1 למנצח לדוד ביהוה חסיתי איך תאמרו לנפשׁי נודו הרכם צפור׃2 כי הנה הרשׁעים ידרכון קשׁת כוננו חצם על יתר לירות במו אפל לישׁרי לב׃3 כי השׁתות יהרסון צדיק מה פעל׃4 יהוה בהיכל קדשׁו יהוה בשׁמים כסאו עיניו יחזו עפעפיו יבחנו בני אדם׃5 יהוה צדיק יבחן ורשׁע ואהב חמס שׂנאה נפשׁו׃6 ימטר על רשׁעים פחים אשׁ וגפרית ורוח זלעפות מנת כוסם׃7 כי צדיק יהוה צדקות אהב ישׁר יחזו פנימו׃
Psalms 11 Cross References - HOT
1 Samuel 19:11
11 וישׁלח שׁאול מלאכים אל בית דוד לשׁמרו ולהמיתו בבקר ותגד לדוד מיכל אשׁתו לאמר אם אינך ממלט את נפשׁך הלילה מחר אתה מומת׃
1 Samuel 20:38
38 ויקרא יהונתן אחרי הנער מהרה חושׁה אל תעמד וילקט נער יהונתן את החצי ויבא אל אדניו׃
1 Samuel 21:10-12
1 Samuel 22:3
3 וילך דוד משׁם מצפה מואב ויאמר אל מלך מואב יצא נא אבי ואמי אתכם עד אשׁר אדע מה יעשׂה לי אלהים׃
1 Samuel 23:14
14 וישׁב דוד במדבר במצדות וישׁב בהר במדבר זיף ויבקשׁהו שׁאול כל הימים ולא נתנו אלהים בידו׃
1 Samuel 27:1
1 ויאמר דוד אל לבו עתה אספה יום אחד ביד שׁאול אין לי טוב כי המלט אמלט אל ארץ פלשׁתים ונואשׁ ממני שׁאול לבקשׁני עוד בכל גבול ישׂראל ונמלטתי מידו׃
2 Chronicles 14:11
11 (14:10) ויקרא אסא אל יהוה אלהיו ויאמר יהוה אין עמך לעזור בין רב לאין כח עזרנו יהוה אלהינו כי עליך נשׁענו ובשׁמך באנו על ההמון הזה יהוה אלהינו אתה אל יעצר עמך אנושׁ׃
2 Chronicles 16:8
8 הלא הכושׁים והלובים היו לחיל לרב לרכב ולפרשׁים להרבה מאד ובהשׁענך על יהוה נתנם בידך׃
Psalms 7:1
1 שׁגיון לדוד אשׁר שׁר ליהוה על דברי כושׁ בן\'ceימיני׃ (7:2) יהוה אלהי בך חסיתי הושׁיעני מכל רדפי והצילני׃
Psalms 9:10
10 (9:11) ויבטחו בך יודעי שׁמך כי לא עזבת דרשׁיך יהוה׃
Psalms 16:1
1 מכתם לדוד שׁמרני אל כי חסיתי׃
Psalms 25:2
2 אלהי בך בטחתי אל אבושׁה אל יעלצו איבי׃
Psalms 31:14
14 (31:15) ואני עליך בטחתי יהוה אמרתי אלהי אתה׃
Psalms 55:6-7
Psalms 56:11
11 (56:12) באלהים בטחתי לא אירא מה יעשׂה אדם׃
Proverbs 6:5
5 הנצל כצבי מיד וכצפור מיד יקושׁ׃
Isaiah 26:3-4
1 Samuel 18:21
21 ויאמר שׁאול אתננה לו ותהי לו למוקשׁ ותהי בו יד פלשׁתים ויאמר שׁאול אל דוד בשׁתים תתחתן בי היום׃
1 Samuel 23:9
9 וידע דוד כי עליו שׁאול מחרישׁ הרעה ויאמר אל אביתר הכהן הגישׁה האפוד׃
Psalms 7:10
10 (7:11) מגני על אלהים מושׁיע ישׁרי לב׃
