1 לדוד ריבה יהוה את יריבי לחם את לחמי׃2 החזק מגן וצנה וקומה בעזרתי׃3 והרק חנית וסגר לקראת רדפי אמר לנפשׁי ישׁעתך אני׃4 יבשׁו ויכלמו מבקשׁי נפשׁי יסגו אחור ויחפרו חשׁבי רעתי׃5 יהיו כמץ לפני רוח ומלאך יהוה דוחה׃6 יהי דרכם חשׁך וחלקלקות ומלאך יהוה רדפם׃7 כי חנם טמנו לי שׁחת רשׁתם חנם חפרו לנפשׁי׃8 תבואהו שׁואה לא ידע ורשׁתו אשׁר טמן תלכדו בשׁואה יפל׃9 ונפשׁי תגיל ביהוה תשׂישׂ בישׁועתו׃10 כל עצמותי תאמרנה יהוה מי כמוך מציל עני מחזק ממנו ועני ואביון מגזלו׃11 יקומון עדי חמס אשׁר לא ידעתי ישׁאלוני׃12 ישׁלמוני רעה תחת טובה שׁכול לנפשׁי׃13 ואני בחלותם לבושׁי שׂק עניתי בצום נפשׁי ותפלתי על חיקי תשׁוב׃14 כרע כאח לי התהלכתי כאבל אם קדר שׁחותי׃15 ובצלעי שׂמחו ונאספו נאספו עלי נכים ולא ידעתי קרעו ולא דמו׃16 בחנפי לעגי מעוג חרק עלי שׁנימו׃17 אדני כמה תראה השׁיבה נפשׁי משׁאיהם מכפירים יחידתי׃18 אודך בקהל רב בעם עצום אהללך׃19 אל ישׂמחו לי איבי שׁקר שׂנאי חנם יקרצו עין׃20 כי לא שׁלום ידברו ועל רגעי ארץ דברי מרמות יחשׁבון׃21 וירחיבו עלי פיהם אמרו האח האח ראתה עינינו׃22 ראיתה יהוה אל תחרשׁ אדני אל תרחק ממני׃23 העירה והקיצה למשׁפטי אלהי ואדני לריבי׃24 שׁפטני כצדקך יהוה אלהי ואל ישׂמחו׃25 אל יאמרו בלבם האח נפשׁנו אל יאמרו בלענוהו׃26 יבשׁו ויחפרו יחדו שׂמחי רעתי ילבשׁו בשׁת וכלמה המגדילים עלי׃27 ירנו וישׂמחו חפצי צדקי ויאמרו תמיד יגדל יהוה החפץ שׁלום עבדו׃28 ולשׁוני תהגה צדקך כל היום תהלתך׃
Psalms 35 Cross References - HOT
Exodus 14:25
25 ויסר את אפן מרכבתיו וינהגהו בכבדת ויאמר מצרים אנוסה מפני ישׂראל כי יהוה נלחם להם במצרים׃
Joshua 10:42
42 ואת כל המלכים האלה ואת ארצם לכד יהושׁע פעם אחת כי יהוה אלהי ישׂראל נלחם לישׂראל׃
1 Samuel 24:15
15 (24:16) והיה יהוה לדין ושׁפט ביני ובינך וירא וירב את ריבי וישׁפטני מידך׃
Nehemiah 4:20
20 (4:14) במקום אשׁר תשׁמעו את קול השׁופר שׁמה תקבצו אלינו אלהינו ילחם׃
Psalms 43:1
1 שׁפטני אלהים וריבה ריבי מגוי לא חסיד מאישׁ מרמה ועולה תפלטני׃
Psalms 119:154
154 ריבה ריבי וגאלני לאמרתך חיני׃
Proverbs 22:23
23 כי יהוה יריב ריבם וקבע את קבעיהם נפשׁ׃
Proverbs 23:11
11 כי גאלם חזק הוא יריב את ריבם אתך׃
Isaiah 49:25
25 כי כה אמר יהוה גם שׁבי גבור יקח ומלקוח עריץ ימלט ואת יריבך אנכי אריב ואת בניך אנכי אושׁיע׃
Jeremiah 51:36
36 לכן כה אמר יהוה הנני רב את ריבך ונקמתי את נקמתך והחרבתי את ימה והבשׁתי את מקורה׃
