1 ויהי בחדשׁ ניסן שׁנת עשׂרים לארתחשׁסתא המלך יין לפניו ואשׂא את היין ואתנה למלך ולא הייתי רע לפניו׃2 ויאמר לי המלך מדוע פניך רעים ואתה אינך חולה אין זה כי אם רע לב ואירא הרבה מאד׃3 ואמר למלך המלך לעולם יחיה מדוע לא ירעו פני אשׁר העיר בית קברות אבתי חרבה ושׁעריה אכלו באשׁ׃4 ויאמר לי המלך על מה זה אתה מבקשׁ ואתפלל אל אלהי השׁמים׃5 ואמר למלך אם על המלך טוב ואם ייטב עבדך לפניך אשׁר תשׁלחני אל יהודה אל עיר קברות אבתי ואבננה׃6 ויאמר לי המלך והשׁגל יושׁבת אצלו עד מתי יהיה מהלכך ומתי תשׁוב וייטב לפני המלך וישׁלחני ואתנה לו זמן׃7 ואומר למלך אם על המלך טוב אגרות יתנו לי על פחוות עבר הנהר אשׁר יעבירוני עד אשׁר אבוא אל יהודה׃8 ואגרת אל אסף שׁמר הפרדס אשׁר למלך אשׁר יתן לי עצים לקרות את שׁערי הבירה אשׁר לבית ולחומת העיר ולבית אשׁר אבוא אליו ויתן לי המלך כיד אלהי הטובה עלי׃9 ואבוא אל פחוות עבר הנהר ואתנה להם את אגרות המלך וישׁלח עמי המלך שׂרי חיל ופרשׁים׃10 וישׁמע סנבלט החרני וטוביה העבד העמני וירע להם רעה גדלה אשׁר בא אדם לבקשׁ טובה לבני ישׂראל׃11 ואבוא אל ירושׁלם ואהי שׁם ימים שׁלשׁה׃12 ואקום לילה אני ואנשׁים מעט עמי ולא הגדתי לאדם מה אלהי נתן אל לבי לעשׂות לירושׁלם ובהמה אין עמי כי אם הבהמה אשׁר אני רכב׃13 ואצאה בשׁער הגיא לילה ואל פני עין התנין ואל שׁער האשׁפת ואהי שׂבר בחומת ירושׁלם אשׁר המפרוצים ושׁעריה אכלו באשׁ׃14 ואעבר אל שׁער העין ואל ברכת המלך ואין מקום לבהמה לעבר תחתי׃15 ואהי עלה בנחל לילה ואהי שׂבר בחומה ואשׁוב ואבוא בשׁער הגיא ואשׁוב׃16 והסגנים לא ידעו אנה הלכתי ומה אני עשׂה וליהודים ולכהנים ולחרים ולסגנים וליתר עשׂה המלאכה עד כן לא הגדתי׃17 ואומר אלהם אתם ראים הרעה אשׁר אנחנו בה אשׁר ירושׁלם חרבה ושׁעריה נצתו באשׁ לכו ונבנה את חומת ירושׁלם ולא נהיה עוד חרפה׃18 ואגיד להם את יד אלהי אשׁר היא טובה עלי ואף דברי המלך אשׁר אמר לי ויאמרו נקום ובנינו ויחזקו ידיהם לטובה׃19 וישׁמע סנבלט החרני וטביה העבד העמוני וגשׁם הערבי וילעגו לנו ויבזו עלינו ויאמרו מה הדבר הזה אשׁר אתם עשׂים העל המלך אתם מרדים׃20 ואשׁיב אותם דבר ואומר להם אלהי השׁמים הוא יצליח לנו ואנחנו עבדיו נקום ובנינו ולכם אין חלק וצדקה וזכרון בירושׁלם׃
Nehemiah 2 Cross References - HOT
Genesis 40:11
11 וכוס פרעה בידי ואקח את הענבים ואשׂחט אתם אל כוס פרעה ואתן את הכוס על כף פרעה׃
Genesis 40:21
21 וישׁב את שׂר המשׁקים על משׁקהו ויתן הכוס על כף פרעה׃
Ezra 7:1
1 ואחר הדברים האלה במלכות ארתחשׁסתא מלך פרס עזרא בן שׂריה בן עזריה בן חלקיה׃
Ezra 7:7
7 ויעלו מבני ישׂראל ומן הכהנים והלוים והמשׁררים והשׁערים והנתינים אל ירושׁלם בשׁנת שׁבע לארתחשׁסתא המלך׃
Nehemiah 1:1
1 דברי נחמיה בן חכליה ויהי בחדשׁ כסלו שׁנת עשׂרים ואני הייתי בשׁושׁן הבירה׃
