Numbers 32:3 Cross References - HOT

3 עטרות ודיבן ויעזר ונמרה וחשׁבון ואלעלה ושׂבם ונבו ובען׃

Numbers 21:25-26

25 ויקח ישׂראל את כל הערים האלה וישׁב ישׂראל בכל ערי האמרי בחשׁבון ובכל בנתיה׃26 כי חשׁבון עיר סיחן מלך האמרי הוא והוא נלחם במלך מואב הראשׁון ויקח את כל ארצו מידו עד ארנן׃

Numbers 21:28

28 כי אשׁ יצאה מחשׁבון להבה מקרית סיחן אכלה ער מואב בעלי במות ארנן׃

Numbers 32:1

1 ומקנה רב היה לבני ראובן ולבני גד עצום מאד ויראו את ארץ יעזר ואת ארץ גלעד והנה המקום מקום מקנה׃

Numbers 32:34-38

34 ויבנו בני גד את דיבן ואת עטרת ואת ערער׃35 ואת עטרת שׁופן ואת יעזר ויגבהה׃36 ואת בית נמרה ואת בית הרן ערי מבצר וגדרת צאן׃37 ובני ראובן בנו את חשׁבון ואת אלעלא ואת קריתים׃38 ואת נבו ואת בעל מעון מוסבת שׁם ואת שׂבמה ויקראו בשׁמת את שׁמות הערים אשׁר בנו׃

Joshua 13:17

17 חשׁבון וכל עריה אשׁר במישׁר דיבון ובמות בעל ובית בעל מעון׃

Joshua 13:19

19 וקריתים ושׂבמה וצרת השׁחר בהר העמק׃

Judges 11:26

26 בשׁבת ישׂראל בחשׁבון ובבנותיה ובערעור ובבנותיה ובכל הערים אשׁר על ידי ארנון שׁלשׁ מאות שׁנה ומדוע לא הצלתם בעת ההיא׃

Nehemiah 9:22

22 ותתן להם ממלכות ועממים ותחלקם לפאה ויירשׁו את ארץ סיחון ואת ארץ מלך חשׁבון ואת ארץ עוג מלך הבשׁן׃

Isaiah 15:2-4

2 עלה הבית ודיבן הבמות לבכי על נבו ועל מידבא מואב ייליל בכל ראשׁיו קרחה כל זקן גרועה׃3 בחוצתיו חגרו שׂק על גגותיה וברחבתיה כלה ייליל ירד בבכי׃4 ותזעק חשׁבון ואלעלה עד יהץ נשׁמע קולם על כן חלצי מואב יריעו נפשׁו ירעה׃

Isaiah 15:6

6 כי מי נמרים משׁמות יהיו כי יבשׁ חציר כלה דשׁא ירק לא היה׃

Isaiah 16:8-9

8 כי שׁדמות חשׁבון אמלל גפן שׂבמה בעלי גוים הלמו שׂרוקיה עד יעזר נגעו תעו מדבר שׁלחותיה נטשׁו עברו ים׃9 על כן אבכה בבכי יעזר גפן שׂבמה אריוך דמעתי חשׁבון ואלעלה כי על קיצך ועל קצירך הידד נפל׃

Jeremiah 48:2

2 אין עוד תהלת מואב בחשׁבון חשׁבו עליה רעה לכו ונכריתנה מגוי גם מדמן תדמי אחריך תלך חרב׃

Jeremiah 48:22-23

22 ועל דיבון ועל נבו ועל בית דבלתים׃23 ועל קריתים ועל בית גמול ועל בית מעון׃

Jeremiah 48:32

32 מבכי יעזר אבכה לך הגפן שׂבמה נטישׁתיך עברו ים עד ים יעזר נגעו על קיצך ועל בצירך שׁדד נפל׃

Jeremiah 48:34

34 מזעקת חשׁבון עד אלעלה עד יהץ נתנו קולם מצער עד חרנים עגלת שׁלשׁיה כי גם מי נמרים למשׁמות יהיו׃

Jeremiah 48:45

45 בצל חשׁבון עמדו מכח נסים כי אשׁ יצא מחשׁבון ולהבה מבין סיחון ותאכל פאת מואב וקדקד בני שׁאון׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.