Psalms 104:24 Cross References - HOT

24 מה רבו מעשׂיך יהוה כלם בחכמה עשׂית מלאה הארץ קנינך׃

Genesis 1:11-12

11 ויאמר אלהים תדשׁא הארץ דשׁא עשׂב מזריע זרע עץ פרי עשׂה פרי למינו אשׁר זרעו בו על הארץ ויהי כן׃12 ותוצא הארץ דשׁא עשׂב מזריע זרע למינהו ועץ עשׂה פרי אשׁר זרעו בו למינהו וירא אלהים כי טוב׃

Genesis 1:24-25

24 ויאמר אלהים תוצא הארץ נפשׁ חיה למינה בהמה ורמשׂ וחיתו ארץ למינה ויהי כן׃25 ויעשׂ אלהים את חית הארץ למינה ואת הבהמה למינה ואת כל רמשׂ האדמה למינהו וירא אלהים כי טוב׃

Genesis 1:31

31 וירא אלהים את כל אשׁר עשׂה והנה טוב מאד ויהי ערב ויהי בקר יום השׁשׁי׃

Nehemiah 9:6

6 אתה הוא יהוה לבדך את עשׂית את השׁמים שׁמי השׁמים וכל צבאם הארץ וכל אשׁר עליה הימים וכל אשׁר בהם ואתה מחיה את כלם וצבא השׁמים לך משׁתחוים׃

Job 5:9

9 עשׂה גדלות ואין חקר נפלאות עד אין מספר׃

Psalms 8:3

3 (8:4) כי אראה שׁמיך מעשׂי אצבעתיך ירח וכוכבים אשׁר כוננתה׃

Psalms 24:1

1 לדוד מזמור ליהוה הארץ ומלואה תבל וישׁבי׃

Psalms 40:5

5 (40:6) רבות עשׂית אתה יהוה אלהי נפלאתיך ומחשׁבתיך אלינו אין ערך אליך אגידה ואדברה עצמו מספר׃

Psalms 50:10-12

10 כי לי כל חיתו יער בהמות בהררי אלף׃11 ידעתי כל עוף הרים וזיז שׂדי עמדי׃12 אם ארעב לא אמר לך כי לי תבל ומלאה׃

Psalms 65:11

11 (65:12) עטרת שׁנת טובתך ומעגליך ירעפון דשׁן׃

Psalms 107:31

31 יודו ליהוה חסדו ונפלאותיו לבני אדם׃

Psalms 136:5

5 לעשׂה השׁמים בתבונה כי לעולם חסדו׃

Proverbs 3:19-20

19 יהוה בחכמה יסד ארץ כונן שׁמים בתבונה׃20 בדעתו תהומות נבקעו ושׁחקים ירעפו טל׃

Proverbs 8:22-36

22 יהוה קנני ראשׁית דרכו קדם מפעליו מאז׃23 מעולם נסכתי מראשׁ מקדמי ארץ׃24 באין תהמות חוללתי באין מעינות נכבדי מים׃25 בטרם הרים הטבעו לפני גבעות חוללתי׃26 עד לא עשׂה ארץ וחוצות וראשׁ עפרות תבל׃27 בהכינו שׁמים שׁם אני בחוקו חוג על פני תהום׃28 באמצו שׁחקים ממעל בעזוז עינות תהום׃29 בשׂומו לים חקו ומים לא יעברו פיו בחוקו מוסדי ארץ׃30 ואהיה אצלו אמון ואהיה שׁעשׁעים יום יום משׂחקת לפניו בכל עת׃31 משׂחקת בתבל ארצו ושׁעשׁעי את בני אדם׃32 ועתה בנים שׁמעו לי ואשׁרי דרכי ישׁמרו׃33 שׁמעו מוסר וחכמו ואל תפרעו׃34 אשׁרי אדם שׁמע לי לשׁקד על דלתתי יום יום לשׁמר מזוזת פתחי׃35 כי מצאי מצאי חיים ויפק רצון מיהוה׃36 וחטאי חמס נפשׁו כל משׂנאי אהבו מות׃

Jeremiah 10:12

12 עשׂה ארץ בכחו מכין תבל בחכמתו ובתבונתו נטה שׁמים׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.