1 הללו יה הללי נפשׁי את יהוה׃2 אהללה יהוה בחיי אזמרה לאלהי בעודי׃3 אל תבטחו בנדיבים בבן אדם שׁאין לו תשׁועה׃4 תצא רוחו ישׁב לאדמתו ביום ההוא אבדו עשׁתנתיו׃5 אשׁרי שׁאל יעקב בעזרו שׂברו על יהוה אלהיו׃6 עשׂה שׁמים וארץ את הים ואת כל אשׁר בם השׁמר אמת לעולם׃7 עשׂה משׁפט לעשׁוקים נתן לחם לרעבים יהוה מתיר אסורים׃8 יהוה פקח עורים יהוה זקף כפופים יהוה אהב צדיקים׃9 יהוה שׁמר את גרים יתום ואלמנה יעודד ודרך רשׁעים יעות׃10 ימלך יהוה לעולם אלהיך ציון לדר ודר הללו יה׃
Psalms 146 Cross References - HOT
Psalms 103:1
1 לדוד ברכי נפשׁי את יהוה וכל קרבי את שׁם קדשׁו׃
Psalms 103:22-104:1
22 ברכו יהוה כל מעשׂיו בכל מקמות ממשׁלתו ברכי נפשׁי את יהוה׃
Psalms 104:35
35 יתמו חטאים מן הארץ ורשׁעים עוד אינם ברכי נפשׁי את יהוה הללו יה׃
Psalms 105:45
45 בעבור ישׁמרו חקיו ותורתיו ינצרו הללו יה׃
Psalms 63:4
4 (63:5) כן אברכך בחיי בשׁמך אשׂא כפי׃
Psalms 71:14-15
Psalms 104:33
33 אשׁירה ליהוה בחיי אזמרה לאלהי בעודי׃
Psalms 145:1-2
Psalms 60:11
11 (60:13) הבה לנו עזרת מצר ושׁוא תשׁועת אדם׃
Psalms 62:9
9 (62:10) אך הבל בני אדם כזב בני אישׁ במאזנים לעלות המה מהבל יחד׃
Psalms 108:12
12 (108:13) הבה לנו עזרת מצר ושׁוא תשׁועת אדם׃
Psalms 118:8-9
Isaiah 2:22
22 חדלו לכם מן האדם אשׁר נשׁמה באפו כי במה נחשׁב הוא׃
Isaiah 31:3
3 ומצרים אדם ולא אל וסוסיהם בשׂר ולא רוח ויהוה יטה ידו וכשׁל עוזר ונפל עזר ויחדו כלם יכליון׃
Isaiah 37:6
6 ויאמר אליהם ישׁעיהו כה תאמרון אל אדניכם כה אמר יהוה אל תירא מפני הדברים אשׁר שׁמעת אשׁר גדפו נערי מלך אשׁור אותי׃
Jeremiah 17:5-6
Genesis 2:7
7 וייצר יהוה אלהים את האדם עפר מן האדמה ויפח באפיו נשׁמת חיים ויהי האדם לנפשׁ חיה׃
Genesis 3:19
19 בזעת אפיך תאכל לחם עד שׁובך אל האדמה כי ממנה לקחת כי עפר אתה ואל עפר תשׁוב׃
Genesis 6:17
17 ואני הנני מביא את המבול מים על הארץ לשׁחת כל בשׂר אשׁר בו רוח חיים מתחת השׁמים כל אשׁר בארץ יגוע׃
Job 14:10
10 וגבר ימות ויחלשׁ ויגוע אדם ואיו׃
Job 14:21
21 יכבדו בניו ולא ידע ויצערו ולא יבין׃
Job 17:1
1 רוחי חבלה ימי נזעכו קברים׃
Job 17:11
11 ימי עברו זמתי נתקו מורשׁי לבבי׃
Job 27:3
3 כי כל עוד נשׁמתי בי ורוח אלוה באפי׃
Psalms 33:10
10 יהוה הפיר עצת גוים הניא מחשׁבות עמים׃
Psalms 90:3
3 תשׁב אנושׁ עד דכא ותאמר שׁובו בני אדם׃
Psalms 104:29
29 תסתיר פניך יבהלון תסף רוחם יגועון ואל עפרם ישׁובון׃
Ecclesiastes 12:7
7 וישׁב העפר על הארץ כשׁהיה והרוח תשׁוב אל האלהים אשׁר נתנה׃
Lamentations 4:20
