1 ואלה הכהנים והלוים אשׁר עלו עם זרבבל בן שׁאלתיאל וישׁוע שׂריה ירמיה עזרא׃2 אמריה מלוך חטושׁ׃3 שׁכניה רחם מרמת׃4 עדוא גנתוי אביה׃5 מימין מעדיה בלגה׃6 שׁמעיה ויויריב ידעיה׃7 סלו עמוק חלקיה ידעיה אלה ראשׁי הכהנים ואחיהם בימי ישׁוע׃8 והלוים ישׁוע בנוי קדמיאל שׁרביה יהודה מתניה על הידות הוא ואחיו׃9 ובקבקיה וענו אחיהם לנגדם למשׁמרות׃10 וישׁוע הוליד את יויקים ויויקים הוליד את אלישׁיב ואלישׁיב את יוידע׃11 ויוידע הוליד את יונתן ויונתן הוליד את ידוע׃12 ובימי יויקים היו כהנים ראשׁי האבות לשׂריה מריה לירמיה חנניה׃13 לעזרא משׁלם לאמריה יהוחנן׃14 למלוכי יונתן לשׁבניה יוסף׃15 לחרם עדנא למריות חלקי׃16 לעדיא זכריה לגנתון משׁלם׃17 לאביה זכרי למנימין למועדיה פלטי׃18 לבלגה שׁמוע לשׁמעיה יהונתן׃19 וליויריב מתני לידעיה עזי׃20 לסלי קלי לעמוק עבר׃21 לחלקיה חשׁביה לידעיה נתנאל׃22 הלוים בימי אלישׁיב יוידע ויוחנן וידוע כתובים ראשׁי אבות והכהנים על מלכות דריושׁ הפרסי׃23 בני לוי ראשׁי האבות כתובים על ספר דברי הימים ועד ימי יוחנן בן אלישׁיב׃24 וראשׁי הלוים חשׁביה שׁרביה וישׁוע בן קדמיאל ואחיהם לנגדם להלל להודות במצות דויד אישׁ האלהים משׁמר לעמת משׁמר׃25 מתניה ובקבקיה עבדיה משׁלם טלמון עקוב שׁמרים שׁוערים משׁמר באספי השׁערים׃26 אלה בימי יויקים בן ישׁוע בן יוצדק ובימי נחמיה הפחה ועזרא הכהן הסופר׃27 ובחנכת חומת ירושׁלם בקשׁו את הלוים מכל מקומתם להביאם לירושׁלם לעשׂת חנכה ושׂמחה ובתודות ובשׁיר מצלתים נבלים ובכנרות׃28 ויאספו בני המשׁררים ומן הככר סביבות ירושׁלם ומן חצרי נטפתי׃29 ומבית הגלגל ומשׂדות גבע ועזמות כי חצרים בנו להם המשׁררים סביבות ירושׁלם׃30 ויטהרו הכהנים והלוים ויטהרו את העם ואת השׁערים ואת החומה׃31 ואעלה את שׂרי יהודה מעל לחומה ואעמידה שׁתי תודת גדולת ותהלכת לימין מעל לחומה לשׁער האשׁפת׃32 וילך אחריהם הושׁעיה וחצי שׂרי יהודה׃33 ועזריה עזרא ומשׁלם׃34 יהודה ובנימן ושׁמעיה וירמיה׃35 ומבני הכהנים בחצצרות זכריה בן יונתן בן שׁמעיה בן מתניה בן מיכיה בן זכור בן אסף׃36 ואחיו שׁמעיה ועזראל מללי גללי מעי נתנאל ויהודה חנני בכלי שׁיר דויד אישׁ האלהים ועזרא הסופר לפניהם׃37 ועל שׁער העין ונגדם עלו על מעלות עיר דויד במעלה לחומה מעל לבית דויד ועד שׁער המים מזרח׃38 והתודה השׁנית ההולכת למואל ואני אחריה וחצי העם מעל להחומה מעל למגדל התנורים ועד החומה הרחבה׃39 ומעל לשׁער אפרים ועל שׁער הישׁנה ועל שׁער הדגים ומגדל חננאל ומגדל המאה ועד שׁער הצאן ועמדו בשׁער המטרה׃40 ותעמדנה שׁתי התודת בבית האלהים ואני וחצי הסגנים עמי׃41 והכהנים אליקים מעשׂיה מנימין מיכיה אליועיני זכריה חנניה בחצצרות׃42 ומעשׂיה ושׁמעיה ואלעזר ועזי ויהוחנן ומלכיה ועילם ועזר וישׁמיעו המשׁררים ויזרחיה הפקיד׃43 ויזבחו ביום ההוא זבחים גדולים וישׂמחו כי האלהים שׂמחם שׂמחה גדולה וגם הנשׁים והילדים שׂמחו ותשׁמע שׂמחת ירושׁלם מרחוק׃44 ויפקדו ביום ההוא אנשׁים על הנשׁכות לאוצרות לתרומות לראשׁית ולמעשׂרות לכנוס בהם לשׂדי הערים מנאות התורה לכהנים וללוים כי שׂמחת יהודה על הכהנים ועל הלוים העמדים׃45 וישׁמרו משׁמרת אלהיהם ומשׁמרת הטהרה והמשׁררים והשׁערים כמצות דויד שׁלמה בנו׃46 כי בימי דויד ואסף מקדם ראשׁ המשׁררים ושׁיר תהלה והדות לאלהים׃47 וכל ישׂראל בימי זרבבל ובימי נחמיה נתנים מניות המשׁררים והשׁערים דבר יום ביומו ומקדשׁים ללוים והלוים מקדשׁים לבני אהרן׃
Nehemiah 12 Cross References - HOT
1 Chronicles 3:17-19
Ezra 2:1-2
Ezra 3:8
8 ובשׁנה השׁנית לבואם אל בית האלהים לירושׁלם בחדשׁ השׁני החלו זרבבל בן שׁאלתיאל וישׁוע בן יוצדק ושׁאר אחיהם הכהנים והלוים וכל הבאים מהשׁבי ירושׁלם ויעמידו את הלוים מבן עשׂרים שׁנה ומעלה לנצח על מלאכת בית יהוה׃
Ezra 4:2
2 ויגשׁו אל זרבבל ואל ראשׁי האבות ויאמרו להם נבנה עמכם כי ככם נדרושׁ לאלהיכם ולא אנחנו זבחים מימי אסר חדן מלך אשׁור המעלה אתנו פה׃
Ezra 5:2
2 באדין קמו זרבבל בר שׁאלתיאל וישׁוע בר יוצדק ושׁריו למבנא בית אלהא די בירושׁלם ועמהון נביאיא די אלהא מסעדין׃
Nehemiah 7:7
7 הבאים עם זרבבל ישׁוע נחמיה עזריה רעמיה נחמני מרדכי בלשׁן מספרת בגוי נחום בענה מספר אנשׁי עם ישׂראל׃
Nehemiah 10:2-8
Nehemiah 12:10
10 וישׁוע הוליד את יויקים ויויקים הוליד את אלישׁיב ואלישׁיב את יוידע׃
Nehemiah 12:12-21
12 ובימי יויקים היו כהנים ראשׁי האבות לשׂריה מריה לירמיה חנניה׃13 לעזרא משׁלם לאמריה יהוחנן׃14 למלוכי יונתן לשׁבניה יוסף׃15 לחרם עדנא למריות חלקי׃16 לעדיא זכריה לגנתון משׁלם׃17 לאביה זכרי למנימין למועדיה פלטי׃18 לבלגה שׁמוע לשׁמעיה יהונתן׃19 וליויריב מתני לידעיה עזי׃20 לסלי קלי לעמוק עבר׃21 לחלקיה חשׁביה לידעיה נתנאל׃
Haggai 1:1
1 בשׁנת שׁתים לדריושׁ המלך בחדשׁ השׁשׁי ביום אחד לחדשׁ היה דבר יהוה ביד חגי הנביא אל זרבבל בן שׁאלתיאל פחת יהודה ואל יהושׁע בן יהוצדק הכהן הגדול לאמר׃
Haggai 1:12
12 וישׁמע זרבבל בן שׁלתיאל ויהושׁע בן יהוצדק הכהן הגדול וכל שׁארית העם בקול יהוה אלהיהם ועל דברי חגי הנביא כאשׁר שׁלחו יהוה אלהיהם וייראו העם מפני יהוה׃
Haggai 1:14