Nehemiah 1:11
11 אנא אדני תהי נא אזנך קשׁבת אל תפלת עבדך ואל תפלת עבדיך החפצים ליראה את שׁמך והצליחה נא לעבדך היום ותנהו לרחמים לפני האישׁ הזה ואני הייתי משׁקה למלך׃
Esther 3:7
7 בחדשׁ הראשׁון הוא חדשׁ ניסן בשׁנת שׁתים עשׂרה למלך אחשׁורושׁ הפיל פור הוא הגורל לפני המן מיום ליום ומחדשׁ לחדשׁ שׁנים עשׂר הוא חדשׁ אדר׃
Genesis 40:7
7 וישׁאל את סריסי פרעה אשׁר אתו במשׁמר בית אדניו לאמר מדוע פניכם רעים היום׃
Proverbs 15:13
13 לב שׂמח ייטב פנים ובעצבת לב רוח נכאה׃
1 Kings 1:31
31 ותקד בת\'ceשׁבע אפים ארץ ותשׁתחו למלך ותאמר יחי אדני המלך דוד לעלם׃
2 Chronicles 21:20
20 בן שׁלשׁים ושׁתים היה במלכו ושׁמונה שׁנים מלך בירושׁלם וילך בלא חמדה ויקברהו בעיר דויד ולא בקברות המלכים׃
2 Chronicles 28:27
27 וישׁכב אחז עם אבתיו ויקברהו בעיר בירושׁלם כי לא הביאהו לקברי מלכי ישׂראל וימלך יחזקיהו בנו תחתיו׃
2 Chronicles 32:33
33 וישׁכב יחזקיהו עם אבתיו ויקברהו במעלה קברי בני דויד וכבוד עשׂו לו במותו כל יהודה וישׁבי ירושׁלם וימלך מנשׁה בנו תחתיו׃
Nehemiah 1:3
3 ויאמרו לי הנשׁארים אשׁר נשׁארו מן השׁבי שׁם במדינה ברעה גדלה ובחרפה וחומת ירושׁלם מפרצת ושׁעריה נצתו באשׁ׃
Psalms 102:14
14 (102:15) כי רצו עבדיך את אבניה ואת עפרה יחננו׃
Psalms 137:6
6 תדבק לשׁוני לחכי אם לא אזכרכי אם לא אעלה את ירושׁלם על ראשׁ שׂמחתי׃
Lamentations 2:9
9 טבעו בארץ שׁעריה אבד ושׁבר בריחיה מלכה ושׂריה בגוים אין תורה גם נביאיה לא מצאו חזון מיהוה׃
Daniel 2:4
4 וידברו הכשׂדים למלך ארמית מלכא לעלמין חיי אמר חלמא לעבדיך ופשׁרא נחוא׃
Daniel 3:9
9 ענו ואמרין לנבוכדנצר מלכא מלכא לעלמין חיי׃
Daniel 5:10
10 מלכתא לקבל מלי מלכא ורברבנוהי לבית משׁתיא עללת ענת מלכתא ואמרת מלכא לעלמין חיי אל יבהלוך רעיונך וזיויך אל ישׁתנו׃
Daniel 6:6
6 (6:7) אדין סרכיא ואחשׁדרפניא אלן הרגשׁו על מלכא וכן אמרין לה דריושׁ מלכא לעלמין חיי׃
Daniel 6:21
21 (6:22) אדין דניאל עם מלכא מלל מלכא לעלמין חיי׃
2 Samuel 15:31
31 ודוד הגיד לאמר אחיתפל בקשׁרים עם אבשׁלום ויאמר דוד סכל נא את עצת אחיתפל יהוה׃
1 Kings 3:5
5 בגבעון נראה יהוה אל שׁלמה בחלום הלילה ויאמר אלהים שׁאל מה אתן׃
Nehemiah 1:4
4 ויהי כשׁמעי את הדברים האלה ישׁבתי ואבכה ואתאבלה ימים ואהי צם ומתפלל לפני אלהי השׁמים׃
Esther 5:3
3 ויאמר לה המלך מה לך אסתר המלכה ומה בקשׁתך עד חצי המלכות וינתן׃
Esther 5:6
6 ויאמר המלך לאסתר במשׁתה היין מה שׁאלתך וינתן לך ומה בקשׁתך עד חצי המלכות ותעשׂ׃
Esther 7:2
2 ויאמר המלך לאסתר גם ביום השׁני במשׁתה היין מה שׁאלתך אסתר המלכה ותנתן לך ומה בקשׁתך עד חצי המלכות ותעשׂ׃
Proverbs 3:6
6 בכל דרכיך דעהו והוא יישׁר ארחתיך׃
Ruth 2:13
13 ותאמר אמצא חן בעיניך אדני כי נחמתני וכי דברת על לב שׁפחתך ואנכי לא אהיה כאחת שׁפחתיך׃
