1 לאדם מערכי לב ומיהוה מענה לשׁון׃2 כל דרכי אישׁ זך בעיניו ותכן רוחות יהוה׃3 גל אל יהוה מעשׂיך ויכנו מחשׁבתיך׃4 כל פעל יהוה למענהו וגם רשׁע ליום רעה׃5 תועבת יהוה כל גבה לב יד ליד לא ינקה׃6 בחסד ואמת יכפר עון וביראת יהוה סור מרע׃7 ברצות יהוה דרכי אישׁ גם אויביו ישׁלם אתו׃8 טוב מעט בצדקה מרב תבואות בלא משׁפט׃9 לב אדם יחשׁב דרכו ויהוה יכין צעדו׃10 קסם על שׂפתי מלך במשׁפט לא ימעל פיו׃11 פלס ומאזני משׁפט ליהוה מעשׂהו כל אבני כיס׃12 תועבת מלכים עשׂות רשׁע כי בצדקה יכון כסא׃13 רצון מלכים שׂפתי צדק ודבר ישׁרים יאהב׃14 חמת מלך מלאכי מות ואישׁ חכם יכפרנה׃15 באור פני מלך חיים ורצונו כעב מלקושׁ׃16 קנה חכמה מה טוב מחרוץ וקנות בינה נבחר מכסף׃17 מסלת ישׁרים סור מרע שׁמר נפשׁו נצר דרכו׃18 לפני שׁבר גאון ולפני כשׁלון גבה רוח׃19 טוב שׁפל רוח את עניים מחלק שׁלל את גאים׃20 משׂכיל על דבר ימצא טוב ובוטח ביהוה אשׁריו׃21 לחכם לב יקרא נבון ומתק שׂפתים יסיף לקח׃22 מקור חיים שׂכל בעליו ומוסר אולים אולת׃23 לב חכם ישׂכיל פיהו ועל שׂפתיו יסיף לקח׃24 צוף דבשׁ אמרי נעם מתוק לנפשׁ ומרפא לעצם׃25 ישׁ דרך ישׁר לפני אישׁ ואחריתה דרכי מות׃26 נפשׁ עמל עמלה לו כי אכף עליו פיהו׃27 אישׁ בליעל כרה רעה ועל שׂפתיו כאשׁ צרבת׃28 אישׁ תהפכות ישׁלח מדון ונרגן מפריד אלוף׃29 אישׁ חמס יפתה רעהו והוליכו בדרך לא טוב׃30 עצה עיניו לחשׁב תהפכות קרץ שׂפתיו כלה רעה׃31 עטרת תפארת שׂיבה בדרך צדקה תמצא׃32 טוב ארך אפים מגבור ומשׁל ברוחו מלכד עיר׃33 בחיק יוטל את הגורל ומיהוה כל משׁפטו׃
Proverbs 16 Cross References - HOT
Genesis 3:1-13
1 והנחשׁ היה ערום מכל חית השׂדה אשׁר עשׂה יהוה אלהים ויאמר אל האשׁה אף כי אמר אלהים לא תאכלו מכל עץ הגן׃2 ותאמר האשׁה אל הנחשׁ מפרי עץ הגן נאכל׃3 ומפרי העץ אשׁר בתוך הגן אמר אלהים לא תאכלו ממנו ולא תגעו בו פן תמתון׃4 ויאמר הנחשׁ אל האשׁה לא מות תמתון׃5 כי ידע אלהים כי ביום אכלכם ממנו ונפקחו עיניכם והייתם כאלהים ידעי טוב ורע׃6 ותרא האשׁה כי טוב העץ למאכל וכי תאוה הוא לעינים ונחמד העץ להשׂכיל ותקח מפריו ותאכל ותתן גם לאישׁה עמה ויאכל׃7 ותפקחנה עיני שׁניהם וידעו כי עירמם הם ויתפרו עלה תאנה ויעשׂו להם חגרת׃8 וישׁמעו את קול יהוה אלהים מתהלך בגן לרוח היום ויתחבא האדם ואשׁתו מפני יהוה אלהים בתוך עץ הגן׃9 ויקרא יהוה אלהים אל האדם ויאמר לו איכה׃10 ויאמר את קלך שׁמעתי בגן ואירא כי עירם אנכי ואחבא׃11 ויאמר מי הגיד לך כי עירם אתה המן העץ אשׁר צויתיך לבלתי אכל ממנו אכלת׃12 ויאמר האדם האשׁה אשׁר נתתה עמדי הוא נתנה לי מן העץ ואכל׃13 ויאמר יהוה אלהים לאשׁה מה זאת עשׂית ותאמר האשׁה הנחשׁ השׁיאני ואכל׃
Genesis 20:11
11 ויאמר אברהם כי אמרתי רק אין יראת אלהים במקום הזה והרגוני על דבר אשׁתי׃
Genesis 27:41
41 וישׂטם עשׂו את יעקב על הברכה אשׁר ברכו אביו ויאמר עשׂו בלבו יקרבו ימי אבל אבי ואהרגה את יעקב אחי׃
Genesis 32:6-7
Genesis 32:28
28 (32:29) ויאמר לא יעקב יאמר עוד שׁמך כי אם ישׂראל כי שׂרית עם אלהים ועם אנשׁים ותוכל׃
Genesis 33:4
4 וירץ עשׂו לקראתו ויחבקהו ויפל על צוארו וישׁקהו ויבכו׃
Genesis 41:38-40
Genesis 44:5
5 הלוא זה אשׁר ישׁתה אדני בו והוא נחשׁ ינחשׁ בו הרעתם אשׁר עשׂיתם׃
Genesis 44:15
15 ויאמר להם יוסף מה המעשׂה הזה אשׁר עשׂיתם הלוא ידעתם כי נחשׁ ינחשׁ אישׁ אשׁר כמני׃
Genesis 47:7-10