14 ויער יהוה את רוח זרבבל בן שׁלתיאל פחת יהודה ואת רוח יהושׁע בן יהוצדק הכהן הגדול ואת רוח כל שׁארית העם ויבאו ויעשׂו מלאכה בבית יהוה צבאות אלהיהם׃
Haggai 2:2
2 אמר נא אל זרבבל בן שׁלתיאל פחת יהודה ואל יהושׁע בן יהוצדק הכהן הגדול ואל שׁארית העם לאמר׃
Haggai 2:21-23
Zechariah 3:1-9
1 ויראני את יהושׁע הכהן הגדול עמד לפני מלאך יהוה והשׂטן עמד על ימינו לשׂטנו׃2 ויאמר יהוה אל השׂטן יגער יהוה בך השׂטן ויגער יהוה בך הבחר בירושׁלם הלוא זה אוד מצל מאשׁ׃3 ויהושׁע היה לבשׁ בגדים צואים ועמד לפני המלאך׃4 ויען ויאמר אל העמדים לפניו לאמר הסירו הבגדים הצאים מעליו ויאמר אליו ראה העברתי מעליך עונך והלבשׁ אתך מחלצות׃5 ואמר ישׂימו צניף טהור על ראשׁו וישׂימו הצניף הטהור על ראשׁו וילבשׁהו בגדים ומלאך יהוה עמד׃6 ויעד מלאך יהוה ביהושׁע לאמר׃7 כה אמר יהוה צבאות אם בדרכי תלך ואם את משׁמרתי תשׁמר וגם אתה תדין את ביתי וגם תשׁמר את חצרי ונתתי לך מהלכים בין העמדים האלה׃8 שׁמע נא יהושׁע הכהן הגדול אתה ורעיך הישׁבים לפניך כי אנשׁי מופת המה כי הנני מביא את עבדי צמח׃9 כי הנה האבן אשׁר נתתי לפני יהושׁע על אבן אחת שׁבעה עינים הנני מפתח פתחה נאם יהוה צבאות ומשׁתי את עון הארץ ההיא ביום אחד׃
Zechariah 4:6-10
6 ויען ויאמר אלי לאמר זה דבר יהוה אל זרבבל לאמר לא בחיל ולא בכח כי אם ברוחי אמר יהוה צבאות׃7 מי אתה הר הגדול לפני זרבבל למישׁר והוציא את האבן הראשׁה תשׁאות חן חן׃8 ויהי דבר יהוה אלי לאמר׃9 ידי זרבבל יסדו הבית הזה וידיו תבצענה וידעת כי יהוה צבאות שׁלחני אליכם׃10 כי מי בז ליום קטנות ושׂמחו וראו את האבן הבדיל ביד זרבבל שׁבעה אלה עיני יהוה המה משׁוטטים בכל הארץ׃
Zechariah 6:11
11 ולקחת כסף וזהב ועשׂית עטרות ושׂמת בראשׁ יהושׁע בן יהוצדק הכהן הגדול׃
1 Chronicles 9:10
10 ומן הכהנים ידעיה ויהויריב ויכין׃
Nehemiah 11:10
10 מן הכהנים ידעיה בן יויריב יכין׃
1 Chronicles 24:18
18 לדליהו שׁלשׁה ועשׂרים למעזיהו ארבעה ועשׂרים׃
Ezra 3:2
2 ויקם ישׁוע בן יוצדק ואחיו הכהנים וזרבבל בן שׁאלתיאל ואחיו ויבנו את מזבח אלהי ישׂראל להעלות עליו עלות ככתוב בתורת משׁה אישׁ האלהים׃
Nehemiah 12:1
1 ואלה הכהנים והלוים אשׁר עלו עם זרבבל בן שׁאלתיאל וישׁוע שׂריה ירמיה עזרא׃
Zechariah 3:1
1 ויראני את יהושׁע הכהן הגדול עמד לפני מלאך יהוה והשׂטן עמד על ימינו לשׂטנו׃
1 Chronicles 9:33
33 ואלה המשׁררים ראשׁי אבות ללוים בלשׁכת פטירים כי יומם ולילה עליהם במלאכה׃
Nehemiah 7:48
48 בני לבנה בני חגבה בני שׁלמי׃
Nehemiah 9:4
4 ויקם על מעלה הלוים ישׁוע ובני קדמיאל שׁבניה בני שׁרביה בני כנני ויזעקו בקול גדול אל יהוה אלהיהם׃
Nehemiah 10:9-13
Nehemiah 11:17
17 ומתניה בן מיכה בן זבדי בן אסף ראשׁ התחלה יהודה לתפלה ובקבקיה משׁנה מאחיו ועבדא בן שׁמוע בן גלל בן ידיתון׃
Nehemiah 11:22
22 ופקיד הלוים בירושׁלם עזי בן בני בן חשׁביה בן מתניה בן מיכא מבני אסף המשׁררים לנגד מלאכת בית האלהים׃
Nehemiah 12:24
24 וראשׁי הלוים חשׁביה שׁרביה וישׁוע בן קדמיאל ואחיהם לנגדם להלל להודות במצות דויד אישׁ האלהים משׁמר לעמת משׁמר׃
Psalms 134:1-3
1 Chronicles 6:3-15
3 (5:29) ובני עמרם אהרן ומשׁה ומרים ובני אהרן נדב ואביהוא אלעזר ואיתמר׃4 (5:30) אלעזר הוליד את פינחס פינחס הליד את אבישׁוע׃5 (5:31) ואבישׁוע הוליד את בקי ובקי הוליד את עזי׃6 (5:32) ועזי הוליד את זרחיה וזרחיה הוליד את מריות׃7 (5:33) מריות הוליד את אמריה ואמריה הוליד את אחיטוב׃8 (5:34) ואחיטוב הוליד את צדוק וצדוק הוליד את אחימעץ׃9 (5:35) ואחימעץ הוליד את עזריה ועזריה הוליד את יוחנן׃10 (5:36) ויוחנן הוליד את עזריה הוא אשׁר כהן בבית אשׁר בנה שׁלמה בירושׁלם׃11 (5:37) ויולד עזריה את אמריה ואמריה הוליד את אחיטוב׃12 (5:38) ואחיטוב הוליד את צדוק וצדוק הוליד את שׁלום׃13 (5:39) ושׁלום הוליד את חלקיה וחלקיה הוליד את עזריה׃14 (5:40) ועזריה הוליד את שׂריה ושׂריה הוליד את יהוצדק׃15 (5:41) ויהוצדק הלך בהגלות יהוה את יהודה וירושׁלם ביד נבכדנאצר׃
Nehemiah 3:1
1 ויקם אלישׁיב הכהן הגדול ואחיו הכהנים ויבנו את שׁער הצאן המה קדשׁוהו ויעמידו דלתתיו ועד מגדל המאה קדשׁוהו עד מגדל חננאל׃
Nehemiah 12:26
26 אלה בימי יויקים בן ישׁוע בן יוצדק ובימי נחמיה הפחה ועזרא הכהן הסופר׃
Nehemiah 13:4
4 ולפני מזה אלישׁיב הכהן נתון בלשׁכת בית אלהינו קרוב לטוביה׃
Nehemiah 13:7
7 ואבוא לירושׁלם ואבינה ברעה אשׁר עשׂה אלישׁיב לטוביה לעשׂות לו נשׁכה בחצרי בית האלהים׃
Nehemiah 13:28
28 ומבני יוידע בן אלישׁיב הכהן הגדול חתן לסנבלט החרני ואבריחהו מעלי׃
1 Chronicles 9:33-34
1 Chronicles 15:12
12 ויאמר להם אתם ראשׁי האבות ללוים התקדשׁו אתם ואחיכם והעליתם את ארון יהוה אלהי ישׂראל אל הכינותי׃
1 Chronicles 24:6-31