2 Samuel 14:22
22 ויפל יואב אל פניו ארצה וישׁתחו ויברך את המלך ויאמר יואב היום ידע עבדך כי מצאתי חן בעיניך אדני המלך אשׁר עשׂה המלך את דבר עבדו׃
Ezra 5:17
17 וכען הן על מלכא טב יתבקר בבית גנזיא די מלכא תמה די בבבל הן איתי די מן כורשׁ מלכא שׂים טעם למבנא בית אלהא דך בירושׁלם ורעות מלכא על דנה ישׁלח עלינא׃
Esther 1:19
19 אם על המלך טוב יצא דבר מלכות מלפניו ויכתב בדתי פרס ומדי ולא יעבור אשׁר לא תבוא ושׁתי לפני המלך אחשׁורושׁ ומלכותה יתן המלך לרעותה הטובה ממנה׃
Esther 5:8
8 אם מצאתי חן בעיני המלך ואם על המלך טוב לתת את שׁאלתי ולעשׂות את בקשׁתי יבוא המלך והמן אל המשׁתה אשׁר אעשׂה להם ומחר אעשׂה כדבר המלך׃
Esther 7:3
3 ותען אסתר המלכה ותאמר אם מצאתי חן בעיניך המלך ואם על המלך טוב תנתן לי נפשׁי בשׁאלתי ועמי בבקשׁתי׃
Esther 8:5
5 ותאמר אם על המלך טוב ואם מצאתי חן לפניו וכשׁר הדבר לפני המלך וטובה אני בעיניו יכתב להשׁיב את הספרים מחשׁבת המן בן המדתא האגגי אשׁר כתב לאבד את היהודים אשׁר בכל מדינות המלך׃
Proverbs 3:4
4 ומצא חן ושׂכל טוב בעיני אלהים ואדם׃
Nehemiah 2:4
4 ויאמר לי המלך על מה זה אתה מבקשׁ ואתפלל אל אלהי השׁמים׃
Nehemiah 5:14
14 גם מיום אשׁר צוה אתי להיות פחם בארץ יהודה משׁנת עשׂרים ועד שׁנת שׁלשׁים ושׁתים לארתחשׁסתא המלך שׁנים שׁתים עשׂרה אני ואחי לחם הפחה לא אכלתי׃
Nehemiah 13:6
6 ובכל זה לא הייתי בירושׁלם כי בשׁנת שׁלשׁים ושׁתים לארתחשׁסתא מלך בבל באתי אל המלך ולקץ ימים נשׁאלתי מן המלך׃
Isaiah 58:12
12 ובנו ממך חרבות עולם מוסדי דור ודור תקומם וקרא לך גדר פרץ משׁבב נתיבות לשׁבת׃
Isaiah 61:4
4 ובנו חרבות עולם שׁממות ראשׁנים יקוממו וחדשׁו ערי חרב שׁממות דור ודור׃
Isaiah 65:24
24 והיה טרם יקראו ואני אענה עוד הם מדברים ואני אשׁמע׃
Ezra 6:6
6 כען תתני פחת עבר נהרה שׁתר בוזני וכנותהון אפרסכיא די בעבר נהרה רחיקין הוו מן תמה׃
Ezra 7:21
21 ומני אנה ארתחשׁסתא מלכא שׂים טעם לכל גזבריא די בעבר נהרה די כל די ישׁאלנכון עזרא כהנה ספר דתא די אלה שׁמיא אספרנא יתעבד׃
Ezra 8:22
22 כי בשׁתי לשׁאול מן המלך חיל ופרשׁים לעזרנו מאויב בדרך כי אמרנו למלך לאמר יד אלהינו על כל מבקשׁיו לטובה ועזו ואפו על כל עזביו׃
Ezra 8:36
36 ויתנו את דתי המלך לאחשׁדרפני המלך ופחוות עבר הנהר ונשׂאו את העם ואת בית האלהים׃
Nehemiah 2:9
9 ואבוא אל פחוות עבר הנהר ואתנה להם את אגרות המלך וישׁלח עמי המלך שׂרי חיל ופרשׁים׃
Genesis 32:28
28 (32:29) ויאמר לא יעקב יאמר עוד שׁמך כי אם ישׂראל כי שׂרית עם אלהים ועם אנשׁים ותוכל׃
Ezra 5:5
5 ועין אלההם הות על שׂבי יהודיא ולא בטלו המו עד טעמא לדריושׁ יהך ואדין יתיבון נשׁתונא על דנה׃
Ezra 6:22
22 ויעשׂו חג מצות שׁבעת ימים בשׂמחה כי שׂמחם יהוה והסב לב מלך אשׁור עליהם לחזק ידיהם במלאכת בית האלהים אלהי ישׂראל׃
