1 זכר יהוה מה היה לנו הביט וראה את חרפתנו׃2 נחלתנו נהפכה לזרים בתינו לנכרים׃3 יתומים היינו אין אב אמתינו כאלמנות׃4 מימינו בכסף שׁתינו עצינו במחיר יבאו׃5 על צוארנו נרדפנו יגענו לא הונח׃6 מצרים נתנו יד אשׁור לשׂבע לחם׃7 אבתינו חטאו אינם אנחנו עונתיהם סבלנו׃8 עבדים משׁלו בנו פרק אין מידם׃9 בנפשׁנו נביא לחמנו מפני חרב המדבר׃10 עורנו כתנור נכמרו מפני זלעפות רעב׃11 נשׁים בציון ענו בתלת בערי יהודה׃12 שׂרים בידם נתלו פני זקנים לא נהדרו׃13 בחורים טחון נשׂאו ונערים בעץ כשׁלו׃14 זקנים משׁער שׁבתו בחורים מנגינתם׃15 שׁבת משׂושׂ לבנו נהפך לאבל מחלנו׃16 נפלה עטרת ראשׁנו אוי נא לנו כי חטאנו׃17 על זה היה דוה לבנו על אלה חשׁכו עינינו׃18 על הר ציון שׁשׁמם שׁועלים הלכו׃19 אתה יהוה לעולם תשׁב כסאך לדר ודור׃20 למה לנצח תשׁכחנו תעזבנו לארך ימים׃21 השׁיבנו יהוה אליך ונשׁוב חדשׁ ימינו כקדם׃22 כי אם מאס מאסתנו קצפת עלינו עד מאד׃
Lamentations 5 Cross References - HOT
Nehemiah 1:3
3 ויאמרו לי הנשׁארים אשׁר נשׁארו מן השׁבי שׁם במדינה ברעה גדלה ובחרפה וחומת ירושׁלם מפרצת ושׁעריה נצתו באשׁ׃
Nehemiah 1:8
8 זכר נא את הדבר אשׁר צוית את משׁה עבדך לאמר אתם תמעלו אני אפיץ אתכם בעמים׃
Nehemiah 4:4
4 (3:36) שׁמע אלהינו כי היינו בוזה והשׁב חרפתם אל ראשׁם ותנם לבזה בארץ שׁביה׃
Job 7:7
7 זכר כי רוח חיי לא תשׁוב עיני לראות טוב׃
Job 10:9
9 זכר נא כי כחמר עשׂיתני ואל עפר תשׁיבני׃
Psalms 44:13-16
Psalms 74:10-11
Psalms 79:4
4 היינו חרפה לשׁכנינו לעג וקלס לסביבותינו׃
Psalms 79:12
12 והשׁב לשׁכנינו שׁבעתים אל חיקם חרפתם אשׁר חרפוך אדני׃
Psalms 89:50-51
Psalms 123:3-4
Jeremiah 15:15
15 אתה ידעת יהוה זכרני ופקדני והנקם לי מרדפי אל לארך אפך תקחני דע שׂאתי עליך חרפה׃
Lamentations 1:20
20 ראה יהוה כי צר לי מעי חמרמרו נהפך לבי בקרבי כי מרו מריתי מחוץ שׁכלה חרב בבית כמות׃
Lamentations 2:15
15 ספקו עליך כפים כל עברי דרך שׁרקו וינעו ראשׁם על בת ירושׁלם הזאת העיר שׁיאמרו כלילת יפי משׂושׂ לכל הארץ׃
Lamentations 2:20
20 ראה יהוה והביטה למי עוללת כה אם תאכלנה נשׁים פרים עללי טפחים אם יהרג במקדשׁ אדני כהן ונביא׃
Lamentations 3:19
19 זכר עניי ומרודי לענה וראשׁ׃
Lamentations 3:61
61 שׁמעת חרפתם יהוה כל מחשׁבתם עלי׃
Habakkuk 3:2
2 יהוה שׁמעתי שׁמעך יראתי יהוה פעלך בקרב שׁנים חייהו בקרב שׁנים תודיע ברגז רחם תזכור׃
Deuteronomy 28:30-68
30 אשׁה תארשׂ ואישׁ אחר ישׁגלנה בית תבנה ולא תשׁב בו כרם תטע ולא תחללנו׃31 שׁורך טבוח לעיניך ולא תאכל ממנו חמרך גזול מלפניך ולא ישׁוב לך צאנך נתנות לאיביך ואין לך מושׁיע׃32 בניך ובנתיך נתנים לעם אחר ועיניך ראות וכלות אליהם כל היום ואין לאל ידך׃33 פרי אדמתך וכל יגיעך יאכל עם אשׁר לא ידעת והיית רק עשׁוק ורצוץ כל הימים׃34 והיית משׁגע ממראה עיניך אשׁר תראה׃35 יככה יהוה בשׁחין רע על הברכים ועל השׁקים אשׁר לא תוכל להרפא מכף רגלך ועד קדקדך׃36 יולך יהוה אתך ואת מלכך אשׁר תקים עליך אל גוי אשׁר לא ידעת אתה ואבתיך ועבדת שׁם אלהים אחרים עץ ואבן׃37 והיית לשׁמה למשׁל ולשׁנינה בכל העמים אשׁר ינהגך יהוה שׁמה׃38 זרע רב תוציא השׂדה ומעט תאסף כי יחסלנו הארבה׃39 כרמים תטע ועבדת ויין לא תשׁתה ולא תאגר כי תאכלנו התלעת׃40 זיתים יהיו לך בכל גבולך ושׁמן לא תסוך כי ישׁל זיתך׃41 בנים ובנות תוליד ולא יהיו לך כי ילכו בשׁבי׃42 כל עצך ופרי אדמתך יירשׁ הצלצל׃43 הגר אשׁר בקרבך יעלה עליך מעלה מעלה ואתה תרד מטה מטה׃44 הוא ילוך ואתה לא תלונו הוא יהיה לראשׁ ואתה תהיה לזנב׃45 ובאו עליך כל הקללות האלה ורדפוך והשׂיגוך עד השׁמדך