6 ויכתבם שׁמעיה בן נתנאל הסופר מן הלוי לפני המלך והשׂרים וצדוק הכהן ואחימלך בן אביתר וראשׁי האבות לכהנים וללוים בית אב אחד אחז לאלעזר ואחז אחז לאיתמר׃7 ויצא הגורל הראשׁון ליהויריב לידעיה השׁני׃8 לחרם השׁלישׁי לשׂערים הרבעי׃9 למלכיה החמישׁי למימן השׁשׁי׃10 להקוץ השׁבעי לאביה השׁמיני׃11 לישׁוע התשׁעי לשׁכניהו העשׂרי׃12 לאלישׁיב עשׁתי עשׂר ליקים שׁנים עשׂר׃13 לחפה שׁלשׁה עשׂר לישׁבאב ארבעה עשׂר׃14 לבלגה חמשׁה עשׂר לאמר שׁשׁה עשׂר׃15 לחזיר שׁבעה עשׂר להפצץ שׁמונה עשׂר׃16 לפתחיה תשׁעה עשׂר ליחזקאל העשׂרים׃17 ליכין אחד ועשׂרים לגמול שׁנים ועשׂרים׃18 לדליהו שׁלשׁה ועשׂרים למעזיהו ארבעה ועשׂרים׃19 אלה פקדתם לעבדתם לבוא לבית יהוה כמשׁפטם ביד אהרן אביהם כאשׁר צוהו יהוה אלהי ישׂראל׃20 ולבני לוי הנותרים לבני עמרם שׁובאל לבני שׁובאל יחדיהו׃21 לרחביהו לבני רחביהו הראשׁ ישׁיה׃22 ליצהרי שׁלמות לבני שׁלמות יחת׃23 ובני יריהו אמריהו השׁני יחזיאל השׁלישׁי יקמעם הרביעי׃24 בני עזיאל מיכה לבני מיכה שׁמור׃25 אחי מיכה ישׁיה לבני ישׁיה זכריהו׃26 בני מררי מחלי ומושׁי בני יעזיהו בנו׃27 בני מררי ליעזיהו בנו ושׁהם וזכור ועברי׃28 למחלי אלעזר ולא היה לו בנים׃29 לקישׁ בני קישׁ ירחמאל׃30 ובני מושׁי מחלי ועדר וירימות אלה בני הלוים לבית אבתיהם׃31 ויפילו גם הם גורלות לעמת אחיהם בני אהרן לפני דויד המלך וצדוק ואחימלך וראשׁי האבות לכהנים וללוים אבות הראשׁ לעמת אחיו הקטן׃
Nehemiah 12:22
22 הלוים בימי אלישׁיב יוידע ויוחנן וידוע כתובים ראשׁי אבות והכהנים על מלכות דריושׁ הפרסי׃
Nehemiah 12:10-13
1 Chronicles 9:14-44
14 ומן הלוים שׁמעיה בן חשׁוב בן עזריקם בן חשׁביה מן בני מררי׃15 ובקבקר חרשׁ וגלל ומתניה בן מיכא בן זכרי בן אסף׃16 ועבדיה בן שׁמעיה בן גלל בן ידותון וברכיה בן אסא בן אלקנה היושׁב בחצרי נטופתי׃17 והשׁערים שׁלום ועקוב וטלמן ואחימן ואחיהם שׁלום הראשׁ׃18 ועד הנה בשׁער המלך מזרחה המה השׁערים למחנות בני לוי׃19 ושׁלום בן קורא בן אביסף בן קרח ואחיו לבית אביו הקרחים על מלאכת העבודה שׁמרי הספים לאהל ואבתיהם על מחנה יהוה שׁמרי המבוא׃20 ופינחס בן אלעזר נגיד היה עליהם לפנים יהוה עמו׃21 זכריה בן משׁלמיה שׁער פתח לאהל מועד׃22 כלם הברורים לשׁערים בספים מאתים ושׁנים עשׂר המה בחצריהם התיחשׂם המה יסד דויד ושׁמואל הראה באמונתם׃23 והם ובניהם על השׁערים לבית יהוה לבית האהל למשׁמרות׃24 לארבע רוחות יהיו השׁערים מזרח ימה צפונה ונגבה׃25 ואחיהם בחצריהם לבוא לשׁבעת הימים מעת אל עת עם אלה׃26 כי באמונה המה ארבעת גברי השׁערים הם הלוים והיו על הלשׁכות ועל האצרות בית האלהים׃27 וסביבות בית האלהים ילינו כי עליהם משׁמרת והם על המפתח ולבקר לבקר׃28 ומהם על כלי העבודה כי במספר יביאום ובמספר יוציאום׃29 ומהם ממנים על הכלים ועל כל כלי הקדשׁ ועל הסלת והיין והשׁמן והלבונה והבשׂמים׃30 ומן בני הכהנים רקחי המרקחת לבשׂמים׃31 ומתתיה מן הלוים הוא הבכור לשׁלם הקרחי באמונה על מעשׂה החבתים׃32 ומן בני הקהתי מן אחיהם על לחם המערכת להכין שׁבת שׁבת׃33 ואלה המשׁררים ראשׁי אבות ללוים בלשׁכת פטירים כי יומם ולילה עליהם במלאכה׃34 אלה ראשׁי האבות ללוים לתלדותם ראשׁים אלה ישׁבו בירושׁלם׃35 ובגבעון ישׁבו אבי גבעון יעואל ושׁם אשׁתו מעכה׃36 ובנו הבכור עבדון וצור וקישׁ ובעל ונר ונדב׃37 וגדור ואחיו וזכריה ומקלות׃38 ומקלות הוליד את שׁמאם ואף הם נגד אחיהם ישׁבו בירושׁלם עם אחיהם׃39 ונר הוליד את קישׁ וקישׁ הוליד את שׁאול ושׁאול הוליד את יהונתן ואת מלכי שׁוע ואת אבינדב ואת אשׁבעל׃40 ובן יהונתן מריב בעל ומרי בעל הוליד את מיכה׃41 ובני מיכה פיתון ומלך ותחרע׃42 ואחז הוליד את יערה ויערה הוליד את עלמת ואת עזמות ואת זמרי וזמרי הוליד את מוצא׃43 ומוצא הוליד את בנעא ורפיה בנו אלעשׂה בנו אצל בנו׃44 ולאצל שׁשׁה בנים ואלה שׁמותם עזריקם בכרו וישׁמעאל ושׁעריה ועבדיה וחנן אלה בני אצל׃
Deuteronomy 33:1
1 וזאת הברכה אשׁר ברך משׁה אישׁ האלהים את בני ישׂראל לפני מותו׃
Joshua 14:6
6 ויגשׁו בני יהודה אל יהושׁע בגלגל ויאמר אליו כלב בן יפנה הקנזי אתה ידעת את הדבר אשׁר דבר יהוה אל משׁה אישׁ האלהים על אדותי ועל אדותיך בקדשׁ ברנע׃
1 Kings 17:24
24 ותאמר האשׁה אל אליהו עתה זה ידעתי כי אישׁ אלהים אתה ודבר יהוה בפיך אמת׃
1 Chronicles 23:1-32
1 ודויד זקן ושׂבע ימים וימלך את שׁלמה בנו על ישׂראל׃2 ויאסף את כל שׂרי ישׂראל והכהנים והלוים׃3 ויספרו הלוים מבן שׁלשׁים שׁנה ומעלה ויהי מספרם לגלגלתם לגברים שׁלשׁים ושׁמונה אלף׃4 מאלה לנצח על מלאכת בית יהוה עשׂרים וארבעה אלף ושׁטרים ושׁפטים שׁשׁת אלפים׃5 וארבעת אלפים שׁערים וארבעת אלפים מהללים ליהוה בכלים אשׁר עשׂיתי להלל׃6 ויחלקם דויד מחלקות לבני לוי לגרשׁון קהת ומררי׃7 לגרשׁני לעדן ושׁמעי׃8 בני לעדן הראשׁ יחיאל וזתם ויואל שׁלשׁה׃9 בני שׁמעי שׁלמות וחזיאל והרן שׁלשׁה אלה ראשׁי האבות ללעדן׃10 ובני שׁמעי יחת זינא ויעושׁ ובריעה אלה בני שׁמעי ארבעה׃11 ויהי יחת הראשׁ וזיזה השׁני ויעושׁ ובריעה לא הרבו בנים ויהיו לבית אב לפקדה אחת׃12 בני קהת עמרם יצהר חברון ועזיאל ארבעה׃13 בני עמרם אהרן ומשׁה ויבדל אהרן להקדישׁו קדשׁ קדשׁים הוא ובניו עד עולם להקטיר לפני יהוה לשׁרתו ולברך בשׁמו עד עולם׃14 ומשׁה אישׁ האלהים בניו יקראו על שׁבט הלוי׃15 בני משׁה גרשׁם ואליעזר׃16 בני גרשׁום שׁבואל הראשׁ׃17 ויהיו בני אליעזר רחביה הראשׁ ולא היה לאליעזר בנים אחרים ובני רחביה רבו למעלה׃18 בני יצהר שׁלמית הראשׁ׃19 בני חברון יריהו הראשׁ אמריה השׁני יחזיאל השׁלישׁי ויקמעם הרביעי׃20 בני עזיאל מיכה הראשׁ וישׁיה