Ezra 7:6
6 הוא עזרא עלה מבבל והוא ספר מהיר בתורת משׁה אשׁר נתן יהוה אלהי ישׂראל ויתן לו המלך כיד יהוה אלהיו עליו כל בקשׁתו׃
Ezra 7:9
9 כי באחד לחדשׁ הראשׁון הוא יסד המעלה מבבל ובאחד לחדשׁ החמישׁי בא אל ירושׁלם כיד אלהיו הטובה עליו׃
Ezra 7:27-28
Nehemiah 2:17-18
Nehemiah 3:1-32
1 ויקם אלישׁיב הכהן הגדול ואחיו הכהנים ויבנו את שׁער הצאן המה קדשׁוהו ויעמידו דלתתיו ועד מגדל המאה קדשׁוהו עד מגדל חננאל׃2 ועל ידו בנו אנשׁי ירחו ועל ידו בנה זכור בן אמרי׃3 ואת שׁער הדגים בנו בני הסנאה המה קרוהו ויעמידו דלתתיו מנעוליו ובריחיו׃4 ועל ידם החזיק מרמות בן אוריה בן הקוץ ועל ידם החזיק משׁלם בן ברכיה בן משׁיזבאל ועל ידם החזיק צדוק בן בענא׃5 ועל ידם החזיקו התקועים ואדיריהם לא הביאו צורם בעבדת אדניהם׃6 ואת שׁער הישׁנה החזיקו יוידע בן פסח ומשׁלם בן בסודיה המה קרוהו ויעמידו דלתתיו ומנעליו ובריחיו׃7 ועל ידם החזיק מלטיה הגבעני וידון המרנתי אנשׁי גבעון והמצפה לכסא פחת עבר הנהר׃8 על ידו החזיק עזיאל בן חרהיה צורפים ועל ידו החזיק חנניה בן הרקחים ויעזבו ירושׁלם עד החומה הרחבה׃9 ועל ידם החזיק רפיה בן חור שׂר חצי פלך ירושׁלם׃10 ועל ידם החזיק ידיה בן חרומף ונגד ביתו ועל ידו החזיק חטושׁ בן חשׁבניה׃11 מדה שׁנית החזיק מלכיה בן חרם וחשׁוב בן פחת מואב ואת מגדל התנורים׃12 ועל ידו החזיק שׁלום בן הלוחשׁ שׂר חצי פלך ירושׁלם הוא ובנותיו׃13 את שׁער הגיא החזיק חנון וישׁבי זנוח המה בנוהו ויעמידו דלתתיו מנעליו ובריחיו ואלף אמה בחומה עד שׁער השׁפות׃14 ואת שׁער האשׁפות החזיק מלכיה בן רכב שׂר פלך בית הכרם הוא יבננו ויעמיד דלתתיו מנעליו ובריחיו׃15 ואת שׁער העין החזיק שׁלון בן כל חזה שׂר פלך המצפה הוא יבננו ויטללנו ויעמידו דלתתיו מנעליו ובריחיו ואת חומת ברכת השׁלח לגן המלך ועד המעלות היורדות מעיר דויד׃16 אחריו החזיק נחמיה בן עזבוק שׂר חצי פלך בית צור עד נגד קברי דויד ועד הברכה העשׂויה ועד בית הגברים׃17 אחריו החזיקו הלוים רחום בן בני על ידו החזיק חשׁביה שׂר חצי פלך קעילה לפלכו׃18 אחריו החזיקו אחיהם בוי בן חנדד שׂר חצי פלך קעילה׃19 ויחזק על ידו עזר בן ישׁוע שׂר המצפה מדה שׁנית מנגד עלת הנשׁק המקצע׃20 אחריו החרה החזיק ברוך בן זבי מדה שׁנית מן המקצוע עד פתח בית אלישׁיב הכהן הגדול׃21 אחריו החזיק מרמות בן אוריה בן הקוץ מדה שׁנית מפתח בית אלישׁיב ועד תכלית בית אלישׁיב׃22 ואחריו החזיקו הכהנים אנשׁי הככר׃23 אחריו החזיק בנימן וחשׁוב נגד ביתם אחריו החזיק עזריה בן מעשׂיה בן ענניה אצל ביתו׃24 אחריו החזיק בנוי בן חנדד מדה שׁנית מבית עזריה עד המקצוע ועד הפנה׃25 פלל בן אוזי מנגד המקצוע והמגדל היוצא מבית המלך העליון אשׁר לחצר המטרה אחריו פדיה בן פרעשׁ׃26 והנתינים היו ישׁבים בעפל עד נגד שׁער המים למזרח והמגדל