Proverbs 27:8 Cross References - HOT

⁸ כצפור נודדת מן קנה כן אישׁ נודד ממקומו׃

Genesis 4:16

¹⁶ ויצא קין מלפני יהוה וישׁב בארץ נוד קדמת עדן׃

⁶ ויאמר אברם אל שׂרי הנה שׁפחתך בידך עשׂי לה הטוב בעיניך ותענה שׂרי ותברח מפניה׃⁷ וימצאה מלאך יהוה על עין המים במדבר על העין בדרך שׁור׃⁸ ויאמר הגר שׁפחת שׂרי אי מזה באת ואנה תלכי ותאמר מפני שׂרי גברתי אנכי ברחת׃

1 Samuel 22:5

⁵ ויאמר גד הנביא אל דוד לא תשׁב במצודה לך ובאת לך ארץ יהודה וילך דוד ויבא יער חרת׃

1 Samuel 27:1-12

¹ ויאמר דוד אל לבו עתה אספה יום אחד ביד שׁאול אין לי טוב כי המלט אמלט אל ארץ פלשׁתים ונואשׁ ממני שׁאול לבקשׁני עוד בכל גבול ישׂראל ונמלטתי מידו׃² ויקם דוד ויעבר הוא ושׁשׁ מאות אישׁ אשׁר עמו אל אכישׁ בן מעוך מלך גת׃³ וישׁב דוד עם אכישׁ בגת הוא ואנשׁיו אישׁ וביתו דוד ושׁתי נשׁיו אחינעם היזרעאלית ואביגיל אשׁת נבל הכרמלית׃⁴ ויגד לשׁאול כי ברח דוד גת ולא יוסף עוד לבקשׁו׃⁵ ויאמר דוד אל אכישׁ אם נא מצאתי חן בעיניך יתנו לי מקום באחת ערי השׂדה ואשׁבה שׁם ולמה ישׁב עבדך בעיר הממלכה עמך׃⁶ ויתן לו אכישׁ ביום ההוא את צקלג לכן היתה צקלג למלכי יהודה עד היום הזה׃⁷ ויהי מספר הימים אשׁר ישׁב דוד בשׂדה פלשׁתים ימים וארבעה חדשׁים׃⁸ ויעל דוד ואנשׁיו ויפשׁטו אל הגשׁורי והגרזי והעמלקי כי הנה ישׁבות הארץ אשׁר מעולם בואך שׁורה ועד ארץ מצרים׃⁹ והכה דוד את הארץ ולא יחיה אישׁ ואשׁה ולקח צאן ובקר וחמרים וגמלים ובגדים וישׁב ויבא אל אכישׁ׃¹⁰ ויאמר אכישׁ אל פשׁטתם היום ויאמר דוד על נגב יהודה ועל נגב הירחמאלי ואל נגב הקיני׃¹¹ ואישׁ ואשׁה לא יחיה דוד להביא גת לאמר פן יגדו עלינו לאמר כה עשׂה דוד וכה משׁפטו כל הימים אשׁר ישׁב בשׂדה פלשׁתים׃¹² ויאמן אכישׁ בדוד לאמר הבאשׁ הבאישׁ בעמו בישׂראל והיה לי לעבד עולם׃

1 Kings 19:9

⁹ ויבא שׁם אל המערה וילן שׁם והנה דבר יהוה אליו ויאמר לו מה לך פה אליהו׃

Nehemiah 6:11-13

¹¹ ואמרה האישׁ כמוני יברח ומי כמוני אשׁר יבוא אל ההיכל וחי לא אבוא׃¹² ואכירה והנה לא אלהים שׁלחו כי הנבואה דבר עלי וטוביה וסנבלט שׂכרו׃¹³ למען שׂכור הוא למען אירא ואעשׂה כן וחטאתי והיה להם לשׁם רע למען יחרפוני׃

Job 39:14-16

¹⁴ כי תעזב לארץ בציה ועל עפר תחמם׃¹⁵ ותשׁכח כי רגל תזורה וחית השׂדה תדושׁה׃¹⁶ הקשׁיח בניה ללא לה לריק יגיעה בלי פחד׃

Proverbs 21:16

¹⁶ אדם תועה מדרך השׂכל בקהל רפאים ינוח׃

Proverbs 26:2

² כצפור לנוד כדרור לעוף כן קללת חנם לא תבא׃

Isaiah 16:2

² והיה כעוף נודד קן משׁלח תהיינה בנות מואב מעברת לארנון׃

Jonah 1:3

³ ויקם יונה לברח תרשׁישׁה מלפני יהוה וירד יפו וימצא אניה באה תרשׁישׁ ויתן שׂכרה וירד בה לבוא עמהם תרשׁישׁה מלפני יהוה׃

Jonah 1:10-17

¹⁰ וייראו האנשׁים יראה גדולה ויאמרו אליו מה זאת עשׂית כי ידעו האנשׁים כי מלפני יהוה הוא ברח כי הגיד להם׃¹¹ ויאמרו אליו מה נעשׂה לך וישׁתק הים מעלינו כי הים הולך וסער׃¹² ויאמר אליהם שׂאוני והטילני אל הים וישׁתק הים מעליכם כי יודע אני כי בשׁלי הסער הגדול הזה עליכם׃¹³ ויחתרו האנשׁים להשׁיב אל היבשׁה ולא יכלו כי הים הולך וסער עליהם׃¹⁴ ויקראו אל יהוה ויאמרו אנה יהוה אל נא נאבדה בנפשׁ האישׁ הזה ואל תתן עלינו דם נקיא כי אתה יהוה כאשׁר חפצת עשׂית׃¹⁵ וישׂאו את יונה ויטלהו אל הים ויעמד הים מזעפו׃¹⁶ וייראו האנשׁים יראה גדולה את יהוה ויזבחו זבח ליהוה וידרו נדרים׃¹⁷ (2:1) וימן יהוה דג גדול לבלע את יונה ויהי יונה במעי הדג שׁלשׁה ימים ושׁלשׁה לילות׃