Proverbs 7 Cross References HOT

¹ בני שׁמר אמרי ומצותי תצפן אתך׃² שׁמר מצותי וחיה ותורתי כאישׁון עיניך׃³ קשׁרם על אצבעתיך כתבם על לוח לבך׃⁴ אמר לחכמה אחתי את ומדע לבינה תקרא׃⁵ לשׁמרך מאשׁה זרה מנכריה אמריה החליקה׃⁶ כי בחלון ביתי בעד אשׁנבי נשׁקפתי׃⁷ וארא בפתאים אבינה בבנים נער חסר לב׃⁸ עבר בשׁוק אצל פנה ודרך ביתה יצעד׃⁹ בנשׁף בערב יום באישׁון לילה ואפלה׃¹⁰ והנה אשׁה לקראתו שׁית זונה ונצרת לב׃¹¹ המיה היא וסררת בביתה לא ישׁכנו רגליה׃¹² פעם בחוץ פעם ברחבות ואצל כל פנה תארב׃¹³ והחזיקה בו ונשׁקה לו העזה פניה ותאמר׃¹⁴ זבחי שׁלמים עלי היום שׁלמתי נדרי׃¹⁵ על כן יצאתי לקראתך לשׁחר פניך ואמצאך׃¹⁶ מרבדים רבדתי ערשׂי חטבות אטון מצרים׃¹⁷ נפתי משׁכבי מר אהלים וקנמון׃¹⁸ לכה נרוה דדים עד הבקר נתעלסה באהבים׃¹⁹ כי אין האישׁ בביתו הלך בדרך מרחוק׃²⁰ צרור הכסף לקח בידו ליום הכסא יבא ביתו׃²¹ הטתו ברב לקחה בחלק שׂפתיה תדיחנו׃²² הולך אחריה פתאם כשׁור אל טבח יבוא וכעכס אל מוסר אויל׃²³ עד יפלח חץ כבדו כמהר צפור אל פח ולא ידע כי בנפשׁו הוא׃²⁴ ועתה בנים שׁמעו לי והקשׁיבו לאמרי פי׃²⁵ אל ישׂט אל דרכיה לבך אל תתע בנתיבותיה׃²⁶ כי רבים חללים הפילה ועצמים כל הרגיה׃²⁷ דרכי שׁאול ביתה ירדות אל חדרי מות׃

Deuteronomy 11:28

²⁸ והקללה אם לא תשׁמעו אל מצות יהוה אלהיכם וסרתם מן הדרך אשׁר אנכי מצוה אתכם היום ללכת אחרי אלהים אחרים אשׁר לא ידעתם׃

Job 22:22

Proverbs 1:8

Proverbs 2:1-7

¹ בני אם תקח אמרי ומצותי תצפן אתך׃² להקשׁיב לחכמה אזנך תטה לבך לתבונה׃³ כי אם לבינה תקרא לתבונה תתן קולך׃⁴ אם תבקשׁנה ככסף וכמטמונים תחפשׂנה׃⁵ אז תבין יראת יהוה ודעת אלהים תמצא׃⁶ כי יהוה יתן חכמה מפיו דעת ותבונה׃⁷ וצפן לישׁרים תושׁיה מגן להלכי תם׃

Proverbs 3:1

Proverbs 10:14

¹⁴ חכמים יצפנו דעת ופי אויל מחתה קרבה׃

Leviticus 18:5

⁵ ושׁמרתם את חקתי ואת משׁפטי אשׁר יעשׂה אתם האדם וחי בהם אני יהוה׃

Deuteronomy 32:10

¹⁰ ימצאהו בארץ מדבר ובתהו ילל ישׁמן יסבבנהו יבוננהו יצרנהו כאישׁון עינו׃

Psalms 17:8

⁸ שׁמרני כאישׁון בת עין בצל כנפיך תסתירני׃

Proverbs 4:4

⁴ וירני ויאמר לי יתמך דברי לבך שׁמר מצותי וחיה׃

Proverbs 4:13

¹³ החזק במוסר אל תרף נצרה כי היא חייך׃

Isaiah 55:3

³ הטו אזנכם ולכו אלי שׁמעו ותחי נפשׁכם ואכרתה לכם ברית עולם חסדי דוד הנאמנים׃

Zechariah 2:8

⁸ (2:12) כי כה אמר יהוה צבאות אחר כבוד שׁלחני אל הגוים השׁללים אתכם כי הנגע בכם נגע בבבת עינו׃