Exodus 4:11-12
Exodus 4:15
15 ודברת אליו ושׂמת את הדברים בפיו ואנכי אהיה עם פיך ועם פיהו והוריתי אתכם את אשׁר תעשׂון׃
Exodus 15:9
9 אמר אויב ארדף אשׂיג אחלק שׁלל תמלאמו נפשׁי אריק חרבי תורישׁמו ידי׃
Exodus 20:7
7 לא תשׂא את שׁם יהוה אלהיך לשׁוא כי לא ינקה יהוה את אשׁר ישׂא את שׁמו לשׁוא׃
Leviticus 19:32
32 מפני שׂיבה תקום והדרת פני זקן ויראת מאלהיך אני יהוה׃
Leviticus 19:35-36
Numbers 26:55-65
55 אך בגורל יחלק את הארץ לשׁמות מטות אבתם ינחלו׃56 על פי הגורל תחלק נחלתו בין רב למעט׃57 ואלה פקודי הלוי למשׁפחתם לגרשׁון משׁפחת הגרשׁני לקהת משׁפחת הקהתי למררי משׁפחת המררי׃58 אלה משׁפחת לוי משׁפחת הלבני משׁפחת החברני משׁפחת המחלי משׁפחת המושׁי משׁפחת הקרחי וקהת הולד את עמרם׃59 ושׁם אשׁת עמרם יוכבד בת לוי אשׁר ילדה אתה ללוי במצרים ותלד לעמרם את אהרן ואת משׁה ואת מרים אחתם׃60 ויולד לאהרן את נדב ואת אביהוא את אלעזר ואת איתמר׃61 וימת נדב ואביהוא בהקריבם אשׁ זרה לפני יהוה׃62 ויהיו פקדיהם שׁלשׁה ועשׂרים אלף כל זכר מבן חדשׁ ומעלה כי לא התפקדו בתוך בני ישׂראל כי לא נתן להם נחלה בתוך בני ישׂראל׃63 אלה פקודי משׁה ואלעזר הכהן אשׁר פקדו את בני ישׂראל בערבת מואב על ירדן ירחו׃64 ובאלה לא היה אישׁ מפקודי משׁה ואהרן הכהן אשׁר פקדו את בני ישׂראל במדבר סיני׃65 כי אמר יהוה להם מות ימתו במדבר ולא נותר מהם אישׁ כי אם כלב בן יפנה ויהושׁע בן נון׃
Deuteronomy 17:18-20
Deuteronomy 25:13-15
Deuteronomy 32:2
2 יערף כמטר לקחי תזל כטל אמרתי כשׂעירם עלי דשׁא וכרביבים עלי עשׂב׃
Joshua 7:14
14 ונקרבתם בבקר לשׁבטיכם והיה השׁבט אשׁר ילכדנו יהוה יקרב למשׁפחות והמשׁפחה אשׁר ילכדנה יהוה תקרב לבתים והבית אשׁר ילכדנו יהוה יקרב לגברים׃
Joshua 18:5
5 והתחלקו אתה לשׁבעה חלקים יהודה יעמד על גבולו מנגב ובית יוסף יעמדו על גבולם מצפון׃
Joshua 18:10
10 וישׁלך להם יהושׁע גורל בשׁלה לפני יהוה ויחלק שׁם יהושׁע את הארץ לבני ישׂראל כמחלקתם׃
1 Samuel 12:2-5
2 ועתה הנה המלך מתהלך לפניכם ואני זקנתי ושׂבתי ובני הנם אתכם ואני התהלכתי לפניכם מנערי עד היום הזה׃3 הנני ענו בי נגד יהוה ונגד משׁיחו את שׁור מי לקחתי וחמור מי לקחתי ואת מי עשׁקתי את מי רצותי ומיד מי לקחתי כפר ואעלים עיני בו ואשׁיב׃4 ויאמרו לא עשׁקתנו ולא רצותנו ולא לקחת מיד אישׁ מאומה׃5 ויאמר אליהם עד יהוה בכם ועד משׁיחו היום הזה כי לא מצאתם בידי מאומה ויאמר עד׃
1 Samuel 14:41-42
1 Samuel 15:13-14
1 Samuel 16:7
7 ויאמר יהוה אל שׁמואל אל תבט אל מראהו ואל גבה קומתו כי מאסתיהו כי לא אשׁר יראה האדם כי האדם יראה לעינים ויהוה יראה ללבב׃
1 Samuel 19:11
11 וישׁלח שׁאול מלאכים אל בית דוד לשׁמרו ולהמיתו בבקר ותגד לדוד מיכל אשׁתו לאמר אם אינך ממלט את נפשׁך הלילה מחר אתה מומת׃
1 Samuel 19:17
17 ויאמר שׁאול אל מיכל למה ככה רמיתני ותשׁלחי את איבי וימלט ותאמר מיכל אל שׁאול הוא אמר אלי שׁלחני למה אמיתך׃
1 Samuel 22:7-9
7 ויאמר שׁאול לעבדיו הנצבים עליו שׁמעו נא בני ימיני גם לכלכם יתן בן ישׁי שׂדות וכרמים לכלכם ישׂים שׂרי אלפים ושׂרי מאות׃8 כי קשׁרתם כלכם עלי ואין גלה את אזני בכרת בני עם בן ישׁי ואין חלה מכם עלי וגלה את אזני כי הקים בני את עבדי עלי לארב כיום הזה׃9 ויען דאג האדמי והוא נצב על עבדי שׁאול ויאמר ראיתי את בן ישׁי בא נבה אל אחימלך בן אחטוב׃
1 Samuel 23:19-21