Lamentations 3:58
58 רבת אדני ריבי נפשׁי גאלת חיי׃
Micah 7:9
9 זעף יהוה אשׂא כי חטאתי לו עד אשׁר יריב ריבי ועשׂה משׁפטי יוציאני לאור אראה בצדקתו׃
Exodus 15:3
3 יהוה אישׁ מלחמה יהוה שׁמו׃
Deuteronomy 32:41-42
Psalms 7:12-13
Psalms 91:4
4 באברתו יסך לך ותחת כנפיו תחסה צנה וסחרה אמתו׃
Isaiah 13:5
5 באים מארץ מרחק מקצה השׁמים יהוה וכלי זעמו לחבל כל הארץ׃
Isaiah 42:13
13 יהוה כגבור יצא כאישׁ מלחמות יעיר קנאה יריע אף יצריח על איביו יתגבר׃
Genesis 49:18
18 לישׁועתך קויתי יהוה׃
1 Samuel 23:26-27
Job 1:10
10 הלא את שׂכת בעדו ובעד ביתו ובעד כל אשׁר לו מסביב מעשׂה ידיו ברכת ומקנהו פרץ בארץ׃
Psalms 27:2
2 בקרב עלי מרעים לאכל את בשׂרי צרי ואיבי לי המה כשׁלו ונפלו׃
Psalms 51:12
12 (51:14) השׁיבה לי שׂשׂון ישׁעך ורוח נדיבה תסמכני׃
Psalms 62:7
7 (62:8) על אלהים ישׁעי וכבודי צור עזי מחסי באלהים׃
Psalms 76:10
10 (76:11) כי חמת אדם תודך שׁארית חמת תחגר׃
Psalms 91:16
16 ארך ימים אשׂביעהו ואראהו בישׁועתי׃
Isaiah 8:9-10
Isaiah 10:12
12 והיה כי יבצע אדני את כל מעשׂהו בהר ציון ובירושׁלם אפקד על פרי גדל לבב מלך אשׁור ועל תפארת רום עיניו׃
Isaiah 12:2
2 הנה אל ישׁועתי אבטח ולא אפחד כי עזי וזמרת יה יהוה ויהי לי לישׁועה׃
1 Samuel 23:23
23 וראו ודעו מכל המחבאים אשׁר יתחבא שׁם ושׁבתם אלי אל נכון והלכתי אתכם והיה אם ישׁנו בארץ וחפשׂתי אתו בכל אלפי יהודה׃
1 Kings 19:10
10 ויאמר קנא קנאתי ליהוה אלהי צבאות כי עזבו בריתך בני ישׂראל את מזבחתיך הרסו ואת נביאיך הרגו בחרב ואותר אני לבדי ויבקשׁו את נפשׁי לקחתה׃
Psalms 31:17-18
Psalms 35:26
26 יבשׁו ויחפרו יחדו שׂמחי רעתי ילבשׁו בשׁת וכלמה המגדילים עלי׃
Psalms 38:12
12 (38:13) וינקשׁו מבקשׁי נפשׁי ודרשׁי רעתי דברו הוות ומרמות כל היום יהגו׃
Psalms 40:14-15
Psalms 70:2-3
Psalms 71:24
24 גם לשׁוני כל היום תהגה צדקתך כי בשׁו כי חפרו מבקשׁי רעתי׃
Psalms 129:5
5 יבשׁו ויסגו אחור כל שׂנאי ציון׃
Isaiah 37:29
29 יען התרגזך אלי ושׁאננך עלה באזני ושׂמתי חחי באפך ומתגי בשׂפתיך והשׁיבתיך בדרך אשׁר באת׃
Jeremiah 46:5
5 מדוע ראיתי המה חתים נסגים אחור וגבוריהם יכתו ומנוס נסו ולא הפנו מגור מסביב נאם יהוה׃
Ezekiel 13:19
19 ותחללנה אתי אל עמי בשׁעלי שׂערים ובפתותי לחם להמית נפשׁות אשׁר לא תמותנה ולחיות נפשׁות אשׁר לא תחיינה בכזבכם לעמי שׁמעי כזב׃
Exodus 14:19