היוצא׃27 אחריו החזיקו התקעים מדה שׁנית מנגד המגדל הגדול היוצא ועד חומת העפל׃28 מעל שׁער הסוסים החזיקו הכהנים אישׁ לנגד ביתו׃29 אחריו החזיק צדוק בן אמר נגד ביתו ואחריו החזיק שׁמעיה בן שׁכניה שׁמר שׁער המזרח׃30 אחרי החזיק חנניה בן שׁלמיה וחנון בן צלף השׁשׁי מדה שׁני אחריו החזיק משׁלם בן ברכיה נגד נשׁכתו׃31 אחרי החזיק מלכיה בן הצרפי עד בית הנתינים והרכלים נגד שׁער המפקד ועד עלית הפנה׃32 ובין עלית הפנה לשׁער הצאן החזיקו הצרפים והרכלים׃
Nehemiah 7:2
2 ואצוה את חנני אחי ואת חנניה שׂר הבירה על ירושׁלם כי הוא כאישׁ אמת וירא את האלהים מרבים׃
Proverbs 21:1
1 פלגי מים לב מלך ביד יהוה על כל אשׁר יחפץ יטנו׃
Isaiah 66:14
14 וראיתם ושׂשׂ לבכם ועצמותיכם כדשׁא תפרחנה ונודעה יד יהוה את עבדיו וזעם את איביו׃
Daniel 1:9
9 ויתן האלהים את דניאל לחסד ולרחמים לפני שׂר הסריסים׃
Numbers 22:3-4
Ezra 4:4-23
4 ויהי עם הארץ מרפים ידי עם יהודה ומבלהים אותם לבנות׃5 וסכרים עליהם יועצים להפר עצתם כל ימי כורשׁ מלך פרס ועד מלכות דריושׁ מלך פרס׃6 ובמלכות אחשׁורושׁ בתחלת מלכותו כתבו שׂטנה על ישׁבי יהודה וירושׁלם׃7 ובימי ארתחשׁשׂתא כתב בשׁלם מתרדת טבאל ושׁאר כנותו על ארתחשׁשׂתא מלך פרס וכתב הנשׁתון כתוב ארמית ומתרגם ארמית׃8 רחום בעל טעם ושׁמשׁי ספרא כתבו אגרה חדה על ירושׁלם לארתחשׁשׂתא מלכא כנמא׃9 אדין רחום בעל טעם ושׁמשׁי ספרא ושׁאר כנותהון דיניא ואפרסתכיא טרפליא אפרסיא ארכוי בבליא שׁושׁנכיא דהוא עלמיא׃10 ושׁאר אמיא די הגלי אסנפר רבא ויקירא והותב המו בקריה די שׁמרין ושׁאר עבר נהרה וכענת׃11 דנה פרשׁגן אגרתא די שׁלחו עלוהי על ארתחשׁשׂתא מלכא עבדיך אנשׁ עבר נהרה וכענת׃12 ידיע להוא למלכא די יהודיא די סלקו מן לותך עלינא אתו לירושׁלם קריתא מרדתא ובאישׁתא בנין ושׁורי אשׁכללו ואשׁיא יחיטו׃13 כען ידיע להוא למלכא די הן קריתא דך תתבנא ושׁוריה ישׁתכללון מנדה בלו והלך לא ינתנון ואפתם מלכים תהנזק׃14 כען כל קבל די מלח היכלא מלחנא וערות מלכא לא אריך לנא למחזא על דנה שׁלחנא והודענא למלכא׃15 די יבקר בספר דכרניא די אבהתך ותהשׁכח בספר דכרניא ותנדע די קריתא דך קריא מרדא ומהנזקת מלכין ומדנן ואשׁתדור עבדין בגוה מן יומת עלמא על דנה קריתא דך החרבת׃16 מהודעין אנחנה למלכא די הן קריתא דך תתבנא ושׁוריה ישׁתכללון לקבל דנה חלק בעבר נהרא לא איתי׃17 פתגמא שׁלח מלכא על רחום בעל טעם ושׁמשׁי ספרא ושׁאר כנותהון די יתבין בשׁמרין ושׁאר עבר נהרה שׁלם וכעת׃18 נשׁתונא די שׁלחתון עלינא מפרשׁ קרי קדמי׃19 ומני שׂים טעם ובקרו והשׁכחו די קריתא דך מן יומת עלמא על מלכין מתנשׂאה ומרד ואשׁתדור מתעבד׃20 ומלכין תקיפין הוו על ירושׁלם ושׁליטין בכל עבר נהרה ומדה בלו והלך מתיהב׃21 כען שׂימו טעם לבטלא גבריא אלך וקריתא דך לא תתבנא עד מני טעמא יתשׂם׃22 וזהירין הוו שׁלו למעבד על דנה למה ישׂגא חבלא להנזקת מלכין׃23 אדין מן די פרשׁגן נשׁתונא די ארתחשׁשׂתא מלכא קרי קדם רחום ושׁמשׁי ספרא וכנותהון אזלו בבהילו לירושׁלם על יהודיא ובטלו המו באדרע וחיל׃
