Psalms 135:7 Cross References - HOT

7 מעלה נשׂאים מקצה הארץ ברקים למטר עשׂה מוצא רוח מאוצרותיו׃

Genesis 2:5-6

5 וכל שׂיח השׂדה טרם יהיה בארץ וכל עשׂב השׂדה טרם יצמח כי לא המטיר יהוה אלהים על הארץ ואדם אין לעבד את האדמה׃6 ואד יעלה מן הארץ והשׁקה את כל פני האדמה׃

1 Kings 18:1

1 ויהי ימים רבים ודבר יהוה היה אל אליהו בשׁנה השׁלישׁית לאמר לך הראה אל אחאב ואתנה מטר על פני האדמה׃

1 Kings 18:41-45

41 ויאמר אליהו לאחאב עלה אכל ושׁתה כי קול המון הגשׁם׃42 ויעלה אחאב לאכל ולשׁתות ואליהו עלה אל ראשׁ הכרמל ויגהר ארצה וישׂם פניו בין ברכו׃43 ויאמר אל נערו עלה נא הבט דרך ים ויעל ויבט ויאמר אין מאומה ויאמר שׁב שׁבע פעמים׃44 ויהי בשׁבעית ויאמר הנה עב קטנה ככף אישׁ עלה מים ויאמר עלה אמר אל אחאב אסר ורד ולא יעצרכה הגשׁם׃45 ויהי עד כה ועד כה והשׁמים התקדרו עבים ורוח ויהי גשׁם גדול וירכב אחאב וילך יזרעאלה׃

Job 5:10

10 הנתן מטר על פני ארץ ושׁלח מים על פני חוצות׃

Job 28:25-26

25 לעשׂות לרוח משׁקל ומים תכן במדה׃26 בעשׂתו למטר חק ודרך לחזיז קלות׃

Job 38:22-28

22 הבאת אל אצרות שׁלג ואצרות ברד תראה׃23 אשׁר חשׂכתי לעת צר ליום קרב ומלחמה׃24 אי זה הדרך יחלק אור יפץ קדים עלי ארץ׃25 מי פלג לשׁטף תעלה ודרך לחזיז קלות׃26 להמטיר על ארץ לא אישׁ מדבר לא אדם׃27 להשׂביע שׁאה ומשׁאה ולהצמיח מצא דשׁא׃28 הישׁ למטר אב או מי הוליד אגלי טל׃

Psalms 107:25

25 ויאמר ויעמד רוח סערה ותרומם גליו׃

Psalms 148:8

8 אשׁ וברד שׁלג וקיטור רוח סערה עשׂה דברו׃

Jeremiah 10:13

13 לקול תתו המון מים בשׁמים ויעלה נשׂאים מקצה ארץ ברקים למטר עשׂה ויוצא רוח מאצרתיו׃

Jeremiah 14:22

22 הישׁ בהבלי הגוים מגשׁמים ואם השׁמים יתנו רבבים הלא אתה הוא יהוה אלהינו ונקוה לך כי אתה עשׂית את כל אלה׃

Jeremiah 51:16

16 לקול תתו המון מים בשׁמים ויעל נשׂאים מקצה ארץ ברקים למטר עשׂה ויצא רוח מאצרתיו׃

Jonah 1:4

4 ויהוה הטיל רוח גדולה אל הים ויהי סער גדול בים והאניה חשׁבה להשׁבר׃

Zechariah 10:1

1 שׁאלו מיהוה מטר בעת מלקושׁ יהוה עשׂה חזיזים ומטר גשׁם יתן להם לאישׁ עשׂב בשׂדה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.