Micah 7:20 Cross References - HOT

²⁰ תתן אמת ליעקב חסד לאברהם אשׁר נשׁבעת לאבתינו מימי קדם׃

Genesis 12:2-3

² ואעשׂך לגוי גדול ואברכך ואגדלה שׁמך והיה ברכה׃³ ואברכה מברכיך ומקללך אאר ונברכו בך כל משׁפחת האדמה׃

Genesis 17:7-8

⁷ והקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך׃⁸ ונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים׃

¹⁶ ויאמר בי נשׁבעתי נאם יהוה כי יען אשׁר עשׂית את הדבר הזה ולא חשׂכת את בנך את יחידך׃¹⁷ כי ברך אברכך והרבה ארבה את זרעך ככוכבי השׁמים וכחול אשׁר על שׂפת הים וירשׁ זרעך את שׁער איביו׃¹⁸ והתברכו בזרעך כל גויי הארץ עקב אשׁר שׁמעת בקלי׃

Genesis 26:3-4

³ גור בארץ הזאת ואהיה עמך ואברכך כי לך ולזרעך אתן את כל הארצת האל והקמתי את השׁבעה אשׁר נשׁבעתי לאברהם אביך׃⁴ והרביתי את זרעך ככוכבי השׁמים ונתתי לזרעך את כל הארצת האל והתברכו בזרעך כל גויי הארץ׃

Genesis 28:13-14

¹³ והנה יהוה נצב עליו ויאמר אני יהוה אלהי אברהם אביך ואלהי יצחק הארץ אשׁר אתה שׁכב עליה לך אתננה ולזרעך׃¹⁴ והיה זרעך כעפר הארץ ופרצת ימה וקדמה וצפנה ונגבה ונברכו בך כל משׁפחת האדמה ובזרעך׃

Deuteronomy 7:8

⁸ כי מאהבת יהוה אתכם ומשׁמרו את השׁבעה אשׁר נשׁבע לאבתיכם הוציא יהוה אתכם ביד חזקה ויפדך מבית עבדים מיד פרעה מלך מצרים׃

Psalms 105:8-10

⁸ זכר לעולם בריתו דבר צוה לאלף דור׃⁹ אשׁר כרת את אברהם ושׁבועתו לישׂחק׃¹⁰ ויעמידה ליעקב לחק לישׂראל ברית עולם׃

Jeremiah 33:25-26

²⁵ כה אמר יהוה אם לא בריתי יומם ולילה חקות שׁמים וארץ לא שׂמתי׃²⁶ גם זרע יעקוב ודוד עבדי אמאס מקחת מזרעו משׁלים אל זרע אברהם ישׂחק ויעקב כי אשׁוב את שׁבותם ורחמתים׃