כי לא שׁמעת בקול יהוה אלהיך לשׁמר מצותיו וחקתיו אשׁר צוך׃46 והיו בך לאות ולמופת ובזרעך עד עולם׃47 תחת אשׁר לא עבדת את יהוה אלהיך בשׂמחה ובטוב לבב מרב כל׃48 ועבדת את איביך אשׁר ישׁלחנו יהוה בך ברעב ובצמא ובעירם ובחסר כל ונתן על ברזל על צוארך עד השׁמידו אתך׃49 ישׂא יהוה עליך גוי מרחק מקצה הארץ כאשׁר ידאה הנשׁר גוי אשׁר לא תשׁמע לשׁנו׃50 גוי עז פנים אשׁר לא ישׂא פנים לזקן ונער לא יחן׃51 ואכל פרי בהמתך ופרי אדמתך עד השׁמדך אשׁר לא ישׁאיר לך דגן תירושׁ ויצהר שׁגר אלפיך ועשׁתרת צאנך עד האבידו אתך׃52 והצר לך בכל שׁעריך עד רדת חמתיך הגבהת והבצרות אשׁר אתה בטח בהן בכל ארצך והצר לך בכל שׁעריך בכל ארצך אשׁר נתן יהוה אלהיך׃53 ואכלת פרי בטנך בשׂר בניך ובנתיך אשׁר נתן לך יהוה אלהיך במצור ובמצוק אשׁר יציק לך איבך׃54 האישׁ הרך בך והענג מאד תרע עינו באחיו ובאשׁת חיקו וביתר בניו אשׁר יותיר׃55 מתת לאחד מהם מבשׂר בניו אשׁר יאכל מבלי השׁאיר לו כל במצור ובמצוק אשׁר יציק לך איבך בכל שׁעריך׃56 הרכה בך והענגה אשׁר לא נסתה כף רגלה הצג על הארץ מהתענג ומרך תרע עינה באישׁ חיקה ובבנה ובבתה׃57 ובשׁליתה היוצת מבין רגליה ובבניה אשׁר תלד כי תאכלם בחסר כל בסתר במצור ובמצוק אשׁר יציק לך איבך בשׁעריך׃58 אם לא תשׁמר לעשׂות את כל דברי התורה הזאת הכתבים בספר הזה ליראה את השׁם הנכבד והנורא הזה את יהוה אלהיך׃59 והפלא יהוה את מכתך ואת מכות זרעך מכות גדלת ונאמנות וחלים רעים ונאמנים׃60 והשׁיב בך את כל מדוה מצרים אשׁר יגרת מפניהם ודבקו׃61 גם כל חלי וכל מכה אשׁר לא כתוב בספר התורה הזאת יעלם יהוה עליך עד השׁמדך׃62 ונשׁארתם במתי מעט תחת אשׁר הייתם ככוכבי השׁמים לרב כי לא שׁמעת בקול יהוה אלהיך׃63 והיה כאשׁר שׂשׂ יהוה עליכם להיטיב אתכם ולהרבות אתכם כן ישׂישׂ יהוה עליכם להאביד אתכם ולהשׁמיד אתכם ונסחתם מעל האדמה אשׁר אתה בא שׁמה לרשׁתה׃64 והפיצך יהוה בכל העמים מקצה הארץ ועד קצה הארץ ועבדת שׁם אלהים אחרים אשׁר לא ידעת אתה ואבתיך עץ ואבן׃65 ובגוים ההם לא תרגיע ולא יהיה מנוח לכף רגלך ונתן יהוה לך שׁם לב רגז וכליון עינים ודאבון נפשׁ׃66 והיו חייך תלאים לך מנגד ופחדת לילה ויומם ולא תאמין בחייך׃67 בבקר תאמר מי יתן ערב ובערב תאמר מי יתן בקר מפחד לבבך אשׁר תפחד וממראה עיניך אשׁר תראה׃68 והשׁיבך יהוה מצרים באניות בדרך אשׁר אמרתי לך לא תסיף עוד לראתה והתמכרתם שׁם לאיביך לעבדים ולשׁפחות ואין קנה׃
Psalms 79:1-2
Isaiah 1:7
7 ארצכם שׁממה עריכם שׂרפות אשׁ אדמתכם לנגדכם זרים אכלים אתה ושׁממה כמהפכת זרים׃
Isaiah 5:17
17 ורעו כבשׂים כדברם וחרבות מחים גרים יאכלו׃
Isaiah 63:18
18 למצער ירשׁו עם קדשׁך צרינו בוססו מקדשׁך׃
Jeremiah 6:12
12 ונסבו בתיהם לאחרים שׂדות ונשׁים יחדו כי אטה את ידי על ישׁבי הארץ נאם יהוה׃
Ezekiel 7:21
21 ונתתיו ביד הזרים לבז ולרשׁעי הארץ לשׁלל וחללה׃
Ezekiel 7:24
24 והבאתי רעי גוים וירשׁו את בתיהם והשׁבתי גאון עזים ונחלו מקדשׁיהם׃
Zephaniah 1:13
13 והיה חילם למשׁסה ובתיהם לשׁממה ובנו בתים ולא ישׁבו ונטעו כרמים ולא ישׁתו את יינם׃
Exodus 22:24
24 (22:23) וחרה אפי והרגתי אתכם בחרב והיו נשׁיכם אלמנות ובניכם יתמים׃
Jeremiah 15:8
8 עצמו לי אלמנתו מחול ימים הבאתי להם על אם בחור שׁדד בצהרים הפלתי עליה פתאם עיר ובהלות׃
Jeremiah 18:21
21 לכן תן את בניהם לרעב והגרם על ידי חרב ותהינה נשׁיהם שׁכלות ואלמנות ואנשׁיהם יהיו הרגי מות בחוריהם מכי חרב במלחמה׃
Hosea 14:3
3 (14:4) אשׁור לא יושׁיענו על סוס לא נרכב ולא נאמר עוד אלהינו למעשׂה ידינו אשׁר בך ירחם יתום׃
Deuteronomy 28:48