1 Samuel 24:9
9 (24:10) ויאמר דוד לשׁאול למה תשׁמע את דברי אדם לאמר הנה דוד מבקשׁ רעתך׃
1 Samuel 25:17
17 ועתה דעי וראי מה תעשׂי כי כלתה הרעה אל אדנינו ועל כל ביתו והוא בן בליעל מדבר אליו׃
2 Samuel 20:1
1 ושׁם נקרא אישׁ בליעל ושׁמו שׁבע בן בכרי אישׁ ימיני ויתקע בשׁפר ויאמר אין לנו חלק בדוד ולא נחלה לנו בבן ישׁי אישׁ לאהליו ישׂראל׃
2 Samuel 23:3-4
1 Kings 3:12
12 הנה עשׂיתי כדבריך הנה נתתי לך לב חכם ונבון אשׁר כמוך לא היה לפניך ואחריך לא יקום כמוך׃
1 Kings 3:28
28 וישׁמעו כל ישׂראל את המשׁפט אשׁר שׁפט המלך ויראו מפני המלך כי ראו כי חכמת אלהים בקרבו לעשׂות משׁפט׃
2 Kings 6:31-33
31 ויאמר כה יעשׂה לי אלהים וכה יוסף אם יעמד ראשׁ אלישׁע בן שׁפט עליו היום׃32 ואלישׁע ישׁב בביתו והזקנים ישׁבים אתו וישׁלח אישׁ מלפניו בטרם יבא המלאך אליו והוא אמר אל הזקנים הראיתם כי שׁלח בן המרצח הזה להסיר את ראשׁי ראו כבא המלאך סגרו הדלת ולחצתם אתו בדלת הלוא קול רגלי אדניו אחריו׃33 עודנו מדבר עמם והנה המלאך ירד אליו ויאמר הנה זאת הרעה מאת יהוה מה אוחיל ליהוה עוד׃
1 Chronicles 5:20
20 ויעזרו עליהם וינתנו בידם ההגריאים וכל שׁעמהם כי לאלהים זעקו במלחמה ונעתור להם כי בטחו׃
1 Chronicles 29:10-25
10 ויברך דויד את יהוה לעיני כל הקהל ויאמר דויד ברוך אתה יהוה אלהי ישׂראל אבינו מעולם ועד עולם׃11 לך יהוה הגדלה והגבורה והתפארת והנצח וההוד כי כל בשׁמים ובארץ לך יהוה הממלכה והמתנשׂא לכל לראשׁ׃12 והעשׁר והכבוד מלפניך ואתה מושׁל בכל ובידך כח וגבורה ובידך לגדל ולחזק לכל׃13 ועתה אלהינו מודים אנחנו לך ומהללים לשׁם תפארתך׃14 וכי מי אני ומי עמי כי נעצר כח להתנדב כזאת כי ממך הכל ומידך נתנו׃15 כי גרים אנחנו לפניך ותושׁבים ככל אבתינו כצל ימינו על הארץ ואין מקוה׃16 יהוה אלהינו כל ההמון הזה אשׁר הכיננו לבנות לך בית לשׁם קדשׁך מידך היא ולך הכל׃17 וידעתי אלהי כי אתה בחן לבב ומישׁרים תרצה אני בישׁר לבבי התנדבתי כל אלה ועתה עמך הנמצאו פה ראיתי בשׂמחה להתנדב׃18 יהוה אלהי אברהם יצחק וישׂראל אבתינו שׁמרה זאת לעולם ליצר מחשׁבות לבב עמך והכן לבבם אליך׃19 ולשׁלמה בני תן לבב שׁלם לשׁמור מצותיך עדותיך וחקיך ולעשׂות הכל ולבנות הבירה אשׁר הכינותי׃20 ויאמר דויד לכל הקהל ברכו נא את יהוה אלהיכם ויברכו כל הקהל ליהוה אלהי אבתיהם ויקדו וישׁתחוו ליהוה ולמלך׃21 ויזבחו ליהוה זבחים ויעלו עלות ליהוה למחרת היום ההוא פרים אלף אילים אלף כבשׂים אלף ונסכיהם וזבחים לרב לכל ישׂראל׃22 ויאכלו וישׁתו לפני יהוה ביום ההוא בשׂמחה גדולה וימליכו שׁנית לשׁלמה בן דויד וימשׁחו ליהוה לנגיד ולצדוק לכהן׃23 וישׁב שׁלמה על כסא יהוה למלך תחת דויד אביו ויצלח וישׁמעו אליו כל ישׂראל׃24 וכל השׂרים והגברים וגם כל בני המלך דויד נתנו יד תחת שׁלמה המלך׃25 ויגדל יהוה את שׁלמה למעלה לעיני כל ישׂראל ויתן עליו הוד מלכות אשׁר לא היה על כל מלך לפניו על ישׂראל׃
2 Chronicles 17:10
10 ויהי פחד יהוה על כל ממלכות הארצות אשׁר סביבות יהודה ולא נלחמו עם יהושׁפט׃
2 Chronicles 18:31
31 ויהי כראות שׂרי הרכב את יהושׁפט והמה אמרו מלך ישׂראל הוא ויסבו עליו להלחם ויזעק יהושׁפט ויהוה עזרו ויסיתם אלהים ממנו׃
Ezra 7:27
27 ברוך יהוה אלהי אבותינו אשׁר נתן כזאת בלב המלך לפאר את בית יהוה אשׁר בירושׁלם׃
Nehemiah 1:11