Deuteronomy 6:8-9

⁸ וקשׁרתם לאות על ידך והיו לטטפת בין עיניך׃⁹ וכתבתם על מזזות ביתך ובשׁעריך׃

Deuteronomy 11:18-20

¹⁸ ושׂמתם את דברי אלה על לבבכם ועל נפשׁכם וקשׁרתם אתם לאות על ידכם והיו לטוטפת בין עיניכם׃¹⁹ ולמדתם אתם את בניכם לדבר בם בשׁבתך בביתך ובלכתך בדרך ובשׁכבך ובקומך׃²⁰ וכתבתם על מזוזות ביתך ובשׁעריך׃

Proverbs 3:3

³ חסד ואמת אל יעזבך קשׁרם על גרגרותיך כתבם על לוח לבך׃

Proverbs 6:21

Isaiah 30:8

⁸ עתה בוא כתבה על לוח אתם ועל ספר חקה ותהי ליום אחרון לעד עד עולם׃

Jeremiah 17:1

¹ חטאת יהודה כתובה בעט ברזל בצפרן שׁמיר חרושׁה על לוח לבם ולקרנות מזבחותיכם׃

Jeremiah 31:33

³³ כי זאת הברית אשׁר אכרת את בית ישׂראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם׃

Job 17:14

¹⁴ לשׁחת קראתי אבי אתה אמי ואחתי לרמה׃

Proverbs 2:2-4

² להקשׁיב לחכמה אזנך תטה לבך לתבונה׃³ כי אם לבינה תקרא לתבונה תתן קולך׃⁴ אם תבקשׁנה ככסף וכמטמונים תחפשׂנה׃

Proverbs 4:6-8

⁶ אל תעזבה ותשׁמרך אהבה ותצרך׃⁷ ראשׁית חכמה קנה חכמה ובכל קנינך קנה בינה׃⁸ סלסלה ותרוממך תכבדך כי תחבקנה׃

Song of Songs 8:1

¹ מי יתנך כאח לי יונק שׁדי אמי אמצאך בחוץ אשׁקך גם לא יבוזו׃

Proverbs 2:16

¹⁶ להצילך מאשׁה זרה מנכריה אמריה החליקה׃

Proverbs 5:3

³ כי נפת תטפנה שׂפתי זרה וחלק משׁמן חכה׃

Proverbs 6:24

Genesis 26:8

⁸ ויהי כי ארכו לו שׁם הימים וישׁקף אבימלך מלך פלשׁתים בעד החלון וירא והנה יצחק מצחק את רבקה אשׁתו׃

Judges 5:28

²⁸ בעד החלון נשׁקפה ותיבב אם סיסרא בעד האשׁנב מדוע בשׁשׁ רכבו לבוא מדוע אחרו פעמי מרכבותיו׃

2 Samuel 6:16

¹⁶ והיה ארון יהוה בא עיר דוד ומיכל בת שׁאול נשׁקפה בעד החלון ותרא את המלך דוד מפזז ומכרכר לפני יהוה ותבז לו בלבה׃