20 רוח אפינו משׁיח יהוה נלכד בשׁחיתותם אשׁר אמרנו בצלו נחיה בגוים׃
Daniel 5:23
23 ועל מרא שׁמיא התרוממת ולמאניא די ביתה היתיו קדמיך ואנתה ורברבניך שׁגלתך ולחנתך חמרא שׁתין בהון ולאלהי כספא ודהבא נחשׁא פרזלא אעא ואבנא די לא חזין ולא שׁמעין ולא ידעין שׁבחת ולאלהא די נשׁמתך בידה וכל ארחתך לה לא הדרת׃
Genesis 32:24-29
24 (32:25) ויותר יעקב לבדו ויאבק אישׁ עמו עד עלות השׁחר׃25 (32:26) וירא כי לא יכל לו ויגע בכף ירכו ותקע כף ירך יעקב בהאבקו עמו׃26 (32:27) ויאמר שׁלחני כי עלה השׁחר ויאמר לא אשׁלחך כי אם ברכתני׃27 (32:28) ויאמר אליו מה שׁמך ויאמר יעקב׃28 (32:29) ויאמר לא יעקב יאמר עוד שׁמך כי אם ישׂראל כי שׂרית עם אלהים ועם אנשׁים ותוכל׃29 (32:30) וישׁאל יעקב ויאמר הגידה נא שׁמך ויאמר למה זה תשׁאל לשׁמי ויברך אתו שׁם׃
Genesis 50:17
17 כה תאמרו ליוסף אנא שׂא נא פשׁע אחיך וחטאתם כי רעה גמלוך ועתה שׂא נא לפשׁע עבדי אלהי אביך ויבך יוסף בדברם אליו׃
Exodus 3:6
6 ויאמר אנכי אלהי אביך אלהי אברהם אלהי יצחק ואלהי יעקב ויסתר משׁה פניו כי ירא מהביט אל האלהים׃
Deuteronomy 33:29
29 אשׁריך ישׂראל מי כמוך עם נושׁע ביהוה מגן עזרך ואשׁר חרב גאותך ויכחשׁו איביך לך ואתה על במותימו תדרך׃
Psalms 33:12
12 אשׁרי הגוי אשׁר יהוה אלהיו העם בחר לנחלה׃
Psalms 39:7
7 (39:8) ועתה מה קויתי אדני תוחלתי לך היא׃
Psalms 46:7
7 (46:8) יהוה צבאות עמנו משׂגב לנו אלהי יעקב סלה׃
Psalms 46:11
11 (46:12) יהוה צבאות עמנו משׂגב לנו אלהי יעקב סלה׃
Psalms 71:5
5 כי אתה תקותי אדני יהוה מבטחי מנעורי׃
Psalms 84:8
8 (84:9) יהוה אלהים צבאות שׁמעה תפלתי האזינה אלהי יעקב סלה׃
Psalms 84:12
12 (84:13) יהוה צבאות אשׁרי אדם בטח׃
Psalms 144:15
15 אשׁרי העם שׁככה לו אשׁרי העם שׁיהוה אלהיו׃
Jeremiah 17:7-8
Genesis 1:1
1 בראשׁית ברא אלהים את השׁמים ואת הארץ׃
Exodus 20:11
11 כי שׁשׁת ימים עשׂה יהוה את השׁמים ואת הארץ את הים ואת כל אשׁר בם וינח ביום השׁביעי על כן ברך יהוה את יום השׁבת ויקדשׁהו׃
Deuteronomy 7:9
9 וידעת כי יהוה אלהיך הוא האלהים האל הנאמן שׁמר הברית והחסד לאהביו ולשׁמרי מצותו לאלף דור׃
Job 38:8-11
Psalms 33:6
6 בדבר יהוה שׁמים נעשׂו וברוח פיו כל צבאם׃
Psalms 89:2
2 (89:3) כי אמרתי עולם חסד יבנה שׁמים תכן אמונתך׃
Psalms 89:33
33 (89:34) וחסדי לא אפיר מעמו ולא אשׁקר באמונתי׃
Psalms 95:5
5 אשׁר לו הים והוא עשׂהו ויבשׁת ידיו יצרו׃
Psalms 98:3
3 זכר חסדו ואמונתו לבית ישׂראל ראו כל אפסי ארץ את ישׁועת אלהינו׃
Psalms 100:5
5 כי טוב יהוה לעולם חסדו ועד דר ודר אמונתו׃