48 ועבדת את איביך אשׁר ישׁלחנו יהוה בך ברעב ובצמא ובעירם ובחסר כל ונתן על ברזל על צוארך עד השׁמידו אתך׃
Isaiah 3:1
1 כי הנה האדון יהוה צבאות מסיר מירושׁלם ומיהודה משׁען ומשׁענה כל משׁען לחם וכל משׁען מים׃
Ezekiel 4:9-17
9 ואתה קח לך חטין ושׂערים ופול ועדשׁים ודחן וכסמים ונתתה אותם בכלי אחד ועשׂית אותם לך ללחם מספר הימים אשׁר אתה שׁוכב על צדך שׁלשׁ מאות ותשׁעים יום תאכלנו׃10 ומאכלך אשׁר תאכלנו במשׁקול עשׂרים שׁקל ליום מעת עד עת תאכלנו׃11 ומים במשׂורה תשׁתה שׁשׁית ההין מעת עד עת תשׁתה׃12 ועגת שׂערים תאכלנה והיא בגללי צאת האדם תעגנה לעיניהם׃13 ויאמר יהוה ככה יאכלו בני ישׂראל את לחמם טמא בגוים אשׁר אדיחם שׁם׃14 ואמר אהה אדני יהוה הנה נפשׁי לא מטמאה ונבלה וטרפה לא אכלתי מנעורי ועד עתה ולא בא בפי בשׂר פגול׃15 ויאמר אלי ראה נתתי לך את צפועי הבקר תחת גללי האדם ועשׂית את לחמך עליהם׃16 ויאמר אלי בן אדם הנני שׁבר מטה לחם בירושׁלם ואכלו לחם במשׁקל ובדאגה ומים במשׂורה ובשׁממון ישׁתו׃17 למען יחסרו לחם ומים ונשׁמו אישׁ ואחיו ונמקו בעונם׃
Deuteronomy 28:65-66
Nehemiah 9:36-37
Jeremiah 27:2
2 כה אמר יהוה אלי עשׂה לך מוסרות ומטות ונתתם על צוארך׃
Jeremiah 27:8
8 והיה הגוי והממלכה אשׁר לא יעבדו אתו את נבוכדנאצר מלך בבל ואת אשׁר לא יתן את צוארו בעל מלך בבל בחרב וברעב ובדבר אפקד על הגוי ההוא נאם יהוה עד תמי אתם בידו׃
Jeremiah 27:11-12
Jeremiah 28:14
14 כי כה אמר יהוה צבאות אלהי ישׂראל על ברזל נתתי על צואר כל הגוים האלה לעבד את נבכדנאצר מלך בבל ועבדהו וגם את חית השׂדה נתתי׃
Lamentations 1:14
14 נשׂקד על פשׁעי בידו ישׂתרגו עלו על צוארי הכשׁיל כחי נתנני אדני בידי לא אוכל קום׃
Lamentations 4:19
19 קלים היו רדפינו מנשׁרי שׁמים על ההרים דלקנו במדבר ארבו׃
Genesis 24:2
2 ויאמר אברהם אל עבדו זקן ביתו המשׁל בכל אשׁר לו שׂים נא ידך תחת ירכי׃
2 Kings 10:15
15 וילך משׁם וימצא את יהונדב בן רכב לקראתו ויברכהו ויאמר אליו הישׁ את לבבך ישׁר כאשׁר לבבי עם לבבך ויאמר יהונדב ישׁ וישׁ תנה את ידך ויתן ידו ויעלהו אליו אל המרכבה׃
Isaiah 30:1-6
1 הוי בנים סוררים נאם יהוה לעשׂות עצה ולא מני ולנסך מסכה ולא רוחי למען ספות חטאת על חטאת׃2 ההלכים לרדת מצרים ופי לא שׁאלו לעוז במעוז פרעה ולחסות בצל מצרים׃3 והיה לכם מעוז פרעה לבשׁת והחסות בצל מצרים לכלמה׃4 כי היו בצען שׂריו ומלאכיו חנס יגיעו׃5 כל הבאישׁ על עם לא יועילו למו לא לעזר ולא להועיל כי לבשׁת וגם לחרפה׃6 משׂא בהמות נגב בארץ צרה וצוקה לביא ולישׁ מהם אפעה ושׂרף מעופף ישׂאו על כתף עירים חילהם ועל דבשׁת גמלים אוצרתם על עם לא יועילו׃
Isaiah 31:1-3
Isaiah 57:9
9 ותשׁרי למלך בשׁמן ותרבי רקחיך ותשׁלחי צריך עד מרחק ותשׁפילי עד שׁאול׃
Jeremiah 2:18
18 ועתה מה לך לדרך מצרים לשׁתות מי שׁחור ומה לך לדרך אשׁור לשׁתות מי נהר׃
Jeremiah 2:36
36 מה תזלי מאד לשׁנות את דרכך גם ממצרים תבושׁי כאשׁר בשׁת מאשׁור׃
Jeremiah 44:12-14
12 ולקחתי את שׁארית יהודה אשׁר שׂמו פניהם לבוא ארץ מצרים לגור שׁם ותמו כל בארץ מצרים יפלו בחרב ברעב יתמו מקטן ועד גדול בחרב וברעב ימתו והיו לאלה לשׁמה ולקללה ולחרפה׃13 ופקדתי על היושׁבים בארץ מצרים כאשׁר פקדתי על ירושׁלם בחרב ברעב ובדבר׃14 ולא יהיה פליט ושׂריד לשׁארית יהודה הבאים לגור שׁם בארץ מצרים ולשׁוב ארץ יהודה אשׁר המה מנשׂאים את נפשׁם לשׁוב לשׁבת שׁם כי לא ישׁובו כי אם פלטים׃
Jeremiah 50:15
15 הריעו עליה סביב נתנה ידה נפלו אשׁויתיה נהרסו חומותיה כי נקמת יהוה היא הנקמו בה כאשׁר עשׂתה עשׂו׃
Ezekiel 17:18
18 ובזה אלה להפר ברית והנה נתן ידו וכל אלה עשׂה לא ימלט׃
Hosea 5:13
