1 ויקרבו ראשׁי האבות למשׁפחת בני גלעד בן מכיר בן מנשׁה ממשׁפחת בני יוסף וידברו לפני משׁה ולפני הנשׂאים ראשׁי אבות לבני ישׂראל׃2 ויאמרו את אדני צוה יהוה לתת את הארץ בנחלה בגורל לבני ישׂראל ואדני צוה ביהוה לתת את נחלת צלפחד אחינו לבנתיו׃3 והיו לאחד מבני שׁבטי בני ישׂראל לנשׁים ונגרעה נחלתן מנחלת אבתינו ונוסף על נחלת המטה אשׁר תהיינה להם ומגרל נחלתנו יגרע׃4 ואם יהיה היבל לבני ישׂראל ונוספה נחלתן על נחלת המטה אשׁר תהיינה להם ומנחלת מטה אבתינו יגרע נחלתן׃5 ויצו משׁה את בני ישׂראל על פי יהוה לאמר כן מטה בני יוסף דברים׃6 זה הדבר אשׁר צוה יהוה לבנות צלפחד לאמר לטוב בעיניהם תהיינה לנשׁים אך למשׁפחת מטה אביהם תהיינה לנשׁים׃7 ולא תסב נחלה לבני ישׂראל ממטה אל מטה כי אישׁ בנחלת מטה אבתיו ידבקו בני ישׂראל׃8 וכל בת ירשׁת נחלה ממטות בני ישׂראל לאחד ממשׁפחת מטה אביה תהיה לאשׁה למען יירשׁו בני ישׂראל אישׁ נחלת אבתיו׃9 ולא תסב נחלה ממטה למטה אחר כי אישׁ בנחלתו ידבקו מטות בני ישׂראל׃10 כאשׁר צוה יהוה את משׁה כן עשׂו בנות צלפחד׃11 ותהיינה מחלה תרצה וחגלה ומלכה ונעה בנות צלפחד לבני דדיהן לנשׁים׃12 ממשׁפחת בני מנשׁה בן יוסף היו לנשׁים ותהי נחלתן על מטה משׁפחת אביהן׃13 אלה המצות והמשׁפטים אשׁר צוה יהוה ביד משׁה אל בני ישׂראל בערבת מואב על ירדן ירחו׃
Numbers 36 Cross References - HOT
Numbers 26:29-33
Numbers 27:1
1 ותקרבנה בנות צלפחד בן חפר בן גלעד בן מכיר בן מנשׁה למשׁפחת מנשׁה בן יוסף ואלה שׁמות בנתיו מחלה נעה וחגלה ומלכה ותרצה׃
Joshua 17:2-3
1 Chronicles 7:14-16
Numbers 26:55-56
Numbers 27:1-7
1 ותקרבנה בנות צלפחד בן חפר בן גלעד בן מכיר בן מנשׁה למשׁפחת מנשׁה בן יוסף ואלה שׁמות בנתיו מחלה נעה וחגלה ומלכה ותרצה׃2 ותעמדנה לפני משׁה ולפני אלעזר הכהן ולפני הנשׂיאם וכל העדה פתח אהל מועד לאמר׃3 אבינו מת במדבר והוא לא היה בתוך העדה הנועדים על יהוה בעדת קרח כי בחטאו מת ובנים לא היו׃4 למה יגרע שׁם אבינו מתוך משׁפחתו כי אין לו בן תנה לנו אחזה בתוך אחי אבינו׃5 ויקרב משׁה את משׁפטן לפני יהוה׃6 ויאמר יהוה אל משׁה לאמר׃7 כן בנות צלפחד דברת נתן תתן להם אחזת נחלה בתוך אחי אביהם והעברת את נחלת אביהן׃
Numbers 33:54
54 והתנחלתם את הארץ בגורל למשׁפחתיכם לרב תרבו את נחלתו ולמעט תמעיט את נחלתו אל אשׁר יצא לו שׁמה הגורל לו יהיה למטות אבתיכם תתנחלו׃
Joshua 13:6
6 כל ישׁבי ההר מן הלבנון עד משׂרפת מים כל צידנים אנכי אורישׁם מפני בני ישׂראל רק הפלה לישׂראל בנחלה כאשׁר צויתיך׃
Joshua 14:1-2
Joshua 17:3-6
3 ולצלפחד בן חפר בן גלעד בן מכיר בן מנשׁה לא היו לו בנים כי אם בנות ואלה שׁמות בנתיו מחלה ונעה חגלה מלכה ותרצה׃4 ותקרבנה לפני אלעזר הכהן ולפני יהושׁע בן נון ולפני הנשׂיאים לאמר יהוה צוה את משׁה לתת לנו נחלה בתוך אחינו ויתן להם אל פי יהוה נחלה בתוך אחי אביהן׃5 ויפלו חבלי מנשׁה עשׂרה לבד מארץ הגלעד והבשׁן אשׁר מעבר לירדן׃6 כי בנות מנשׁה נחלו נחלה בתוך בניו וארץ הגלעד היתה לבני מנשׁה הנותרים׃