Psalms 7:12
12 (7:13) אם לא ישׁוב חרבו ילטושׁ קשׁתו דרך ויכוננה׃
Psalms 10:2
2 בגאות רשׁע ידלק עני יתפשׂו במזמות זו חשׁבו׃
Psalms 10:8-9
Psalms 21:12
12 (21:13) כי תשׁיתמו שׁכם במיתריך תכונן על פניהם׃
Psalms 32:11
11 שׂמחו ביהוה וגילו צדיקים והרנינו כל ישׁרי לב׃
Psalms 37:14
14 חרב פתחו רשׁעים ודרכו קשׁתם להפיל עני ואביון לטבוח ישׁרי דרך׃
Psalms 64:3-5
Psalms 64:10
10 (64:11) ישׂמח צדיק ביהוה וחסה בו ויתהללו כל ישׁרי לב׃
Psalms 94:15
15 כי עד צדק ישׁוב משׁפט ואחריו כל ישׁרי לב׃
Psalms 97:11
11 אור זרע לצדיק ולישׁרי לב שׂמחה׃
Psalms 125:4
4 היטיבה יהוה לטובים ולישׁרים בלבותם׃
Psalms 142:3
3 (142:4) בהתעטף עלי רוחי ואתה ידעת נתיבתי בארח זו אהלך טמנו פח׃
Jeremiah 9:3
3 (9:2) וידרכו את לשׁונם קשׁתם שׁקר ולא לאמונה גברו בארץ כי מרעה אל רעה יצאו ואתי לא ידעו נאם יהוה׃
2 Kings 19:13-18
13 איו מלך חמת ומלך ארפד ומלך לעיר ספרוים הנע ועוה׃14 ויקח חזקיהו את הספרים מיד המלאכים ויקראם ויעל בית יהוה ויפרשׂהו חזקיהו לפני יהוה׃15 ויתפלל חזקיהו לפני יהוה ויאמר יהוה אלהי ישׂראל ישׁב הכרבים אתה הוא האלהים לבדך לכל ממלכות הארץ אתה עשׂית את השׁמים ואת הארץ׃16 הטה יהוה אזנך ושׁמע פקח יהוה עיניך וראה ושׁמע את דברי סנחריב אשׁר שׁלחו לחרף אלהים חי׃17 אמנם יהוה החריבו מלכי אשׁור את הגוים ואת ארצם׃18 ונתנו את אלהיהם באשׁ כי לא אלהים המה כי אם מעשׂה ידי אדם עץ ואבן ויאבדום׃
2 Kings 22:12-14
12 ויצו המלך את חלקיה הכהן ואת אחיקם בן שׁפן ואת עכבור בן מיכיה ואת שׁפן הספר ואת עשׂיה עבד המלך לאמר׃13 לכו דרשׁו את יהוה בעדי ובעד העם ובעד כל יהודה על דברי הספר הנמצא הזה כי גדולה חמת יהוה אשׁר היא נצתה בנו על אשׁר לא שׁמעו אבתינו על דברי הספר הזה לעשׂות ככל הכתוב עלינו׃14 וילך חלקיהו הכהן ואחיקם ועכבור ושׁפן ועשׂיה אל חלדה הנביאה אשׁת שׁלם בן תקוה בן חרחס שׁמר הבגדים והיא ישׁבת בירושׁלם במשׁנה וידברו אליה׃
2 Chronicles 32:13-15
13 הלא תדעו מה עשׂיתי אני ואבותי לכל עמי הארצות היכול יכלו אלהי גוי הארצות להציל את ארצם מידי׃14 מי בכל אלהי הגוים האלה אשׁר החרימו אבותי אשׁר יכול להציל את עמו מידי כי יוכל אלהיכם להציל אתכם מידי׃15 ועתה אל ישׁיא אתכם חזקיהו ואל יסית אתכם כזאת ואל תאמינו לו כי לא יוכל כל אלוה כל גוי וממלכה להציל עמו מידי ומיד אבותי אף כי אלהיכם לא יצילו אתכם מידי׃