19 ויסע מלאך האלהים ההלך לפני מחנה ישׂראל וילך מאחריהם ויסע עמוד הענן מפניהם ויעמד מאחריהם׃
Job 21:18
18 יהיו כתבן לפני רוח וכמץ גנבתו סופה׃
Psalms 1:4
4 לא כן הרשׁעים כי אם כמץ אשׁר תדפנו רוח׃
Psalms 83:13-17
Isaiah 17:13
13 לאמים כשׁאון מים רבים ישׁאון וגער בו ונס ממרחק ורדף כמץ הרים לפני רוח וכגלגל לפני סופה׃
Isaiah 29:5
5 והיה כאבק דק המון זריך וכמץ עבר המון עריצים והיה לפתע פתאם׃
Isaiah 37:36
36 ויצא מלאך יהוה ויכה במחנה אשׁור מאה ושׁמנים וחמשׁה אלף וישׁכימו בבקר והנה כלם פגרים מתים׃
Hosea 13:3
3 לכן יהיו כענן בקר וכטל משׁכים הלך כמץ יסער מגרן וכעשׁן מארבה׃
Psalms 73:18
18 אך בחלקות תשׁית למו הפלתם למשׁואות׃
Proverbs 4:19
19 דרך רשׁעים כאפלה לא ידעו במה יכשׁלו׃
Jeremiah 13:16
16 תנו ליהוה אלהיכם כבוד בטרם יחשׁך ובטרם יתנגפו רגליכם על הרי נשׁף וקויתם לאור ושׂמה לצלמות ישׁית לערפל׃
Jeremiah 23:12
12 לכן יהיה דרכם להם כחלקלקות באפלה ידחו ונפלו בה כי אביא עליהם רעה שׁנת פקדתם נאם יהוה׃
Job 18:8
8 כי שׁלח ברשׁת ברגליו ועל שׂבכה יתהלך׃
Psalms 7:3-5
Psalms 9:15
15 (9:16) טבעו גוים בשׁחת עשׂו ברשׁת זו טמנו נלכדה רגלם׃
Psalms 25:3
3 גם כל קויך לא יבשׁו יבשׁו הבוגדים ריקם׃
Psalms 64:4
4 (64:5) לירות במסתרים תם פתאם ירהו ולא ייראו׃
Psalms 69:4
4 (69:5) רבו משׂערות ראשׁי שׂנאי חנם עצמו מצמיתי איבי שׁקר אשׁר לא גזלתי אז אשׁיב׃
Psalms 119:85
85 כרו לי זדים שׁיחות אשׁר לא כתורתך׃
Psalms 140:5
5 (140:6) טמנו גאים פח לי וחבלים פרשׂו רשׁת ליד מעגל מקשׁים שׁתו לי סלה׃
1 Samuel 18:17
17 ויאמר שׁאול אל דוד הנה בתי הגדולה מרב אתה אתן לך לאשׁה אך היה לי לבן חיל והלחם מלחמות יהוה ושׁאול אמר אל תהי ידי בו ותהי בו יד פלשׁתים׃
1 Samuel 31:2-4
2 Samuel 17:2-4
2 Samuel 17:23
23 ואחיתפל ראה כי לא נעשׂתה עצתו ויחבשׁ את החמור ויקם וילך אל ביתו אל עירו ויצו אל ביתו ויחנק וימת ויקבר בקבר אביו׃
2 Samuel 18:14-15
Esther 7:10
10 ויתלו את המן על העץ אשׁר הכין למרדכי וחמת המלך שׁככה׃
Psalms 7:15-16
Psalms 57:6
6 (57:7) רשׁת הכינו לפעמי כפף נפשׁי כרו לפני שׁיחה נפלו בתוכה סלה׃
Psalms 64:7
7 (64:8) וירם אלהים חץ פתאום היו מכותם׃
Psalms 73:18-20
Psalms 141:9-10
Proverbs 5:22
22 עוונותיו ילכדנו את הרשׁע ובחבלי חטאתו יתמך׃
Proverbs 29:1
1 אישׁ תוכחות מקשׁה ערף פתע ישׁבר ואין מרפא׃
Isaiah 47:11
11 ובא עליך רעה לא תדעי שׁחרה ותפל עליך הוה לא תוכלי כפרה ותבא עליך פתאם שׁואה לא תדעי׃
