Leviticus 22:5 Cross References - HOT

5 או אישׁ אשׁר יגע בכל שׁרץ אשׁר יטמא לו או באדם אשׁר יטמא לו לכל טמאתו׃

Leviticus 11:24-28

24 ולאלה תטמאו כל הנגע בנבלתם יטמא עד הערב׃25 וכל הנשׂא מנבלתם יכבס בגדיו וטמא עד הערב׃26 לכל הבהמה אשׁר הוא מפרסת פרסה ושׁסע איננה שׁסעת וגרה איננה מעלה טמאים הם לכם כל הנגע בהם יטמא׃27 וכל הולך על כפיו בכל החיה ההלכת על ארבע טמאים הם לכם כל הנגע בנבלתם יטמא עד הערב׃28 והנשׂא את נבלתם יכבס בגדיו וטמא עד הערב טמאים המה׃

Leviticus 11:43-44

43 אל תשׁקצו את נפשׁתיכם בכל השׁרץ השׁרץ ולא תטמאו בהם ונטמתם׃44 כי אני יהוה אלהיכם והתקדשׁתם והייתם קדשׁים כי קדושׁ אני ולא תטמאו את נפשׁתיכם בכל השׁרץ הרמשׂ על הארץ׃

Leviticus 15:7

7 והנגע בבשׂר הזב יכבס בגדיו ורחץ במים וטמא עד הערב׃

Leviticus 15:19

19 ואשׁה כי תהיה זבה דם יהיה זבה בבשׂרה שׁבעת ימים תהיה בנדתה וכל הנגע בה יטמא עד הערב׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.