15 דרך אויל ישׁר בעיניו ושׁמע לעצה חכם׃
Proverbs 12:15 Cross References - HOT
Proverbs 1:5
5 ישׁמע חכם ויוסף לקח ונבון תחבלות יקנה׃
Proverbs 3:7
7 אל תהי חכם בעיניך ירא את יהוה וסור מרע׃
Proverbs 9:9
9 תן לחכם ויחכם עוד הודע לצדיק ויוסף לקח׃
Proverbs 14:12
12 ישׁ דרך ישׁר לפני אישׁ ואחריתה דרכי מות׃
Proverbs 14:16
16 חכם ירא וסר מרע וכסיל מתעבר ובוטח׃
Proverbs 16:2
2 כל דרכי אישׁ זך בעיניו ותכן רוחות יהוה׃
Proverbs 16:25
25 ישׁ דרך ישׁר לפני אישׁ ואחריתה דרכי מות׃
Proverbs 19:20
20 שׁמע עצה וקבל מוסר למען תחכם באחריתך׃
Proverbs 21:2
2 כל דרך אישׁ ישׁר בעיניו ותכן לבות יהוה׃
Proverbs 26:12
12 ראית אישׁ חכם בעיניו תקוה לכסיל ממנו׃
Proverbs 26:16
16 חכם עצל בעיניו משׁבעה משׁיבי טעם׃
Proverbs 28:11
11 חכם בעיניו אישׁ עשׁיר ודל מבין יחקרנו׃
Proverbs 30:12
12 דור טהור בעיניו ומצאתו לא רחץ׃
Ecclesiastes 4:13
13 טוב ילד מסכן וחכם ממלך זקן וכסיל אשׁר לא ידע להזהר עוד׃
Jeremiah 38:15-28
15 ויאמר ירמיהו אל צדקיהו כי אגיד לך הלוא המת תמיתני וכי איעצך לא תשׁמע אלי׃16 וישׁבע המלך צדקיהו אל ירמיהו בסתר לאמר חי יהוה את אשׁר עשׂה לנו את הנפשׁ הזאת אם אמיתך ואם אתנך ביד האנשׁים האלה אשׁר מבקשׁים את נפשׁך׃17 ויאמר ירמיהו אל צדקיהו כה אמר יהוה אלהי צבאות אלהי ישׂראל אם יצא תצא אל שׂרי מלך בבל וחיתה נפשׁך והעיר הזאת לא תשׂרף באשׁ וחיתה אתה וביתך׃18 ואם לא תצא אל שׂרי מלך בבל ונתנה העיר הזאת ביד הכשׂדים ושׂרפוה באשׁ ואתה לא תמלט מידם׃19 ויאמר המלך צדקיהו אל ירמיהו אני דאג את היהודים אשׁר נפלו אל הכשׂדים פן יתנו אתי בידם והתעללו׃20 ויאמר ירמיהו לא יתנו שׁמע נא בקול יהוה לאשׁר אני דבר אליך וייטב לך ותחי נפשׁך׃21 ואם מאן אתה לצאת זה הדבר אשׁר הראני יהוה׃22 והנה כל הנשׁים אשׁר נשׁארו בבית מלך יהודה מוצאות אל שׂרי מלך בבל והנה אמרות הסיתוך ויכלו לך אנשׁי שׁלמך הטבעו בבץ רגלך נסגו אחור׃23 ואת כל נשׁיך ואת בניך מוצאים אל הכשׂדים ואתה לא תמלט מידם כי ביד מלך בבל תתפשׂ ואת העיר הזאת תשׂרף באשׁ׃24 ויאמר צדקיהו אל ירמיהו אישׁ אל ידע בדברים האלה ולא תמות׃25 וכי ישׁמעו השׂרים כי דברתי אתך ובאו אליך ואמרו אליך הגידה נא לנו מה דברת אל המלך אל תכחד ממנו ולא נמיתך ומה דבר אליך המלך׃26 ואמרת אליהם מפיל אני תחנתי לפני המלך לבלתי השׁיבני בית יהונתן למות שׁם׃27 ויבאו כל השׂרים אל ירמיהו וישׁאלו אתו ויגד להם ככל הדברים האלה אשׁר צוה המלך ויחרשׁו ממנו כי לא נשׁמע הדבר׃28 וישׁב ירמיהו בחצר המטרה עד יום אשׁר נלכדה ירושׁלם והיה כאשׁר נלכדה ירושׁלם׃