השׁני׃21 בני מררי מחלי ומושׁי בני מחלי אלעזר וקישׁ׃22 וימת אלעזר ולא היו לו בנים כי אם בנות וישׂאום בני קישׁ אחיהם׃23 בני מושׁי מחלי ועדר וירמות שׁלשׁה׃24 אלה בני לוי לבית אבתיהם ראשׁי האבות לפקודיהם במספר שׁמות לגלגלתם עשׂה המלאכה לעבדת בית יהוה מבן עשׂרים שׁנה ומעלה׃25 כי אמר דויד הניח יהוה אלהי ישׂראל לעמו וישׁכן בירושׁלם עד לעולם׃26 וגם ללוים אין לשׂאת את המשׁכן ואת כל כליו לעבדתו׃27 כי בדברי דויד האחרנים המה מספר בני לוי מבן עשׂרים שׁנה ולמעלה׃28 כי מעמדם ליד בני אהרן לעבדת בית יהוה על החצרות ועל הלשׁכות ועל טהרת לכל קדשׁ ומעשׂה עבדת בית האלהים׃29 וללחם המערכת ולסלת למנחה ולרקיקי המצות ולמחבת ולמרבכת ולכל משׂורה ומדה׃30 ולעמד בבקר בבקר להדות ולהלל ליהוה וכן לערב׃31 ולכל העלות עלות ליהוה לשׁבתות לחדשׁים ולמעדים במספר כמשׁפט עליהם תמיד לפני יהוה׃32 ושׁמרו את משׁמרת אהל מועד ואת משׁמרת הקדשׁ ומשׁמרת בני אהרן אחיהם לעבדת בית יהוה׃
1 Chronicles 25:1-26
1 ויבדל דויד ושׂרי הצבא לעבדה לבני אסף והימן וידותון הנביאים בכנרות בנבלים ובמצלתים ויהי מספרם אנשׁי מלאכה לעבדתם׃2 לבני אסף זכור ויוסף ונתניה ואשׂראלה בני אסף על יד אסף הנבא על ידי המלך׃3 לידותון בני ידותון גדליהו וצרי וישׁעיהו חשׁביהו ומתתיהו שׁשׁה על ידי אביהם ידותון בכנור הנבא על הדות והלל ליהוה׃4 להימן בני הימן בקיהו מתניהו עזיאל שׁבואל וירימות חנניה חנני אליאתה גדלתי ורממתי עזר ישׁבקשׁה מלותי הותיר מחזיאות׃5 כל אלה בנים להימן חזה המלך בדברי האלהים להרים קרן ויתן האלהים להימן בנים ארבעה עשׂר ובנות שׁלושׁ׃6 כל אלה על ידי אביהם בשׁיר בית יהוה במצלתים נבלים וכנרות לעבדת בית האלהים על ידי המלך אסף וידותון והימן׃7 ויהי מספרם עם אחיהם מלמדי שׁיר ליהוה כל המבין מאתים שׁמונים ושׁמונה׃8 ויפילו גורלות משׁמרת לעמת כקטן כגדול מבין עם תלמיד׃9 ויצא הגורל הראשׁון לאסף ליוסף גדליהו השׁני הוא ואחיו ובניו שׁנים עשׂר׃10 השׁלשׁי זכור בניו ואחיו שׁנים עשׂר׃11 הרביעי ליצרי בניו ואחיו שׁנים עשׂר׃12 החמישׁי נתניהו בניו ואחיו שׁנים עשׂר׃13 השׁשׁי בקיהו בניו ואחיו שׁנים עשׂר׃14 השׁבעי ישׂראלה בניו ואחיו שׁנים עשׂר׃15 השׁמיני ישׁעיהו בניו ואחיו שׁנים עשׂר׃16 התשׁיעי מתניהו בניו ואחיו שׁנים עשׂר׃17 העשׂירי שׁמעי בניו ואחיו שׁנים עשׂר׃18 עשׁתי עשׂר עזראל בניו ואחיו שׁנים עשׂר׃19 השׁנים עשׂר לחשׁביה בניו ואחיו שׁנים עשׂר׃20 לשׁלשׁה עשׂר שׁובאל בניו ואחיו שׁנים עשׂר׃21 לארבעה עשׂר מתתיהו בניו ואחיו שׁנים עשׂר׃22 לחמשׁה עשׂר לירמות בניו ואחיו שׁנים עשׂר׃23 לשׁשׁה עשׂר לחנניהו בניו ואחיו שׁנים עשׂר׃24 לשׁבעה עשׂר לישׁבקשׁה בניו ואחיו שׁנים עשׂר׃25 לשׁמונה עשׂר לחנני בניו ואחיו שׁנים עשׂר׃26 לתשׁעה עשׂר למלותי בניו ואחיו שׁנים עשׂר׃
2 Chronicles 8:14
14 ויעמד כמשׁפט דויד אביו את מחלקות הכהנים על עבדתם והלוים על משׁמרותם להלל ולשׁרת נגד הכהנים לדבר יום ביומו והשׁוערים במחלקותם לשׁער ושׁער כי כן מצות דויד אישׁ האלהים׃
Ezra 2:40
40 הלוים בני ישׁוע וקדמיאל לבני הודויה שׁבעים וארבעה׃
Ezra 3:10-11
Nehemiah 8:7
7 וישׁוע ובני ושׁרביה ימין עקוב שׁבתי הודיה מעשׂיה קליטא עזריה יוזבד חנן פלאיה והלוים מבינים את העם לתורה והעם על עמדם׃
Nehemiah 12:8-9
1 Chronicles 9:14-17
1 Chronicles 23:32
32 ושׁמרו את משׁמרת אהל מועד ואת משׁמרת הקדשׁ ומשׁמרת בני אהרן אחיהם לעבדת בית יהוה׃
1 Chronicles 26:12
12 לאלה מחלקות השׁערים לראשׁי הגברים משׁמרות לעמת אחיהם לשׁרת בבית יהוה׃
1 Chronicles 26:15
15 לעבד אדם נגבה ולבניו בית האספים׃
Nehemiah 11:17-19
Isaiah 21:8
8 ויקרא אריה על מצפה אדני אנכי עמד תמיד יומם ועל משׁמרתי אנכי נצב כל הלילות׃
Ezra 7:6
6 הוא עזרא עלה מבבל והוא ספר מהיר בתורת משׁה אשׁר נתן יהוה אלהי ישׂראל ויתן לו המלך כיד יהוה אלהיו עליו כל בקשׁתו׃
Ezra 7:11
11 וזה פרשׁגן הנשׁתון אשׁר נתן המלך ארתחשׁסתא לעזרא הכהן הספר ספר דברי מצות יהוה וחקיו על ישׂראל׃
Nehemiah 8:9
9 ויאמר נחמיה הוא התרשׁתא ועזרא הכהן הספר והלוים המבינים את העם לכל העם היום קדשׁ הוא ליהוה אלהיכם אל תתאבלו ואל תבכו כי בוכים כל העם כשׁמעם את דברי התורה׃
Deuteronomy 16:11
11 ושׂמחת לפני יהוה אלהיך אתה ובנך ובתך ועבדך ואמתך והלוי אשׁר בשׁעריך והגר והיתום והאלמנה אשׁר בקרבך במקום אשׁר יבחר יהוה אלהיך לשׁכן שׁמו שׁם׃
Deuteronomy 20:5
5 ודברו השׁטרים אל העם לאמר מי האישׁ אשׁר בנה בית חדשׁ ולא חנכו ילך וישׁב לביתו פן ימות במלחמה ואישׁ אחר יחנכנו׃
2 Samuel 6:12
12 ויגד למלך דוד לאמר ברך יהוה את בית עבד אדם ואת כל אשׁר לו בעבור ארון האלהים וילך דוד ויעל את ארון האלהים מבית עבד אדם עיר דוד בשׂמחה׃
1 Chronicles 13:8
8 ודויד וכל ישׂראל משׂחקים לפני האלהים בכל עז ובשׁירים ובכנרות ובנבלים ובתפים ובמצלתים ובחצצרות׃
1 Chronicles 15:4
4 ויאסף דויד את בני אהרן ואת הלוים׃
1 Chronicles 15:16
16 ויאמר דויד לשׂרי הלוים להעמיד את אחיהם המשׁררים בכלי שׁיר נבלים וכנרות ומצלתים משׁמיעים להרים בקול לשׂמחה׃
1 Chronicles 15:28
28 וכל ישׂראל מעלים את ארון ברית יהוה בתרועה ובקול שׁופר ובחצצרות ובמצלתים משׁמעים בנבלים וכנרות׃
