Numbers 6:23 Cross References - HOT

23 דבר אל אהרן ואל בניו לאמר כה תברכו את בני ישׂראל אמור׃

Genesis 14:19-20

19 ויברכהו ויאמר ברוך אברם לאל עליון קנה שׁמים וארץ׃20 וברוך אל עליון אשׁר מגן צריך בידך ויתן לו מעשׂר מכל׃

Genesis 24:60

60 ויברכו את רבקה ויאמרו לה אחתנו את היי לאלפי רבבה ויירשׁ זרעך את שׁער שׂנאיו׃

Genesis 27:27-29

27 ויגשׁ וישׁק לו וירח את ריח בגדיו ויברכהו ויאמר ראה ריח בני כריח שׂדה אשׁר ברכו יהוה׃28 ויתן לך האלהים מטל השׁמים ומשׁמני הארץ ורב דגן ותירשׁ׃29 יעבדוך עמים וישׁתחו לך לאמים הוה גביר לאחיך וישׁתחוו לך בני אמך ארריך ארור ומברכיך ברוך׃

Genesis 28:3-4

3 ואל שׁדי יברך אתך ויפרך וירבך והיית לקהל עמים׃4 ויתן לך את ברכת אברהם לך ולזרעך אתך לרשׁתך את ארץ מגריך אשׁר נתן אלהים לאברהם׃

Genesis 47:7

7 ויבא יוסף את יעקב אביו ויעמדהו לפני פרעה ויברך יעקב את פרעה׃

Genesis 47:10

10 ויברך יעקב את פרעה ויצא מלפני פרעה׃

Genesis 48:20

20 ויברכם ביום ההוא לאמור בך יברך ישׂראל לאמר ישׂמך אלהים כאפרים וכמנשׁה וישׂם את אפרים לפני מנשׁה׃

Leviticus 9:22-23

22 וישׂא אהרן את ידו אל העם ויברכם וירד מעשׂת החטאת והעלה והשׁלמים׃23 ויבא משׁה ואהרן אל אהל מועד ויצאו ויברכו את העם וירא כבוד יהוה אל כל העם׃

Deuteronomy 10:8

8 בעת ההוא הבדיל יהוה את שׁבט הלוי לשׂאת את ארון ברית יהוה לעמד לפני יהוה לשׁרתו ולברך בשׁמו עד היום הזה׃

Deuteronomy 21:5

5 ונגשׁו הכהנים בני לוי כי בם בחר יהוה אלהיך לשׁרתו ולברך בשׁם יהוה ועל פיהם יהיה כל ריב וכל נגע׃

Deuteronomy 33:1

1 וזאת הברכה אשׁר ברך משׁה אישׁ האלהים את בני ישׂראל לפני מותו׃

Joshua 8:33

33 וכל ישׂראל וזקניו ושׁטרים ושׁפטיו עמדים מזה ומזה לארון נגד הכהנים הלוים נשׂאי ארון ברית יהוה כגר כאזרח חציו אל מול הר גרזים והחציו אל מול הר עיבל כאשׁר צוה משׁה עבד יהוה לברך את העם ישׂראל בראשׁנה׃

1 Chronicles 23:13

13 בני עמרם אהרן ומשׁה ויבדל אהרן להקדישׁו קדשׁ קדשׁים הוא ובניו עד עולם להקטיר לפני יהוה לשׁרתו ולברך בשׁמו עד עולם׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.