1 ויהי בימים ההם ומלך אין בישׂראל ויהי אישׁ לוי גר בירכתי הר אפרים ויקח לו אשׁה פילגשׁ מבית לחם יהודה׃2 ותזנה עליו פילגשׁו ותלך מאתו אל בית אביה אל בית לחם יהודה ותהי שׁם ימים ארבעה חדשׁים׃3 ויקם אישׁה וילך אחריה לדבר על לבה להשׁיבו ונערו עמו וצמד חמרים ותביאהו בית אביה ויראהו אבי הנערה וישׂמח לקראתו׃4 ויחזק בו חתנו אבי הנערה וישׁב אתו שׁלשׁת ימים ויאכלו וישׁתו וילינו שׁם׃5 ויהי ביום הרביעי וישׁכימו בבקר ויקם ללכת ויאמר אבי הנערה אל חתנו סעד לבך פת לחם ואחר תלכו׃6 וישׁבו ויאכלו שׁניהם יחדו וישׁתו ויאמר אבי הנערה אל האישׁ הואל נא ולין ויטב לבך׃7 ויקם האישׁ ללכת ויפצר בו חתנו וישׁב וילן שׁם׃8 וישׁכם בבקר ביום החמישׁי ללכת ויאמר אבי הנערה סעד נא לבבך והתמהמהו עד נטות היום ויאכלו שׁניהם׃9 ויקם האישׁ ללכת הוא ופילגשׁו ונערו ויאמר לו חתנו אבי הנערה הנה נא רפה היום לערב לינו נא הנה חנות היום לין פה וייטב לבבך והשׁכמתם מחר לדרככם והלכת לאהלך׃10 ולא אבה האישׁ ללון ויקם וילך ויבא עד נכח יבוס היא ירושׁלם ועמו צמד חמורים חבושׁים ופילגשׁו עמו׃11 הם עם יבוס והיום רד מאד ויאמר הנער אל אדניו לכה נא ונסורה אל עיר היבוסי הזאת ונלין׃12 ויאמר אליו אדניו לא נסור אל עיר נכרי אשׁר לא מבני ישׂראל הנה ועברנו עד גבעה׃13 ויאמר לנערו לך ונקרבה באחד המקמות ולנו בגבעה או ברמה׃14 ויעברו וילכו ותבא להם השׁמשׁ אצל הגבעה אשׁר לבנימן׃15 ויסרו שׁם לבוא ללון בגבעה ויבא וישׁב ברחוב העיר ואין אישׁ מאסף אותם הביתה ללון׃16 והנה אישׁ זקן בא מן מעשׂהו מן השׂדה בערב והאישׁ מהר אפרים והוא גר בגבעה ואנשׁי המקום בני ימיני׃17 וישׂא עיניו וירא את האישׁ הארח ברחב העיר ויאמר האישׁ הזקן אנה תלך ומאין תבוא׃18 ויאמר אליו עברים אנחנו מבית לחם יהודה עד ירכתי הר אפרים משׁם אנכי ואלך עד בית לחם יהודה ואת בית יהוה אני הלך ואין אישׁ מאסף אותי הביתה׃19 וגם תבן גם מספוא ישׁ לחמורינו וגם לחם ויין ישׁ לי ולאמתך ולנער עם עבדיך אין מחסור כל דבר׃20 ויאמר האישׁ הזקן שׁלום לך רק כל מחסורך עלי רק ברחוב אל תלן׃21 ויביאהו לביתו ויבול לחמורים וירחצו רגליהם ויאכלו וישׁתו׃22 המה מיטיבים את לבם והנה אנשׁי העיר אנשׁי בני בליעל נסבו את הבית מתדפקים על הדלת ויאמרו אל האישׁ בעל הבית הזקן לאמר הוצא את האישׁ אשׁר בא אל ביתך ונדענו׃23 