1 Chronicles 16:5
5 אסף הראשׁ ומשׁנהו זכריה יעיאל ושׁמירמות ויחיאל ומתתיה ואליאב ובניהו ועבד אדם ויעיאל בכלי נבלים ובכנרות ואסף במצלתים משׁמיע׃
1 Chronicles 16:42
42 ועמהם הימן וידותון חצצרות ומצלתים למשׁמיעים וכלי שׁיר האלהים ובני ידותון לשׁער׃
1 Chronicles 23:5
5 וארבעת אלפים שׁערים וארבעת אלפים מהללים ליהוה בכלים אשׁר עשׂיתי להלל׃
1 Chronicles 25:1-6
1 ויבדל דויד ושׂרי הצבא לעבדה לבני אסף והימן וידותון הנביאים בכנרות בנבלים ובמצלתים ויהי מספרם אנשׁי מלאכה לעבדתם׃2 לבני אסף זכור ויוסף ונתניה ואשׂראלה בני אסף על יד אסף הנבא על ידי המלך׃3 לידותון בני ידותון גדליהו וצרי וישׁעיהו חשׁביהו ומתתיהו שׁשׁה על ידי אביהם ידותון בכנור הנבא על הדות והלל ליהוה׃4 להימן בני הימן בקיהו מתניהו עזיאל שׁבואל וירימות חנניה חנני אליאתה גדלתי ורממתי עזר ישׁבקשׁה מלותי הותיר מחזיאות׃5 כל אלה בנים להימן חזה המלך בדברי האלהים להרים קרן ויתן האלהים להימן בנים ארבעה עשׂר ובנות שׁלושׁ׃6 כל אלה על ידי אביהם בשׁיר בית יהוה במצלתים נבלים וכנרות לעבדת בית האלהים על ידי המלך אסף וידותון והימן׃
1 Chronicles 26:31
31 לחברוני יריה הראשׁ לחברוני לתלדתיו לאבות בשׁנת הארבעים למלכות דויד נדרשׁו וימצא בהם גבורי חיל ביעזיר גלעד׃
2 Chronicles 5:13
13 ויהי כאחד למחצצרים ולמשׁררים להשׁמיע קול אחד להלל ולהדות ליהוה וכהרים קול בחצצרות ובמצלתים ובכלי השׁיר ובהלל ליהוה כי טוב כי לעולם חסדו והבית מלא ענן בית יהוה׃
2 Chronicles 7:6
6 והכהנים על משׁמרותם עמדים והלוים בכלי שׁיר יהוה אשׁר עשׂה דויד המלך להדות ליהוה כי לעולם חסדו בהלל דויד בידם והכהנים מחצצרים נגדם וכל ישׂראל עמדים׃
2 Chronicles 29:4-11
4 ויבא את הכהנים ואת הלוים ויאספם לרחוב המזרח׃5 ויאמר להם שׁמעוני הלוים עתה התקדשׁו וקדשׁו את בית יהוה אלהי אבתיכם והוציאו את הנדה מן הקדשׁ׃6 כי מעלו אבתינו ועשׂו הרע בעיני יהוה אלהינו ויעזבהו ויסבו פניהם ממשׁכן יהוה ויתנו ערף׃7 גם סגרו דלתות האולם ויכבו את הנרות וקטרת לא הקטירו ועלה לא העלו בקדשׁ לאלהי ישׂראל׃8 ויהי קצף יהוה על יהודה וירושׁלם ויתנם לזועה לשׁמה ולשׁרקה כאשׁר אתם ראים בעיניכם׃9 והנה נפלו אבותינו בחרב ובנינו ובנותינו ונשׁינו בשׁבי על זאת׃10 עתה עם לבבי לכרות ברית ליהוה אלהי ישׂראל וישׁב ממנו חרון אפו׃11 בני עתה אל תשׁלו כי בכם בחר יהוה לעמד לפניו לשׁרתו ולהיות לו משׁרתים ומקטרים׃
2 Chronicles 29:30
30 ויאמר יחזקיהו המלך והשׂרים ללוים להלל ליהוה בדברי דויד ואסף החזה ויהללו עד לשׂמחה ויקדו וישׁתחוו׃
Ezra 6:16
16 ועבדו בני ישׂראל כהניא ולויא ושׁאר בני גלותא חנכת בית אלהא דנה בחדוה׃
Ezra 8:15-20
15 ואקבצם אל הנהר הבא אל אהוא ונחנה שׁם ימים שׁלשׁה ואבינה בעם ובכהנים ומבני לוי לא מצאתי שׁם׃16 ואשׁלחה לאליעזר לאריאל לשׁמעיה ולאלנתן וליריב ולאלנתן ולנתן ולזכריה ולמשׁלם ראשׁים וליויריב ולאלנתן מבינים׃17 ואוצאה אותם על אדו הראשׁ בכספיא המקום ואשׂימה בפיהם דברים לדבר אל אדו אחיו הנתונים בכספיא המקום להביא לנו משׁרתים לבית אלהינו׃18 ויביאו לנו כיד אלהינו הטובה עלינו אישׁ שׂכל מבני מחלי בן לוי בן ישׂראל ושׁרביה ובניו ואחיו שׁמנה עשׂר׃19 ואת חשׁביה ואתו ישׁעיה מבני מררי אחיו ובניהם עשׂרים׃20 ומן הנתינים שׁנתן דויד והשׂרים לעבדת הלוים נתינים מאתים ועשׂרים כלם נקבו בשׁמות׃
Nehemiah 8:17
17 ויעשׂו כל הקהל השׁבים מן השׁבי סכות וישׁבו בסכות כי לא עשׂו מימי ישׁוע בן נון כן בני ישׂראל עד היום ההוא ותהי שׂמחה גדולה מאד׃
Nehemiah 11:20
20 ושׁאר ישׂראל הכהנים הלוים בכל ערי יהודה אישׁ בנחלתו׃
Psalms 30:1
1 מזמור שׁיר חנכת הבית לדוד׃ (30:2) ארוממך יהוה כי דליתני ולא שׂמחת איבי
Psalms 81:1-4
Psalms 92:1-3
Psalms 98:4-6
Psalms 100:1-2
Psalms 149:3
3 יהללו שׁמו במחול בתף וכנור יזמרו׃
Psalms 150:2-5
1 Chronicles 2:54
54 בני שׂלמא בית לחם ונטופתי עטרות בית יואב וחצי המנחתי הצרעי׃
1 Chronicles 9:16
16 ועבדיה בן שׁמעיה בן גלל בן ידותון וברכיה בן אסא בן אלקנה היושׁב בחצרי נטופתי׃
Nehemiah 6:2
2 וישׁלח סנבלט וגשׁם אלי לאמר לכה ונועדה יחדו בכפירים בבקעת אונו והמה חשׁבים לעשׂות לי רעה׃
Deuteronomy 11:30
30 הלא המה בעבר הירדן אחרי דרך מבוא השׁמשׁ בארץ הכנעני הישׁב בערבה מול הגלגל אצל אלוני מרה׃
Joshua 5:9
9 ויאמר יהוה אל יהושׁע היום גלותי את חרפת מצרים מעליכם ויקרא שׁם המקום ההוא גלגל עד היום הזה׃
Joshua 10:43
43 וישׁב יהושׁע וכל ישׂראל עמו אל המחנה הגלגלה׃
Joshua 21:17
17 וממטה בנימן את גבעון ואת מגרשׁה את גבע ואת מגרשׁה׃
1 Chronicles 6:60
60 (6:45) וממטה בנימן את גבע ואת מגרשׁיה ואת עלמת ואת מגרשׁיה ואת ענתות ואת מגרשׁיה כל עריהם שׁלשׁ עשׂרה עיר במשׁפחותיהם׃
Ezra 2:24
24 בני עזמות ארבעים ושׁנים׃
Nehemiah 11:31
31 ובני בנימן מגבע מכמשׂ ועיה ובית אל ובנתיה׃
Genesis 35:2
2 ויאמר יעקב אל ביתו ואל כל אשׁר עמו הסרו את אלהי הנכר אשׁר בתככם והטהרו והחליפו שׂמלתיכם׃
Exodus 19:10
10 ויאמר יהוה אל משׁה לך אל העם וקדשׁתם היום ומחר וכבסו שׂמלתם׃
Exodus 19:15
