Leviticus 14:46 Cross References - HOT

⁴⁶ והבא אל הבית כל ימי הסגיר אתו יטמא עד הערב׃

Leviticus 11:24-25

²⁴ ולאלה תטמאו כל הנגע בנבלתם יטמא עד הערב׃²⁵ וכל הנשׂא מנבלתם יכבס בגדיו וטמא עד הערב׃

Leviticus 11:28

²⁸ והנשׂא את נבלתם יכבס בגדיו וטמא עד הערב טמאים המה׃

⁵ ואישׁ אשׁר יגע במשׁכבו יכבס בגדיו ורחץ במים וטמא עד הערב׃⁶ והישׁב על הכלי אשׁר ישׁב עליו הזב יכבס בגדיו ורחץ במים וטמא עד הערב׃⁷ והנגע בבשׂר הזב יכבס בגדיו ורחץ במים וטמא עד הערב׃⁸ וכי ירק הזב בטהור וכבס בגדיו ורחץ במים וטמא עד הערב׃

Leviticus 15:10

¹⁰ וכל הנגע בכל אשׁר יהיה תחתיו יטמא עד הערב והנושׂא אותם יכבס בגדיו ורחץ במים וטמא עד הערב׃

Leviticus 17:15

¹⁵ וכל נפשׁ אשׁר תאכל נבלה וטרפה באזרח ובגר וכבס בגדיו ורחץ במים וטמא עד הערב וטהר׃

Leviticus 22:6

⁶ נפשׁ אשׁר תגע בו וטמאה עד הערב ולא יאכל מן הקדשׁים כי אם רחץ בשׂרו במים׃

Numbers 19:7-10

⁷ וכבס בגדיו הכהן ורחץ בשׂרו במים ואחר יבא אל המחנה וטמא הכהן עד הערב׃⁸ והשׂרף אתה יכבס בגדיו במים ורחץ בשׂרו במים וטמא עד הערב׃⁹ ואסף אישׁ טהור את אפר הפרה והניח מחוץ למחנה במקום טהור והיתה לעדת בני ישׂראל למשׁמרת למי נדה חטאת הוא׃¹⁰ וכבס האסף את אפר הפרה את בגדיו וטמא עד הערב והיתה לבני ישׂראל ולגר הגר בתוכם לחקת עולם׃

Numbers 19:21-22

²¹ והיתה להם לחקת עולם ומזה מי הנדה יכבס בגדיו והנגע במי הנדה יטמא עד הערב׃²² וכל אשׁר יגע בו הטמא יטמא והנפשׁ הנגעת תטמא עד הערב׃