Nehemiah 6:10-12
Psalms 75:3
3 (75:4) נמגים ארץ וכל ישׁביה אנכי תכנתי עמודיה סלה׃
Psalms 82:5
5 לא ידעו ולא יבינו בחשׁכה יתהלכו ימוטו כל מוסדי ארץ׃
Isaiah 58:12
12 ובנו ממך חרבות עולם מוסדי דור ודור תקומם וקרא לך גדר פרץ משׁבב נתיבות לשׁבת׃
Jeremiah 26:11-15
11 ויאמרו הכהנים והנבאים אל השׂרים ואל כל העם לאמר משׁפט מות לאישׁ הזה כי נבא אל העיר הזאת כאשׁר שׁמעתם באזניכם׃12 ויאמר ירמיהו אל כל השׂרים ואל כל העם לאמר יהוה שׁלחני להנבא אל הבית הזה ואל העיר הזאת את כל הדברים אשׁר שׁמעתם׃13 ועתה היטיבו דרכיכם ומעלליכם ושׁמעו בקול יהוה אלהיכם וינחם יהוה אל הרעה אשׁר דבר עליכם׃14 ואני הנני בידכם עשׂו לי כטוב וכישׁר בעיניכם׃15 אך ידע תדעו כי אם ממתים אתם אתי כי דם נקי אתם נתנים עליכם ואל העיר הזאת ואל ישׁביה כי באמת שׁלחני יהוה עליכם לדבר באזניכם את כל הדברים האלה׃
Daniel 3:15-18
15 כען הן איתיכון עתידין די בעדנא די תשׁמעון קל קרנא משׁרוקיתא קיתרס שׂבכא פסנתרין וסומפניה וכל זני זמרא תפלון ותסגדון לצלמא די עבדת והן לא תסגדון בה שׁעתה תתרמון לגוא אתון נורא יקדתא ומן הוא אלה די ישׁיזבנכון מן ידי׃16 ענו שׁדרך מישׁך ועבד נגו ואמרין למלכא נבוכדנצר לא חשׁחין אנחנה על דנה פתגם להתבותך׃17 הן איתי אלהנא די אנחנא פלחין יכל לשׁיזבותנא מן אתון נורא יקדתא ומן ידך מלכא ישׁיזב׃18 והן לא ידיע להוא לך מלכא די לאלהיך לא איתינא פלחין ולצלם דהבא די הקימת לא נסגד׃
Daniel 6:10-28
10 (6:11) ודניאל כדי ידע די רשׁים כתבא על לביתה וכוין פתיחן לה בעליתה נגד ירושׁלם וזמנין תלתה ביומא הוא ברך על ברכוהי ומצלא ומודא קדם אלהה כל קבל די הוא עבד מן קדמת דנה׃11 (6:12) אדין גבריא אלך הרגשׁו והשׁכחו לדניאל בעא ומתחנן קדם אלהה׃12 (6:13) באדין קריבו ואמרין קדם מלכא על אסר מלכא הלא אסר רשׁמת די כל אנשׁ די יבעה מן כל אלה ואנשׁ עד יומין תלתין להן מנך מלכא יתרמא לגוב אריותא ענה מלכא ואמר יציבא מלתא כדת מדי ופרס די לא תעדא׃13 (6:14) באדין ענו ואמרין קדם מלכא די דניאל די מן בני גלותא די יהוד לא שׂם עליך מלכא טעם ועל אסרא די רשׁמת וזמנין תלתה ביומא בעא בעותה׃14 (6:15) אדין מלכא כדי מלתא שׁמע שׂגיא באשׁ עלוהי ועל דניאל שׂם בל לשׁיזבותה ועד מעלי שׁמשׁא הוא משׁתדר להצלותה׃15 (6:16) באדין גבריא אלך הרגשׁו על מלכא ואמרין למלכא