2 (17:17) דבר אל בני ישׂראל וקח מאתם מטה מטה לבית אב מאת כל נשׂיאהם לבית אבתם שׁנים עשׂר מטות אישׁ את שׁמו תכתב על מטהו׃
Numbers 17:2 Cross References - HOT
Genesis 49:10
10 לא יסור שׁבט מיהודה ומחקק מבין רגליו עד כי יבא שׁילה ולו יקהת עמים׃
Exodus 4:2
2 ויאמר אליו יהוה מזה בידך ויאמר מטה׃
Exodus 4:17
17 ואת המטה הזה תקח בידך אשׁר תעשׂה בו את האתת׃
Numbers 1:5-16
5 ואלה שׁמות האנשׁים אשׁר יעמדו אתכם לראובן אליצור בן שׁדיאור׃6 לשׁמעון שׁלמיאל בן צורישׁדי׃7 ליהודה נחשׁון בן עמינדב׃8 לישׂשכר נתנאל בן צוער׃9 לזבולן אליאב בן חלן׃10 לבני יוסף לאפרים אלישׁמע בן עמיהוד למנשׁה גמליאל בן פדהצור׃11 לבנימן אבידן בן גדעני׃12 לדן אחיעזר בן עמישׁדי׃13 לאשׁר פגעיאל בן עכרן׃14 לגד אליסף בן דעואל׃15 לנפתלי אחירע בן עינן׃16 אלה קריאי העדה נשׂיאי מטות אבותם ראשׁי אלפי ישׂראל הם׃
Numbers 2:3-30
3 והחנים קדמה מזרחה דגל מחנה יהודה לצבאתם ונשׂיא לבני יהודה נחשׁון בן עמינדב׃4 וצבאו ופקדיהם ארבעה ושׁבעים אלף ושׁשׁ מאות׃5 והחנים עליו מטה ישׂשכר ונשׂיא לבני ישׂשכר נתנאל בן צוער׃6 וצבאו ופקדיו ארבעה וחמשׁים אלף וארבע מאות׃7 מטה זבולן ונשׂיא לבני זבולן אליאב בן חלן׃8 וצבאו ופקדיו שׁבעה וחמשׁים אלף וארבע מאות׃9 כל הפקדים למחנה יהודה מאת אלף ושׁמנים אלף ושׁשׁת אלפים וארבע מאות לצבאתם ראשׁנה יסעו׃10 דגל מחנה ראובן תימנה לצבאתם ונשׂיא לבני ראובן אליצור בן שׁדיאור׃11 וצבאו ופקדיו שׁשׁה וארבעים אלף וחמשׁ מאות׃12 והחונם עליו מטה שׁמעון ונשׂיא לבני שׁמעון שׁלמיאל בן צורי שׁדי׃13 וצבאו ופקדיהם תשׁעה וחמשׁים אלף ושׁלשׁ מאות׃14 ומטה גד ונשׂיא לבני גד אליסף בן רעואל׃15 וצבאו ופקדיהם חמשׁה וארבעים אלף ושׁשׁ מאות וחמשׁים׃16 כל הפקדים למחנה ראובן מאת אלף ואחד וחמשׁים אלף וארבע מאות וחמשׁים לצבאתם ושׁנים יסעו׃17 ונסע אהל מועד מחנה הלוים בתוך המחנת כאשׁר יחנו כן יסעו אישׁ על ידו לדגליהם׃18 דגל מחנה אפרים לצבאתם ימה ונשׂיא לבני אפרים אלישׁמע בן עמיהוד׃19 וצבאו ופקדיהם ארבעים אלף וחמשׁ מאות׃20 ועליו מטה מנשׁה ונשׂיא לבני מנשׁה גמליאל בן פדהצור׃21 וצבאו ופקדיהם שׁנים ושׁלשׁים אלף ומאתים׃22 ומטה בנימן ונשׂיא לבני בנימן אבידן בן גדעני׃23 וצבאו ופקדיהם חמשׁה ושׁלשׁים אלף וארבע מאות׃24 כל הפקדים למחנה אפרים