11 אנא אדני תהי נא אזנך קשׁבת אל תפלת עבדך ואל תפלת עבדיך החפצים ליראה את שׁמך והצליחה נא לעבדך היום ותנהו לרחמים לפני האישׁ הזה ואני הייתי משׁקה למלך׃
Nehemiah 5:9
9 ויאמר לא טוב הדבר אשׁר אתם עשׂים הלוא ביראת אלהינו תלכו מחרפת הגוים אויבינו׃
Nehemiah 5:15
15 והפחות הראשׁנים אשׁר לפני הכבידו על העם ויקחו מהם בלחם ויין אחר כסף שׁקלים ארבעים גם נעריהם שׁלטו על העם ואני לא עשׂיתי כן מפני יראת אלהים׃
Nehemiah 6:13
13 למען שׂכור הוא למען אירא ואעשׂה כן וחטאתי והיה להם לשׁם רע למען יחרפוני׃
Nehemiah 11:1
1 וישׁבו שׂרי העם בירושׁלם ושׁאר העם הפילו גורלות להביא אחד מן העשׂרה לשׁבת בירושׁלם עיר הקדשׁ ותשׁע הידות בערים׃
Esther 3:5
5 וירא המן כי אין מרדכי כרע ומשׁתחוה לו וימלא המן חמה׃
Esther 6:6
6 ויבוא המן ויאמר לו המלך מה לעשׂות באישׁ אשׁר המלך חפץ ביקרו ויאמר המן בלבו למי יחפץ המלך לעשׂות יקר יותר ממני׃
Esther 7:10
10 ויתלו את המן על העץ אשׁר הכין למרדכי וחמת המלך שׁככה׃
Job 1:1-8
1 אישׁ היה בארץ עוץ איוב שׁמו והיה האישׁ ההוא תם וישׁר וירא אלהים וסר מרע׃2 ויולדו לו שׁבעה בנים ושׁלושׁ בנות׃3 ויהי מקנהו שׁבעת אלפי צאן ושׁלשׁת אלפי גמלים וחמשׁ מאות צמד בקר וחמשׁ מאות אתונות ועבדה רבה מאד ויהי האישׁ ההוא גדול מכל בני קדם׃4 והלכו בניו ועשׂו משׁתה בית אישׁ יומו ושׁלחו וקראו לשׁלשׁת אחיתיהם לאכל ולשׁתות עמהם׃5 ויהי כי הקיפו ימי המשׁתה וישׁלח איוב ויקדשׁם והשׁכים בבקר והעלה עלות מספר כלם כי אמר איוב אולי חטאו בני וברכו אלהים בלבבם ככה יעשׂה איוב כל הימים׃6 ויהי היום ויבאו בני האלהים להתיצב על יהוה ויבוא גם השׂטן בתוכם׃7 ויאמר יהוה אל השׂטן מאין תבא ויען השׂטן את יהוה ויאמר משׁוט בארץ ומהתהלך׃8 ויאמר יהוה אל השׂטן השׂמת לבך על עבדי איוב כי אין כמהו בארץ אישׁ תם וישׁר ירא אלהים וסר מרע׃
Job 5:8
8 אולם אני אדרשׁ אל אל ואל אלהים אשׂים דברתי׃
Job 21:30
30 כי ליום איד יחשׂך רע ליום עברות יובלו׃
Job 22:28
28 ותגזר אומר ויקם לך ועל דרכיך נגה אור׃
Job 28:13-28
13 לא ידע אנושׁ ערכה ולא תמצא בארץ החיים׃14 תהום אמר לא בי היא וים אמר אין עמדי׃15 לא יתן סגור תחתיה ולא ישׁקל כסף מחירה׃16 לא תסלה בכתם אופיר בשׁהם יקר וספיר׃17 לא יערכנה זהב וזכוכית ותמורתה כלי פז׃18 ראמות וגבישׁ לא יזכר ומשׁך חכמה מפנינים׃19 לא יערכנה פטדת כושׁ בכתם טהור לא תסלה׃20 והחכמה מאין תבוא ואי זה מקום בינה׃21 ונעלמה מעיני כל חי ומעוף השׁמים נסתרה׃22 אבדון ומות אמרו באזנינו שׁמענו שׁמעה׃23 אלהים הבין דרכה והוא ידע את מקומה׃24 כי הוא לקצות הארץ יביט תחת כל השׁמים יראה׃25 לעשׂות לרוח משׁקל ומים תכן במדה׃26 בעשׂתו למטר חק ודרך לחזיז קלות׃27 אז ראה ויספרה הכינה וגם חקרה׃28 ויאמר לאדם הן יראת אדני היא חכמה וסור מרע בינה׃
Job 28:28-28
28 ויאמר לאדם הן יראת אדני היא חכמה וסור מרע בינה׃
Job 29:23-24
Job 32:6-7
Job 40:12
12 ראה כל גאה הכניעהו והדך רשׁעים תחתם׃
Psalms 2:12
12 נשׁקו בר פן יאנף ותאבדו דרך כי יבער כמעט אפו אשׁרי כל חוסי׃
Psalms 4:6
6 (4:7) רבים אמרים מי יראנו טוב נסה עלינו אור פניך יהוה׃
Psalms 10:17
17 תאות ענוים שׁמעת יהוה תכין לבם תקשׁיב אזנך׃
Psalms 17:14-15
Psalms 19:10
10 (19:11) הנחמדים מזהב ומפז רב ומתוקים מדבשׁ ונפת צופים׃
Psalms 21:6
6 (21:7) כי תשׁיתהו ברכות לעד תחדהו בשׂמחה את פניך׃
Psalms 30:5
5 (30:6) כי רגע באפו חיים ברצונו בערב ילין בכי ולבקר רנה׃