13 וירא אפרים את חליו ויהודה את מזרו וילך אפרים אל אשׁור וישׁלח אל מלך ירב והוא לא יוכל לרפא לכם ולא יגהה מכם מזור׃
Hosea 7:11
11 ויהי אפרים כיונה פותה אין לב מצרים קראו אשׁור הלכו׃
Hosea 9:3
3 לא ישׁבו בארץ יהוה ושׁב אפרים מצרים ובאשׁור טמא יאכלו׃
Hosea 12:1
1 (12:2) אפרים רעה רוח ורדף קדים כל היום כזב ושׁד ירבה וברית עם אשׁור יכרתו ושׁמן למצרים יובל׃
Genesis 42:13
13 ויאמרו שׁנים עשׂר עבדיך אחים אנחנו בני אישׁ אחד בארץ כנען והנה הקטן את אבינו היום והאחד איננו׃
Genesis 42:36
36 ויאמר אלהם יעקב אביהם אתי שׁכלתם יוסף איננו ושׁמעון איננו ואת בנימן תקחו עלי היו כלנה׃
Exodus 20:5
5 לא תשׁתחוה להם ולא תעבדם כי אנכי יהוה אלהיך אל קנא פקד עון אבת על בנים על שׁלשׁים ועל רבעים לשׂנאי׃
Job 7:8
8 לא תשׁורני עין ראי עיניך בי ואינני׃
Job 7:21
21 ומה לא תשׂא פשׁעי ותעביר את עוני כי עתה לעפר אשׁכב ושׁחרתני ואינני׃
Jeremiah 14:20
20 ידענו יהוה רשׁענו עון אבותינו כי חטאנו׃
Jeremiah 16:12
12 ואתם הרעתם לעשׂות מאבותיכם והנכם הלכים אישׁ אחרי שׁררות לבו הרע לבלתי שׁמע אלי׃
Jeremiah 31:15
15 כה אמר יהוה קול ברמה נשׁמע נהי בכי תמרורים רחל מבכה על בניה מאנה להנחם על בניה כי איננו׃
Jeremiah 31:29
29 בימים ההם לא יאמרו עוד אבות אכלו בסר ושׁני בנים תקהינה׃
Ezekiel 18:2
2 מה לכם אתם משׁלים את המשׁל הזה על אדמת ישׂראל לאמר אבות יאכלו בסר ושׁני הבנים תקהינה׃
Zechariah 1:5
5 אבותיכם איה הם והנבאים הלעולם יחיו׃
Genesis 9:25
25 ויאמר ארור כנען עבד עבדים יהיה לאחיו׃
Deuteronomy 28:43
43 הגר אשׁר בקרבך יעלה עליך מעלה מעלה ואתה תרד מטה מטה׃
Nehemiah 2:19
19 וישׁמע סנבלט החרני וטביה העבד העמוני וגשׁם הערבי וילעגו לנו ויבזו עלינו ויאמרו מה הדבר הזה אשׁר אתם עשׂים העל המלך אתם מרדים׃
Nehemiah 5:15
15 והפחות הראשׁנים אשׁר לפני הכבידו על העם ויקחו מהם בלחם ויין אחר כסף שׁקלים ארבעים גם נעריהם שׁלטו על העם ואני לא עשׂיתי כן מפני יראת אלהים׃
Job 5:4
4 ירחקו בניו מישׁע וידכאו בשׁער ואין מציל׃
Job 10:7
7 על דעתך כי לא ארשׁע ואין מידך מציל׃
Psalms 7:2
2 (7:3) פן יטרף כאריה נפשׁי פרק ואין מציל׃
Psalms 50:22
22 בינו נא זאת שׁכחי אלוה פן אטרף ואין מציל׃
Proverbs 30:22
22 תחת עבד כי ימלוך ונבל כי ישׂבע לחם׃
Isaiah 43:13
13 גם מיום אני הוא ואין מידי מציל אפעל ומי ישׁיבנה׃
Hosea 2:10
10 (2:12) ועתה אגלה את נבלתה לעיני מאהביה ואישׁ לא יצילנה מידי׃
Zechariah 11:6
6 כי לא אחמול עוד על ישׁבי הארץ נאם יהוה והנה אנכי ממציא את האדם אישׁ ביד רעהו וביד מלכו וכתתו את הארץ ולא אציל מידם׃
Judges 6:11
11 ויבא מלאך יהוה וישׁב תחת האלה אשׁר בעפרה אשׁר ליואשׁ אבי העזרי וגדעון בנו חבט חטים בגת להניס מפני מדין׃
2 Samuel 23:17
17 ויאמר חלילה לי יהוה מעשׂתי זאת הדם האנשׁים ההלכים בנפשׁותם ולא אבה לשׁתותם אלה עשׂו שׁלשׁת הגברים׃
Jeremiah 40:9-12
9 וישׁבע להם גדליהו בן אחיקם בן שׁפן ולאנשׁיהם לאמר אל תיראו מעבוד הכשׂדים שׁבו בארץ ועבדו את מלך בבל וייטב׃10 ואני הנני ישׁב במצפה לעמד לפני הכשׂדים אשׁר יבאו אלינו ואתם אספו יין וקיץ ושׁמן ושׂמו בכליכם ושׁבו בעריכם אשׁר תפשׂתם׃11 וגם כל היהודים אשׁר במואב ובבני עמון ובאדום ואשׁר בכל הארצות שׁמעו כי נתן מלך בבל שׁארית ליהודה וכי הפקיד עליהם את גדליהו בן אחיקם בן שׁפן׃12 וישׁבו כל היהודים מכל המקמות אשׁר נדחו שׁם ויבאו ארץ יהודה אל גדליהו המצפתה ויאספו יין וקיץ הרבה מאד׃
Jeremiah 41:1-10