15 ויאמר אל העם היו נכנים לשׁלשׁת ימים אל תגשׁו אל אשׁה׃
Numbers 19:2-20
2 זאת חקת התורה אשׁר צוה יהוה לאמר דבר אל בני ישׂראל ויקחו אליך פרה אדמה תמימה אשׁר אין בה מום אשׁר לא עלה עליה על׃3 ונתתם אתה אל אלעזר הכהן והוציא אתה אל מחוץ למחנה ושׁחט אתה לפניו׃4 ולקח אלעזר הכהן מדמה באצבעו והזה אל נכח פני אהל מועד מדמה שׁבע פעמים׃5 ושׂרף את הפרה לעיניו את ערה ואת בשׂרה ואת דמה על פרשׁה ישׂרף׃6 ולקח הכהן עץ ארז ואזוב ושׁני תולעת והשׁליך אל תוך שׂרפת הפרה׃7 וכבס בגדיו הכהן ורחץ בשׂרו במים ואחר יבא אל המחנה וטמא הכהן עד הערב׃8 והשׂרף אתה יכבס בגדיו במים ורחץ בשׂרו במים וטמא עד הערב׃9 ואסף אישׁ טהור את אפר הפרה והניח מחוץ למחנה במקום טהור והיתה לעדת בני ישׂראל למשׁמרת למי נדה חטאת הוא׃10 וכבס האסף את אפר הפרה את בגדיו וטמא עד הערב והיתה לבני ישׂראל ולגר הגר בתוכם לחקת עולם׃11 הנגע במת לכל נפשׁ אדם וטמא שׁבעת ימים׃12 הוא יתחטא בו ביום השׁלישׁי וביום השׁביעי יטהר ואם לא יתחטא ביום השׁלישׁי וביום השׁביעי לא יטהר׃13 כל הנגע במת בנפשׁ האדם אשׁר ימות ולא יתחטא את משׁכן יהוה טמא ונכרתה הנפשׁ ההוא מישׂראל כי מי נדה לא זרק עליו טמא יהיה עוד טמאתו׃14 זאת התורה אדם כי ימות באהל כל הבא אל האהל וכל אשׁר באהל יטמא שׁבעת ימים׃15 וכל כלי פתוח אשׁר אין צמיד פתיל עליו טמא הוא׃16 וכל אשׁר יגע על פני השׂדה בחלל חרב או במת או בעצם אדם או בקבר יטמא שׁבעת ימים׃17 ולקחו לטמא מעפר שׂרפת החטאת ונתן עליו מים חיים אל כלי׃18 ולקח אזוב וטבל במים אישׁ טהור והזה על האהל ועל כל הכלים ועל הנפשׁות אשׁר היו שׁם ועל הנגע בעצם או בחלל או במת או בקבר׃19 והזה הטהר על הטמא ביום השׁלישׁי וביום השׁביעי וחטאו ביום השׁביעי וכבס בגדיו ורחץ במים וטהר בערב׃20 ואישׁ אשׁר יטמא ולא יתחטא ונכרתה הנפשׁ ההוא מתוך הקהל כי את מקדשׁ יהוה טמא מי נדה לא זרק עליו טמא הוא׃
2 Chronicles 29:5
5 ויאמר להם שׁמעוני הלוים עתה התקדשׁו וקדשׁו את בית יהוה אלהי אבתיכם והוציאו את הנדה מן הקדשׁ׃
2 Chronicles 29:34
34 רק הכהנים היו למעט ולא יכלו להפשׁיט את כל העלות ויחזקום אחיהם הלוים עד כלות המלאכה ועד יתקדשׁו הכהנים כי הלוים ישׁרי לבב להתקדשׁ מהכהנים׃
Ezra 6:21
21 ויאכלו בני ישׂראל השׁבים מהגולה וכל הנבדל מטמאת גוי הארץ אלהם לדרשׁ ליהוה אלהי ישׂראל׃
Nehemiah 13:22
22 ואמרה ללוים אשׁר יהיו מטהרים ובאים שׁמרים השׁערים לקדשׁ את יום השׁבת גם זאת זכרה לי אלהי וחוסה עלי כרב חסדך׃
Nehemiah 13:30
30 וטהרתים מכל נכר ואעמידה משׁמרות לכהנים וללוים אישׁ במלאכתו׃
Job 1:5
5 ויהי כי הקיפו ימי המשׁתה וישׁלח איוב ויקדשׁם והשׁכים בבקר והעלה עלות מספר כלם כי אמר איוב אולי חטאו בני וברכו אלהים בלבבם ככה יעשׂה איוב כל הימים׃
1 Chronicles 13:1
1 ויועץ דויד עם שׂרי האלפים והמאות לכל נגיד׃
1 Chronicles 28:1
1 ויקהל דויד את כל שׂרי ישׂראל שׂרי השׁבטים ושׂרי המחלקות המשׁרתים את המלך ושׂרי האלפים ושׂרי המאות ושׂרי כל רכושׁ ומקנה למלך ולבניו עם הסריסים והגבורים ולכל גבור חיל אל ירושׁלם׃
2 Chronicles 5:2
2 אז יקהיל שׁלמה את זקני ישׂראל ואת כל ראשׁי המטות נשׂיאי האבות לבני ישׂראל אל ירושׁלם להעלות את ארון ברית יהוה מעיר דויד היא ציון׃
Nehemiah 2:13
13 ואצאה בשׁער הגיא לילה ואל פני עין התנין ואל שׁער האשׁפת ואהי שׂבר בחומת ירושׁלם אשׁר המפרוצים ושׁעריה אכלו באשׁ׃
Nehemiah 3:13-14
Nehemiah 12:38
38 והתודה השׁנית ההולכת למואל ואני אחריה וחצי העם מעל להחומה מעל למגדל התנורים ועד החומה הרחבה׃
Nehemiah 12:40
40 ותעמדנה שׁתי התודת בבית האלהים ואני וחצי הסגנים עמי׃
Nehemiah 10:2-7
Numbers 10:2-10
2 עשׂה לך שׁתי חצוצרת כסף מקשׁה תעשׂה אתם והיו לך למקרא העדה ולמסע את המחנות׃3 ותקעו בהן ונועדו אליך כל העדה אל פתח אהל מועד׃4 ואם באחת יתקעו ונועדו אליך הנשׂיאים ראשׁי אלפי ישׂראל׃5 ותקעתם תרועה ונסעו המחנות החנים קדמה׃6 ותקעתם תרועה שׁנית ונסעו המחנות החנים תימנה תרועה יתקעו למסעיהם׃7 ובהקהיל את הקהל תתקעו ולא תריעו׃8 ובני אהרן הכהנים יתקעו בחצצרות והיו לכם לחקת עולם לדרתיכם׃9 וכי תבאו מלחמה בארצכם על הצר הצרר אתכם והרעתם בחצצרת ונזכרתם לפני יהוה אלהיכם ונושׁעתם מאיביכם׃10 וביום שׂמחתכם ובמועדיכם ובראשׁי חדשׁכם ותקעתם בחצצרת על עלתיכם ועל זבחי שׁלמיכם והיו לכם לזכרון לפני אלהיכם אני יהוה אלהיכם׃
Joshua 6:4
4 ושׁבעה כהנים ישׂאו שׁבעה שׁופרות היובלים לפני הארון וביום השׁביעי תסבו את העיר שׁבע פעמים והכהנים יתקעו בשׁופרות׃
1 Chronicles 6:39-43
1 Chronicles 25:2
2 לבני אסף זכור ויוסף ונתניה ואשׂראלה בני אסף על יד אסף הנבא על ידי המלך׃
1 Chronicles 26:10-11
2 Chronicles 5:12
12 והלוים המשׁררים לכלם לאסף להימן לידתון ולבניהם ולאחיהם מלבשׁים בוץ במצלתים ובנבלים וכנרות עמדים מזרח למזבח ועמהם כהנים למאה ועשׂרים מחצררים בחצצרות׃
2 Chronicles 13:12
12 והנה עמנו בראשׁ האלהים וכהניו וחצצרות התרועה להריע עליכם בני ישׂראל אל תלחמו עם יהוה אלהי אבתיכם כי לא תצליחו׃
Ezra 7:1
1 ואחר הדברים האלה במלכות ארתחשׁסתא מלך פרס עזרא בן שׂריה בן עזריה בן חלקיה׃
Ezra 8:1