Psalms 34:8
8 (34:9) טעמו וראו כי טוב יהוה אשׁרי הגבר יחסה׃
Psalms 34:18
18 (34:19) קרוב יהוה לנשׁברי לב ואת דכאי רוח יושׁיע׃
Psalms 36:2
2 (36:3) כי החליק אליו בעיניו למצא עונו לשׂנא׃
Psalms 37:4-5
Psalms 37:16
16 טוב מעט לצדיק מהמון רשׁעים רבים׃
Psalms 37:23
23 מיהוה מצעדי גבר כוננו ודרכו יחפץ׃
Psalms 37:30-31
Psalms 45:1
Psalms 45:6-7
Psalms 52:2-4
Psalms 55:22
22 (55:23) השׁלך על יהוה יהבך והוא יכלכלך לא יתן לעולם מוט לצדיק׃
Psalms 57:4
4 (57:5) נפשׁי בתוך לבאם אשׁכבה להטים בני אדם שׁניהם חנית וחצים ולשׁונם חרב חדה׃
Psalms 69:31
31 (69:32) ותיטב ליהוה משׁור פר מקרן מפריס׃
Psalms 72:1-4
Psalms 72:6
6 ירד כמטר על גז כרביבים זרזיף ארץ׃
Psalms 85:10
10 (85:11) חסד ואמת נפגשׁו צדק ושׁלום נשׁקו׃
Psalms 99:4
4 ועז מלך משׁפט אהב אתה כוננת מישׁרים משׁפט וצדקה ביעקב אתה עשׂית׃
Psalms 101:5-7
Psalms 103:8
8 רחום וחנון יהוה ארך אפים ורב חסד׃
Psalms 119:36
36 הט לבי אל עדותיך ואל אל בצע׃
Psalms 119:103
103 מה נמלצו לחכי אמרתך מדבשׁ לפי׃
Psalms 119:127
127 על כן אהבתי מצותיך מזהב ומפז׃
Psalms 125:1
1 שׁיר המעלות הבטחים ביהוה כהר ציון לא ימוט לעולם ישׁב׃
Psalms 138:6
6 כי רם יהוה ושׁפל יראה וגבה ממרחק יידע׃
Psalms 146:5
5 אשׁרי שׁאל יעקב בעזרו שׂברו על יהוה אלהיו׃
Proverbs 1:10-14
Proverbs 2:4
4 אם תבקשׁנה ככסף וכמטמונים תחפשׂנה׃
Proverbs 2:12-15
Proverbs 3:1-2
Proverbs 3:6
6 בכל דרכיך דעהו והוא יישׁר ארחתיך׃
Proverbs 3:8
8 רפאות תהי לשׁרך ושׁקוי לעצמותיך׃
Proverbs 3:15-18
Proverbs 3:31
31 אל תקנא באישׁ חמס ואל תבחר בכל דרכיו׃
Proverbs 4:7
7 ראשׁית חכמה קנה חכמה ובכל קנינך קנה בינה׃
Proverbs 4:22
22 כי חיים הם למצאיהם ולכל בשׂרו מרפא׃
Proverbs 4:24-27
Proverbs 5:21
21 כי נכח עיני יהוה דרכי אישׁ וכל מעגלתיו מפלס׃
Proverbs 6:12
12 אדם בליעל אישׁ און הולך עקשׁות פה׃
Proverbs 6:12-14
Proverbs 6:14-14
14 תהפכות בלבו חרשׁ רע בכל עת מדנים ישׁלח׃
Proverbs 6:16-17
Proverbs 6:19
19 יפיח כזבים עד שׁקר ומשׁלח מדנים בין אחים׃
Proverbs 8:10-11
Proverbs 8:13
13 יראת יהוה שׂנאת רע גאה וגאון ודרך רע ופי תהפכות שׂנאתי׃
Proverbs 8:19
19 טוב פריי מחרוץ ומפז ותבואתי מכסף נבחר׃
Proverbs 8:35
35 כי מצאי מצאי חיים ויפק רצון מיהוה׃
Proverbs 9:12
12 אם חכמת חכמת לך ולצת לבדך תשׂא׃
Proverbs 10:8
Proverbs 11:1
Proverbs 11:21
21 יד ליד לא ינקה רע וזרע צדיקים נמלט׃
Proverbs 12:15
15 דרך אויל ישׁר בעיניו ושׁמע לעצה חכם׃
Proverbs 12:18
18 ישׁ בוטה כמדקרות חרב ולשׁון חכמים מרפא׃
Proverbs 12:26
26 יתר מרעהו צדיק ודרך רשׁעים תתעם׃
Proverbs 13:14
Proverbs 14:12
12 ישׁ דרך ישׁר לפני אישׁ ואחריתה דרכי מות׃
Proverbs 14:16
16 חכם ירא וסר מרע וכסיל מתעבר ובוטח׃
Proverbs 14:23
23 בכל עצב יהיה מותר ודבר שׂפתים אך למחסור׃
Proverbs 14:27
27 יראת יהוה מקור חיים לסור ממקשׁי מות׃
Proverbs 14:29
29 ארך אפים רב תבונה וקצר רוח מרים אולת׃
Proverbs 14:35
35 רצון מלך לעבד משׂכיל ועברתו תהיה מבישׁ׃
Proverbs 15:2
2 לשׁון חכמים תיטיב דעת ופי כסילים יביע אולת׃
Proverbs 15:7
7 שׂפתי חכמים יזרו דעת ולב כסילים לא כן׃
Proverbs 15:16
16 טוב מעט ביראת יהוה מאוצר רב ומהומה׃
Proverbs 15:18
