Proverbs 3:25 Cross References - HOT

25 אל תירא מפחד פתאם ומשׁאת רשׁעים כי תבא׃

Job 5:21-22

21 בשׁוט לשׁון תחבא ולא תירא משׁד כי יבוא׃22 לשׁד ולכפן תשׂחק ומחית הארץ אל תירא׃

Job 11:13-15

13 אם אתה הכינות לבך ופרשׂת אליו כפך׃14 אם און בידך הרחיקהו ואל תשׁכן באהליך עולה׃15 כי אז תשׂא פניך ממום והיית מצק ולא תירא׃

Psalms 27:1-2

1 לדוד יהוה אורי וישׁעי ממי אירא יהוה מעוז חיי ממי אפחד׃2 בקרב עלי מרעים לאכל את בשׂרי צרי ואיבי לי המה כשׁלו ונפלו׃

Psalms 46:1-3

1 למנצח לבני קרח על עלמות שׁיר׃ (46:2) אלהים לנו מחסה ועז עזרה בצרות נמצא מאד׃2 (46:3) על כן לא נירא בהמיר ארץ ובמוט הרים בלב ימים׃3 (46:4) יהמו יחמרו מימיו ירעשׁו הרים בגאותו סלה׃

Psalms 73:19

19 איך היו לשׁמה כרגע ספו תמו מן בלהות׃

Psalms 91:5

5 לא תירא מפחד לילה מחץ יעוף יומם׃

Psalms 112:7

7 משׁמועה רעה לא יירא נכון לבו בטח ביהוה׃

Proverbs 1:27

27 בבא כשׁאוה פחדכם ואידכם כסופה יאתה בבא עליכם צרה וצוקה׃

Isaiah 8:12-13

12 לא תאמרון קשׁר לכל אשׁר יאמר העם הזה קשׁר ואת מוראו לא תיראו ולא תעריצו׃13 את יהוה צבאות אתו תקדישׁו והוא מוראכם והוא מערצכם׃

Isaiah 41:10-14

10 אל תירא כי עמך אני אל תשׁתע כי אני אלהיך אמצתיך אף עזרתיך אף תמכתיך בימין צדקי׃11 הן יבשׁו ויכלמו כל הנחרים בך יהיו כאין ויאבדו אנשׁי ריבך׃12 תבקשׁם ולא תמצאם אנשׁי מצתך יהיו כאין וכאפס אנשׁי מלחמתך׃13 כי אני יהוה אלהיך מחזיק ימינך האמר לך אל תירא אני עזרתיך׃14 אל תיראי תולעת יעקב מתי ישׂראל אני עזרתיך נאם יהוה וגאלך קדושׁ ישׂראל׃

Daniel 3:17-18

17 הן איתי אלהנא די אנחנא פלחין יכל לשׁיזבותנא מן אתון נורא יקדתא ומן ידך מלכא ישׁיזב׃18 והן לא ידיע להוא לך מלכא די לאלהיך לא איתינא פלחין ולצלם דהבא די הקימת לא נסגד׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.