1 ויהי בחדשׁ השׁביעי בא ישׁמעאל בן נתניה בן אלישׁמע מזרע המלוכה ורבי המלך ועשׂרה אנשׁים אתו אל גדליהו בן אחיקם המצפתה ויאכלו שׁם לחם יחדו במצפה׃2 ויקם ישׁמעאל בן נתניה ועשׂרת האנשׁים אשׁר היו אתו ויכו את גדליהו בן אחיקם בן שׁפן בחרב וימת אתו אשׁר הפקיד מלך בבל בארץ׃3 ואת כל היהודים אשׁר היו אתו את גדליהו במצפה ואת הכשׂדים אשׁר נמצאו שׁם את אנשׁי המלחמה הכה ישׁמעאל׃4 ויהי ביום השׁני להמית את גדליהו ואישׁ לא ידע׃5 ויבאו אנשׁים משׁכם משׁלו ומשׁמרון שׁמנים אישׁ מגלחי זקן וקרעי בגדים ומתגדדים ומנחה ולבונה בידם להביא בית יהוה׃6 ויצא ישׁמעאל בן נתניה לקראתם מן המצפה הלך הלך ובכה ויהי כפגשׁ אתם ויאמר אליהם באו אל גדליהו בן אחיקם׃7 ויהי כבואם אל תוך העיר וישׁחטם ישׁמעאל בן נתניה אל תוך הבור הוא והאנשׁים אשׁר אתו׃8 ועשׂרה אנשׁים נמצאו בם ויאמרו אל ישׁמעאל אל תמתנו כי ישׁ לנו מטמנים בשׂדה חטים ושׂערים ושׁמן ודבשׁ ויחדל ולא המיתם בתוך אחיהם׃9 והבור אשׁר השׁליך שׁם ישׁמעאל את כל פגרי האנשׁים אשׁר הכה ביד גדליהו הוא אשׁר עשׂה המלך אסא מפני בעשׁא מלך ישׂראל אתו מלא ישׁמעאל בן נתניהו חללים׃10 וישׁב ישׁמעאל את כל שׁארית העם אשׁר במצפה את בנות המלך ואת כל העם הנשׁארים במצפה אשׁר הפקיד נבוזראדן רב טבחים את גדליהו בן אחיקם וישׁבם ישׁמעאל בן נתניה וילך לעבר אל בני עמון׃
Jeremiah 41:18
18 מפני הכשׂדים כי יראו מפניהם כי הכה ישׁמעאל בן נתניה את גדליהו בן אחיקם אשׁר הפקיד מלך בבל בארץ׃
Jeremiah 42:14
14 לאמר לא כי ארץ מצרים נבוא אשׁר לא נראה מלחמה וקול שׁופר לא נשׁמע וללחם לא נרעב ושׁם נשׁב׃
Jeremiah 42:16
16 והיתה החרב אשׁר אתם יראים ממנה שׁם תשׂיג אתכם בארץ מצרים והרעב אשׁר אתם דאגים ממנו שׁם ידבק אחריכם מצרים ושׁם תמתו׃
Ezekiel 12:18-19
Job 30:30
30 עורי שׁחר מעלי ועצמי חרה מני חרב׃
Psalms 119:83
83 כי הייתי כנאד בקיטור חקיך לא שׁכחתי׃
Lamentations 3:4
4 בלה בשׂרי ועורי שׁבר עצמותי׃
Lamentations 4:8
8 חשׁך משׁחור תארם לא נכרו בחוצות צפד עורם על עצמם יבשׁ היה כעץ׃
Deuteronomy 28:30
30 אשׁה תארשׂ ואישׁ אחר ישׁגלנה בית תבנה ולא תשׁב בו כרם תטע ולא תחללנו׃
Isaiah 13:16
16 ועלליהם ירטשׁו לעיניהם ישׁסו בתיהם ונשׁיהם תשׁגלנה׃
Zechariah 14:2
2 ואספתי את כל הגוים אל ירושׁלם למלחמה ונלכדה העיר ונשׁסו הבתים והנשׁים תשׁגלנה ויצא חצי העיר בגולה ויתר העם לא יכרת מן העיר׃
Isaiah 47:6
6 קצפתי על עמי חללתי נחלתי ואתנם בידך לא שׂמת להם רחמים על זקן הכבדת עלך מאד׃
Jeremiah 39:6-7
Jeremiah 52:10-11
Jeremiah 52:25-27
Lamentations 2:10
10 ישׁבו לארץ ידמו זקני בת ציון העלו עפר על ראשׁם חגרו שׂקים הורידו לארץ ראשׁן בתולת ירושׁלם׃
Lamentations 4:16
16 פני יהוה חלקם לא יוסיף להביטם פני כהנים לא נשׂאו זקנים לא חננו׃
Exodus 1:11
11 וישׂימו עליו שׂרי מסים למען ענתו בסבלתם ויבן ערי מסכנות לפרעה את פתם ואת רעמסס׃
Exodus 2:11
11 ויהי בימים ההם ויגדל משׁה ויצא אל אחיו וירא בסבלתם וירא אישׁ מצרי מכה אישׁ עברי מאחיו׃
Exodus 11:5
5 ומת כל בכור בארץ מצרים מבכור פרעה הישׁב על כסאו עד בכור השׁפחה אשׁר אחר הרחים וכל בכור בהמה׃
Exodus 23:5
5 כי תראה חמור שׂנאך רבץ תחת משׂאו וחדלת מעזב לו עזב תעזב עמו׃
Judges 16:21
21 ויאחזוהו פלשׁתים וינקרו את עיניו ויורידו אותו עזתה ויאסרוהו בנחשׁתים ויהי טוחן בבית האסירים׃
Nehemiah 5:1-5
1 ותהי צעקת העם ונשׁיהם גדולה אל אחיהם היהודים׃2 וישׁ אשׁר אמרים בנינו ובנתינו אנחנו רבים ונקחה דגן ונאכלה ונחיה׃3 וישׁ אשׁר אמרים שׂדתינו וכרמינו ובתינו אנחנו ערבים ונקחה דגן ברעב׃4 וישׁ אשׁר אמרים לוינו כסף למדת המלך שׂדתינו וכרמינו׃5 ועתה כבשׂר אחינו בשׂרנו כבניהם בנינו והנה אנחנו כבשׁים את בנינו ואת בנתינו לעבדים וישׁ מבנתינו נכבשׁות ואין לאל ידנו ושׂדתינו וכרמינו לאחרים׃