Psalms 19:7

⁷ (19:8) תורת יהוה תמימה משׁיבת נפשׁ עדות יהוה נאמנה מחכימת פתי׃

Psalms 119:130

Proverbs 1:4

Proverbs 1:22

²² עד מתי פתים תאהבו פתי ולצים לצון חמדו להם וכסילים ישׂנאו דעת׃

Proverbs 1:32

³² כי משׁובת פתים תהרגם ושׁלות כסילים תאבדם׃

Proverbs 6:32

³² נאף אשׁה חסר לב משׁחית נפשׁו הוא יעשׂנה׃

Proverbs 8:5

⁵ הבינו פתאים ערמה וכסילים הבינו לב׃

Proverbs 9:4

Proverbs 9:16

Proverbs 10:13

¹³ בשׂפתי נבון תמצא חכמה ושׁבט לגו חסר לב׃

Proverbs 12:11

¹¹ עבד אדמתו ישׂבע לחם ומרדף ריקים חסר לב׃

Proverbs 14:15

¹⁵ פתי יאמין לכל דבר וערום יבין לאשׁרו׃

Proverbs 14:18

¹⁸ נחלו פתאים אולת וערומים יכתרו דעת׃

Proverbs 19:2

² גם בלא דעת נפשׁ לא טוב ואץ ברגלים חוטא׃

Proverbs 19:25

²⁵ לץ תכה ופתי יערם והוכיח לנבון יבין דעת׃

Proverbs 22:3

³ ערום ראה רעה ויסתר ופתיים עברו ונענשׁו׃

Proverbs 24:30

³⁰ על שׂדה אישׁ עצל עברתי ועל כרם אדם חסר לב׃

Proverbs 27:12

¹² ערום ראה רעה נסתר פתאים עברו נענשׁו׃

Jeremiah 4:22

²² כי אויל עמי אותי לא ידעו בנים סכלים המה ולא נבונים המה חכמים המה להרע ולהיטיב לא ידעו׃

Judges 16:1

¹ וילך שׁמשׁון עזתה וירא שׁם אשׁה זונה ויבא אליה׃

2 Samuel 11:2-3

² ויהי לעת הערב ויקם דוד מעל משׁכבו ויתהלך על גג בית המלך וירא אשׁה רחצת מעל הגג והאשׁה טובת מראה מאד׃³ וישׁלח דוד וידרשׁ לאשׁה ויאמר הלוא זאת בת\'ceשׁבע בת אליעם אשׁת אוריה החתי׃

Proverbs 4:14-15

¹⁴ בארח רשׁעים אל תבא ואל תאשׁר בדרך רעים׃¹⁵ פרעהו אל תעבר בו שׂטה מעליו ועבור׃

Proverbs 5:8

⁸ הרחק מעליה דרכך ואל תקרב אל פתח ביתה׃

Proverbs 7:12

¹² פעם בחוץ פעם ברחבות ואצל כל פנה תארב׃

Genesis 39:11

¹¹ ויהי כהיום הזה ויבא הביתה לעשׂות מלאכתו ואין אישׁ מאנשׁי הבית שׁם בבית׃

Exodus 12:6

⁶ והיה לכם למשׁמרת עד ארבעה עשׂר יום לחדשׁ הזה ושׁחטו אתו כל קהל עדת ישׂראל בין הערבים׃

Job 24:13-15

¹³ המה היו במרדי אור לא הכירו דרכיו ולא ישׁבו בנתיבתיו׃¹⁴ לאור יקום רוצח יקטל עני ואביון ובלילה יהי כגנב׃¹⁵ ועין נאף שׁמרה נשׁף לאמר לא תשׁורני עין וסתר פנים ישׂים׃

Genesis 3:1

¹ והנחשׁ היה ערום מכל חית השׂדה אשׁר עשׂה יהוה אלהים ויאמר אל האשׁה אף כי אמר אלהים לא תאכלו מכל עץ הגן׃

Genesis 38:14-15

¹⁴ ותסר בגדי אלמנותה מעליה ותכס בצעיף ותתעלף ותשׁב בפתח עינים אשׁר על דרך תמנתה כי ראתה כי גדל שׁלה והוא לא נתנה לו לאשׁה׃¹⁵ ויראה יהודה ויחשׁבה לזונה כי כסתה פניה׃

