Proverbs 9 Cross References HOT

¹ חכמות בנתה ביתה חצבה עמודיה שׁבעה׃² טבחה טבחה מסכה יינה אף ערכה שׁלחנה׃³ שׁלחה נערתיה תקרא על גפי מרמי קרת׃⁴ מי פתי יסר הנה חסר לב אמרה׃⁵ לכו לחמו בלחמי ושׁתו ביין מסכתי׃⁶ עזבו פתאים וחיו ואשׁרו בדרך בינה׃⁷ יסר לץ לקח לו קלון ומוכיח לרשׁע מומו׃⁸ אל תוכח לץ פן ישׂנאך הוכח לחכם ויאהבך׃⁹ תן לחכם ויחכם עוד הודע לצדיק ויוסף לקח׃¹⁰ תחלת חכמה יראת יהוה ודעת קדשׁים בינה׃¹¹ כי בי ירבו ימיך ויוסיפו לך שׁנות חיים׃¹² אם חכמת חכמת לך ולצת לבדך תשׂא׃¹³ אשׁת כסילות המיה פתיות ובל ידעה מה׃¹⁴ וישׁבה לפתח ביתה על כסא מרמי קרת׃¹⁵ לקרא לעברי דרך המישׁרים ארחותם׃¹⁶ מי פתי יסר הנה וחסר לב ואמרה׃¹⁷ מים גנובים ימתקו ולחם סתרים ינעם׃¹⁸ ולא ידע כי רפאים שׁם בעמקי שׁאול קראיה׃

1 Kings 7:2-3

² ויבן את בית יער הלבנון מאה אמה ארכו וחמשׁים אמה רחבו ושׁלשׁים אמה קומתו על ארבעה טורי עמודי ארזים וכרתות ארזים על העמודים׃³ וספן בארז ממעל על הצלעת אשׁר על העמודים ארבעים וחמשׁה חמשׁה עשׂר הטור׃

1 Kings 7:6

⁶ ואת אולם העמודים עשׂה חמשׁים אמה ארכו ושׁלשׁים אמה רחבו ואולם על פניהם ועמדים ועב על פניהם׃

1 Kings 7:21

²¹ ויקם את העמדים לאלם ההיכל ויקם את העמוד הימני ויקרא את שׁמו יכין ויקם את העמוד השׂמאלי ויקרא את שׁמו בעז׃

Genesis 43:16

¹⁶ וירא יוסף אתם את בנימין ויאמר לאשׁר על ביתו הבא את האנשׁים הביתה וטבח טבח והכן כי אתי יאכלו האנשׁים בצהרים׃

Proverbs 9:5

Proverbs 23:30

Song of Songs 8:2

² אנהגך אביאך אל בית אמי תלמדני אשׁקך מיין הרקח מעסיס רמני׃

Isaiah 25:6

⁶ ועשׂה יהוה צבאות לכל העמים בהר הזה משׁתה שׁמנים משׁתה שׁמרים שׁמנים ממחים שׁמרים מזקקים׃

Psalms 68:11

¹¹ (68:12) אדני יתן אמר המבשׂרות צבא רב׃

Proverbs 1:20-23

²⁰ חכמות בחוץ תרנה ברחבות תתן קולה׃²¹ בראשׁ המיות תקרא בפתחי שׁערים בעיר אמריה תאמר׃²² עד מתי פתים תאהבו פתי ולצים לצון חמדו להם וכסילים ישׂנאו דעת׃²³ תשׁובו לתוכחתי הנה אביעה לכם רוחי אודיעה דברי אתכם׃

Proverbs 8:1-3

¹ הלא חכמה תקרא ותבונה תתן קולה׃² בראשׁ מרומים עלי דרך בית נתיבות נצבה׃³ ליד שׁערים לפי קרת מבוא פתחים תרנה׃