1 ואלה ראשׁי אבתיהם והתיחשׂם העלים עמי במלכות ארתחשׁסתא המלך מבבל׃
Amos 6:5
5 הפרטים על פי הנבל כדויד חשׁבו להם כלי שׁיר׃
2 Samuel 5:7-9
Nehemiah 2:14
14 ואעבר אל שׁער העין ואל ברכת המלך ואין מקום לבהמה לעבר תחתי׃
Nehemiah 3:15-16
Nehemiah 3:26
26 והנתינים היו ישׁבים בעפל עד נגד שׁער המים למזרח והמגדל היוצא׃
Nehemiah 8:1
1 ויאספו כל העם כאישׁ אחד אל הרחוב אשׁר לפני שׁער המים ויאמרו לעזרא הספר להביא את ספר תורת משׁה אשׁר צוה יהוה את ישׂראל׃
Nehemiah 8:3
3 ויקרא בו לפני הרחוב אשׁר לפני שׁער המים מן האור עד מחצית היום נגד האנשׁים והנשׁים והמבינים ואזני כל העם אל ספר התורה׃
Nehemiah 8:16
16 ויצאו העם ויביאו ויעשׂו להם סכות אישׁ על גגו ובחצרתיהם ובחצרות בית האלהים וברחוב שׁער המים וברחוב שׁער אפרים׃
Nehemiah 3:8
8 על ידו החזיק עזיאל בן חרהיה צורפים ועל ידו החזיק חנניה בן הרקחים ויעזבו ירושׁלם עד החומה הרחבה׃
Nehemiah 3:11
11 מדה שׁנית החזיק מלכיה בן חרם וחשׁוב בן פחת מואב ואת מגדל התנורים׃
Nehemiah 12:31
31 ואעלה את שׂרי יהודה מעל לחומה ואעמידה שׁתי תודת גדולת ותהלכת לימין מעל לחומה לשׁער האשׁפת׃
2 Kings 14:13
13 ואת אמציהו מלך יהודה בן יהואשׁ בן אחזיהו תפשׂ יהואשׁ מלך ישׂראל בבית שׁמשׁ ויבאו ירושׁלם ויפרץ בחומת ירושׁלם בשׁער אפרים עד שׁער הפנה ארבע מאות אמה׃
Nehemiah 3:3
3 ואת שׁער הדגים בנו בני הסנאה המה קרוהו ויעמידו דלתתיו מנעוליו ובריחיו׃
Nehemiah 3:6
6 ואת שׁער הישׁנה החזיקו יוידע בן פסח ומשׁלם בן בסודיה המה קרוהו ויעמידו דלתתיו ומנעליו ובריחיו׃
Nehemiah 3:25
25 פלל בן אוזי מנגד המקצוע והמגדל היוצא מבית המלך העליון אשׁר לחצר המטרה אחריו פדיה בן פרעשׁ׃
Nehemiah 3:31-32
Jeremiah 31:38
38 הנה ימים נאם יהוה ונבנתה העיר ליהוה ממגדל חננאל שׁער הפנה׃
Jeremiah 32:2
2 ואז חיל מלך בבל צרים על ירושׁלם וירמיהו הנביא היה כלוא בחצר המטרה אשׁר בית מלך יהודה׃
Zephaniah 1:10
10 והיה ביום ההוא נאם יהוה קול צעקה משׁער הדגים ויללה מן המשׁנה ושׁבר גדול מהגבעות׃
Nehemiah 12:31-32
Psalms 42:4
4 (42:5) אלה אזכרה ואשׁפכה עלי נפשׁי כי אעבר בסך אדדם עד בית אלהים בקול רנה ותודה המון חוגג׃
Psalms 47:6-9
Nehemiah 11:14
14 ואחיהם גבורי חיל מאה עשׂרים ושׁמנה ופקיד עליהם זבדיאל בן הגדולים׃
Psalms 81:1
1 למנצח על הגתית לאסף׃ (81:2) הרנינו לאלהים עוזנו הריעו לאלהי יעקב׃
Psalms 95:1
1 לכו נרננה ליהוה נריעה לצור ישׁענו׃
Psalms 98:4-9
Isaiah 12:5-6
Exodus 15:20-21
Numbers 10:10
10 וביום שׂמחתכם ובמועדיכם ובראשׁי חדשׁכם ותקעתם בחצצרת על עלתיכם ועל זבחי שׁלמיכם והיו לכם לזכרון לפני אלהיכם אני יהוה אלהיכם׃
Deuteronomy 12:11-12
1 Samuel 4:5
5 ויהי כבוא ארון ברית יהוה אל המחנה וירעו כל ישׂראל תרועה גדולה ותהם הארץ׃
1 Chronicles 29:21-22
2 Chronicles 7:5-7
5 ויזבח המלך שׁלמה את זבח הבקר עשׂרים ושׁנים אלף וצאן מאה ועשׂרים אלף ויחנכו את בית האלהים המלך וכל העם׃6 והכהנים על משׁמרותם עמדים והלוים בכלי שׁיר יהוה אשׁר עשׂה דויד המלך להדות ליהוה כי לעולם חסדו בהלל דויד בידם והכהנים מחצצרים נגדם וכל ישׂראל עמדים׃7 ויקדשׁ שׁלמה את תוך החצר אשׁר לפני בית יהוה כי עשׂה שׁם העלות ואת חלבי השׁלמים כי מזבח הנחשׁת אשׁר עשׂה שׁלמה לא יכול להכיל את העלה ואת המנחה ואת החלבים׃
2 Chronicles 7:10
10 וביום עשׂרים ושׁלשׁה לחדשׁ השׁביעי שׁלח את העם לאהליהם שׂמחים וטובי לב על הטובה אשׁר עשׂה יהוה לדויד ולשׁלמה ולישׂראל עמו׃
2 Chronicles 20:13
13 וכל יהודה עמדים לפני יהוה גם טפם נשׁיהם ובניהם׃
2 Chronicles 20:27
27 וישׁבו כל אישׁ יהודה וירושׁלם ויהושׁפט בראשׁם לשׁוב אל ירושׁלם בשׂמחה כי שׂמחם יהוה מאויביהם׃
2 Chronicles 29:35-36
Ezra 3:13
13 ואין העם מכירים קול תרועת השׂמחה לקול בכי העם כי העם מריעים תרועה גדולה והקול נשׁמע עד למרחוק׃
Job 34:29
29 והוא ישׁקט ומי ירשׁע ויסתר פנים ומי ישׁורנו ועל גוי ועל אדם יחד׃
Psalms 27:6
6 ועתה ירום ראשׁי על איבי סביבותי ואזבחה באהלו זבחי תרועה אשׁירה ואזמרה ליהוה׃
Psalms 28:7
7 יהוה עזי ומגני בו בטח לבי ונעזרתי ויעלז לבי ומשׁירי אהודנו׃
Psalms 30:11-12
Psalms 92:4
4 (92:5) כי שׂמחתני יהוה בפעלך במעשׂי ידיך ארנן׃
Psalms 148:11-13
Isaiah 61:3
3 לשׂום לאבלי ציון לתת להם פאר תחת אפר שׁמן שׂשׂון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃
Isaiah 66:10-14
10 שׂמחו את ירושׁלם וגילו בה כל אהביה שׂישׂו אתה משׂושׂ כל המתאבלים עליה׃11 למען תינקו ושׂבעתם משׁד תנחמיה למען תמצו והתענגתם מזיז כבודה׃12 כי כה אמר יהוה הנני נטה אליה כנהר שׁלום וכנחל שׁוטף כבוד גוים וינקתם על צד תנשׂאו ועל ברכים תשׁעשׁעו׃13 כאישׁ אשׁר אמו תנחמנו כן אנכי אנחמכם ובירושׁלם תנחמו׃14 וראיתם ושׂשׂ לבכם ועצמותיכם כדשׁא תפרחנה ונודעה יד יהוה את עבדיו וזעם את איביו׃
Jeremiah 31:13
13 אז תשׂמח בתולה במחול ובחרים וזקנים יחדו והפכתי אבלם לשׂשׂון ונחמתים ושׂמחתים מיגונם׃
Jeremiah 33:11
11 קול שׂשׂון וקול שׂמחה קול חתן וקול כלה קול אמרים הודו את יהוה צבאות כי טוב יהוה כי לעולם חסדו מבאים תודה בית יהוה כי אשׁיב את שׁבות הארץ כבראשׁנה אמר יהוה׃