1 Samuel 2:1
1 ותתפלל חנה ותאמר עלץ לבי ביהוה רמה קרני ביהוה רחב פי על אויבי כי שׂמחתי בישׁועתך׃
Psalms 9:14
14 (9:15) למען אספרה כל תהלתיך בשׁערי בת ציון אגילה בישׁועתך׃
Psalms 13:5
5 (13:6) ואני בחסדך בטחתי יגל לבי בישׁועת׃
Psalms 21:1
1 למנצח מזמור לדוד׃ (21:2) יהוה בעזך ישׂמח מלך ובישׁועתך מה יגיל מאד׃
Psalms 33:21
21 כי בו ישׂמח לבנו כי בשׁם קדשׁו בטחנו׃
Psalms 48:11
11 (48:12) ישׂמח הר ציון תגלנה בנות יהודה למען משׁפטיך׃
Psalms 58:10-11
Psalms 68:1-3
Isaiah 61:10
10 שׂושׂ אשׂישׂ ביהוה תגל נפשׁי באלהי כי הלבישׁני בגדי ישׁע מעיל צדקה יעטני כחתן יכהן פאר וככלה תעדה כליה׃
Habakkuk 3:18
18 ואני ביהוה אעלוזה אגילה באלהי ישׁעי׃
Exodus 15:11
11 מי כמכה באלם יהוה מי כמכה נאדר בקדשׁ נורא תהלת עשׂה פלא׃
Job 5:15-16
Job 33:19-25
Psalms 10:14
14 ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃
Psalms 18:17
17 (18:18) יצילני מאיבי עז ומשׂנאי כי אמצו ממני׃
Psalms 22:14
14 (22:15) כמים נשׁפכתי והתפרדו כל עצמותי היה לבי כדונג נמס בתוך מעי׃
Psalms 22:24
24 (22:25) כי לא בזה ולא שׁקץ ענות עני ולא הסתיר פניו ממנו ובשׁועו אליו שׁמע׃
Psalms 32:3
3 כי החרשׁתי בלו עצמי בשׁאגתי כל היום׃
Psalms 34:6
6 (34:7) זה עני קרא ויהוה שׁמע ומכל צרותיו הושׁיעו׃
Psalms 34:20
20 (34:21) שׁמר כל עצמותיו אחת מהנה לא נשׁברה׃
Psalms 37:14
14 חרב פתחו רשׁעים ודרכו קשׁתם להפיל עני ואביון לטבוח ישׁרי דרך׃
Psalms 38:3
3 (38:4) אין מתם בבשׂרי מפני זעמך אין שׁלום בעצמי מפני חטאתי׃
Psalms 51:8
8 (51:10) תשׁמיעני שׂשׂון ושׂמחה תגלנה עצמות דכית׃
Psalms 69:33
33 (69:34) כי שׁמע אל אביונים יהוה ואת אסיריו לא בזה׃
Psalms 71:19
19 וצדקתך אלהים עד מרום אשׁר עשׂית גדלות אלהים מי כמוך׃
Psalms 86:8
8 אין כמוך באלהים אדני ואין כמעשׂיך׃
Psalms 89:6-8
Psalms 102:3
3 (102:4) כי כלו בעשׁן ימי ועצמותי כמו קד נחרו׃
Psalms 102:17-20
Psalms 109:31
31 כי יעמד לימין אביון להושׁיע משׁפטי נפשׁו׃
Psalms 140:12
12 (140:13) ידעת כי יעשׂה יהוה דין עני משׁפט אבינים׃
Proverbs 22:22-23
Isaiah 40:18
18 ואל מי תדמיון אל ומה דמות תערכו׃
Isaiah 40:25
25 ואל מי תדמיוני ואשׁוה יאמר קדושׁ׃
Jeremiah 10:7
7 מי לא יראך מלך הגוים כי לך יאתה כי בכל חכמי הגוים ובכל מלכותם מאין כמוך׃
1 Samuel 24:9
