Numbers 18:9 Cross References - HOT

9 זה יהיה לך מקדשׁ הקדשׁים מן האשׁ כל קרבנם לכל מנחתם ולכל חטאתם ולכל אשׁמם אשׁר ישׁיבו לי קדשׁ קדשׁים לך הוא ולבניך׃

Leviticus 2:1-3

1 ונפשׁ כי תקריב קרבן מנחה ליהוה סלת יהיה קרבנו ויצק עליה שׁמן ונתן עליה לבנה׃2 והביאה אל בני אהרן הכהנים וקמץ משׁם מלא קמצו מסלתה ומשׁמנה על כל לבנתה והקטיר הכהן את אזכרתה המזבחה אשׁה ריח ניחח ליהוה׃3 והנותרת מן המנחה לאהרן ולבניו קדשׁ קדשׁים מאשׁי יהוה׃

Leviticus 4:22

22 אשׁר נשׂיא יחטא ועשׂה אחת מכל מצות יהוה אלהיו אשׁר לא תעשׂינה בשׁגגה ואשׁם׃

Leviticus 4:27

27 ואם נפשׁ אחת תחטא בשׁגגה מעם הארץ בעשׂתה אחת ממצות יהוה אשׁר לא תעשׂינה ואשׁם׃

Leviticus 5:1

1 ונפשׁ כי תחטא ושׁמעה קול אלה והוא עד או ראה או ידע אם לוא יגיד ונשׂא עונו׃

Leviticus 5:6

6 והביא את אשׁמו ליהוה על חטאתו אשׁר חטא נקבה מן הצאן כשׂבה או שׂעירת עזים לחטאת וכפר עליו הכהן מחטאתו׃

Leviticus 6:25-26

25 (6:18) דבר אל אהרן ואל בניו לאמר זאת תורת החטאת במקום אשׁר תשׁחט העלה תשׁחט החטאת לפני יהוה קדשׁ קדשׁים הוא׃26 (6:19) הכהן המחטא אתה יאכלנה במקום קדשׁ תאכל בחצר אהל מועד׃

Leviticus 7:1

1 וזאת תורת האשׁם קדשׁ קדשׁים הוא׃

Leviticus 7:7

7 כחטאת כאשׁם תורה אחת להם הכהן אשׁר יכפר בו לו יהיה׃

Leviticus 10:12-13

12 וידבר משׁה אל אהרן ואל אלעזר ואל איתמר בניו הנותרים קחו את המנחה הנותרת מאשׁי יהוה ואכלוה מצות אצל המזבח כי קדשׁ קדשׁים הוא׃13 ואכלתם אתה במקום קדושׁ כי חקך וחק בניך הוא מאשׁי יהוה כי כן צויתי׃

Leviticus 10:17

17 מדוע לא אכלתם את החטאת במקום הקדשׁ כי קדשׁ קדשׁים הוא ואתה נתן לכם לשׂאת את עון העדה לכפר עליהם לפני יהוה׃

Leviticus 14:13

13 ושׁחט את הכבשׂ במקום אשׁר ישׁחט את החטאת ואת העלה במקום הקדשׁ כי כחטאת האשׁם הוא לכהן קדשׁ קדשׁים הוא׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.