2 Kings 9:22

²² ויהי כראות יהורם את יהוא ויאמר השׁלום יהוא ויאמר מה השׁלום עד זנוני איזבל אמך וכשׁפיה הרבים׃

2 Kings 9:30

³⁰ ויבוא יהוא יזרעאלה ואיזבל שׁמעה ותשׂם בפוך עיניה ותיטב את ראשׁה ותשׁקף בעד החלון׃

Isaiah 3:16-24

¹⁶ ויאמר יהוה יען כי גבהו בנות ציון ותלכנה נטוות גרון ומשׂקרות עינים הלוך וטפף תלכנה וברגליהם תעכסנה׃¹⁷ ושׂפח אדני קדקד בנות ציון ויהוה פתהן יערה׃¹⁸ ביום ההוא יסיר אדני את תפארת העכסים והשׁביסים והשׂהרנים׃¹⁹ הנטיפות והשׁירות והרעלות׃²⁰ הפארים והצעדות והקשׁרים ובתי הנפשׁ והלחשׁים׃²¹ הטבעות ונזמי האף׃²² המחלצות והמעטפות והמטפחות והחריטים׃²³ והגלינים והסדינים והצניפות והרדידים׃²⁴ והיה תחת בשׂם מק יהיה ותחת חגורה נקפה ותחת מעשׂה מקשׁה קרחה ותחת פתיגיל מחגרת שׂק כי תחת יפי׃

Isaiah 23:16

¹⁶ קחי כנור סבי עיר זונה נשׁכחה היטיבי נגן הרבי שׁיר למען תזכרי׃

Jeremiah 4:30

³⁰ ואתי שׁדוד מה תעשׂי כי תלבשׁי שׁני כי תעדי עדי זהב כי תקרעי בפוך עיניך לשׁוא תתיפי מאסו בך עגבים נפשׁך יבקשׁו׃

Genesis 18:9

⁹ ויאמרו אליו איה שׂרה אשׁתך ויאמר הנה באהל׃

Proverbs 9:13

¹³ אשׁת כסילות המיה פתיות ובל ידעה מה׃

Proverbs 25:24

²⁴ טוב שׁבת על פנת גג מאשׁת מדונים ובית חבר׃

Proverbs 27:14-15

¹⁴ מברך רעהו בקול גדול בבקר השׁכים קללה תחשׁב׃¹⁵ דלף טורד ביום סגריר ואשׁת מדונים נשׁתוה׃

Proverbs 31:10-31

¹⁰ אשׁת חיל מי ימצא ורחק מפנינים מכרה׃¹¹ בטח בה לב בעלה ושׁלל לא יחסר׃¹² גמלתהו טוב ולא רע כל ימי חייה׃¹³ דרשׁה צמר ופשׁתים ותעשׂ בחפץ כפיה׃¹⁴ היתה כאניות סוחר ממרחק תביא לחמה׃¹⁵ ותקם בעוד לילה ותתן טרף לביתה וחק לנערתיה׃¹⁶ זממה שׂדה ותקחהו מפרי כפיה נטע כרם׃¹⁷ חגרה בעוז מתניה ותאמץ זרעותיה׃¹⁸ טעמה כי טוב סחרה לא יכבה בליל נרה׃¹⁹ ידיה שׁלחה בכישׁור וכפיה תמכו פלך׃²⁰ כפה פרשׂה לעני וידיה שׁלחה לאביון׃²¹ לא תירא לביתה משׁלג כי כל ביתה לבשׁ שׁנים׃²² מרבדים עשׂתה לה שׁשׁ וארגמן לבושׁה׃²³ נודע בשׁערים בעלה בשׁבתו עם זקני ארץ׃²⁴ סדין עשׂתה ותמכר וחגור נתנה לכנעני׃²⁵ עז והדר לבושׁה ותשׂחק ליום אחרון׃²⁶ פיה פתחה בחכמה ותורת חסד על לשׁונה׃²⁷ צופיה הליכות ביתה ולחם עצלות לא תאכל׃²⁸ קמו בניה ויאשׁרוה בעלה ויהללה׃²⁹ רבות בנות עשׂו חיל ואת עלית על כלנה׃³⁰ שׁקר החן והבל היפי אשׁה יראת יהוה היא תתהלל׃³¹ תנו לה מפרי ידיה ויהללוה בשׁערים מעשׂיה׃

