14 בית והון נחלת אבות ומיהוה אשׁה משׂכלת׃
Proverbs 19:14 Cross References - HOT
Genesis 24:7
7 יהוה אלהי השׁמים אשׁר לקחני מבית אבי ומארץ מולדתי ואשׁר דבר לי ואשׁר נשׁבע לי לאמר לזרעך אתן את הארץ הזאת הוא ישׁלח מלאכו לפניך ולקחת אשׁה לבני משׁם׃
Genesis 28:1-4
Deuteronomy 21:16
16 והיה ביום הנחילו את בניו את אשׁר יהיה לו לא יוכל לבכר את בן האהובה על פני בן השׂנואה הבכר׃
Joshua 11:23
23 ויקח יהושׁע את כל הארץ ככל אשׁר דבר יהוה אל משׁה ויתנה יהושׁע לנחלה לישׂראל כמחלקתם לשׁבטיהם והארץ שׁקטה ממלחמה׃
Proverbs 3:6
6 בכל דרכיך דעהו והוא יישׁר ארחתיך׃
Proverbs 13:22
22 טוב ינחיל בני בנים וצפון לצדיק חיל חוטא׃
Proverbs 18:22
22 מצא אשׁה מצא טוב ויפק רצון מיהוה׃
Proverbs 31:10-31
10 אשׁת חיל מי ימצא ורחק מפנינים מכרה׃11 בטח בה לב בעלה ושׁלל לא יחסר׃12 גמלתהו טוב ולא רע כל ימי חייה׃13 דרשׁה צמר ופשׁתים ותעשׂ בחפץ כפיה׃14 היתה כאניות סוחר ממרחק תביא לחמה׃15 ותקם בעוד לילה ותתן טרף לביתה וחק לנערתיה׃16 זממה שׂדה ותקחהו מפרי כפיה נטע כרם׃17 חגרה בעוז מתניה ותאמץ זרעותיה׃18 טעמה כי טוב סחרה לא יכבה בליל נרה׃19 ידיה שׁלחה בכישׁור וכפיה תמכו פלך׃20 כפה פרשׂה לעני וידיה שׁלחה לאביון׃21 לא תירא לביתה משׁלג כי כל ביתה לבשׁ שׁנים׃22 מרבדים עשׂתה לה שׁשׁ וארגמן לבושׁה׃23 נודע בשׁערים בעלה בשׁבתו עם זקני ארץ׃24 סדין עשׂתה ותמכר וחגור נתנה לכנעני׃25 עז והדר לבושׁה ותשׂחק ליום אחרון׃26 פיה פתחה בחכמה ותורת חסד על לשׁונה׃27 צופיה הליכות ביתה ולחם עצלות לא תאכל׃28 קמו בניה ויאשׁרוה בעלה ויהללה׃29 רבות בנות עשׂו חיל ואת עלית על כלנה׃30 שׁקר החן והבל היפי אשׁה יראת יהוה היא תתהלל׃31 תנו לה מפרי ידיה ויהללוה בשׁערים מעשׂיה׃