Psalms 115:15
15 ברוכים אתם ליהוה עשׂה שׁמים וארץ׃
Psalms 117:2
2 כי גבר עלינו חסדו ואמת יהוה לעולם הללו יה׃
Psalms 136:5-6
Psalms 148:5-6
Proverbs 8:28-29
Jeremiah 10:11-12
Jeremiah 32:17
17 אהה אדני יהוה הנה אתה עשׂית את השׁמים ואת הארץ בכחך הגדול ובזרעך הנטויה לא יפלא ממך כל דבר׃
Daniel 9:4
4 ואתפללה ליהוה אלהי ואתודה ואמרה אנא אדני האל הגדול והנורא שׁמר הברית והחסד לאהביו ולשׁמרי מצותיו׃
Micah 7:20
20 תתן אמת ליעקב חסד לאברהם אשׁר נשׁבעת לאבתינו מימי קדם׃
Psalms 9:16
16 (9:17) נודע יהוה משׁפט עשׂה בפעל כפיו נוקשׁ רשׁע הגיון סלה׃
Psalms 10:14-15
Psalms 10:18
18 לשׁפט יתום ודך בל יוסיף עוד לערץ אנושׁ מן הארץ׃
Psalms 12:5
5 (12:6) משׁד עניים מאנקת אביונים עתה אקום יאמר יהוה אשׁית בישׁע יפיח׃
Psalms 68:6
6 (68:7) אלהים מושׁיב יחידים ביתה מוציא אסירים בכושׁרות אך סוררים שׁכנו צחיחה׃
Psalms 72:4
4 ישׁפט עניי עם יושׁיע לבני אביון וידכא עושׁק׃
Psalms 103:6
6 עשׂה צדקות יהוה ומשׁפטים לכל עשׁוקים׃
Psalms 105:17-20
Psalms 107:9-10
Psalms 107:14-16
Psalms 136:25
25 נתן לחם לכל בשׂר כי לעולם חסדו׃
Psalms 142:7
7 (142:8) הוציאה ממסגר נפשׁי להודות את שׁמך בי יכתרו צדיקים כי תגמל עלי׃
Psalms 145:15-16
Proverbs 22:22-23
Proverbs 23:10-11
Isaiah 9:4
4 (9:3) כי את על סבלו ואת מטה שׁכמו שׁבט הנגשׂ בו החתת כיום מדין׃
Isaiah 61:1
1 רוח אדני יהוה עלי יען משׁח יהוה אתי לבשׂר ענוים שׁלחני לחבשׁ לנשׁברי לב לקרא לשׁבוים דרור ולאסורים פקח קוח׃
Jeremiah 31:14
14 ורויתי נפשׁ הכהנים דשׁן ועמי את טובי ישׂבעו נאם יהוה׃
Zechariah 9:11-12
Malachi 3:5
5 וקרבתי אליכם למשׁפט והייתי עד ממהר במכשׁפים ובמנאפים ובנשׁבעים לשׁקר ובעשׁקי שׂכר שׂכיר אלמנה ויתום ומטי גר ולא יראוני אמר יהוה צבאות׃
Deuteronomy 33:3
3 אף חבב עמים כל קדשׁיו בידך והם תכו לרגלך ישׂא מדברתיך׃
Psalms 11:7
7 כי צדיק יהוה צדקות אהב ישׁר יחזו פנימו׃
Psalms 145:14
14 סומך יהוה לכל הנפלים וזוקף לכל הכפופים׃
Psalms 147:6
6 מעודד ענוים יהוה משׁפיל רשׁעים עדי ארץ׃
Isaiah 35:5
5 אז תפקחנה עיני עורים ואזני חרשׁים תפתחנה׃
Isaiah 42:16
16 והולכתי עורים בדרך לא ידעו בנתיבות לא ידעו אדריכם אשׂים מחשׁך לפניהם לאור ומעקשׁים למישׁור אלה הדברים עשׂיתם ולא עזבתים׃
Isaiah 42:18
18 החרשׁים שׁמעו והעורים הביטו לראות׃
Exodus 22:21-22
Deuteronomy 10:18-19
Deuteronomy 16:11
11 ושׂמחת לפני יהוה אלהיך אתה ובנך ובתך ועבדך ואמתך והלוי אשׁר בשׁעריך והגר והיתום והאלמנה אשׁר בקרבך במקום אשׁר יבחר יהוה אלהיך לשׁכן שׁמו שׁם׃