9 (24:10) ויאמר דוד לשׁאול למה תשׁמע את דברי אדם לאמר הנה דוד מבקשׁ רעתך׃
1 Samuel 25:10
10 ויען נבל את עבדי דוד ויאמר מי דוד ומי בן ישׁי היום רבו עבדים המתפרצים אישׁ מפני אדניו׃
Psalms 27:12
12 אל תתנני בנפשׁ צרי כי קמו בי עדי שׁקר ויפח חמס׃
1 Samuel 19:4-5
1 Samuel 19:15
15 וישׁלח שׁאול את המלאכים לראות את דוד לאמר העלו אתו במטה אלי להמתו׃
1 Samuel 20:31-33
1 Samuel 22:13-14
Psalms 38:20
20 (38:21) ומשׁלמי רעה תחת טובה ישׂטנוני תחת רדופי טוב׃
Psalms 109:3-5
Proverbs 17:13
13 משׁיב רעה תחת טובה לא תמישׁ רעה מביתו׃
Jeremiah 18:20
20 הישׁלם תחת טובה רעה כי כרו שׁוחה לנפשׁי זכר עמדי לפניך לדבר עליהם טובה להשׁיב את חמתך מהם׃
Leviticus 16:29
29 והיתה לכם לחקת עולם בחדשׁ השׁביעי בעשׂור לחדשׁ תענו את נפשׁתיכם וכל מלאכה לא תעשׂו האזרח והגר הגר בתוככם׃
Leviticus 16:31
31 שׁבת שׁבתון היא לכם ועניתם את נפשׁתיכם חקת עולם׃
1 Kings 21:27-29
Job 30:25
25 אם לא בכיתי לקשׁה יום עגמה נפשׁי לאביון׃
Psalms 69:10-11
Isaiah 58:3
3 למה צמנו ולא ראית ענינו נפשׁנו ולא תדע הן ביום צמכם תמצאו חפץ וכל עצביכם תנגשׂו׃
Isaiah 58:5
5 הכזה יהיה צום אבחרהו יום ענות אדם נפשׁו הלכף כאגמן ראשׁו ושׂק ואפר יציע הלזה תקרא צום ויום רצון ליהוה׃
Genesis 24:67
67 ויבאה יצחק האהלה שׂרה אמו ויקח את רבקה ותהי לו לאשׁה ויאהבה וינחם יצחק אחרי אמו׃
2 Samuel 1:11-12
2 Samuel 1:17-27
17 ויקנן דוד את הקינה הזאת על שׁאול ועל יהונתן בנו׃18 ויאמר ללמד בני יהודה קשׁת הנה כתובה על ספר הישׁר׃19 הצבי ישׂראל על במותיך חלל איך נפלו גבורים׃20 אל תגידו בגת אל תבשׂרו בחוצת אשׁקלון פן תשׂמחנה בנות פלשׁתים פן תעלזנה בנות הערלים׃21 הרי בגלבע אל טל ואל מטר עליכם ושׂדי תרומת כי שׁם נגעל מגן גבורים מגן שׁאול בלי משׁיח בשׁמן׃22 מדם חללים מחלב גבורים קשׁת יהונתן לא נשׂוג אחור וחרב שׁאול לא תשׁוב ריקם׃23 שׁאול ויהונתן הנאהבים והנעימם בחייהם ובמותם לא נפרדו מנשׁרים קלו מאריות גברו׃24 בנות ישׂראל אל שׁאול בכינה המלבשׁכם שׁני עם עדנים המעלה עדי זהב על לבושׁכן׃25 איך נפלו גברים בתוך המלחמה יהונתן על במותיך חלל׃26 צר לי עליך אחי יהונתן נעמת לי מאד נפלאתה אהבתך לי מאהבת נשׁים׃27 איך נפלו גבורים ויאבדו כלי מלחמה׃
Psalms 38:6
6 (38:7) נעויתי שׁחתי עד מאד כל היום קדר הלכתי׃
Job 16:9
9 אפו טרף וישׂטמני חרק עלי בשׁניו צרי ילטושׁ עיניו׃
Job 30:1-12