Proverbs 9:14

Proverbs 23:28

²⁸ אף היא כחתף תארב ובוגדים באדם תוסף׃

Jeremiah 2:20

²⁰ כי מעולם שׁברתי עלך נתקתי מוסרתיך ותאמרי לא אעבד כי על כל גבעה גבהה ותחת כל עץ רענן את צעה זנה׃

Jeremiah 2:33

³³ מה תיטבי דרכך לבקשׁ אהבה לכן גם את הרעות למדתי את דרכיך׃

Jeremiah 2:36

³⁶ מה תזלי מאד לשׁנות את דרכך גם ממצרים תבושׁי כאשׁר בשׁת מאשׁור׃

Jeremiah 3:2

² שׂאי עיניך על שׁפים וראי איפה לא שׁגלת על דרכים ישׁבת להם כערבי במדבר ותחניפי ארץ בזנותיך וברעתך׃

Ezekiel 16:24-25

²⁴ ותבני לך גב ותעשׂי לך רמה בכל רחוב׃²⁵ אל כל ראשׁ דרך בנית רמתך ותתעבי את יפיך ותפשׂקי את רגליך לכל עובר ותרבי את תזנתך׃

Ezekiel 16:31

³¹ בבנותיך גבך בראשׁ כל דרך ורמתך עשׂיתי בכל רחוב ולא הייתי כזונה לקלס אתנן׃

Genesis 39:7

⁷ ויהי אחר הדברים האלה ותשׂא אשׁת אדניו את עיניה אל יוסף ותאמר שׁכבה עמי׃

Genesis 39:12

¹² ותתפשׂהו בבגדו לאמר שׁכבה עמי ויעזב בגדו בידה וינס ויצא החוצה׃

Numbers 25:1

¹ וישׁב ישׂראל בשׁטים ויחל העם לזנות אל בנות מואב׃

Numbers 25:6-8

⁶ והנה אישׁ מבני ישׂראל בא ויקרב אל אחיו את המדינית לעיני משׁה ולעיני כל עדת בני ישׂראל והמה בכים פתח אהל מועד׃⁷ וירא פינחס בן אלעזר בן אהרן הכהן ויקם מתוך העדה ויקח רמח בידו׃⁸ ויבא אחר אישׁ ישׂראל אל הקבה וידקר את שׁניהם את אישׁ ישׂראל ואת האשׁה אל קבתה ותעצר המגפה מעל בני ישׂראל׃

Numbers 31:16

¹⁶ הן הנה היו לבני ישׂראל בדבר בלעם למסר מעל ביהוה על דבר פעור ותהי המגפה בעדת יהוה׃

Proverbs 21:29

²⁹ העז אישׁ רשׁע בפניו וישׁר הוא יכין דרכיו׃

Isaiah 50:7

⁷ ואדני יהוה יעזר לי על כן לא נכלמתי על כן שׂמתי פני כחלמישׁ ואדע כי לא אבושׁ׃

Ezekiel 2:4

⁴ והבנים קשׁי פנים וחזקי לב אני שׁולח אותך אליהם ואמרת אליהם כה אמר אדני יהוה׃

Ezekiel 2:6

⁶ ואתה בן אדם אל תירא מהם ומדבריהם אל תירא כי סרבים וסלונים אותך ואל עקרבים אתה יושׁב מדבריהם אל תירא ומפניהם אל תחת כי בית מרי המה׃

Ezekiel 3:7-9

⁷ ובית ישׂראל לא יאבו לשׁמע אליך כי אינם אבים לשׁמע אלי כי כל בית ישׂראל חזקי מצח וקשׁי לב המה׃⁸ הנה נתתי את פניך חזקים לעמת פניהם ואת מצחך חזק לעמת מצחם׃⁹ כשׁמיר חזק מצר נתתי מצחך לא תירא אותם ולא תחת מפניהם כי בית מרי המה׃