Nehemiah 2:19
19 וישׁמע סנבלט החרני וטביה העבד העמוני וגשׁם הערבי וילעגו לנו ויבזו עלינו ויאמרו מה הדבר הזה אשׁר אתם עשׂים העל המלך אתם מרדים׃
Nehemiah 4:1-3
1 (3:33) ויהי כאשׁר שׁמע סנבלט כי אנחנו בונים את החומה ויחר לו ויכעס הרבה וילעג על היהודים׃2 (3:34) ויאמר לפני אחיו וחיל שׁמרון ויאמר מה היהודים האמללים עשׂים היעזבו להם היזבחו היכלו ביום היחיו את האבנים מערמות העפר והמה שׂרופות׃3 (3:35) וטוביה העמני אצלו ויאמר גם אשׁר הם בונים אם יעלה שׁועל ופרץ חומת אבניהם׃
Nehemiah 4:7
7 (4:1) ויהי כאשׁר שׁמע סנבלט וטוביה והערבים והעמנים והאשׁדודים כי עלתה ארוכה לחמות ירושׁלם כי החלו הפרצים להסתם ויחר להם מאד׃
Nehemiah 6:1
1 ויהי כאשׁר נשׁמע לסנבלט וטוביה ולגשׁם הערבי וליתר איבינו כי בניתי את החומה ולא נותר בה פרץ גם עד העת ההיא דלתות לא העמדתי בשׁערים׃
Nehemiah 13:1
1 ביום ההוא נקרא בספר משׁה באזני העם ונמצא כתוב בו אשׁר לא יבוא עמני ומאבי בקהל האלהים עד עולם׃
Nehemiah 13:4
4 ולפני מזה אלישׁיב הכהן נתון בלשׁכת בית אלהינו קרוב לטוביה׃
Psalms 112:10
10 רשׁע יראה וכעס שׁניו יחרק ונמס תאות רשׁעים תאבד׃
Psalms 122:6-9
Proverbs 27:4
4 אכזריות חמה ושׁטף אף ומי יעמד לפני קנאה׃
Proverbs 30:22
22 תחת עבד כי ימלוך ונבל כי ישׂבע לחם׃
Ecclesiastes 10:7
7 ראיתי עבדים על סוסים ושׂרים הלכים כעבדים על הארץ׃
Isaiah 15:5
5 לבי למואב יזעק בריחה עד צער עגלת שׁלשׁיה כי מעלה הלוחית בבכי יעלה בו כי דרך חורנים זעקת שׁבר יעערו׃
Jeremiah 48:5
5 כי מעלה הלחות בבכי יעלה בכי כי במורד חורנים צרי צעקת שׁבר שׁמעו׃
Jeremiah 48:34
34 מזעקת חשׁבון עד אלעלה עד יהץ נתנו קולם מצער עד חרנים עגלת שׁלשׁיה כי גם מי נמרים למשׁמות יהיו׃
Ezekiel 25:6-8
Micah 7:9-10
Micah 7:16-17
Ezra 8:32
32 ונבוא ירושׁלם ונשׁב שׁם ימים שׁלשׁה׃
Genesis 32:22-24
Joshua 10:9
9 ויבא אליהם יהושׁע פתאם כל הלילה עלה מן הגלגל׃
Judges 6:27
27 ויקח גדעון עשׂרה אנשׁים מעבדיו ויעשׂ כאשׁר דבר אליו יהוה ויהי כאשׁר ירא את בית אביו ואת אנשׁי העיר מעשׂות יומם ויעשׂ לילה׃
Judges 9:32
32 ועתה קום לילה אתה והעם אשׁר אתך וארב בשׂדה׃
Ezra 7:27
27 ברוך יהוה אלהי אבותינו אשׁר נתן כזאת בלב המלך לפאר את בית יהוה אשׁר בירושׁלם׃
Psalms 51:18
18 (51:20) היטיבה ברצונך את ציון תבנה חומות ירושׁלם׃
Psalms 122:6
6 שׁאלו שׁלום ירושׁלם ישׁליו אהביך׃
Ecclesiastes 3:7
7 עת לקרוע ועת לתפור עת לחשׁות ועת לדבר׃
Jeremiah 31:33
33 כי זאת הברית אשׁר אכרת את בית ישׂראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם׃
Jeremiah 32:40