Job 31:10
10 תטחן לאחר אשׁתי ועליה יכרעון אחרין׃
Isaiah 47:2
2 קחי רחים וטחני קמח גלי צמתך חשׂפי שׁבל גלי שׁוק עברי נהרות׃
Isaiah 58:6
6 הלוא זה צום אבחרהו פתח חרצבות רשׁע התר אגדות מוטה ושׁלח רצוצים חפשׁים וכל מוטה תנתקו׃
Deuteronomy 16:18
18 שׁפטים ושׁטרים תתן לך בכל שׁעריך אשׁר יהוה אלהיך נתן לך לשׁבטיך ושׁפטו את העם משׁפט צדק׃
Job 29:7-17
7 בצאתי שׁער עלי קרת ברחוב אכין מושׁבי׃8 ראוני נערים ונחבאו וישׁישׁים קמו עמדו׃9 שׂרים עצרו במלים וכף ישׂימו לפיהם׃10 קול נגידים נחבאו ולשׁונם לחכם דבקה׃11 כי אזן שׁמעה ותאשׁרני ועין ראתה ותעידני׃12 כי אמלט עני משׁוע ויתום ולא עזר׃13 ברכת אבד עלי תבא ולב אלמנה ארנן׃14 צדק לבשׁתי וילבשׁני כמעיל וצניף משׁפטי׃15 עינים הייתי לעור ורגלים לפסח אני׃16 אב אנכי לאביונים ורב לא ידעתי אחקרהו׃17 ואשׁברה מתלעות עול ומשׁניו אשׁליך טרף׃
Job 30:1
1 ועתה שׂחקו עלי צעירים ממני לימים אשׁר מאסתי אבותם לשׁית עם כלבי צאני׃
Job 30:31
31 ויהי לאבל כנרי ועגבי לקול בכים׃
Isaiah 3:2-3
Isaiah 24:7-11
Jeremiah 7:34
34 והשׁבתי מערי יהודה ומחצות ירושׁלם קול שׂשׂון וקול שׂמחה קול חתן וקול כלה כי לחרבה תהיה הארץ׃
Jeremiah 16:9
9 כי כה אמר יהוה צבאות אלהי ישׂראל הנני משׁבית מן המקום הזה לעיניכם ובימיכם קול שׂשׂון וקול שׂמחה קול חתן וקול כלה׃
Jeremiah 25:10
10 והאבדתי מהם קול שׂשׂון וקול שׂמחה קול חתן וקול כלה קול רחים ואור נר׃
Lamentations 1:4
4 דרכי ציון אבלות מבלי באי מועד כל שׁעריה שׁוממין כהניה נאנחים בתולתיה נוגות והיא מר׃
Lamentations 1:19
19 קראתי למאהבי המה רמוני כהני וזקני בעיר גועו כי בקשׁו אכל למו וישׁיבו את נפשׁם׃
Ezekiel 26:13
13 והשׁבתי המון שׁיריך וקול כנוריך לא ישׁמע עוד׃
Psalms 30:11
11 (30:12) הפכת מספדי למחול לי פתחת שׂקי ותאזרני שׂמחה׃
Amos 6:4-7
Amos 8:10
10 והפכתי חגיכם לאבל וכל שׁיריכם לקינה והעליתי על כל מתנים שׂק ועל כל ראשׁ קרחה ושׂמתיה כאבל יחיד ואחריתה כיום מר׃
Job 19:9
9 כבודי מעלי הפשׁיט ויסר עטרת ראשׁי׃
Psalms 89:39
39 (89:40) נארתה ברית עבדך חללת לארץ נזרו׃
Proverbs 14:34
34 צדקה תרומם גוי וחסד לאמים חטאת׃
Isaiah 3:9-11
Jeremiah 2:17
17 הלוא זאת תעשׂה לך עזבך את יהוה אלהיך בעת מוליכך בדרך׃
Jeremiah 2:19
19 תיסרך רעתך ומשׁבותיך תוכחך ודעי וראי כי רע ומר עזבך את יהוה אלהיך ולא פחדתי אליך נאם אדני יהוה צבאות׃
Jeremiah 4:18
18 דרכך ומעלליך עשׂו אלה לך זאת רעתך כי מר כי נגע עד לבך׃
Jeremiah 13:18
18 אמר למלך ולגבירה השׁפילו שׁבו כי ירד מראשׁותיכם עטרת תפארתכם׃
Lamentations 1:1
1 איכה ישׁבה בדד העיר רבתי עם היתה כאלמנה רבתי בגוים שׂרתי במדינות היתה למס׃
Lamentations 1:8
8 חטא חטאה ירושׁלם על כן לנידה היתה כל מכבדיה הזילוה כי ראו ערותה גם היא נאנחה ותשׁב אחור׃
Lamentations 1:18
18 צדיק הוא יהוה כי פיהו מריתי שׁמעו נא כל עמים וראו מכאבי בתולתי ובחורי הלכו בשׁבי׃
Lamentations 2:1
1 איכה יעיב באפו אדני את בת ציון השׁליך משׁמים ארץ תפארת ישׂראל ולא זכר הדם רגליו ביום אפו׃
Lamentations 4:13
13 מחטאת נביאיה עונות כהניה השׁפכים בקרבה דם צדיקים׃
Ezekiel 7:17-22
17 כל הידים תרפינה וכל ברכים תלכנה מים׃18 וחגרו שׂקים וכסתה אותם פלצות ואל כל פנים בושׁה ובכל ראשׁיהם קרחה׃19 כספם בחוצות ישׁליכו וזהבם לנדה יהיה כספם וזהבם לא יוכל להצילם ביום עברת יהוה נפשׁם לא ישׂבעו ומעיהם לא ימלאו כי מכשׁול עונם היה׃20 וצבי עדיו לגאון שׂמהו וצלמי תועבתם שׁקוציהם עשׂו בו על כן נתתיו להם לנדה׃21 ונתתיו ביד הזרים לבז ולרשׁעי הארץ לשׁלל וחללה׃22 והסבותי פני מהם וחללו את צפוני ובאו בה פריצים וחללוה׃