Ezekiel 16:33

³³ לכל זנות יתנו נדה ואת נתת את נדניך לכל מאהביך ותשׁחדי אותם לבוא אליך מסביב בתזנותיך׃

Leviticus 7:11

¹¹ וזאת תורת זבח השׁלמים אשׁר יקריב ליהוה׃

Leviticus 7:15-16

¹⁵ ובשׂר זבח תודת שׁלמיו ביום קרבנו יאכל לא יניח ממנו עד בקר׃¹⁶ ואם נדר או נדבה זבח קרבנו ביום הקריבו את זבחו יאכל וממחרת והנותר ממנו יאכל׃

Deuteronomy 12:6-7

⁶ והבאתם שׁמה עלתיכם וזבחיכם ואת מעשׂרתיכם ואת תרומת ידכם ונדריכם ונדבתיכם ובכרת בקרכם וצאנכם׃⁷ ואכלתם שׁם לפני יהוה אלהיכם ושׂמחתם בכל משׁלח ידכם אתם ובתיכם אשׁר ברכך יהוה אלהיך׃

2 Samuel 15:7-9

⁷ ויהי מקץ ארבעים שׁנה ויאמר אבשׁלום אל המלך אלכה נא ואשׁלם את נדרי אשׁר נדרתי ליהוה בחברון׃⁸ כי נדר נדר עבדך בשׁבתי בגשׁור בארם לאמר אם ישׁיב ישׁיבני יהוה ירושׁלם ועבדתי את יהוה׃⁹ ויאמר לו המלך לך בשׁלום ויקם וילך חברונה׃

1 Kings 21:9-10

⁹ ותכתב בספרים לאמר קראו צום והושׁיבו את נבות בראשׁ העם׃¹⁰ והושׁיבו שׁנים אנשׁים בני בליעל נגדו ויעדהו לאמר ברכת אלהים ומלך והוציאהו וסקלהו וימת׃

Proverbs 15:8

⁸ זבח רשׁעים תועבת יהוה ותפלת ישׁרים רצונו׃

Proverbs 17:1

¹ טוב פת חרבה ושׁלוה בה מבית מלא זבחי ריב׃

Proverbs 21:27

²⁷ זבח רשׁעים תועבה אף כי בזמה יביאנו׃

1 Kings 10:28

²⁸ ומוצא הסוסים אשׁר לשׁלמה ממצרים ומקוה סחרי המלך יקחו מקוה במחיר׃

Proverbs 31:22

Song of Songs 1:16

¹⁶ הנך יפה דודי אף נעים אף ערשׂנו רעננה׃

Song of Songs 3:7-10

⁷ הנה מטתו שׁלשׁלמה שׁשׁים גברים סביב לה מגברי ישׂראל׃⁸ כלם אחזי חרב מלמדי מלחמה אישׁ חרבו על ירכו מפחד בלילות׃⁹ אפריון עשׂה לו המלך שׁלמה מעצי הלבנון׃¹⁰ עמודיו עשׂה כסף רפידתו זהב מרכבו ארגמן תוכו רצוף אהבה מבנות ירושׁלם׃

Isaiah 19:9

⁹ ובשׁו עבדי פשׁתים שׂריקות וארגים חורי׃

Ezekiel 27:7

⁷ שׁשׁ ברקמה ממצרים היה מפרשׂך להיות לך לנס תכלת וארגמן מאיי אלישׁה היה מכסך׃

Exodus 30:23

²³ ואתה קח לך בשׂמים ראשׁ מר דרור חמשׁ מאות וקנמן בשׂם מחציתו חמשׁים ומאתים וקנה בשׂם חמשׁים ומאתים׃