18 אישׁ חמה יגרה מדון וארך אפים ישׁקיט ריב׃
Proverbs 15:23
23 שׂמחה לאישׁ במענה פיו ודבר בעתו מה טוב׃
Proverbs 15:26
26 תועבת יהוה מחשׁבות רע וטהרים אמרי נעם׃
Proverbs 15:28
28 לב צדיק יהגה לענות ופי רשׁעים יביע רעות׃
Proverbs 16:1
1 לאדם מערכי לב ומיהוה מענה לשׁון׃
Proverbs 16:9
9 לב אדם יחשׁב דרכו ויהוה יכין צעדו׃
Proverbs 16:12-13
Proverbs 16:19
19 טוב שׁפל רוח את עניים מחלק שׁלל את גאים׃
Proverbs 16:23-24
Proverbs 16:27
27 אישׁ בליעל כרה רעה ועל שׂפתיו כאשׁ צרבת׃
Proverbs 17:2
2 עבד משׂכיל ימשׁל בבן מבישׁ ובתוך אחים יחלק נחלה׃
Proverbs 17:6
6 עטרת זקנים בני בנים ותפארת בנים אבותם׃
Proverbs 17:9
9 מכסה פשׁע מבקשׁ אהבה ושׁנה בדבר מפריד אלוף׃
Proverbs 17:11
11 אך מרי יבקשׁ רע ומלאך אכזרי ישׁלח׃
Proverbs 17:19
19 אהב פשׁע אהב מצה מגביה פתחו מבקשׁ שׁבר׃
Proverbs 18:4
4 מים עמקים דברי פי אישׁ נחל נבע מקור חכמה׃
Proverbs 18:8
8 דברי נרגן כמתלהמים והם ירדו חדרי בטן׃
Proverbs 18:12
12 לפני שׁבר יגבה לב אישׁ ולפני כבוד ענוה׃
Proverbs 18:18
18 מדינים ישׁבית הגורל ובין עצומים יפריד׃
Proverbs 19:8
8 קנה לב אהב נפשׁו שׁמר תבונה למצא טוב׃
Proverbs 19:11
Proverbs 19:16
16 שׁמר מצוה שׁמר נפשׁו בוזה דרכיו יומת׃
Proverbs 19:21
21 רבות מחשׁבות בלב אישׁ ועצת יהוה היא תקום׃
Proverbs 20:2
2 נהם ככפיר אימת מלך מתעברו חוטא נפשׁו׃
Proverbs 20:10
10 אבן ואבן איפה ואיפה תועבת יהוה גם שׁניהם׃
Proverbs 20:18
18 מחשׁבות בעצה תכון ובתחבלות עשׂה מלחמה׃
Proverbs 20:23
Proverbs 20:28
Proverbs 21:1
Proverbs 21:6-7
Proverbs 21:30
30 אין חכמה ואין תבונה ואין עצה לנגד יהוה׃
Proverbs 22:11
11 אהב טהור לב חן שׂפתיו רעהו מלך׃
Proverbs 22:17-18
Proverbs 23:15
Proverbs 24:3-5
Proverbs 24:12
Proverbs 25:5
5 הגו רשׁע לפני מלך ויכון בצדק כסאו׃
Proverbs 25:11-12
Proverbs 25:28
28 עיר פרוצה אין חומה אישׁ אשׁר אין מעצר לרוחו׃
Proverbs 26:20-22
Proverbs 27:9
9 שׁמן וקטרת ישׂמח לב ומתק רעהו מעצת נפשׁ׃
Proverbs 28:9
9 מסיר אזנו משׁמע תורה גם תפלתו תועבה׃
Proverbs 29:14
14 מלך שׁופט באמת דלים כסאו לעד יכון׃
Proverbs 29:22
Proverbs 29:26
26 רבים מבקשׁים פני מושׁל ומיהוה משׁפט אישׁ׃
Proverbs 30:12
12 דור טהור בעיניו ומצאתו לא רחץ׃
Proverbs 30:33
33 כי מיץ חלב יוציא חמאה ומיץ אף יוציא דם ומיץ אפים יוציא ריב׃
Ecclesiastes 4:13
13 טוב ילד מסכן וחכם ממלך זקן וכסיל אשׁר לא ידע להזהר עוד׃
Ecclesiastes 6:7
7 כל עמל האדם לפיהו וגם הנפשׁ לא תמלא׃
Ecclesiastes 7:12
12 כי בצל החכמה בצל הכסף ויתרון דעת החכמה תחיה בעליה׃
Ecclesiastes 10:4
4 אם רוח המושׁל תעלה עליך מקומך אל תנח כי מרפא יניח חטאים גדולים׃
Ecclesiastes 12:10
10 בקשׁ קהלת למצא דברי חפץ וכתוב ישׁר דברי אמת׃
Song of Songs 4:11
11 נפת תטפנה שׂפתותיך כלה דבשׁ וחלב תחת לשׁונך וריח שׂלמתיך כריח לבנון׃
Isaiah 2:11-12
Isaiah 3:11
11 אוי לרשׁע רע כי גמול ידיו יעשׂה׃
Isaiah 5:18
18 הוי משׁכי העון בחבלי השׁוא וכעבות העגלה חטאה׃
Isaiah 6:10
10 השׁמן לב העם הזה ואזניו הכבד ועיניו השׁע פן יראה בעיניו ובאזניו ישׁמע ולבבו יבין ושׁב ורפא׃
Isaiah 7:5-7
Isaiah 9:3
3 (9:2) הרבית הגוי לא הגדלת השׂמחה שׂמחו לפניך כשׂמחת בקציר כאשׁר יגילו בחלקם שׁלל׃
Isaiah 10:6