Proverbs 9:14

Psalms 19:7

⁷ (19:8) תורת יהוה תמימה משׁיבת נפשׁ עדות יהוה נאמנה מחכימת פתי׃

Psalms 119:130

Proverbs 1:22

²² עד מתי פתים תאהבו פתי ולצים לצון חמדו להם וכסילים ישׂנאו דעת׃

Proverbs 6:32

³² נאף אשׁה חסר לב משׁחית נפשׁו הוא יעשׂנה׃

Proverbs 8:5

⁵ הבינו פתאים ערמה וכסילים הבינו לב׃

Proverbs 9:16

Psalms 22:26

²⁶ (22:27) יאכלו ענוים וישׂבעו יהללו יהוה דרשׁיו יחי לבבכם לעד׃

Psalms 22:29

²⁹ (22:30) אכלו וישׁתחוו כל דשׁני ארץ לפניו יכרעו כל יורדי עפר ונפשׁו לא חיה׃

Proverbs 9:2

Proverbs 9:17

¹⁷ מים גנובים ימתקו ולחם סתרים ינעם׃

Song of Songs 5:1

¹ באתי לגני אחתי כלה אריתי מורי עם בשׂמי אכלתי יערי עם דבשׁי שׁתיתי ייני עם חלבי אכלו רעים שׁתו ושׁכרו דודים׃

Isaiah 55:1-3

¹ הוי כל צמא לכו למים ואשׁר אין לו כסף לכו שׁברו ואכלו ולכו שׁברו בלוא כסף ובלוא מחיר יין וחלב׃² למה תשׁקלו כסף בלוא לחם ויגיעכם בלוא לשׂבעה שׁמעו שׁמוע אלי ואכלו טוב ותתענג בדשׁן נפשׁכם׃³ הטו אזנכם ולכו אלי שׁמעו ותחי נפשׁכם ואכרתה לכם ברית עולם חסדי דוד הנאמנים׃

Jeremiah 31:12-14

¹² ובאו ורננו במרום ציון ונהרו אל טוב יהוה על דגן ועל תירשׁ ועל יצהר ועל בני צאן ובקר והיתה נפשׁם כגן רוה ולא יוסיפו לדאבה עוד׃¹³ אז תשׂמח בתולה במחול ובחרים וזקנים יחדו והפכתי אבלם לשׂשׂון ונחמתים ושׂמחתים מיגונם׃¹⁴ ורויתי נפשׁ הכהנים דשׁן ועמי את טובי ישׂבעו נאם יהוה׃

Psalms 26:4-6

⁴ לא ישׁבתי עם מתי שׁוא ועם נעלמים לא אבוא׃⁵ שׂנאתי קהל מרעים ועם רשׁעים לא אשׁב׃⁶ ארחץ בנקיון כפי ואסבבה את מזבחך יהוה׃

Psalms 45:10

¹⁰ (45:11) שׁמעי בת וראי והטי אזנך ושׁכחי עמך ובית אביך׃

Psalms 119:115

¹¹⁵ סורו ממני מרעים ואצרה מצות אלהי׃

Proverbs 4:11

¹¹ בדרך חכמה הרתיך הדרכתיך במעגלי ישׁר׃

Proverbs 4:14-15

¹⁴ בארח רשׁעים אל תבא ואל תאשׁר בדרך רעים׃¹⁵ פרעהו אל תעבר בו שׂטה מעליו ועבור׃

Proverbs 8:35

³⁵ כי מצאי מצאי חיים ויפק רצון מיהוה׃

Proverbs 9:11

¹¹ כי בי ירבו ימיך ויוסיפו לך שׁנות חיים׃

Proverbs 10:17

¹⁷ ארח לחיים שׁומר מוסר ועוזב תוכחת מתעה׃

Proverbs 13:20

²⁰ הלוך את חכמים וחכם ורעה כסילים ירוע׃

Genesis 19:8-9

⁸ הנה נא לי שׁתי בנות אשׁר לא ידעו אישׁ אוציאה נא אתהן אליכם ועשׂו להן כטוב בעיניכם רק לאנשׁים האל אל תעשׂו דבר כי על כן באו בצל קרתי׃⁹ ויאמרו גשׁ הלאה ויאמרו האחד בא לגור וישׁפט שׁפוט עתה נרע לך מהם ויפצרו באישׁ בלוט מאד ויגשׁו לשׁבר הדלת׃