Numbers 3:10
10 ואת אהרן ואת בניו תפקד ושׁמרו את כהנתם והזר הקרב יומת׃
Numbers 8:24-25
1 Chronicles 9:26
26 כי באמונה המה ארבעת גברי השׁערים הם הלוים והיו על הלשׁכות ועל האצרות בית האלהים׃
1 Chronicles 23:28
28 כי מעמדם ליד בני אהרן לעבדת בית יהוה על החצרות ועל הלשׁכות ועל טהרת לכל קדשׁ ומעשׂה עבדת בית האלהים׃
1 Chronicles 26:21-26
21 בני לעדן בני הגרשׁני ללעדן ראשׁי האבות ללעדן הגרשׁני יחיאלי׃22 בני יחיאלי זתם ויואל אחיו על אצרות בית יהוה׃23 לעמרמי ליצהרי לחברוני לעזיאלי׃24 ושׁבאל בן גרשׁום בן משׁה נגיד על האצרות׃25 ואחיו לאליעזר רחביהו בנו וישׁעיהו בנו וירם בנו וזכרי בנו ושׁלמות בנו׃26 הוא שׁלמות ואחיו על כל אצרות הקדשׁים אשׁר הקדישׁ דויד המלך וראשׁי האבות לשׂרי האלפים והמאות ושׂרי הצבא׃
2 Chronicles 5:11-12
2 Chronicles 13:11-12
2 Chronicles 31:11-13
Nehemiah 10:37-39
37 (10:38) ואת ראשׁית עריסתינו ותרומתינו ופרי כל עץ תירושׁ ויצהר נביא לכהנים אל לשׁכות בית אלהינו ומעשׂר אדמתנו ללוים והם הלוים המעשׂרים בכל ערי עבדתנו׃38 (10:39) והיה הכהן בן אהרן עם הלוים בעשׂר הלוים והלוים יעלו את מעשׂר המעשׂר לבית אלהינו אל הלשׁכות לבית האוצר׃39 (10:40) כי אל הלשׁכות יביאו בני ישׂראל ובני הלוי את תרומת הדגן התירושׁ והיצהר ושׁם כלי המקדשׁ והכהנים המשׁרתים והשׁוערים והמשׁררים ולא נעזב את בית אלהינו׃
Nehemiah 13:4-5
Nehemiah 13:12-13
Proverbs 8:34
34 אשׁרי אדם שׁמע לי לשׁקד על דלתתי יום יום לשׁמר מזוזת פתחי׃
Isaiah 40:31
31 וקוי יהוה יחליפו כח יעלו אבר כנשׁרים ירוצו ולא ייגעו ילכו ולא ייעפו׃
2 Chronicles 23:6
6 ואל יבוא בית יהוה כי אם הכהנים והמשׁרתים ללוים המה יבאו כי קדשׁ המה וכל העם ישׁמרו משׁמרת יהוה׃
1 Chronicles 25:1-31
1 ויבדל דויד ושׂרי הצבא לעבדה לבני אסף והימן וידותון הנביאים בכנרות בנבלים ובמצלתים ויהי מספרם אנשׁי מלאכה לעבדתם׃2 לבני אסף זכור ויוסף ונתניה ואשׂראלה בני אסף על יד אסף הנבא על ידי המלך׃3 לידותון בני ידותון גדליהו וצרי וישׁעיהו חשׁביהו ומתתיהו שׁשׁה על ידי אביהם ידותון בכנור הנבא על הדות והלל ליהוה׃4 להימן בני הימן בקיהו מתניהו עזיאל שׁבואל וירימות חנניה חנני אליאתה גדלתי ורממתי עזר ישׁבקשׁה מלותי הותיר מחזיאות׃5 כל אלה בנים להימן חזה המלך בדברי האלהים להרים קרן ויתן האלהים להימן בנים ארבעה עשׂר ובנות שׁלושׁ׃6 כל אלה על ידי אביהם בשׁיר בית יהוה במצלתים נבלים וכנרות לעבדת בית האלהים על ידי המלך אסף וידותון והימן׃7 ויהי מספרם עם אחיהם מלמדי שׁיר ליהוה כל המבין מאתים שׁמונים ושׁמונה׃8 ויפילו גורלות משׁמרת לעמת כקטן כגדול מבין עם תלמיד׃9 ויצא הגורל הראשׁון לאסף ליוסף גדליהו השׁני הוא ואחיו ובניו שׁנים עשׂר׃10 השׁלשׁי זכור בניו ואחיו שׁנים עשׂר׃11 הרביעי ליצרי בניו ואחיו שׁנים עשׂר׃12 החמישׁי נתניהו בניו ואחיו שׁנים עשׂר׃13 השׁשׁי בקיהו בניו ואחיו שׁנים עשׂר׃14 השׁבעי ישׂראלה בניו ואחיו שׁנים עשׂר׃15 השׁמיני ישׁעיהו בניו ואחיו שׁנים עשׂר׃16 התשׁיעי מתניהו בניו ואחיו שׁנים עשׂר׃17 העשׂירי שׁמעי בניו ואחיו שׁנים עשׂר׃18 עשׁתי עשׂר עזראל בניו ואחיו שׁנים עשׂר׃19 השׁנים עשׂר לחשׁביה בניו ואחיו שׁנים עשׂר׃20 לשׁלשׁה עשׂר שׁובאל בניו ואחיו שׁנים עשׂר׃21 לארבעה עשׂר מתתיהו בניו ואחיו שׁנים עשׂר׃22 לחמשׁה עשׂר לירמות בניו ואחיו שׁנים עשׂר׃23 לשׁשׁה עשׂר לחנניהו בניו ואחיו שׁנים עשׂר׃24 לשׁבעה עשׂר לישׁבקשׁה בניו ואחיו שׁנים עשׂר׃25 לשׁמונה עשׂר לחנני בניו ואחיו שׁנים עשׂר׃26 לתשׁעה עשׂר למלותי בניו ואחיו שׁנים עשׂר׃27 לעשׂרים לאליתה בניו ואחיו שׁנים עשׂר׃28 לאחד ועשׂרים להותיר בניו ואחיו שׁנים עשׂר׃29 לשׁנים ועשׂרים לגדלתי בניו ואחיו שׁנים עשׂר׃30 לשׁלשׁה ועשׂרים למחזיאות בניו ואחיו שׁנים עשׂר׃31 לארבעה ועשׂרים לרוממתי עזר בניו ואחיו שׁנים עשׂר׃
Psalms 73:1
1 מזמור לאסף אך טוב לישׂראל אלהים לברי לבב׃
Psalms 83:1
1 שׁיר מזמור לאסף׃ (83:2) אלהים אל דמי לך אל תחרשׁ ואל תשׁקט אל׃
Numbers 18:21-29
21 ולבני לוי הנה נתתי כל מעשׂר בישׂראל לנחלה חלף עבדתם אשׁר הם עבדים את עבדת אהל מועד׃22 ולא יקרבו עוד בני ישׂראל אל אהל מועד לשׂאת חטא למות׃23 ועבד הלוי הוא את עבדת אהל מועד והם ישׂאו עונם חקת עולם לדרתיכם ובתוך בני ישׂראל לא ינחלו נחלה׃24 כי את מעשׂר בני ישׂראל אשׁר ירימו ליהוה תרומה נתתי ללוים לנחלה על כן אמרתי להם בתוך בני ישׂראל לא ינחלו נחלה׃25 וידבר יהוה אל משׁה לאמר׃26 ואל הלוים תדבר ואמרת אלהם כי תקחו מאת בני ישׂראל את המעשׂר אשׁר נתתי לכם מאתם בנחלתכם והרמתם ממנו תרומת יהוה מעשׂר מן המעשׂר׃27 ונחשׁב לכם תרומתכם כדגן מן הגרן וכמלאה מן היקב׃28 כן תרימו גם אתם תרומת יהוה מכל מעשׂרתיכם אשׁר תקחו מאת בני ישׂראל ונתתם ממנו את תרומת יהוה לאהרן הכהן׃29 מכל מתנתיכם תרימו את כל תרומת יהוה מכל חלבו את מקדשׁו ממנו׃
2 Chronicles 31:5-6
Nehemiah 10:35-39
Nehemiah 11:23
23 כי מצות המלך עליהם ואמנה על המשׁררים דבר יום ביומו׃
Nehemiah 12:12
12 ובימי יויקים היו כהנים ראשׁי האבות לשׂריה מריה לירמיה חנניה׃