דע מלכא די דת למדי ופרס די כל אסר וקים די מלכא יהקים לא להשׁניה׃16 (6:17) באדין מלכא אמר והיתיו לדניאל ורמו לגבא די אריותא ענה מלכא ואמר לדניאל אלהך די אנתה פלח לה בתדירא הוא ישׁיזבנך׃17 (6:18) והיתית אבן חדה ושׂמת על פם גבא וחתמה מלכא בעזקתה ובעזקת רברבנוהי די לא תשׁנא צבו בדניאל׃18 (6:19) אדין אזל מלכא להיכלה ובת טות ודחון לא הנעל קדמוהי ושׁנתה נדת עלוהי׃19 (6:20) באדין מלכא בשׁפרפרא יקום בנגהא ובהתבהלה לגבא די אריותא אזל׃20 (6:21) וכמקרבה לגבא לדניאל בקל עציב זעק ענה מלכא ואמר לדניאל דניאל עבד אלהא חיא אלהך די אנתה פלח לה בתדירא היכל לשׁיזבותך מן אריותא׃21 (6:22) אדין דניאל עם מלכא מלל מלכא לעלמין חיי׃22 (6:23) אלהי שׁלח מלאכה וסגר פם אריותא ולא חבלוני כל קבל די קדמוהי זכו השׁתכחת לי ואף קדמיך מלכא חבולה לא עבדת׃23 (6:24) באדין מלכא שׂגיא טאב עלוהי ולדניאל אמר להנסקה מן גבא והסק דניאל מן גבא וכל חבל לא השׁתכח בה די הימן באלהה׃24 (6:25) ואמר מלכא והיתיו גבריא אלך די אכלו קרצוהי די דניאל ולגב אריותא רמו אנון בניהון ונשׁיהון ולא מטו לארעית גבא עד די שׁלטו בהון אריותא וכל גרמיהון הדקו׃25 (6:26) באדין דריושׁ מלכא כתב לכל עממיא אמיא ולשׁניא די דארין בכל ארעא שׁלמכון ישׂגא׃26 (6:27) מן קדמי שׂים טעם די בכל שׁלטן מלכותי להון זאעין ודחלין מן קדם אלהה די דניאל די הוא אלהא חיא וקים לעלמין ומלכותה די לא תתחבל ושׁלטנה עד סופא׃27 (6:28) משׁיזב ומצל ועבד אתין ותמהין בשׁמיא ובארעא די שׁיזיב לדניאל מן יד אריותא׃28 (6:29) ודניאל דנה הצלח במלכות דריושׁ ובמלכות כורשׁ פרסיא׃
Exodus 40:34-35
1 Chronicles 17:5
5 כי לא ישׁבתי בבית מן היום אשׁר העליתי את ישׂראל עד היום הזה ואהיה מאהל אל אהל וממשׁכן׃
2 Chronicles 16:9
9 כי יהוה עיניו משׁטטות בכל הארץ להתחזק עם לבבם שׁלם אליו נסכלת על זאת כי מעתה ישׁ עמך מלחמות׃
Psalms 2:4
4 יושׁב בשׁמים ישׂחק אדני ילעג׃
Psalms 9:11
11 (9:12) זמרו ליהוה ישׁב ציון הגידו בעמים עלילותיו׃
Psalms 18:6
6 (18:7) בצר לי אקרא יהוה ואל אלהי אשׁוע ישׁמע מהיכלו קולי ושׁועתי לפניו תבוא באזניו׃
Psalms 33:13
13 משׁמים הביט יהוה ראה את כל בני האדם׃
Psalms 34:15-16
Psalms 44:21
21 (44:22) הלא אלהים יחקר זאת כי הוא ידע תעלמות לב׃
Psalms 66:7
7 משׁל בגבורתו עולם עיניו בגוים תצפינה הסוררים אל ירימו למו סלה׃