Job 42:15
15 ולא נמצא נשׁים יפות כבנות איוב בכל הארץ ויתן להם אביהם נחלה בתוך אחיהם׃
Leviticus 25:10-18
10 וקדשׁתם את שׁנת החמשׁים שׁנה וקראתם דרור בארץ לכל ישׁביה יובל הוא תהיה לכם ושׁבתם אישׁ אל אחזתו ואישׁ אל משׁפחתו תשׁבו׃11 יובל הוא שׁנת החמשׁים שׁנה תהיה לכם לא תזרעו ולא תקצרו את ספיחיה ולא תבצרו את נזריה׃12 כי יובל הוא קדשׁ תהיה לכם מן השׂדה תאכלו את תבואתה׃13 בשׁנת היובל הזאת תשׁבו אישׁ אל אחזתו׃14 וכי תמכרו ממכר לעמיתך או קנה מיד עמיתך אל תונו אישׁ את אחיו׃15 במספר שׁנים אחר היובל תקנה מאת עמיתך במספר שׁני תבואת ימכר׃16 לפי רב השׁנים תרבה מקנתו ולפי מעט השׁנים תמעיט מקנתו כי מספר תבואת הוא מכר׃17 ולא תונו אישׁ את עמיתו ויראת מאלהיך כי אני יהוה אלהיכם׃18 ועשׂיתם את חקתי ואת משׁפטי תשׁמרו ועשׂיתם אתם וישׁבתם על הארץ לבטח׃
Leviticus 25:23
23 והארץ לא תמכר לצמתת כי לי הארץ כי גרים ותושׁבים אתם עמדי׃
Isaiah 61:2
2 לקרא שׁנת רצון ליהוה ויום נקם לאלהינו לנחם כל אבלים׃
Numbers 27:7
7 כן בנות צלפחד דברת נתן תתן להם אחזת נחלה בתוך אחי אביהם והעברת את נחלת אביהן׃
Deuteronomy 5:28
28 וישׁמע יהוה את קול דבריכם בדברכם אלי ויאמר יהוה אלי שׁמעתי את קול דברי העם הזה אשׁר דברו אליך היטיבו כל אשׁר דברו׃
Genesis 24:3
3 ואשׁביעך ביהוה אלהי השׁמים ואלהי הארץ אשׁר לא תקח אשׁה לבני מבנות הכנעני אשׁר אנכי יושׁב בקרבו׃
Genesis 24:57-58
Numbers 36:12
12 ממשׁפחת בני מנשׁה בן יוסף היו לנשׁים ותהי נחלתן על מטה משׁפחת אביהן׃
Numbers 36:9
9 ולא תסב נחלה ממטה למטה אחר כי אישׁ בנחלתו ידבקו מטות בני ישׂראל׃
1 Kings 21:3
3 ויאמר נבות אל אחאב חלילה לי מיהוה מתתי את נחלת אבתי׃
1 Chronicles 23:22
22 וימת אלעזר ולא היו לו בנים כי אם בנות וישׂאום בני קישׁ אחיהם׃
Exodus 39:42-43
Leviticus 24:23
23 וידבר משׁה אל בני ישׂראל ויוציאו את המקלל אל מחוץ למחנה וירגמו אתו אבן ובני ישׂראל עשׂו כאשׁר צוה יהוה את משׁה׃
2 Chronicles 30:12
12 גם ביהודה היתה יד האלהים לתת להם לב אחד לעשׂות מצות המלך והשׂרים בדבר יהוה׃
Numbers 26:33
33 וצלפחד בן חפר לא היו לו בנים כי אם בנות ושׁם בנות צלפחד מחלה ונעה חגלה מלכה ותרצה׃
Leviticus 7:37-38
Leviticus 11:46
46 זאת תורת הבהמה והעוף וכל נפשׁ החיה הרמשׂת במים ולכל נפשׁ השׁרצת על הארץ׃
Leviticus 13:59
59 זאת תורת נגע צרעת בגד הצמר או הפשׁתים או השׁתי או הערב או כל כלי עור לטהרו או לטמאו׃
Leviticus 14:54-57
Leviticus 15:32-33
Leviticus 26:46
46 אלה החקים והמשׁפטים והתורת אשׁר נתן יהוה בינו ובין בני ישׂראל בהר סיני ביד משׁה׃
Leviticus 27:34
34 אלה המצות אשׁר צוה יהוה את משׁה אל בני ישׂראל בהר סיני׃
Numbers 22:1
1 ויסעו בני ישׂראל ויחנו בערבות מואב מעבר לירדן ירחו׃
Numbers 26:3
3 וידבר משׁה ואלעזר הכהן אתם בערבת מואב על ירדן ירחו לאמר׃
Numbers 33:50
50 וידבר יהוה אל משׁה בערבת מואב על ירדן ירחו לאמר׃
Numbers 35:1
1 וידבר יהוה אל משׁה בערבת מואב על ירדן ירחו לאמר׃