9 ומנחתם סלת בלולה בשׁמן שׁלשׁה עשׂרנים לפר שׁני עשׂרנים לאיל האחד׃
Numbers 29:9 Cross References - HOT
Numbers 15:3-12
3 ועשׂיתם אשׁה ליהוה עלה או זבח לפלא נדר או בנדבה או במעדיכם לעשׂות ריח ניחח ליהוה מן הבקר או מן הצאן׃4 והקריב המקריב קרבנו ליהוה מנחה סלת עשׂרון בלול ברבעית ההין שׁמן׃5 ויין לנסך רביעית ההין תעשׂה על העלה או לזבח לכבשׂ האחד׃6 או לאיל תעשׂה מנחה סלת שׁני עשׂרנים בלולה בשׁמן שׁלשׁית ההין׃7 ויין לנסך שׁלשׁית ההין תקריב ריח ניחח ליהוה׃8 וכי תעשׂה בן בקר עלה או זבח לפלא נדר או שׁלמים ליהוה׃9 והקריב על בן הבקר מנחה סלת שׁלשׁה עשׂרנים בלול בשׁמן חצי ההין׃10 ויין תקריב לנסך חצי ההין אשׁה ריח ניחח ליהוה׃11 ככה יעשׂה לשׁור האחד או לאיל האחד או לשׂה בכבשׂים או בעזים׃12 כמספר אשׁר תעשׂו ככה תעשׂו לאחד כמספרם׃