Psalms 103:19
19 יהוה בשׁמים הכין כסאו ומלכותו בכל משׁלה׃
Proverbs 15:3
3 בכל מקום עיני יהוה צפות רעים וטובים׃
Isaiah 66:1
1 כה אמר יהוה השׁמים כסאי והארץ הדם רגלי אי זה בית אשׁר תבנו לי ואי זה מקום מנוחתי׃
Jeremiah 17:10
10 אני יהוה חקר לב בחן כליות ולתת לאישׁ כדרכו כפרי מעלליו׃
Jeremiah 23:24
24 אם יסתר אישׁ במסתרים ואני לא אראנו נאם יהוה הלוא את השׁמים ואת הארץ אני מלא נאם יהוה׃
Micah 1:2
2 שׁמעו עמים כלם הקשׁיבי ארץ ומלאה ויהי אדני יהוה בכם לעד אדני מהיכל קדשׁו׃
Habakkuk 2:20
20 ויהוה בהיכל קדשׁו הס מפניו כל הארץ׃
Zechariah 2:13
13 (2:17) הס כל בשׂר מפני יהוה כי נעור ממעון קדשׁו׃
Genesis 22:1
1 ויהי אחר הדברים האלה והאלהים נסה את אברהם ויאמר אליו אברהם ויאמר הנני׃
Psalms 5:4-5
Psalms 7:9
9 (7:10) יגמר נא רע רשׁעים ותכונן צדיק ובחן לבות וכליות אלהים צדיק׃
Psalms 10:3
3 כי הלל רשׁע על תאות נפשׁו ובצע ברך נאץ יהוה׃
Psalms 17:3
3 בחנת לבי פקדת לילה צרפתני בל תמצא זמתי בל יעבר פי׃
Psalms 21:8
8 (21:9) תמצא ידך לכל איביך ימינך תמצא שׂנאיך׃
Psalms 26:2
2 בחנני יהוה ונסני צרופה כליותי ולבי׃
Psalms 139:1
1 למנצח לדוד מזמור יהוה חקרתני ותדע׃
Psalms 139:23-24
Proverbs 6:16-19
Jeremiah 12:8
8 היתה לי נחלתי כאריה ביער נתנה עלי בקולה על כן שׂנאתיה׃
Zechariah 11:8
8 ואכחד את שׁלשׁת הרעים בירח אחד ותקצר נפשׁי בהם וגם נפשׁם בחלה׃
Zechariah 13:9
9 והבאתי את השׁלשׁית באשׁ וצרפתים כצרף את הכסף ובחנתים כבחן את הזהב הוא יקרא בשׁמי ואני אענה אתו אמרתי עמי הוא והוא יאמר יהוה אלהי׃
Malachi 3:3
3 { וישׁב מצרף ומטהר כסף וטהר את בני לוי וזקק אתם כזהב וככסף והיו ליהוה מגישׁי מנחה בצדקה׃
Genesis 19:24
24 ויהוה המטיר על סדם ועל עמרה גפרית ואשׁ מאת יהוה מן השׁמים׃
Genesis 43:34
34 וישׂא משׂאת מאת פניו אלהם ותרב משׂאת בנימן ממשׂאת כלם חמשׁ ידות וישׁתו וישׁכרו עמו׃
Exodus 9:23-24
1 Samuel 1:4
4 ויהי היום ויזבח אלקנה ונתן לפננה אשׁתו ולכל בניה ובנותיה מנות׃
1 Samuel 9:23
23 ויאמר שׁמואל לטבח תנה את המנה אשׁר נתתי לך אשׁר אמרתי אליך שׂים אתה עמך׃
Job 18:15
15 תשׁכון באהלו מבלי לו יזרה על נוהו גפרית׃
Job 20:23
23 יהי למלא בטנו ישׁלח בו חרון אפו וימטר עלימו בלחומו׃
Job 27:13-23