6 בגוי חנף אשׁלחנו ועל עם עברתי אצונו לשׁלל שׁלל ולבז בז ולשׂימו מרמס כחמר חוצות׃
Isaiah 10:13-15
Isaiah 26:3-4
Isaiah 26:7
7 ארח לצדיק מישׁרים ישׁר מעגל צדיק תפלס׃
Isaiah 28:15-19
15 כי אמרתם כרתנו ברית את מות ועם שׁאול עשׂינו חזה שׁיט שׁוטף כי עבר לא יבואנו כי שׂמנו כזב מחסנו ובשׁקר נסתרנו׃16 לכן כה אמר אדני יהוה הנני יסד בציון אבן אבן בחן פנת יקרת מוסד מוסד המאמין לא יחישׁ׃17 ושׂמתי משׁפט לקו וצדקה למשׁקלת ויעה ברד מחסה כזב וסתר מים ישׁטפו׃18 וכפר בריתכם את מות וחזותכם את שׁאול לא תקום שׁוט שׁוטף כי יעבר והייתם לו למרמס׃19 מדי עברו יקח אתכם כי בבקר בבקר יעבר ביום ובלילה והיה רק זועה הבין שׁמועה׃
Isaiah 30:18
18 ולכן יחכה יהוה לחננכם ולכן ירום לרחמכם כי אלהי משׁפט יהוה אשׁרי כל חוכי׃
Isaiah 32:1-2
Isaiah 35:8
8 והיה שׁם מסלול ודרך ודרך הקדשׁ יקרא לה לא יעברנו טמא והוא למו הלך דרך ואוילים לא יתעו׃
Isaiah 37:10-13
Isaiah 37:38
38 ויהי הוא משׁתחוה בית נסרך אלהיו ואדרמלך ושׂראצר בניו הכהו בחרב והמה נמלטו ארץ אררט וימלך אסר חדן בנו תחתיו׃
Isaiah 43:7
7 כל הנקרא בשׁמי ולכבודי בראתיו יצרתיו אף עשׂיתיו׃
Isaiah 43:21
21 עם זו יצרתי לי תהלתי יספרו׃
Isaiah 46:10
10 מגיד מראשׁית אחרית ומקדם אשׁר לא נעשׂו אמר עצתי תקום וכל חפצי אעשׂה׃
Isaiah 50:4
4 אדני יהוה נתן לי לשׁון למודים לדעת לעות את יעף דבר יעיר בבקר בבקר יעיר לי אזן לשׁמע כלמודים׃
Isaiah 53:12
12 לכן אחלק לו ברבים ואת עצומים יחלק שׁלל תחת אשׁר הערה למות נפשׁו ואת פשׁעים נמנה והוא חטא רבים נשׂא ולפשׁעים יפגיע׃
Isaiah 57:15
15 כי כה אמר רם ונשׂא שׁכן עד וקדושׁ שׁמו מרום וקדושׁ אשׁכון ואת דכא ושׁפל רוח להחיות רוח שׁפלים ולהחיות לב נדכאים׃
Jeremiah 1:7-9
Jeremiah 2:22-23
Jeremiah 10:23
23 ידעתי יהוה כי לא לאדם דרכו לא לאישׁ הלך והכין את צעדו׃
Jeremiah 15:11
11 אמר יהוה אם לא שׁרותך לטוב אם לוא הפגעתי בך בעת רעה ובעת צרה את האיב׃
Jeremiah 15:16
16 נמצאו דבריך ואכלם ויהי דבריך לי לשׂשׂון ולשׂמחת לבבי כי נקרא שׁמך עלי יהוה אלהי צבאות׃
Jeremiah 17:7-8
Jeremiah 17:10
Jeremiah 23:5-6
Jeremiah 32:39-40
Ezekiel 36:26-27
Ezekiel 45:10
10 מאזני צדק ואיפת צדק ובת צדק יהי׃
Daniel 1:19-21
Daniel 3:13-25
13 באדין נבוכדנצר ברגז וחמה אמר להיתיה לשׁדרך מישׁך ועבד נגו באדין גבריא אלך היתיו קדם מלכא׃14 ענה נבכדנצר ואמר להון הצדא שׁדרך מישׁך ועבד נגו לאלהי לא איתיכון פלחין ולצלם דהבא די הקימת לא סגדין׃15 כען הן איתיכון עתידין די בעדנא די תשׁמעון קל קרנא משׁרוקיתא קיתרס שׂבכא פסנתרין וסומפניה וכל זני זמרא תפלון ותסגדון לצלמא די עבדת והן לא תסגדון בה שׁעתה תתרמון לגוא אתון נורא יקדתא ומן הוא אלה די ישׁיזבנכון מן ידי׃16 ענו שׁדרך מישׁך ועבד נגו ואמרין למלכא נבוכדנצר לא חשׁחין אנחנה על דנה פתגם להתבותך׃17 הן איתי אלהנא די אנחנא פלחין יכל לשׁיזבותנא מן אתון נורא יקדתא ומן ידך מלכא ישׁיזב׃18 והן לא ידיע להוא לך מלכא די לאלהיך לא איתינא פלחין ולצלם דהבא די הקימת לא נסגד׃19 באדין נבוכדנצר התמלי חמא וצלם אנפוהי אשׁתנו על שׁדרך מישׁך ועבד נגו ענה ואמר למזא לאתונא חד שׁבעה על די חזה למזיה׃20 ולגברין גברי חיל די בחילה אמר לכפתה לשׁדרך מישׁך ועבד נגו למרמא לאתון נורא יקדתא׃21 באדין גבריא אלך כפתו בסרבליהון פטישׁיהון וכרבלתהון