1 Kings 18:17

¹⁷ ויהי כראות אחאב את אליהו ויאמר אחאב אליו האתה זה עכר ישׂראל׃

1 Kings 21:20

²⁰ ויאמר אחאב אל אליהו המצאתני איבי ויאמר מצאתי יען התמכרך לעשׂות הרע בעיני יהוה׃

1 Kings 22:24

²⁴ ויגשׁ צדקיהו בן כנענה ויכה את מיכיהו על הלחי ויאמר אי זה עבר רוח יהוה מאתי לדבר אותך׃

1 Kings 22:27

²⁷ ואמרת כה אמר המלך שׂימו את זה בית הכלא והאכילהו לחם לחץ ומים לחץ עד באי בשׁלום׃

2 Chronicles 24:20-22

²⁰ ורוח אלהים לבשׁה את זכריה בן יהוידע הכהן ויעמד מעל לעם ויאמר להם כה אמר האלהים למה אתם עברים את מצות יהוה ולא תצליחו כי עזבתם את יהוה ויעזב אתכם׃²¹ ויקשׁרו עליו וירגמהו אבן במצות המלך בחצר בית יהוה׃²² ולא זכר יואשׁ המלך החסד אשׁר עשׂה יהוידע אביו עמו ויהרג את בנו וכמותו אמר ירא יהוה וידרשׁ׃

2 Chronicles 25:15-16

¹⁵ ויחר אף יהוה באמציהו וישׁלח אליו נביא ויאמר לו למה דרשׁת את אלהי העם אשׁר לא הצילו את עמם מידך׃¹⁶ ויהי בדברו אליו ויאמר לו הליועץ למלך נתנוך חדל לך למה יכוך ויחדל הנביא ויאמר ידעתי כי יעץ אלהים להשׁחיתך כי עשׂית זאת ולא שׁמעת לעצתי׃

2 Chronicles 36:16

¹⁶ ויהיו מלעבים במלאכי האלהים ובוזים דבריו ומתעתעים בנבאיו עד עלות חמת יהוה בעמו עד לאין מרפא׃

Proverbs 15:12

Proverbs 23:9

⁹ באזני כסיל אל תדבר כי יבוז לשׂכל מליך׃

Leviticus 19:17

¹⁷ לא תשׂנא את אחיך בלבבך הוכח תוכיח את עמיתך ולא תשׂא עליו חטא׃

Numbers 14:6-10

⁶ ויהושׁע בן נון וכלב בן יפנה מן התרים את הארץ קרעו בגדיהם׃⁷ ויאמרו אל כל עדת בני ישׂראל לאמר הארץ אשׁר עברנו בה לתור אתה טובה הארץ מאד מאד׃⁸ אם חפץ בנו יהוה והביא אתנו אל הארץ הזאת ונתנה לנו ארץ אשׁר הוא זבת חלב ודבשׁ׃⁹ אך ביהוה אל תמרדו ואתם אל תיראו את עם הארץ כי לחמנו הם סר צלם מעליהם ויהוה אתנו אל תיראם׃¹⁰ ויאמרו כל העדה לרגום אתם באבנים וכבוד יהוה נראה באהל מועד אל כל בני ישׂראל׃

2 Samuel 12:7-14

⁷ ויאמר נתן אל דוד אתה האישׁ כה אמר יהוה אלהי ישׂראל אנכי משׁחתיך למלך על ישׂראל ואנכי הצלתיך מיד שׁאול׃⁸ ואתנה לך את בית אדניך ואת נשׁי אדניך בחיקך ואתנה לך את בית ישׂראל ויהודה ואם מעט ואספה לך כהנה וכהנה׃⁹ מדוע בזית את דבר יהוה לעשׂות הרע בעינו את אוריה החתי הכית בחרב ואת אשׁתו לקחת לך לאשׁה ואתו הרגת בחרב בני עמון׃¹⁰ ועתה לא תסור חרב מביתך עד עולם עקב כי בזתני ותקח את אשׁת אוריה החתי להיות לך לאשׁה׃¹¹ כה אמר יהוה הנני מקים עליך רעה מביתך ולקחתי את נשׁיך לעיניך ונתתי לרעיך ושׁכב עם נשׁיך לעיני השׁמשׁ הזאת׃¹² כי אתה עשׂית בסתר ואני אעשׂה את הדבר הזה נגד כל ישׂראל ונגד השׁמשׁ׃¹³ ויאמר דוד אל נתן חטאתי ליהוה ויאמר נתן אל דוד גם יהוה העביר חטאתך לא תמות׃¹⁴ אפס כי נאץ נאצת את איבי יהוה בדבר הזה גם הבן הילוד לך מות ימות׃