13 זה חלק אדם רשׁע עם אל ונחלת עריצים משׁדי יקחו׃14 אם ירבו בניו למו חרב וצאצאיו לא ישׂבעו לחם׃15 שׂרידו במות יקברו ואלמנתיו לא תבכינה׃16 אם יצבר כעפר כסף וכחמר יכין מלבושׁ׃17 יכין וצדיק ילבשׁ וכסף נקי יחלק׃18 בנה כעשׁ ביתו וכסכה עשׂה נצר׃19 עשׁיר ישׁכב ולא יאסף עיניו פקח ואיננו׃20 תשׂיגהו כמים בלהות לילה גנבתו סופה׃21 ישׂאהו קדים וילך וישׂערהו ממקמו׃22 וישׁלך עליו ולא יחמל מידו ברוח יברח׃23 ישׂפק עלימו כפימו וישׁרק עליו ממקמו׃
Psalms 16:5
5 יהוה מנת חלקי וכוסי אתה תומיך גורלי׃
Psalms 75:8
8 (75:9) כי כוס ביד יהוה ויין חמר מלא מסך ויגר מזה אך שׁמריה ימצו ישׁתו כל רשׁעי ארץ׃
Psalms 105:32
32 נתן גשׁמיהם ברד אשׁ להבות בארצם׃
Isaiah 24:17-18
Isaiah 51:17
17 התעוררי התעוררי קומי ירושׁלם אשׁר שׁתית מיד יהוה את כוס חמתו את קבעת כוס התרעלה שׁתית מצית׃
Isaiah 51:22
22 כה אמר אדניך יהוה ואלהיך יריב עמו הנה לקחתי מידך את כוס התרעלה את קבעת כוס חמתי לא תוסיפי לשׁתותה עוד׃
Jeremiah 4:11-12
Jeremiah 25:15-17
Ezekiel 13:13
13 לכן כה אמר אדני יהוה ובקעתי רוח סערות בחמתי וגשׁם שׁטף באפי יהיה ואבני אלגבישׁ בחמה לכלה׃
Ezekiel 38:22
22 ונשׁפטתי אתו בדבר ובדם וגשׁם שׁוטף ואבני אלגבישׁ אשׁ וגפרית אמטיר עליו ועל אגפיו ועל עמים רבים אשׁר אתו׃
Habakkuk 2:16
16 שׂבעת קלון מכבוד שׁתה גם אתה והערל תסוב עליך כוס ימין יהוה וקיקלון על כבודך׃
Job 36:7
7 לא יגרע מצדיק עיניו ואת מלכים לכסא וישׁיבם לנצח ויגבהו׃
Psalms 5:12
12 (5:13) כי אתה תברך צדיק יהוה כצנה רצון תעטרנו׃
Psalms 7:11
11 (7:12) אלהים שׁופט צדיק ואל זעם בכל יום׃
Psalms 17:15
15 אני בצדק אחזה פניך אשׂבעה בהקיץ תמונתך׃
Psalms 21:6
6 (21:7) כי תשׁיתהו ברכות לעד תחדהו בשׂמחה את פניך׃
Psalms 33:5
5 אהב צדקה ומשׁפט חסד יהוה מלאה הארץ׃
Psalms 33:18
18 הנה עין יהוה אל יראיו למיחלים לחסדו׃
Psalms 34:15
15 (34:16) עיני יהוה אל צדיקים ואזניו אל שׁועתם׃
Psalms 42:5
5 (42:6) מה תשׁתוחחי נפשׁי ותהמי עלי הוחילי לאלהים כי עוד אודנו ישׁועות פניו׃
Psalms 45:7
7 (45:8) אהבת צדק ותשׂנא רשׁע על כן משׁחך אלהים אלהיך שׁמן שׂשׂון מחבריך׃
Psalms 99:4
4 ועז מלך משׁפט אהב אתה כוננת מישׁרים משׁפט וצדקה ביעקב אתה עשׂית׃
Psalms 146:8
8 יהוה פקח עורים יהוה זקף כפופים יהוה אהב צדיקים׃
Isaiah 61:8
8 כי אני יהוה אהב משׁפט שׂנא גזל בעולה ונתתי פעלתם באמת וברית עולם אכרות׃