40 וכרתי להם ברית עולם אשׁר לא אשׁוב מאחריהם להיטיבי אותם ואת יראתי אתן בלבבם לבלתי סור מעלי׃
Amos 5:13
13 לכן המשׂכיל בעת ההיא ידם כי עת רעה היא׃
Micah 7:5
5 אל תאמינו ברע אל תבטחו באלוף משׁכבת חיקך שׁמר פתחי פיך׃
2 Chronicles 26:9
9 ויבן עזיהו מגדלים בירושׁלם על שׁער הפנה ועל שׁער הגיא ועל המקצוע ויחזקם׃
Nehemiah 2:3
3 ואמר למלך המלך לעולם יחיה מדוע לא ירעו פני אשׁר העיר בית קברות אבתי חרבה ושׁעריה אכלו באשׁ׃
Nehemiah 2:15
15 ואהי עלה בנחל לילה ואהי שׂבר בחומה ואשׁוב ואבוא בשׁער הגיא ואשׁוב׃
Nehemiah 2:17
17 ואומר אלהם אתם ראים הרעה אשׁר אנחנו בה אשׁר ירושׁלם חרבה ושׁעריה נצתו באשׁ לכו ונבנה את חומת ירושׁלם ולא נהיה עוד חרפה׃
Nehemiah 3:13-14
Nehemiah 12:31
31 ואעלה את שׂרי יהודה מעל לחומה ואעמידה שׁתי תודת גדולת ותהלכת לימין מעל לחומה לשׁער האשׁפת׃
Jeremiah 5:10
10 עלו בשׁרותיה ושׁחתו וכלה אל תעשׂו הסירו נטישׁותיה כי לוא ליהוה המה׃
2 Kings 18:17
17 וישׁלח מלך אשׁור את תרתן ואת רב סריס ואת רב שׁקה מן לכישׁ אל המלך חזקיהו בחיל כבד ירושׁלם ויעלו ויבאו ירושׁלם ויעלו ויבאו ויעמדו בתעלת הברכה העליונה אשׁר במסלת שׂדה כובס׃
2 Kings 20:20
20 ויתר דברי חזקיהו וכל גבורתו ואשׁר עשׂה את הברכה ואת התעלה ויבא את המים העירה הלא הם כתובים על ספר דברי הימים למלכי יהודה׃
2 Chronicles 32:30
30 והוא יחזקיהו סתם את מוצא מימי גיחון העליון ויישׁרם למטה מערבה לעיר דויד ויצלח יחזקיהו בכל מעשׂהו׃
Nehemiah 3:15
15 ואת שׁער העין החזיק שׁלון בן כל חזה שׂר פלך המצפה הוא יבננו ויטללנו ויעמידו דלתתיו מנעליו ובריחיו ואת חומת ברכת השׁלח לגן המלך ועד המעלות היורדות מעיר דויד׃
2 Samuel 15:23
23 וכל הארץ בוכים קול גדול וכל העם עברים והמלך עבר בנחל קדרון וכל העם עברים על פני דרך את המדבר׃
Jeremiah 31:38-40
1 Samuel 11:2
2 ויאמר אליהם נחשׁ העמוני בזאת אכרת לכם בנקור לכם כל עין ימין ושׂמתיה חרפה על כל ישׂראל׃
Ezra 5:1-2
Ezra 10:2-4
Psalms 44:13
13 (44:14) תשׂימנו חרפה לשׁכנינו לעג וקלס לסביבותינו׃
Psalms 79:4
4 היינו חרפה לשׁכנינו לעג וקלס לסביבותינו׃
Psalms 79:12
12 והשׁב לשׁכנינו שׁבעתים אל חיקם חרפתם אשׁר חרפוך אדני׃
Psalms 89:50-51
Isaiah 35:3-4
Jeremiah 24:9
9 ונתתים לזועה לרעה לכל ממלכות הארץ לחרפה ולמשׁל לשׁנינה ולקללה בכל המקמות אשׁר אדיחם שׁם׃
Lamentations 2:2
2 בלע אדני לא חמל את כל נאות יעקב הרס בעברתו מבצרי בת יהודה הגיע לארץ חלל ממלכה ושׂריה׃
Lamentations 2:8-9
Lamentations 3:45-46
Lamentations 3:51
51 עיני עוללה לנפשׁי מכל בנות עירי׃
Ezekiel 5:14
14 ואתנך לחרבה ולחרפה בגוים אשׁר סביבותיך לעיני כל עובר׃
Ezekiel 22:4-5
2 Samuel 2:7
7 ועתה תחזקנה ידיכם והיו לבני חיל כי מת אדניכם שׁאול וגם אתי משׁחו בית יהודה למלך עליהם׃
