרעו בגדיהם׃

Numbers 14:24

24 ועבדי כלב עקב היתה רוח אחרת עמו וימלא אחרי והביאתיו אל הארץ אשׁר בא שׁמה וזרעו יורשׁנה׃

Numbers 14:30

30 אם אתם תבאו אל הארץ אשׁר נשׂאתי את ידי לשׁכן אתכם בה כי אם כלב בן יפנה ויהושׁע בן נון׃

Numbers 32:12

12 בלתי כלב בן יפנה הקנזי ויהושׁע בן נון כי מלאו אחרי יהוה׃

Deuteronomy 1:36-38

36 זולתי כלב בן יפנה הוא יראנה ולו אתן את הארץ אשׁר דרך בה ולבניו יען אשׁר מלא אחרי יהוה׃37 גם בי התאנף יהוה בגללכם לאמר גם אתה לא תבא שׁם׃38 יהושׁע בן נון העמד לפניך הוא יבא שׁמה אתו חזק כי הוא ינחלנה את ישׂראל׃

Deuteronomy 33:1

1 וזאת הברכה אשׁר ברך משׁה אישׁ האלהים את בני ישׂראל לפני מותו׃

Deuteronomy 34:5

5 וימת שׁם משׁה עבד יהוה בארץ מואב על פי יהוה׃

Deuteronomy 34:10

10 ולא קם נביא עוד בישׂראל כמשׁה אשׁר ידעו יהוה פנים אל פנים׃

Joshua 4:19

19 והעם עלו מן הירדן בעשׂור לחדשׁ הראשׁון ויחנו בגלגל בקצה מזרח יריחו׃

Joshua 10:43

43 וישׁב יהושׁע וכל ישׂראל עמו אל המחנה הגלגלה׃

Joshua 14:14

14 על כן היתה חברון לכלב בן יפנה הקנזי לנחלה עד היום הזה יען אשׁר מלא אחרי יהוה אלהי ישׂראל׃

Joshua 15:17

17 וילכדה עתניאל בן קנז אחי כלב ויתן לו את עכסה בתו לאשׁה׃

Judges 13:6-8

6 ותבא האשׁה ותאמר לאישׁה לאמר אישׁ האלהים בא אלי ומראהו כמראה מלאך האלהים נורא מאד ולא שׁאלתיהו אי מזה הוא ואת שׁמו לא הגיד׃7 ויאמר לי הנך הרה וילדת בן ועתה אל תשׁתי יין ושׁכר ואל תאכלי כל טמאה כי נזיר אלהים יהיה הנער מן הבטן עד יום מותו׃8 ויעתר מנוח אל יהוה ויאמר בי אדוני אישׁ האלהים אשׁר שׁלחת יבוא נא עוד אלינו ויורנו מה נעשׂה לנער היולד׃

1 Kings 13:1

1 והנה אישׁ אלהים בא מיהודה בדבר יהוה אל בית אל וירבעם עמד על המזבח להקטיר׃

1 Kings 13:14

14 וילך אחרי אישׁ האלהים וימצאהו ישׁב תחת האלה ויאמר אליו האתה אישׁ האלהים אשׁר באת מיהודה ויאמר אני׃

2 Kings 4:9

9 ותאמר אל אישׁה הנה נא ידעתי כי אישׁ אלהים קדושׁ הוא עבר עלינו תמיד׃

2 Kings 4:16

16 ויאמר למועד הזה כעת חיה אתי חבקת בן ותאמר אל אדני אישׁ האלהים אל תכזב בשׁפחתך׃

2 Kings 4:42

42 ואישׁ בא מבעל שׁלשׁה ויבא לאישׁ האלהים לחם בכורים עשׂרים לחם שׂערים וכרמל בצקלנו ויאמר תן לעם ויאכלו׃

2 Kings 8:7

7 ויבא אלישׁע דמשׂק ובן הדד מלך ארם חלה ויגד לו לאמר בא אישׁ האלהים עד הנה׃

2 Kings 8:11

11 ויעמד את פניו וישׂם עד בשׁ ויבך אישׁ האלהים׃

Psalms 90:1

1 תפלה למשׁה אישׁ האלהים אדני מעון אתה היית לנו בדר ודר׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.