ויצא אליהם האישׁ בעל הבית ויאמר אלהם אל אחי אל תרעו נא אחרי אשׁר בא האישׁ הזה אל ביתי אל תעשׂו את הנבלה הזאת׃24 הנה בתי הבתולה ופילגשׁהו אוציאה נא אותם וענו אותם ועשׂו להם הטוב בעיניכם ולאישׁ הזה לא תעשׂו דבר הנבלה הזאת׃25 ולא אבו האנשׁים לשׁמע לו ויחזק האישׁ בפילגשׁו ויצא אליהם החוץ וידעו אותה ויתעללו בה כל הלילה עד הבקר וישׁלחוה בעלות השׁחר׃26 ותבא האשׁה לפנות הבקר ותפל פתח בית האישׁ אשׁר אדוניה שׁם עד האור׃27 ויקם אדניה בבקר ויפתח דלתות הבית ויצא ללכת לדרכו והנה האשׁה פילגשׁו נפלת פתח הבית וידיה על הסף׃28 ויאמר אליה קומי ונלכה ואין ענה ויקחה על החמור ויקם האישׁ וילך למקמו׃29 ויבא אל ביתו ויקח את המאכלת ויחזק בפילגשׁו וינתחה לעצמיה לשׁנים עשׂר נתחים וישׁלחה בכל גבול ישׂראל׃30 והיה כל הראה ואמר לא נהיתה ולא נראתה כזאת למיום עלות בני ישׂראל מארץ מצרים עד היום הזה שׂימו לכם עליה עצו ודברו׃
Judges 19 Cross References - HOT
Genesis 22:24
24 ופילגשׁו ושׁמה ראומה ותלד גם הוא את טבח ואת גחם ואת תחשׁ ואת מעכה׃
Genesis 25:6
6 ולבני הפילגשׁים אשׁר לאברהם נתן אברהם מתנת וישׁלחם מעל יצחק בנו בעודנו חי קדמה אל ארץ קדם׃
Genesis 35:19
19 ותמת רחל ותקבר בדרך אפרתה הוא בית לחם׃
Joshua 24:30
30 ויקברו אתו בגבול נחלתו בתמנת סרח אשׁר בהר אפרים מצפון להר געשׁ׃
Joshua 24:33
33 ואלעזר בן אהרן מת ויקברו אתו בגבעת פינחס בנו אשׁר נתן לו בהר אפרים׃
Judges 17:1
1 ויהי אישׁ מהר אפרים ושׁמו מיכיהו׃
Judges 17:6
6 בימים ההם אין מלך בישׂראל אישׁ הישׁר בעיניו יעשׂה׃
Judges 17:8
8 וילך האישׁ מהעיר מבית לחם יהודה לגור באשׁר ימצא ויבא הר אפרים עד בית מיכה לעשׂות דרכו׃
Judges 18:1
1 בימים ההם אין מלך בישׂראל ובימים ההם שׁבט הדני מבקשׁ לו נחלה לשׁבת כי לא נפלה לו עד היום ההוא בתוך שׁבטי ישׂראל בנחלה׃
Judges 21:25
25 בימים ההם אין מלך בישׂראל אישׁ הישׁר בעיניו יעשׂה׃
2 Samuel 3:7
7 ולשׁאול פלגשׁ ושׁמה רצפה בת איה ויאמר אל אבנר מדוע באתה אל פילגשׁ אבי׃
2 Samuel 5:13
13 ויקח דוד עוד פלגשׁים ונשׁים מירושׁלם אחרי באו מחברון ויולדו עוד לדוד בנים ובנות׃
2 Samuel 16:22
22 ויטו לאבשׁלום האהל על הגג ויבא אבשׁלום אל פלגשׁי אביו לעיני כל ישׂראל׃
2 Samuel 19:5