Ezekiel 21:26
26 (21:31) כה אמר אדני יהוה הסיר המצנפת והרים העטרה זאת לא זאת השׁפלה הגבה והגבה השׁפיל׃
Ezekiel 22:12-16
12 שׁחד לקחו בך למען שׁפך דם נשׁך ותרבית לקחת ותבצעי רעיך בעשׁק ואתי שׁכחת נאם אדני יהוה׃13 והנה הכיתי כפי אל בצעך אשׁר עשׂית ועל דמך אשׁר היו בתוכך׃14 היעמד לבך אם תחזקנה ידיך לימים אשׁר אני עשׂה אותך אני יהוה דברתי ועשׂיתי׃15 והפיצותי אותך בגוים וזריתיך בארצות והתמתי טמאתך ממך׃16 ונחלת בך לעיני גוים וידעת כי אני יהוה׃
Leviticus 26:36
36 והנשׁארים בכם והבאתי מרך בלבבם בארצת איביהם ורדף אתם קול עלה נדף ונסו מנסת חרב ונפלו ואין רדף׃
Deuteronomy 28:65
65 ובגוים ההם לא תרגיע ולא יהיה מנוח לכף רגלך ונתן יהוה לך שׁם לב רגז וכליון עינים ודאבון נפשׁ׃
Job 17:7
7 ותכה מכעשׂ עיני ויצרי כצל כלם׃
Psalms 6:7
7 (6:8) עשׁשׁה מכעס עיני עתקה בכל צוררי׃
Psalms 31:9
9 (31:10) חנני יהוה כי צר לי עשׁשׁה בכעס עיני נפשׁי ובטני׃
Psalms 69:3
3 (69:4) יגעתי בקראי נחר גרוני כלו עיני מיחל לאלהי׃
Isaiah 1:5
5 על מה תכו עוד תוסיפו סרה כל ראשׁ לחלי וכל לבב דוי׃
Isaiah 38:14
14 כסוס עגור כן אצפצף אהגה כיונה דלו עיני למרום אדני עשׁקה לי ערבני׃
Jeremiah 8:18
18 מבליגיתי עלי יגון עלי לבי דוי׃
Jeremiah 46:5
5 מדוע ראיתי המה חתים נסגים אחור וגבוריהם יכתו ומנוס נסו ולא הפנו מגור מסביב נאם יהוה׃
Lamentations 1:13
13 ממרום שׁלח אשׁ בעצמתי וירדנה פרשׂ רשׁת לרגלי השׁיבני אחור נתנני שׁממה כל היום דוה׃
Lamentations 1:22
22 תבא כל רעתם לפניך ועולל למו כאשׁר עוללת לי על כל פשׁעי כי רבות אנחתי ולבי דוי׃
Lamentations 2:11
11 כלו בדמעות עיני חמרמרו מעי נשׁפך לארץ כבדי על שׁבר בת עמי בעטף עולל ויונק ברחבות קריה׃
Ezekiel 21:7
7 (21:12) והיה כי יאמרו אליך על מה אתה נאנח ואמרת אל שׁמועה כי באה ונמס כל לב ורפו כל ידים וכהתה כל רוח וכל ברכים תלכנה מים הנה באה ונהיתה נאם אדני יהוה׃
Ezekiel 21:15
15 (21:20) למען למוג לב והרבה המכשׁלים על כל שׁעריהם נתתי אבחת חרב אח עשׂויה לברק מעטה לטבח׃
Micah 6:13
13 וגם אני החליתי הכותך השׁמם על חטאתך׃
1 Kings 9:7-8
Psalms 74:2-3
Isaiah 32:13-14
Jeremiah 9:11
11 (9:10) ונתתי את ירושׁלם לגלים מעון תנים ואת ערי יהודה אתן שׁממה מבלי יושׁב׃
Jeremiah 17:3
3 הררי בשׂדה חילך כל אוצרותיך לבז אתן במתיך בחטאת בכל גבוליך׃
Jeremiah 26:9
9 מדוע נבית בשׁם יהוה לאמר כשׁלו יהיה הבית הזה והעיר הזאת תחרב מאין יושׁב ויקהל כל העם אל ירמיהו בבית יהוה׃
Jeremiah 52:13
13 וישׂרף את בית יהוה ואת בית המלך ואת כל בתי ירושׁלם ואת כל בית הגדול שׂרף באשׁ׃
Lamentations 2:8-9
Micah 3:12
12 לכן בגללכם ציון שׂדה תחרשׁ וירושׁלם עיין תהיה והר הבית לבמות יער׃
Deuteronomy 33:27
27 מענה אלהי קדם ומתחת זרעת עולם ויגרשׁ מפניך אויב ויאמר השׁמד׃
Psalms 9:7
7 (9:8) ויהוה לעולם ישׁב כונן למשׁפט כסאו׃
Psalms 10:16
16 יהוה מלך עולם ועד אבדו גוים מארצו׃
Psalms 29:10
10 יהוה למבול ישׁב וישׁב יהוה מלך לעולם׃
Psalms 45:6
6 (45:7) כסאך אלהים עולם ועד שׁבט מישׁר שׁבט מלכותך׃
Psalms 90:2
2 בטרם הרים ילדו ותחולל ארץ ותבל ומעולם עד עולם אתה אל׃
Psalms 102:12
12 (102:13) ואתה יהוה לעולם תשׁב וזכרך לדר ודר׃
Psalms 102:25-27
Psalms 145:13
13 מלכותך מלכות כל עלמים וממשׁלתך בכל דור ודור׃
Psalms 146:10
10 ימלך יהוה לעולם אלהיך ציון לדר ודר הללו יה׃
Daniel 2:44