Psalms 45:8

⁸ (45:9) מר ואהלות קציעות כל בגדתיך מן היכלי שׁן מני שׂמחוך׃

Song of Songs 3:6

⁶ מי זאת עלה מן המדבר כתימרות עשׁן מקטרת מור ולבונה מכל אבקת רוכל׃

Song of Songs 4:13-14

¹³ שׁלחיך פרדס רמונים עם פרי מגדים כפרים עם נרדים׃¹⁴ נרד וכרכם קנה וקנמון עם כל עצי לבונה מר ואהלות עם כל ראשׁי בשׂמים׃

Isaiah 57:7-9

⁷ על הר גבה ונשׂא שׂמת משׁכבך גם שׁם עלית לזבח זבח׃⁸ ואחר הדלת והמזוזה שׂמת זכרונך כי מאתי גלית ותעלי הרחבת משׁכבך ותכרת לך מהם אהבת משׁכבם יד חזית׃⁹ ותשׁרי למלך בשׁמן ותרבי רקחיך ותשׁלחי צריך עד מרחק ותשׁפילי עד שׁאול׃

2 Chronicles 2:4

⁴ (2:3) הנה אני בונה בית לשׁם יהוה אלהי להקדישׁ לו להקטיר לפניו קטרת סמים ומערכת תמיד ועלות לבקר ולערב לשׁבתות ולחדשׁים ולמועדי יהוה אלהינו לעולם זאת על ישׂראל׃

Judges 16:15-17

¹⁵ ותאמר אליו איך תאמר אהבתיך ולבך אין אתי זה שׁלשׁ פעמים התלת בי ולא הגדת לי במה כחך גדול׃¹⁶ ויהי כי הציקה לו בדבריה כל הימים ותאלצהו ותקצר נפשׁו למות׃¹⁷ ויגד לה את כל לבו ויאמר לה מורה לא עלה על ראשׁי כי נזיר אלהים אני מבטן אמי אם גלחתי וסר ממני כחי וחליתי והייתי ככל האדם׃

1 Samuel 28:23

²³ וימאן ויאמר לא אכל ויפרצו בו עבדיו וגם האשׁה וישׁמע לקלם ויקם מהארץ וישׁב אל המטה׃

2 Kings 4:8

⁸ ויהי היום ויעבר אלישׁע אל שׁונם ושׁם אשׁה גדולה ותחזק בו לאכל לחם ויהי מדי עברו יסר שׁמה לאכל לחם׃

Psalms 12:2

² (12:3) שׁוא ידברו אישׁ את רעהו שׂפת חלקות בלב ולב ידברו׃

Proverbs 7:5

⁵ לשׁמרך מאשׁה זרה מנכריה אמריה החליקה׃

Job 13:27

²⁷ ותשׂם בסד רגלי ותשׁמור כל ארחותי על שׁרשׁי רגלי תתחקה׃

Jeremiah 20:2

² ויכה פשׁחור את ירמיהו הנביא ויתן אתו על המהפכת אשׁר בשׁער בנימן העליון אשׁר בבית יהוה׃

Numbers 25:8-9

⁸ ויבא אחר אישׁ ישׂראל אל הקבה וידקר את שׁניהם את אישׁ ישׂראל ואת האשׁה אל קבתה ותעצר המגפה מעל בני ישׂראל׃⁹ ויהיו המתים במגפה ארבעה ועשׂרים אלף׃

Proverbs 1:17

Proverbs 9:18

¹⁸ ולא ידע כי רפאים שׁם בעמקי שׁאול קראיה׃

Ecclesiastes 9:12

¹² כי גם לא ידע האדם את עתו כדגים שׁנאחזים במצודה רעה וכצפרים האחזות בפח כהם יוקשׁים בני האדם לעת רעה כשׁתפול עליהם פתאם׃