ולבשׁיהון ורמיו לגוא אתון נורא יקדתא׃22 כל קבל דנה מן די מלת מלכא מחצפה ואתונא אזה יתירא גבריא אלך די הסקו לשׁדרך מישׁך ועבד נגו קטל המון שׁביבא די נורא׃23 וגבריא אלך תלתהון שׁדרך מישׁך ועבד נגו נפלו לגוא אתון נורא יקדתא מכפתין׃24 אדין נבוכדנצר מלכא תוה וקם בהתבהלה ענה ואמר להדברוהי הלא גברין תלתא רמינא לגוא נורא מכפתין ענין ואמרין למלכא יציבא מלכא׃25 ענה ואמר הא אנה חזה גברין ארבעה שׁרין מהלכין בגוא נורא וחבל לא איתי בהון ורוה די רביעיא דמה לבר אלהין׃
Daniel 3:28
28 ענה נבוכדנצר ואמר בריך אלההון די שׁדרך מישׁך ועבד נגו די שׁלח מלאכה ושׁיזב לעבדוהי די התרחצו עלוהי ומלת מלכא שׁניו ויהבו גשׁמיהון די לא יפלחון ולא יסגדון לכל אלה להן לאלההון׃
Daniel 4:27
27 (4:24) להן מלכא מלכי ישׁפר עליך וחטיך בצדקה פרק ועויתך במחן ענין הן תהוא ארכה לשׁלותך׃
Daniel 4:30-37
30 (4:27) ענה מלכא ואמר הלא דא היא בבל רבתא די אנה בניתה לבית מלכו בתקף חסני וליקר הדרי׃31 (4:28) עוד מלתא בפם מלכא קל מן שׁמיא נפל לך אמרין נבוכדנצר מלכא מלכותה עדת מנך׃32 (4:29) ומן אנשׁא לך טרדין ועם חיות ברא מדרך עשׂבא כתורין לך יטעמון ושׁבעה עדנין יחלפון עליך עד די תנדע די שׁליט עליא במלכות אנשׁא ולמן די יצבא יתננה׃33 (4:30) בה שׁעתא מלתא ספת על נבוכדנצר ומן אנשׁא טריד ועשׂבא כתורין יאכל ומטל שׁמיא גשׁמה יצטבע עד די שׂערה כנשׁרין רבה וטפרוהי כצפרין׃34 (4:31) ולקצת יומיה אנה נבוכדנצר עיני לשׁמיא נטלת ומנדעי עלי יתוב ולעליא ברכת ולחי עלמא שׁבחת והדרת די שׁלטנה שׁלטן עלם ומלכותה עם דר ודר׃35 (4:32) וכל דארי ארעא כלה חשׁיבין וכמצביה עבד בחיל שׁמיא ודארי ארעא ולא איתי די ימחא בידה ויאמר לה מה עבדת׃36 (4:33) בה זמנא מנדעי יתוב עלי וליקר מלכותי הדרי וזוי יתוב עלי ולי הדברי ורברבני יבעון ועל מלכותי התקנת ורבו יתירה הוספת׃37 (4:34) כען אנה נבוכדנצר משׁבח ומרומם ומהדר למלך שׁמיא די כל מעבדוהי קשׁט וארחתה דין ודי מהלכין בגוה יכל להשׁפלה׃
Daniel 5:22
22 ואנתה ברה בלשׁאצר לא השׁפלת לבבך כל קבל די כל דנה ידעת׃
Daniel 5:24
24 באדין מן קדמוהי שׁליח פסא די ידא וכתבא דנה רשׁים׃
Daniel 5:27
27 תקל תקילתה במאזניא והשׁתכחת חסיר׃
Daniel 6:23
23 (6:24) באדין מלכא שׂגיא טאב עלוהי ולדניאל אמר להנסקה מן גבא והסק דניאל מן גבא וכל חבל לא השׁתכח בה די הימן באלהה׃
Hosea 6:3
3 ונדעה נרדפה לדעת את יהוה כשׁחר נכון מוצאו ויבוא כגשׁם לנו כמלקושׁ יורה ארץ׃
Hosea 10:4
4 דברו דברים אלות שׁוא כרת ברית ופרח כראשׁ משׁפט על תלמי שׂדי׃
Hosea 12:7
7 (12:8) כנען בידו מאזני מרמה לעשׁק אהב׃
Amos 5:7
7 ההפכים ללענה משׁפט וצדקה לארץ הניחו׃
Amos 6:12
12 הירצון בסלע סוסים אם יחרושׁ בבקרים כי הפכתם לראשׁ משׁפט ופרי צדקה ללענה׃
Amos 8:5
5 לאמר מתי יעבר החדשׁ ונשׁבירה שׁבר והשׁבת ונפתחה בר להקטין איפה ולהגדיל שׁקל ולעות מאזני מרמה׃
Obadiah 1:3-4
Jonah 1:7
7 ויאמרו אישׁ אל רעהו לכו ונפילה גורלות ונדעה בשׁלמי הרעה הזאת לנו ויפלו גורלות ויפל הגורל על יונה׃
Micah 6:10
Micah 7:3
3 על הרע כפים להיטיב השׂר שׁאל והשׁפט בשׁלום והגדול דבר הות נפשׁו הוא ויעבתוה׃
Micah 7:18-20
Habakkuk 2:13
13 הלוא הנה מאת יהוה צבאות וייגעו עמים בדי אשׁ ולאמים בדי ריק יעפו׃
Zechariah 10:1
1 שׁאלו מיהוה מטר בעת מלקושׁ יהוה עשׂה חזיזים ומטר גשׁם יתן להם לאישׁ עשׂב בשׂדה׃