5 (19:6) ויבא יואב אל המלך הבית ויאמר הבשׁת היום את פני כל עבדיך הממלטים את נפשׁך היום ואת נפשׁ בניך ובנתיך ונפשׁ נשׁיך ונפשׁ פלגשׁיך׃
2 Samuel 20:3
3 ויבא דוד אל ביתו ירושׁלם ויקח המלך את עשׂר נשׁים פלגשׁים אשׁר הניח לשׁמר הבית ויתנם בית משׁמרת ויכלכלם ואליהם לא בא ותהיינה צררות עד יום מתן אלמנות חיות׃
1 Kings 11:3
3 ויהי לו נשׁים שׂרות שׁבע מאות ופלגשׁים שׁלשׁ מאות ויטו נשׁיו את לבו׃
2 Chronicles 11:21
21 ויאהב רחבעם את מעכה בת אבשׁלום מכל נשׁיו ופילגשׁיו כי נשׁים שׁמונה עשׂרה נשׂא ופילגשׁים שׁשׁים ויולד עשׂרים ושׁמונה בנים ושׁשׁים בנות׃
Esther 2:14
14 בערב היא באה ובבקר היא שׁבה אל בית הנשׁים שׁני אל יד שׁעשׁגז סריס המלך שׁמר הפילגשׁים לא תבוא עוד אל המלך כי אם חפץ בה המלך ונקראה בשׁם׃
Song of Songs 6:8-9
Daniel 5:3
3 באדין היתיו מאני דהבא די הנפקו מן היכלא די בית אלהא די בירושׁלם ואשׁתיו בהון מלכא ורברבנוהי שׁגלתה ולחנתה׃
Malachi 2:15
15 ולא אחד עשׂה ושׁאר רוח לו ומה האחד מבקשׁ זרע אלהים ונשׁמרתם ברוחכם ובאשׁת נעוריך אל יבגד׃
Leviticus 21:9
9 ובת אישׁ כהן כי תחל לזנות את אביה היא מחללת באשׁ תשׂרף׃
Deuteronomy 22:21
21 והוציאו את הנער אל פתח בית אביה וסקלוה אנשׁי עירה באבנים ומתה כי עשׂתה נבלה בישׂראל לזנות בית אביה ובערת הרע מקרבך׃
Ezekiel 16:28
28 ותזני אל בני אשׁור מבלתי שׂבעתך ותזנים וגם לא שׂבעת׃
Genesis 34:3
3 ותדבק נפשׁו בדינה בת יעקב ויאהב את הנער וידבר על לב הנער׃
Genesis 50:21
21 ועתה אל תיראו אנכי אכלכל אתכם ואת טפכם וינחם אותם וידבר על לבם׃
Leviticus 19:17
17 לא תשׂנא את אחיך בלבבך הוכח תוכיח את עמיתך ולא תשׂא עליו חטא׃
Leviticus 20:10
10 ואישׁ אשׁר ינאף את אשׁת אישׁ אשׁר ינאף את אשׁת רעהו מות יומת הנאף והנאפת׃
Numbers 22:22
22 ויחר אף אלהים כי הולך הוא ויתיצב מלאך יהוה בדרך לשׂטן לו והוא רכב על אתנו ושׁני נעריו עמו׃
Judges 15:1
1 ויהי מימים בימי קציר חטים ויפקד שׁמשׁון את אשׁתו בגדי עזים ויאמר אבאה אל אשׁתי החדרה ולא נתנו אביה לבוא׃
Jeremiah 3:1
1 לאמר הן ישׁלח אישׁ את אשׁתו והלכה מאתו והיתה לאישׁ אחר הישׁוב אליה עוד הלוא חנוף תחנף הארץ ההיא ואת זנית רעים רבים ושׁוב אלי נאם יהוה׃
Hosea 2:14
14 (2:16) לכן הנה אנכי מפתיה והלכתיה המדבר ודברתי על לבה׃
Genesis 18:5