1 Kings 1:23

²³ ויגידו למלך לאמר הנה נתן הנביא ויבא לפני המלך וישׁתחו למלך על אפיו ארצה׃

1 Kings 1:32

³² ויאמר המלך דוד קראו לי לצדוק הכהן ולנתן הנביא ולבניהו בן יהוידע ויבאו לפני המלך׃

1 Kings 22:8

⁸ ויאמר מלך ישׂראל אל יהושׁפט עוד אישׁ אחד לדרשׁ את יהוה מאתו ואני שׂנאתיו כי לא יתנבא עלי טוב כי אם רע מיכיהו בן ימלה ויאמר יהושׁפט אל יאמר המלך כן׃

Psalms 141:5

⁵ יהלמני צדיק חסד ויוכיחני שׁמן ראשׁ אל יני ראשׁי כי עוד ותפלתי ברעותיהם׃

Proverbs 13:18

¹⁸ רישׁ וקלון פורע מוסר ושׁומר תוכחת יכבד׃

Proverbs 28:23

²³ מוכיח אדם אחרי חן ימצא ממחליק לשׁון׃

Proverbs 29:1

¹ אישׁ תוכחות מקשׁה ערף פתע ישׁבר ואין מרפא׃

Proverbs 1:5

⁵ ישׁמע חכם ויוסף לקח ונבון תחבלות יקנה׃

Proverbs 25:12

¹² נזם זהב וחלי כתם מוכיח חכם על אזן שׁמעת׃

Hosea 6:3

³ ונדעה נרדפה לדעת את יהוה כשׁחר נכון מוצאו ויבוא כגשׁם לנו כמלקושׁ יורה ארץ׃

1 Chronicles 28:9

⁹ ואתה שׁלמה בני דע את אלהי אביך ועבדהו בלב שׁלם ובנפשׁ חפצה כי כל לבבות דורשׁ יהוה וכל יצר מחשׁבות מבין אם תדרשׁנו ימצא לך ואם תעזבנו יזניחך לעד׃

Job 28:28

²⁸ ויאמר לאדם הן יראת אדני היא חכמה וסור מרע בינה׃

Psalms 111:10

¹⁰ ראשׁית חכמה יראת יהוה שׂכל טוב לכל עשׂיהם תהלתו עמדת לעד׃

Proverbs 1:7

⁷ יראת יהוה ראשׁית דעת חכמה ומוסר אוילים בזו׃

Proverbs 2:5

Proverbs 30:3

Ecclesiastes 12:13

¹³ סוף דבר הכל נשׁמע את האלהים ירא ואת מצותיו שׁמור כי זה כל האדם׃

Deuteronomy 6:2

² למען תירא את יהוה אלהיך לשׁמר את כל חקתיו ומצותיו אשׁר אנכי מצוך אתה ובנך ובן בנך כל ימי חייך ולמען יארכן ימיך׃

Proverbs 3:2

² כי ארך ימים ושׁנות חיים ושׁלום יוסיפו׃

Proverbs 3:16

¹⁶ ארך ימים בימינה בשׂמאולה עשׁר וכבוד׃

Proverbs 10:27

²⁷ יראת יהוה תוסיף ימים ושׁנות רשׁעים תקצרנה׃

Job 22:2-3

² הלאל יסכן גבר כי יסכן עלימו משׂכיל׃³ החפץ לשׁדי כי תצדק ואם בצע כי תתם דרכיך׃

Job 22:21

Job 35:6-7

⁶ אם חטאת מה תפעל בו ורבו פשׁעיך מה תעשׂה׃⁷ אם צדקת מה תתן לו או מה מידך יקח׃

Proverbs 16:26

Isaiah 28:22

²² ועתה אל תתלוצצו פן יחזקו מוסריכם כי כלה ונחרצה שׁמעתי מאת אדני יהוה צבאות על כל הארץ׃