44 וביומיהון די מלכיא אנון יקים אלה שׁמיא מלכו די לעלמין לא תתחבל ומלכותה לעם אחרן לא תשׁתבק תדק ותסיף כל אלין מלכותא והיא תקום לעלמיא׃
Daniel 7:14
14 ולה יהיב שׁלטן ויקר ומלכו וכל עממיא אמיא ולשׁניא לה יפלחון שׁלטנה שׁלטן עלם די לא יעדה ומלכותה די לא תתחבל׃
Daniel 7:27
27 ומלכותה ושׁלטנא ורבותא די מלכות תחות כל שׁמיא יהיבת לעם קדישׁי עליונין מלכותה מלכות עלם וכל שׁלטניא לה יפלחון וישׁתמעון׃
Habakkuk 1:12
12 הלוא אתה מקדם יהוה אלהי קדשׁי לא נמות יהוה למשׁפט שׂמתו וצור להוכיח יסדתו׃
Psalms 13:1
1 למנצח מזמור לדוד׃ (13:2) עד אנה יהוה תשׁכחני נצח עד אנה תסתיר את פניך ממני׃
Psalms 44:24
24 (44:25) למה פניך תסתיר תשׁכח ענינו ולחצנו׃
Psalms 74:1
1 משׂכיל לאסף למה אלהים זנחת לנצח יעשׁן אפך בצאן מרעיתך׃
Psalms 77:7-10
Psalms 79:5
5 עד מה יהוה תאנף לנצח תבער כמו אשׁ קנאתך׃
Psalms 85:5
5 (85:6) הלעולם תאנף בנו תמשׁך אפך לדר ודר׃
Psalms 89:46
46 (89:47) עד מה יהוה תסתר לנצח תבער כמו אשׁ חמתך׃
Psalms 94:3-4
Isaiah 64:9-12
Jeremiah 14:19-21
1 Kings 18:37
37 ענני יהוה ענני וידעו העם הזה כי אתה יהוה האלהים ואתה הסבת את לבם אחרנית׃
Psalms 80:3
3 (80:4) אלהים השׁיבנו והאר פניך ונושׁעה׃
Psalms 80:7
7 (80:8) אלהים צבאות השׁיבנו והאר פניך ונושׁעה׃
Psalms 80:19
19 (80:20) יהוה אלהים צבאות השׁיבנו האר פניך ונושׁעה׃
Psalms 85:4
4 (85:5) שׁובנו אלהי ישׁענו והפר כעסך עמנו׃
Jeremiah 31:4
4 עוד אבנך ונבנית בתולת ישׂראל עוד תעדי תפיך ויצאת במחול משׂחקים׃
Jeremiah 31:18
18 שׁמוע שׁמעתי אפרים מתנודד יסרתני ואוסר כעגל לא למד השׁיבני ואשׁובה כי אתה יהוה אלהי׃
Jeremiah 31:23-25
Jeremiah 32:39-40
Jeremiah 33:10
10 כה אמר יהוה עוד ישׁמע במקום הזה אשׁר אתם אמרים חרב הוא מאין אדם ומאין בהמה בערי יהודה ובחצות ירושׁלם הנשׁמות מאין אדם ומאין יושׁב ומאין בהמה׃
Jeremiah 33:13
13 בערי ההר בערי השׁפלה ובערי הנגב ובארץ בנימן ובסביבי ירושׁלם ובערי יהודה עד תעברנה הצאן על ידי מונה אמר יהוה׃
Ezekiel 11:19-20
Ezekiel 36:25-27
Ezekiel 36:37
37 כה אמר אדני יהוה עוד זאת אדרשׁ לבית ישׂראל לעשׂות להם ארבה אתם כצאן אדם׃
Zechariah 8:3-6
3 כה אמר יהוה שׁבתי אל ציון ושׁכנתי בתוך ירושׁלם ונקראה ירושׁלם עיר האמת והר יהוה צבאות הר הקדשׁ׃4 כה אמר יהוה צבאות עד ישׁבו זקנים וזקנות ברחבות ירושׁלם ואישׁ משׁענתו בידו מרב ימים׃5 ורחבות העיר ימלאו ילדים וילדות משׂחקים ברחבתיה׃6 כה אמר יהוה צבאות כי יפלא בעיני שׁארית העם הזה בימים ההם גם בעיני יפלא נאם יהוה צבאות׃
Malachi 3:4
4 וערבה ליהוה מנחת יהודה וירושׁלם כימי עולם וכשׁנים קדמניות׃
Psalms 44:9
9 (44:10) אף זנחת ותכלימנו ולא תצא בצבאותינו׃
Psalms 60:1-2
Isaiah 64:9
9 (64:8) אל תקצף יהוה עד מאד ואל לעד תזכר עון הן הבט נא עמך כלנו׃
Jeremiah 15:1-5
1 ויאמר יהוה אלי אם יעמד משׁה ושׁמואל לפני אין נפשׁי אל העם הזה שׁלח מעל פני ויצאו׃2 והיה כי יאמרו אליך אנה נצא ואמרת אליהם כה אמר יהוה אשׁר למות למות ואשׁר לחרב לחרב ואשׁר לרעב לרעב ואשׁר לשׁבי לשׁבי׃3 ופקדתי עליהם ארבע משׁפחות נאם יהוה את החרב להרג ואת הכלבים לסחב ואת עוף השׁמים ואת בהמת הארץ לאכל ולהשׁחית׃4 ונתתים לזועה לכל ממלכות הארץ בגלל מנשׁה בן יחזקיהו מלך יהודה על אשׁר עשׂה בירושׁלם׃5 כי מי יחמל עליך ירושׁלם ומי ינוד לך ומי יסור לשׁאל לשׁלם׃
Ezekiel 37:11
11 ויאמר אלי בן אדם העצמות האלה כל בית ישׂראל המה הנה אמרים יבשׁו עצמותינו ואבדה תקותנו נגזרנו׃
Hosea 1:6
6 ותהר עוד ותלד בת ויאמר לו קרא שׁמה לא רחמה כי לא אוסיף עוד ארחם את בית ישׂראל כי נשׂא אשׂא׃