1 ועתה שׂחקו עלי צעירים ממני לימים אשׁר מאסתי אבותם לשׁית עם כלבי צאני׃2 גם כח ידיהם למה לי עלימו אבד כלח׃3 בחסר ובכפן גלמוד הערקים ציה אמשׁ שׁואה ומשׁאה׃4 הקטפים מלוח עלי שׂיח ושׁרשׁ רתמים לחמם׃5 מן גו יגרשׁו יריעו עלימו כגנב׃6 בערוץ נחלים לשׁכן חרי עפר וכפים׃7 בין שׂיחים ינהקו תחת חרול יספחו׃8 בני נבל גם בני בלי שׁם נכאו מן הארץ׃9 ועתה נגינתם הייתי ואהי להם למלה׃10 תעבוני רחקו מני ומפני לא חשׂכו רק׃11 כי יתרו פתח ויענני ורסן מפני שׁלחו׃12 על ימין פרחח יקומו רגלי שׁלחו ויסלו עלי ארחות אידם׃
Job 31:29
29 אם אשׂמח בפיד משׂנאי והתעררתי כי מצאו רע׃
Psalms 7:2
2 (7:3) פן יטרף כאריה נפשׁי פרק ואין מציל׃
Psalms 22:16
16 (22:17) כי סבבוני כלבים עדת מרעים הקיפוני כארי ידי ורגלי׃
Psalms 35:8
8 תבואהו שׁואה לא ידע ורשׁתו אשׁר טמן תלכדו בשׁואה יפל׃
Psalms 35:25-26
Psalms 38:17
17 (38:18) כי אני לצלע נכון ומכאובי נגדי תמיד׃
Psalms 41:8
8 (41:9) דבר בליעל יצוק בו ואשׁר שׁכב לא יוסיף לקום׃
Psalms 57:4
4 (57:5) נפשׁי בתוך לבאם אשׁכבה להטים בני אדם שׁניהם חנית וחצים ולשׁונם חרב חדה׃
Psalms 69:12
12 (69:13) ישׂיחו בי ישׁבי שׁער ונגינות שׁותי שׁכר׃
Psalms 71:10-11
Proverbs 17:5
5 לעג לרשׁ חרף עשׂהו שׂמח לאיד לא ינקה׃
Proverbs 24:17-18
Jeremiah 20:10
10 כי שׁמעתי דבת רבים מגור מסביב הגידו ונגידנו כל אנושׁ שׁלומי שׁמרי צלעי אולי יפתה ונוכלה לו ונקחה נקמתנו ממנו׃
1 Samuel 20:24-42
24 ויסתר דוד בשׂדה ויהי החדשׁ וישׁב המלך על הלחם לאכול׃25 וישׁב המלך על מושׁבו כפעם בפעם אל מושׁב הקיר ויקם יהונתן וישׁב אבנר מצד שׁאול ויפקד מקום דוד׃26 ולא דבר שׁאול מאומה ביום ההוא כי אמר מקרה הוא בלתי טהור הוא כי לא טהור׃27 ויהי ממחרת החדשׁ השׁני ויפקד מקום דוד ויאמר שׁאול אל יהונתן בנו מדוע לא בא בן ישׁי גם תמול גם היום אל הלחם׃28 ויען יהונתן את שׁאול נשׁאל נשׁאל דוד מעמדי עד בית לחם׃29 ויאמר שׁלחני נא כי זבח משׁפחה לנו בעיר והוא צוה לי אחי ועתה אם מצאתי חן בעיניך אמלטה נא ואראה את אחי על כן לא בא אל שׁלחן המלך׃30 ויחר אף שׁאול ביהונתן ויאמר לו בן נעות המרדות הלוא ידעתי כי בחר אתה לבן ישׁי לבשׁתך ולבשׁת ערות אמך׃31 כי כל הימים אשׁר בן ישׁי חי על האדמה לא תכון אתה ומלכותך ועתה שׁלח וקח אתו אלי כי בן מות הוא׃32 ויען יהונתן את שׁאול אביו ויאמר אליו למה יומת מה עשׂה׃33 ויטל שׁאול את החנית עליו להכתו וידע יהונתן כי כלה היא מעם אביו להמית את דוד׃34 ויקם יהונתן מעם השׁלחן בחרי