5 ואקחה פת לחם וסעדו לבכם אחר תעברו כי על כן עברתם על עבדכם ויאמרו כן תעשׂה כאשׁר דברת׃
Judges 19:8
8 וישׁכם בבקר ביום החמישׁי ללכת ויאמר אבי הנערה סעד נא לבבך והתמהמהו עד נטות היום ויאכלו שׁניהם׃
1 Samuel 14:27-29
1 Samuel 30:12
12 ויתנו לו פלח דבלה ושׁני צמקים ויאכל ותשׁב רוחו אליו כי לא אכל לחם ולא שׁתה מים שׁלשׁה ימים ושׁלשׁה לילות׃
1 Kings 13:7
7 וידבר המלך אל אישׁ האלהים באה אתי הביתה וסעדה ואתנה לך מתת׃
Psalms 104:15
15 ויין ישׂמח לבב אנושׁ להצהיל פנים משׁמן ולחם לבב אנושׁ יסעד׃
Judges 9:27
27 ויצאו השׂדה ויבצרו את כרמיהם וידרכו ויעשׂו הלולים ויבאו בית אלהיהם ויאכלו וישׁתו ויקללו את אבימלך׃
Judges 16:25
25 ויהי כי טוב לבם ויאמרו קראו לשׁמשׁון וישׂחק לנו ויקראו לשׁמשׁון מבית האסירים ויצחק לפניהם ויעמידו אותו בין העמודים׃
Judges 19:9
9 ויקם האישׁ ללכת הוא ופילגשׁו ונערו ויאמר לו חתנו אבי הנערה הנה נא רפה היום לערב לינו נא הנה חנות היום לין פה וייטב לבבך והשׁכמתם מחר לדרככם והלכת לאהלך׃
Judges 19:21-22
Ruth 3:7
7 ויאכל בעז וישׁת וייטב לבו ויבא לשׁכב בקצה הערמה ותבא בלט ותגל מרגלתיו ותשׁכב׃
1 Samuel 25:36
36 ותבא אביגיל אל נבל והנה לו משׁתה בביתו כמשׁתה המלך ולב נבל טוב עליו והוא שׁכר עד מאד ולא הגידה לו דבר קטן וגדול עד אור הבקר׃
Esther 1:10
10 ביום השׁביעי כטוב לב המלך ביין אמר למהומן בזתא חרבונא בגתא ואבגתא זתר וכרכס שׁבעת הסריסים המשׁרתים את פני המלך אחשׁורושׁ׃
Proverbs 27:1
1 אל תתהלל ביום מחר כי לא תדע מה ילד יום׃
Joshua 15:8
8 ועלה הגבול גי בן הנם אל כתף היבוסי מנגב היא ירושׁלם ועלה הגבול אל ראשׁ ההר אשׁר על פני גי הנם ימה אשׁר בקצה עמק רפאים צפנה׃
Joshua 15:63
63 ואת היבוסי יושׁבי ירושׁלם לא יוכלו בני יהודה להורישׁם וישׁב היבוסי את בני יהודה בירושׁלם עד היום הזה׃
Joshua 18:28
28 וצלע האלף והיבוסי היא ירושׁלם גבעת קרית ערים ארבע עשׂרה וחצריהן זאת נחלת בני בנימן למשׁפחתם׃
Judges 1:8
8 וילחמו בני יהודה בירושׁלם וילכדו אותה ויכוה לפי חרב ואת העיר שׁלחו באשׁ׃
2 Samuel 5:6
6 וילך המלך ואנשׁיו ירושׁלם אל היבסי יושׁב הארץ ויאמר לדוד לאמר לא תבוא הנה כי אם הסירך העורים והפסחים לאמר לא יבוא דוד הנה׃
1 Chronicles 11:4-5
Genesis 10:16
16 ואת היבוסי ואת האמרי ואת הגרגשׁי׃
Judges 1:21