מאת אלף ושׁמנת אלפים ומאה לצבאתם ושׁלשׁים יסעו׃25 דגל מחנה דן צפנה לצבאתם ונשׂיא לבני דן אחיעזר בן עמישׁדי׃26 וצבאו ופקדיהם שׁנים ושׁשׁים אלף ושׁבע מאות׃27 והחנים עליו מטה אשׁר ונשׂיא לבני אשׁר פגעיאל בן עכרן׃28 וצבאו ופקדיהם אחד וארבעים אלף וחמשׁ מאות׃29 ומטה נפתלי ונשׂיא לבני נפתלי אחירע בן עינן׃30 וצבאו ופקדיהם שׁלשׁה וחמשׁים אלף וארבע מאות׃
Numbers 10:14-27
14 ויסע דגל מחנה בני יהודה בראשׁנה לצבאתם ועל צבאו נחשׁון בן עמינדב׃15 ועל צבא מטה בני ישׂשכר נתנאל בן צוער׃16 ועל צבא מטה בני זבולן אליאב בן חלן׃17 והורד המשׁכן ונסעו בני גרשׁון ובני מררי נשׂאי המשׁכן׃18 ונסע דגל מחנה ראובן לצבאתם ועל צבאו אליצור בן שׁדיאור׃19 ועל צבא מטה בני שׁמעון שׁלמיאל בן צורי שׁדי׃20 ועל צבא מטה בני גד אליסף בן דעואל׃21 ונסעו הקהתים נשׂאי המקדשׁ והקימו את המשׁכן עד באם׃22 ונסע דגל מחנה בני אפרים לצבאתם ועל צבאו אלישׁמע בן עמיהוד׃23 ועל צבא מטה בני מנשׁה גמליאל בן פדהצור׃24 ועל צבא מטה בני בנימן אבידן בן גדעוני׃25 ונסע דגל מחנה בני דן מאסף לכל המחנת לצבאתם ועל צבאו אחיעזר בן עמישׁדי׃26 ועל צבא מטה בני אשׁר פגעיאל בן עכרן׃27 ועל צבא מטה בני נפתלי אחירע בן עינן׃
Psalms 110:2
2 מטה עזך ישׁלח יהוה מציון רדה בקרב איביך׃
Psalms 125:3
3 כי לא ינוח שׁבט הרשׁע על גורל הצדיקים למען לא ישׁלחו הצדיקים בעולתה ידיהם׃
Ezekiel 19:14
14 ותצא אשׁ ממטה בדיה פריה אכלה ולא היה בה מטה עז שׁבט למשׁול קינה היא ותהי לקינה׃
Ezekiel 21:10
10 (21:15) למען טבח טבח הוחדה למען היה לה ברק מרטה או נשׂישׂ שׁבט בני מאסת כל עץ׃
Ezekiel 21:13
13 (21:18) כי בחן ומה אם גם שׁבט מאסת לא יהיה נאם אדני יהוה׃
Ezekiel 37:16-20
16 ואתה בן אדם קח לך עץ אחד וכתב עליו ליהודה ולבני ישׂראל חברו ולקח עץ אחד וכתוב עליו ליוסף עץ אפרים וכל בית ישׂראל חברו׃17 וקרב אתם אחד אל אחד לך לעץ אחד והיו לאחדים בידך׃18 וכאשׁר יאמרו אליך בני עמך לאמר הלוא תגיד לנו מה אלה׃19 דבר אלהם כה אמר אדני יהוה הנה אני לקח את עץ יוסף אשׁר ביד אפרים ושׁבטי ישׂראל חברו ונתתי אותם עליו את עץ יהודה ועשׂיתם לעץ אחד והיו אחד בידי׃20 והיו העצים אשׁר תכתב עליהם בידך לעיניהם׃
Micah 7:14
14 רעה עמך בשׁבטך צאן נחלתך שׁכני לבדד יער בתוך כרמל ירעו בשׁן וגלעד כימי עולם׃