1 Chronicles 11:10
10 ואלה ראשׁי הגבורים אשׁר לדויד המתחזקים עמו במלכותו עם כל ישׂראל להמליכו כדבר יהוה על ישׂראל׃
1 Chronicles 19:13
13 חזק ונתחזקה בעד עמנו ובעד ערי אלהינו ויהוה הטוב בעיניו יעשׂה׃
2 Chronicles 32:5
5 ויתחזק ויבן את כל החומה הפרוצה ויעל על המגדלות ולחוצה החומה אחרת ויחזק את המלוא עיר דויד ויעשׂ שׁלח לרב ומגנים׃
Haggai 1:13-14
Ezra 4:15-16
Nehemiah 2:10
10 וישׁמע סנבלט החרני וטוביה העבד העמני וירע להם רעה גדלה אשׁר בא אדם לבקשׁ טובה לבני ישׂראל׃
Nehemiah 4:1
1 (3:33) ויהי כאשׁר שׁמע סנבלט כי אנחנו בונים את החומה ויחר לו ויכעס הרבה וילעג על היהודים׃
Nehemiah 6:1-2
Nehemiah 6:6
6 כתוב בה בגוים נשׁמע וגשׁמו אמר אתה והיהודים חשׁבים למרוד על כן אתה בונה החומה ואתה הוה להם למלך כדברים האלה׃
Nehemiah 6:9
9 כי כלם מיראים אותנו לאמר ירפו ידיהם מן המלאכה ולא תעשׂה ועתה חזק את ידי׃
Job 30:1
1 ועתה שׂחקו עלי צעירים ממני לימים אשׁר מאסתי אבותם לשׁית עם כלבי צאני׃
Psalms 44:13-14
Psalms 80:6
6 (80:7) תשׂימנו מדון לשׁכנינו ואיבינו ילעגו׃
Jeremiah 20:8
8 כי מדי אדבר אזעק חמס ושׁד אקרא כי היה דבר יהוה לי לחרפה ולקלס כל היום׃
Exodus 28:29
29 ונשׂא אהרן את שׁמות בני ישׂראל בחשׁן המשׁפט על לבו בבאו אל הקדשׁ לזכרן לפני יהוה תמיד׃
Leviticus 2:2
2 והביאה אל בני אהרן הכהנים וקמץ משׁם מלא קמצו מסלתה ומשׁמנה על כל לבנתה והקטיר הכהן את אזכרתה המזבחה אשׁה ריח ניחח ליהוה׃
Leviticus 24:7
7 ונתת על המערכת לבנה זכה והיתה ללחם לאזכרה אשׁה ליהוה׃
Numbers 10:10
10 וביום שׂמחתכם ובמועדיכם ובראשׁי חדשׁכם ותקעתם בחצצרת על עלתיכם ועל זבחי שׁלמיכם והיו לכם לזכרון לפני אלהיכם אני יהוה אלהיכם׃
2 Chronicles 26:5
5 ויהי לדרשׁ אלהים בימי זכריהו המבין בראת האלהים ובימי דרשׁו את יהוה הצליחו האלהים׃
Ezra 4:3
3 ויאמר להם זרבבל וישׁוע ושׁאר ראשׁי האבות לישׂראל לא לכם ולנו לבנות בית לאלהינו כי אנחנו יחד נבנה ליהוה אלהי ישׂראל כאשׁר צונו המלך כורשׁ מלך פרס׃
Esther 4:11
11 כל עבדי המלך ועם מדינות המלך ידעים אשׁר כל אישׁ ואשׁה אשׁר יבוא אל המלך אל החצר הפנימית אשׁר לא יקרא אחת דתו להמית לבד מאשׁר יושׁיט לו המלך את שׁרביט הזהב וחיה ואני לא נקראתי לבוא אל המלך זה שׁלושׁים יום׃
Psalms 20:5
5 (20:6) נרננה בישׁועתך ובשׁם אלהינו נדגל ימלא יהוה כל משׁאלותיך׃
Psalms 35:27
27 ירנו וישׂמחו חפצי צדקי ויאמרו תמיד יגדל יהוה החפץ שׁלום עבדו׃
Psalms 102:13-14
Ecclesiastes 7:18
18 טוב אשׁר תאחז בזה וגם מזה אל תנח את ידך כי ירא אלהים יצא את כלם׃
Isaiah 56:5
5 ונתתי להם בביתי ובחומתי יד ושׁם טוב מבנים ומבנות שׁם עולם אתן לו אשׁר לא יכרת׃
Zechariah 6:14
14 והעטרת תהיה לחלם ולטוביה ולידעיה ולחן בן צפניה לזכרון בהיכל יהוה׃