21 ואת היבוסי ישׁב ירושׁלם לא הורישׁו בני בנימן וישׁב היבוסי את בני בנימן בירושׁלם עד היום הזה׃
Judges 19:10
10 ולא אבה האישׁ ללון ויקם וילך ויבא עד נכח יבוס היא ירושׁלם ועמו צמד חמורים חבושׁים ופילגשׁו עמו׃
Joshua 18:25-26
1 Samuel 10:26
26 וגם שׁאול הלך לביתו גבעתה וילכו עמו החיל אשׁר נגע אלהים בלבם׃
Isaiah 10:29
29 עברו מעברה גבע מלון לנו חרדה הרמה גבעת שׁאול נסה׃
Hosea 5:8
8 תקעו שׁופר בגבעה חצצרה ברמה הריעו בית און אחריך בנימין׃
Genesis 18:2-8
2 וישׂא עיניו וירא והנה שׁלשׁה אנשׁים נצבים עליו וירא וירץ לקראתם מפתח האהל וישׁתחו ארצה׃3 ויאמר אדני אם נא מצאתי חן בעיניך אל נא תעבר מעל עבדך׃4 יקח נא מעט מים ורחצו רגליכם והשׁענו תחת העץ׃5 ואקחה פת לחם וסעדו לבכם אחר תעברו כי על כן עברתם על עבדכם ויאמרו כן תעשׂה כאשׁר דברת׃6 וימהר אברהם האהלה אל שׂרה ויאמר מהרי שׁלשׁ סאים קמח סלת לושׁי ועשׂי עגות׃7 ואל הבקר רץ אברהם ויקח בן בקר רך וטוב ויתן אל הנער וימהר לעשׂות אתו׃8 ויקח חמאה וחלב ובן הבקר אשׁר עשׂה ויתן לפניהם והוא עמד עליהם תחת העץ ויאכלו׃
Genesis 19:2-3
Judges 19:18
18 ויאמר אליו עברים אנחנו מבית לחם יהודה עד ירכתי הר אפרים משׁם אנכי ואלך עד בית לחם יהודה ואת בית יהוה אני הלך ואין אישׁ מאסף אותי הביתה׃
Genesis 3:19
19 בזעת אפיך תאכל לחם עד שׁובך אל האדמה כי ממנה לקחת כי עפר אתה ואל עפר תשׁוב׃
Judges 19:1
1 ויהי בימים ההם ומלך אין בישׂראל ויהי אישׁ לוי גר בירכתי הר אפרים ויקח לו אשׁה פילגשׁ מבית לחם יהודה׃
Judges 19:14
14 ויעברו וילכו ותבא להם השׁמשׁ אצל הגבעה אשׁר לבנימן׃
Psalms 104:23
23 יצא אדם לפעלו ולעבדתו עדי ערב׃
Psalms 128:2
2 יגיע כפיך כי תאכל אשׁריך וטוב׃
Proverbs 13:11
11 הון מהבל ימעט וקבץ על יד ירבה׃
Proverbs 14:23
23 בכל עצב יהיה מותר ודבר שׂפתים אך למחסור׃
Proverbs 24:27
27 הכן בחוץ מלאכתך ועתדה בשׂדה לך אחר ובנית ביתך׃
Ecclesiastes 1:13
13 ונתתי את לבי לדרושׁ ולתור בחכמה על כל אשׁר נעשׂה תחת השׁמים הוא ענין רע נתן אלהים לבני האדם לענות׃
Ecclesiastes 5:12
12 (5:11) מתוקה שׁנת העבד אם מעט ואם הרבה יאכל והשׂבע לעשׁיר איננו מניח לו לישׁון׃
Genesis 16:8
8 ויאמר הגר שׁפחת שׂרי אי מזה באת ואנה תלכי ותאמר מפני שׂרי גברתי אנכי ברחת׃
Genesis 32:17