2 Samuel 15:31
31 ודוד הגיד לאמר אחיתפל בקשׁרים עם אבשׁלום ויאמר דוד סכל נא את עצת אחיתפל יהוה׃
2 Samuel 17:23
23 ואחיתפל ראה כי לא נעשׂתה עצתו ויחבשׁ את החמור ויקם וילך אל ביתו אל עירו ויצו אל ביתו ויחנק וימת ויקבר בקבר אביו׃
Esther 5:14
14 ותאמר לו זרשׁ אשׁתו וכל אהביו יעשׂו עץ גבה חמשׁים אמה ובבקר אמר למלך ויתלו את מרדכי עליו ובא עם המלך אל המשׁתה שׂמח וייטב הדבר לפני המן ויעשׂ העץ׃
Esther 7:10
10 ויתלו את המן על העץ אשׁר הכין למרדכי וחמת המלך שׁככה׃
Esther 9:25
25 ובבאה לפני המלך אמר עם הספר ישׁוב מחשׁבתו הרעה אשׁר חשׁב על היהודים על ראשׁו ותלו אתו ואת בניו על העץ׃
Job 5:12-14
Psalms 18:26
26 (18:27) עם נבר תתברר ועם עקשׁ תתפתל׃
Psalms 68:5
5 (68:6) אבי יתומים ודין אלמנות אלהים במעון קדשׁו׃
Psalms 83:13-17
Psalms 145:20
20 שׁומר יהוה את כל אהביו ואת כל הרשׁעים ישׁמיד׃
Proverbs 4:19
19 דרך רשׁעים כאפלה לא ידעו במה יכשׁלו׃
Proverbs 15:25
25 בית גאים יסח יהוה ויצב גבול אלמנה׃
Jeremiah 49:11
11 עזבה יתמיך אני אחיה ואלמנתיך עלי תבטחו׃
Hosea 14:3
3 (14:4) אשׁור לא יושׁיענו על סוס לא נרכב ולא נאמר עוד אלהינו למעשׂה ידינו אשׁר בך ירחם יתום׃
Exodus 15:18
18 יהוה ימלך לעלם ועד׃
Psalms 10:16
16 יהוה מלך עולם ועד אבדו גוים מארצו׃
Psalms 145:13
13 מלכותך מלכות כל עלמים וממשׁלתך בכל דור ודור׃
Psalms 147:12
12 שׁבחי ירושׁלם את יהוה הללי אלהיך ציון׃
Isaiah 9:7
7 (9:6) לםרבה המשׂרה ולשׁלום אין קץ על כסא דוד ועל ממלכתו להכין אתה ולסעדה במשׁפט ובצדקה מעתה ועד עולם קנאת יהוה צבאות תעשׂה זאת׃
Isaiah 12:6
6 צהלי ורני יושׁבת ציון כי גדול בקרבך קדושׁ ישׂראל׃
Isaiah 40:9
9 על הר גבה עלי לך מבשׂרת ציון הרימי בכח קולך מבשׂרת ירושׁלם הרימי אל תיראי אמרי לערי יהודה הנה אלהיכם׃
Isaiah 52:7
7 מה נאוו על ההרים רגלי מבשׂר משׁמיע שׁלום מבשׂר טוב משׁמיע ישׁועה אמר לציון מלך אלהיך׃
Daniel 2:44
44 וביומיהון די מלכיא אנון יקים אלה שׁמיא מלכו די לעלמין לא תתחבל ומלכותה לעם אחרן לא תשׁתבק תדק ותסיף כל אלין מלכותא והיא תקום לעלמיא׃
Daniel 6:26
26 (6:27) מן קדמי שׂים טעם די בכל שׁלטן מלכותי להון זאעין ודחלין מן קדם אלהה די דניאל די הוא אלהא חיא וקים לעלמין ומלכותה די לא תתחבל ושׁלטנה עד סופא׃
Daniel 7:14
14 ולה יהיב שׁלטן ויקר ומלכו וכל עממיא אמיא ולשׁניא לה יפלחון שׁלטנה שׁלטן עלם די לא יעדה ומלכותה די לא תתחבל׃
Joel 3:17
17 (4:17) וידעתם כי אני יהוה אלהיכם שׁכן בציון הר קדשׁי והיתה ירושׁלם קדשׁ וזרים לא יעברו בה עוד׃