Proverbs 4:1

¹ שׁמעו בנים מוסר אב והקשׁיבו לדעת בינה׃

Proverbs 5:7

⁷ ועתה בנים שׁמעו לי ואל תסורו מאמרי פי׃

Proverbs 8:32-33

³² ועתה בנים שׁמעו לי ואשׁרי דרכי ישׁמרו׃³³ שׁמעו מוסר וחכמו ואל תפרעו׃

Psalms 119:176

¹⁷⁶ תעיתי כשׂה אבד בקשׁ עבדך כי מצותיך לא שׁכחתי׃

Proverbs 5:23

²³ הוא ימות באין מוסר וברב אולתו ישׁגה׃

Proverbs 6:25

²⁵ אל תחמד יפיה בלבבך ואל תקחך בעפעפיה׃

Proverbs 23:31-33

³¹ אל תרא יין כי יתאדם כי יתן בכיס עינו יתהלך במישׁרים׃³² אחריתו כנחשׁ ישׁך וכצפעני יפרשׁ׃³³ עיניך יראו זרות ולבך ידבר תהפכות׃

Isaiah 53:6

⁶ כלנו כצאן תעינו אישׁ לדרכו פנינו ויהוה הפגיע בו את עון כלנו׃

Judges 16:21

²¹ ויאחזוהו פלשׁתים וינקרו את עיניו ויורידו אותו עזתה ויאסרוהו בנחשׁתים ויהי טוחן בבית האסירים׃

2 Samuel 3:6-8

⁶ ויהי בהיות המלחמה בין בית שׁאול ובין בית דוד ואבנר היה מתחזק בבית שׁאול׃⁷ ולשׁאול פלגשׁ ושׁמה רצפה בת איה ויאמר אל אבנר מדוע באתה אל פילגשׁ אבי׃⁸ ויחר לאבנר מאד על דברי אישׁ בשׁת ויאמר הראשׁ כלב אנכי אשׁר ליהודה היום אעשׂה חסד עם בית שׁאול אביך אל אחיו ואל מרעהו ולא המציתך ביד דוד ותפקד עלי עון האשׁה היום׃

2 Samuel 3:27

²⁷ וישׁב אבנר חברון ויטהו יואב אל תוך השׁער לדבר אתו בשׁלי ויכהו שׁם החמשׁ וימת בדם עשׂה אל אחיו׃

2 Samuel 12:9-11

⁹ מדוע בזית את דבר יהוה לעשׂות הרע בעינו את אוריה החתי הכית בחרב ואת אשׁתו לקחת לך לאשׁה ואתו הרגת בחרב בני עמון׃¹⁰ ועתה לא תסור חרב מביתך עד עולם עקב כי בזתני ותקח את אשׁת אוריה החתי להיות לך לאשׁה׃¹¹ כה אמר יהוה הנני מקים עליך רעה מביתך ולקחתי את נשׁיך לעיניך ונתתי לרעיך ושׁכב עם נשׁיך לעיני השׁמשׁ הזאת׃

1 Kings 11:1-2

¹ והמלך שׁלמה אהב נשׁים נכריות רבות ואת בת פרעה מואביות עמניות אדמית צדנית חתית׃² מן הגוים אשׁר אמר יהוה אל בני ישׂראל לא תבאו בהם והם לא יבאו בכם אכן יטו את לבבכם אחרי אלהיהם בהם דבק שׁלמה לאהבה׃

Nehemiah 13:26

²⁶ הלוא על אלה חטא שׁלמה מלך ישׂראל ובגוים הרבים לא היה מלך כמהו ואהוב לאלהיו היה ויתנהו אלהים מלך על כל ישׂראל גם אותו החטיאו הנשׁים הנכריות׃

Proverbs 6:33

Proverbs 2:18-19

¹⁸ כי שׁחה אל מות ביתה ואל רפאים מעגלתיה׃¹⁹ כל באיה לא ישׁובון ולא ישׂיגו ארחות חיים׃

Proverbs 5:5

Ecclesiastes 7:26

²⁶ ומוצא אני מר ממות את האשׁה אשׁר היא מצודים וחרמים לבה אסורים ידיה טוב לפני האלהים ימלט ממנה וחוטא ילכד׃

Proverbs 7 Cross References - HOT