17 (32:18) ויצו את הראשׁון לאמר כי יפגשׁך עשׂו אחי ושׁאלך לאמר למי אתה ואנה תלך ולמי אלה לפניך׃
Joshua 18:1
1 ויקהלו כל עדת בני ישׂראל שׁלה וישׁכינו שׁם את אהל מועד והארץ נכבשׁה לפניהם׃
Judges 18:31
31 וישׂימו להם את פסל מיכה אשׁר עשׂה כל ימי היות בית האלהים בשׁלה׃
Judges 19:5
5 ויהי ביום הרביעי וישׁכימו בבקר ויקם ללכת ויאמר אבי הנערה אל חתנו סעד לבך פת לחם ואחר תלכו׃
Judges 20:18
18 ויקמו ויעלו בית אל וישׁאלו באלהים ויאמרו בני ישׂראל מי יעלה לנו בתחלה למלחמה עם בני בנימן ויאמר יהוה יהודה בתחלה׃
1 Samuel 1:3
3 ועלה האישׁ ההוא מעירו מימים ימימה להשׁתחות ולזבח ליהוה צבאות בשׁלה ושׁם שׁני בני עלי חפני ופנחס כהנים ליהוה׃
1 Samuel 1:7
7 וכן יעשׂה שׁנה בשׁנה מדי עלתה בבית יהוה כן תכעסנה ותבכה ולא תאכל׃
Psalms 26:9
9 אל תאסף עם חטאים נפשׁי ועם אנשׁי דמים חיי׃
Genesis 24:31-33
Genesis 43:23-24
Judges 6:23
23 ויאמר לו יהוה שׁלום לך אל תירא לא תמות׃
1 Samuel 25:6
6 ואמרתם כה לחי ואתה שׁלום וביתך שׁלום וכל אשׁר לך שׁלום׃
1 Chronicles 12:18
18 (12:19) ורוח לבשׁה את עמשׂי ראשׁ השׁלושׁים לך דויד ועמך בן ישׁי שׁלום שׁלום לך ושׁלום לעזרך כי עזרך אלהיך ויקבלם דויד ויתנם בראשׁי הגדוד׃
Genesis 18:4
4 יקח נא מעט מים ורחצו רגליכם והשׁענו תחת העץ׃
Genesis 43:24
24 ויבא האישׁ את האנשׁים ביתה יוסף ויתן מים וירחצו רגליהם ויתן מספוא לחמריהם׃
1 Samuel 25:41
41 ותקם ותשׁתחו אפים ארצה ותאמר הנה אמתך לשׁפחה לרחץ רגלי עבדי אדני׃
2 Samuel 11:8
8 ויאמר דוד לאוריה רד לביתך ורחץ רגליך ויצא אוריה מבית המלך ותצא אחריו משׂאת המלך׃
Genesis 19:4-5
Deuteronomy 13:13
13 (13:14) יצאו אנשׁים בני בליעל מקרבך וידיחו את ישׁבי עירם לאמר נלכה ונעבדה אלהים אחרים אשׁר לא ידעתם׃
Judges 19:6-7
Judges 20:5
5 ויקמו עלי בעלי הגבעה ויסבו עלי את הבית לילה אותי דמו להרג ואת פילגשׁי ענו ותמת׃
1 Samuel 1:16
16 אל תתן את אמתך לפני בת בליעל כי מרב שׂיחי וכעסי דברתי עד הנה׃
1 Samuel 2:12
12 ובני עלי בני בליעל לא ידעו את יהוה׃
1 Samuel 10:27
27 ובני בליעל אמרו מה ישׁענו זה ויבזהו ולא הביאו לו מנחה ויהי כמחרישׁ׃
1 Samuel 25:25
25 אל נא ישׂים אדני את לבו אל אישׁ הבליעל הזה על נבל כי כשׁמו כן הוא נבל שׁמו ונבלה עמו ואני אמתך לא ראיתי את נערי אדני אשׁר שׁלחת׃