Ezekiel 18:20

²⁰ הנפשׁ החטאת היא תמות בן לא ישׂא בעון האב ואב לא ישׂא בעון הבן צדקת הצדיק עליו תהיה ורשׁעת רשׁע עליו תהיה׃

Proverbs 5:6

⁶ ארח חיים פן תפלס נעו מעגלתיה לא תדע׃

Proverbs 7:11

¹¹ המיה היא וסררת בביתה לא ישׁכנו רגליה׃

Proverbs 21:9

⁹ טוב לשׁבת על פנת גג מאשׁת מדינים ובית חבר׃

Proverbs 21:19

¹⁹ טוב שׁבת בארץ מדבר מאשׁת מדונים וכעס׃

Proverbs 7:10-12

¹⁰ והנה אשׁה לקראתו שׁית זונה ונצרת לב׃¹¹ המיה היא וסררת בביתה לא ישׁכנו רגליה׃¹² פעם בחוץ פעם ברחבות ואצל כל פנה תארב׃

Proverbs 9:3

Proverbs 7:13-15

¹³ והחזיקה בו ונשׁקה לו העזה פניה ותאמר׃¹⁴ זבחי שׁלמים עלי היום שׁלמתי נדרי׃¹⁵ על כן יצאתי לקראתך לשׁחר פניך ואמצאך׃

Proverbs 7:25-27

²⁵ אל ישׂט אל דרכיה לבך אל תתע בנתיבותיה׃²⁶ כי רבים חללים הפילה ועצמים כל הרגיה׃²⁷ דרכי שׁאול ביתה ירדות אל חדרי מות׃

Proverbs 23:27-28

²⁷ כי שׁוחה עמקה זונה ובאר צרה נכריה׃²⁸ אף היא כחתף תארב ובוגדים באדם תוסף׃

Proverbs 9:4

Genesis 3:6

⁶ ותרא האשׁה כי טוב העץ למאכל וכי תאוה הוא לעינים ונחמד העץ להשׂכיל ותקח מפריו ותאכל ותתן גם לאישׁה עמה ויאכל׃

2 Kings 5:24-27

²⁴ ויבא אל העפל ויקח מידם ויפקד בבית וישׁלח את האנשׁים וילכו׃²⁵ והוא בא ויעמד אל אדניו ויאמר אליו אלישׁע מאן גחזי ויאמר לא הלך עבדך אנה ואנה׃²⁶ ויאמר אליו לא לבי הלך כאשׁר הפך אישׁ מעל מרכבתו לקראתך העת לקחת את הכסף ולקחת בגדים וזיתים וכרמים וצאן ובקר ועבדים ושׁפחות׃²⁷ וצרעת נעמן תדבק בך ובזרעך לעולם ויצא מלפניו מצרע כשׁלג׃

Proverbs 7:18-20

¹⁸ לכה נרוה דדים עד הבקר נתעלסה באהבים׃¹⁹ כי אין האישׁ בביתו הלך בדרך מרחוק׃²⁰ צרור הכסף לקח בידו ליום הכסא יבא ביתו׃

Proverbs 20:17

¹⁷ ערב לאישׁ לחם שׁקר ואחר ימלא פיהו חצץ׃

Proverbs 23:31-32

³¹ אל תרא יין כי יתאדם כי יתן בכיס עינו יתהלך במישׁרים׃³² אחריתו כנחשׁ ישׁך וכצפעני יפרשׁ׃

Proverbs 30:20

²⁰ כן דרך אשׁה מנאפת אכלה ומחתה פיה ואמרה לא פעלתי און׃

Psalms 82:5

⁵ לא ידעו ולא יבינו בחשׁכה יתהלכו ימוטו כל מוסדי ארץ׃

Proverbs 2:18-19

¹⁸ כי שׁחה אל מות ביתה ואל רפאים מעגלתיה׃¹⁹ כל באיה לא ישׁובון ולא ישׂיגו ארחות חיים׃