Proverbs 3:6 Cross References - HOT

6 בכל דרכיך דעהו והוא יישׁר ארחתיך׃

1 Samuel 4:11-12

11 וארון אלהים נלקח ושׁני בני עלי מתו חפני ופינחס׃12 וירץ אישׁ בנימן מהמערכה ויבא שׁלה ביום ההוא ומדיו קרעים ואדמה על ראשׁו׃

1 Samuel 30:8

8 וישׁאל דוד ביהוה לאמר ארדף אחרי הגדוד הזה האשׂגנו ויאמר לו רדף כי השׂג תשׂיג והצל תציל׃

1 Chronicles 28:9

9 ואתה שׁלמה בני דע את אלהי אביך ועבדהו בלב שׁלם ובנפשׁ חפצה כי כל לבבות דורשׁ יהוה וכל יצר מחשׁבות מבין אם תדרשׁנו ימצא לך ואם תעזבנו יזניחך לעד׃

Ezra 7:27

27 ברוך יהוה אלהי אבותינו אשׁר נתן כזאת בלב המלך לפאר את בית יהוה אשׁר בירושׁלם׃

Ezra 8:22-23

22 כי בשׁתי לשׁאול מן המלך חיל ופרשׁים לעזרנו מאויב בדרך כי אמרנו למלך לאמר יד אלהינו על כל מבקשׁיו לטובה ועזו ואפו על כל עזביו׃23 ונצומה ונבקשׁה מאלהינו על זאת ויעתר׃

Nehemiah 1:11

11 אנא אדני תהי נא אזנך קשׁבת אל תפלת עבדך ואל תפלת עבדיך החפצים ליראה את שׁמך והצליחה נא לעבדך היום ותנהו לרחמים לפני האישׁ הזה ואני הייתי משׁקה למלך׃

Nehemiah 2:4

4 ויאמר לי המלך על מה זה אתה מבקשׁ ואתפלל אל אלהי השׁמים׃

Psalms 25:8-9

8 טוב וישׁר יהוה על כן יורה חטאים בדרך׃9 ידרך ענוים במשׁפט וילמד ענוים דרכו׃

Psalms 32:8

8 אשׂכילך ואורך בדרך זו תלך איעצה עליך עיני׃

Proverbs 16:3

3 גל אל יהוה מעשׂיך ויכנו מחשׁבתיך׃

Proverbs 16:9

9 לב אדם יחשׁב דרכו ויהוה יכין צעדו׃

Proverbs 23:17

17 אל יקנא לבך בחטאים כי אם ביראת יהוה כל היום׃

Isaiah 30:21

21 ואזניך תשׁמענה דבר מאחריך לאמר זה הדרך לכו בו כי תאמינו וכי תשׂמאילו׃

Isaiah 45:13

13 אנכי העירתהו בצדק וכל דרכיו אישׁר הוא יבנה עירי וגלותי ישׁלח לא במחיר ולא בשׁחד אמר יהוה צבאות׃

Isaiah 48:17

17 כה אמר יהוה גאלך קדושׁ ישׂראל אני יהוה אלהיך מלמדך להועיל מדריכך בדרך תלך׃

Jeremiah 10:23

23 ידעתי יהוה כי לא לאדם דרכו לא לאישׁ הלך והכין את צעדו׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.