2 Samuel 23:6-7
Hosea 9:9
9 העמיקו שׁחתו כימי הגבעה יזכור עונם יפקוד חטאותם׃
Hosea 10:9
9 מימי הגבעה חטאת ישׂראל שׁם עמדו לא תשׂיגם בגבעה מלחמה על בני עלוה׃
Genesis 19:6-7
Genesis 34:7
7 ובני יעקב באו מן השׂדה כשׁמעם ויתעצבו האנשׁים ויחר להם מאד כי נבלה עשׂה בישׂראל לשׁכב את בת יעקב וכן לא יעשׂה׃
Joshua 7:15
15 והיה הנלכד בחרם ישׂרף באשׁ אתו ואת כל אשׁר לו כי עבר את ברית יהוה וכי עשׂה נבלה בישׂראל׃
Judges 20:6
6 ואחז בפילגשׁי ואנתחה ואשׁלחה בכל שׂדה נחלת ישׂראל כי עשׂו זמה ונבלה בישׂראל׃
2 Samuel 13:12
12 ותאמר לו אל אחי אל תענני כי לא יעשׂה כן בישׂראל אל תעשׂה את הנבלה הזאת׃
Genesis 19:8
8 הנה נא לי שׁתי בנות אשׁר לא ידעו אישׁ אוציאה נא אתהן אליכם ועשׂו להן כטוב בעיניכם רק לאנשׁים האל אל תעשׂו דבר כי על כן באו בצל קרתי׃
Genesis 34:2
2 וירא אתה שׁכם בן חמור החוי נשׂיא הארץ ויקח אתה וישׁכב אתה ויענה׃
Deuteronomy 21:14
14 והיה אם לא חפצת בה ושׁלחתה לנפשׁה ומכר לא תמכרנה בכסף לא תתעמר בה תחת אשׁר עניתה׃
Genesis 4:1
1 והאדם ידע את חוה אשׁתו ותהר ותלד את קין ותאמר קניתי אישׁ את יהוה׃
Jeremiah 5:7-8
Hosea 7:4-7
Genesis 18:12
12 ותצחק שׂרה בקרבה לאמר אחרי בלתי היתה לי עדנה ואדני זקן׃
Judges 19:3
3 ויקם אישׁה וילך אחריה לדבר על לבה להשׁיבו ונערו עמו וצמד חמרים ותביאהו בית אביה ויראהו אבי הנערה וישׂמח לקראתו׃
Judges 19:27
27 ויקם אדניה בבקר ויפתח דלתות הבית ויצא ללכת לדרכו והנה האשׁה פילגשׁו נפלת פתח הבית וידיה על הסף׃
1 Kings 18:29
29 ויהי כעבר הצהרים ויתנבאו עד לעלות המנחה ואין קול ואין ענה ואין קשׁב׃
Deuteronomy 21:22-23
Judges 20:6-7
1 Samuel 11:7
7 ויקח צמד בקר וינתחהו וישׁלח בכל גבול ישׂראל ביד המלאכים לאמר אשׁר איננו יצא אחרי שׁאול ואחר שׁמואל כה יעשׂה לבקרו ויפל פחד יהוה על העם ויצאו כאישׁ אחד׃
Judges 20:7
7 הנה כלכם בני ישׂראל הבו לכם דבר ועצה הלם׃
Proverbs 11:14
14 באין תחבלות יפל עם ותשׁועה ברב יועץ׃
Proverbs 13:10
10 רק בזדון יתן מצה ואת נועצים חכמה׃
Proverbs 15:22
22 הפר מחשׁבות באין סוד וברב יועצים תקום׃
Proverbs 20:18
18 מחשׁבות בעצה תכון ובתחבלות עשׂה מלחמה׃
Proverbs 24:6
6 כי בתחבלות תעשׂה לך מלחמה ותשׁועה ברב יועץ׃