Proverbs 3:20 Cross References - HOT

20 בדעתו תהומות נבקעו ושׁחקים ירעפו טל׃

Genesis 1:9

9 ויאמר אלהים יקוו המים מתחת השׁמים אל מקום אחד ותראה היבשׁה ויהי כן׃

Genesis 7:11

11 בשׁנת שׁשׁ מאות שׁנה לחיי נח בחדשׁ השׁני בשׁבעה עשׂר יום לחדשׁ ביום הזה נבקעו כל מעינות תהום רבה וארבת השׁמים נפתחו׃

Genesis 27:28

28 ויתן לך האלהים מטל השׁמים ומשׁמני הארץ ורב דגן ותירשׁ׃

Genesis 27:37-39

37 ויען יצחק ויאמר לעשׂו הן גביר שׂמתיו לך ואת כל אחיו נתתי לו לעבדים ודגן ותירשׁ סמכתיו ולכה אפוא מה אעשׂה בני׃38 ויאמר עשׂו אל אביו הברכה אחת הוא לך אבי ברכני גם אני אבי וישׂא עשׂו קלו ויבך׃39 ויען יצחק אביו ויאמר אליו הנה משׁמני הארץ יהיה מושׁבך ומטל השׁמים מעל׃

Deuteronomy 33:28

28 וישׁכן ישׂראל בטח בדד עין יעקב אל ארץ דגן ותירושׁ אף שׁמיו יערפו טל׃

Job 36:27-28

27 כי יגרע נטפי מים יזקו מטר לאדו׃28 אשׁר יזלו שׁחקים ירעפו עלי אדם רב׃

Job 38:8-11

8 ויסך בדלתים ים בגיחו מרחם יצא׃9 בשׂומי ענן לבשׁו וערפל חתלתו׃10 ואשׁבר עליו חקי ואשׂים בריח ודלתים׃11 ואמר עד פה תבוא ולא תסיף ופא ישׁית בגאון גליך׃

Job 38:26-28

26 להמטיר על ארץ לא אישׁ מדבר לא אדם׃27 להשׂביע שׁאה ומשׁאה ולהצמיח מצא דשׁא׃28 הישׁ למטר אב או מי הוליד אגלי טל׃

Psalms 65:9-12

9 (65:10) פקדת הארץ ותשׁקקה רבת תעשׁרנה פלג אלהים מלא מים תכין דגנם כי כן תכינה׃10 (65:11) תלמיה רוה נחת גדודיה ברביבים תמגגנה צמחה תברך׃11 (65:12) עטרת שׁנת טובתך ומעגליך ירעפון דשׁן׃12 (65:13) ירעפו נאות מדבר וגיל גבעות תחגרנה׃

Psalms 104:8-9

8 יעלו הרים ירדו בקעות אל מקום זה יסדת להם׃9 גבול שׂמת בל יעברון בל ישׁובון לכסות הארץ׃

Jeremiah 14:22

22 הישׁ בהבלי הגוים מגשׁמים ואם השׁמים יתנו רבבים הלא אתה הוא יהוה אלהינו ונקוה לך כי אתה עשׂית את כל אלה׃

Joel 2:23

23 ובני ציון גילו ושׂמחו ביהוה אלהיכם כי נתן לכם את המורה לצדקה ויורד לכם גשׁם מורה ומלקושׁ בראשׁון׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.