אף ולא אכל ביום החדשׁ השׁני לחם כי נעצב אל דוד כי הכלמו אביו׃35 ויהי בבקר ויצא יהונתן השׂדה למועד דוד ונער קטן עמו׃36 ויאמר לנערו רץ מצא נא את החצים אשׁר אנכי מורה הנער רץ והוא ירה החצי להעברו׃37 ויבא הנער עד מקום החצי אשׁר ירה יהונתן ויקרא יהונתן אחרי הנער ויאמר הלוא החצי ממך והלאה׃38 ויקרא יהונתן אחרי הנער מהרה חושׁה אל תעמד וילקט נער יהונתן את החצי ויבא אל אדניו׃39 והנער לא ידע מאומה אך יהונתן ודוד ידעו את הדבר׃40 ויתן יהונתן את כליו אל הנער אשׁר לו ויאמר לו לך הביא העיר׃41 הנער בא ודוד קם מאצל הנגב ויפל לאפיו ארצה וישׁתחו שׁלשׁ פעמים וישׁקו אישׁ את רעהו ויבכו אישׁ את רעהו עד דוד הגדיל׃42 ויאמר יהונתן לדוד לך לשׁלום אשׁר נשׁבענו שׁנינו אנחנו בשׁם יהוה לאמר יהוה יהיה ביני ובינך ובין זרעי ובין זרעך עד עולם׃ (21:1) ויקם וילך ויהונתן בא העיר׃
Psalms 37:12
12 זמם רשׁע לצדיק וחרק עליו שׁניו׃
Isaiah 1:14-15
Lamentations 2:16
16 פצו עליך פיהם כל אויביך שׁרקו ויחרקו שׁן אמרו בלענו אך זה היום שׁקוינהו מצאנו ראינו׃
Psalms 6:3
3 (6:4) ונפשׁי נבהלה מאד ואת יהוה עד מתי׃
Psalms 13:1-2
Psalms 22:20-21
Psalms 69:14-15
Psalms 74:9-10
Psalms 89:46
46 (89:47) עד מה יהוה תסתר לנצח תבער כמו אשׁ חמתך׃
Psalms 94:3-4
Psalms 142:6-7
Habakkuk 1:13
13 טהור עינים מראות רע והביט אל עמל לא תוכל למה תביט בוגדים תחרישׁ בבלע רשׁע צדיק ממנו׃
Psalms 22:22-25
Psalms 22:31
31 (22:32) יבאו ויגידו צדקתו לעם נולד כי עשׂה׃
Psalms 40:9-10
Psalms 67:1-4
Psalms 69:30-34
Psalms 111:1
1 הללו יה אודה יהוה בכל לבב בסוד ישׁרים ועדה׃
Psalms 116:14
14 נדרי ליהוה אשׁלם נגדה נא לכל עמו׃
Psalms 116:18
18 נדרי ליהוה אשׁלם נגדה נא לכל עמו׃
Psalms 117:1-2
Psalms 138:4-5
Isaiah 25:3
3 על כן יכבדוך עם עז קרית גוים עריצים ייראוך׃
1 Samuel 24:11-12
Job 15:12
12 מה יקחך לבך ומה ירזמון עיניך׃
Psalms 13:4
4 (13:5) פן יאמר איבי יכלתיו צרי יגילו כי אמוט׃
Psalms 25:2
2 אלהי בך בטחתי אל אבושׁה אל יעלצו איבי׃
Psalms 35:15
15 ובצלעי שׂמחו ונאספו נאספו עלי נכים ולא ידעתי קרעו ולא דמו׃
Psalms 38:16
16 (38:17) כי אמרתי פן ישׂמחו לי במוט רגלי עלי הגדילו׃
Psalms 38:19
19 (38:20) ואיבי חיים עצמו ורבו שׂנאי שׁקר׃
Psalms 109:3
3 ודברי שׂנאה סבבוני וילחמוני חנם׃
Psalms 119:161
161 שׂרים רדפוני חנם ומדבריך פחד לבי׃
Proverbs 6:13
13 קרץ בעינו מלל ברגלו מרה באצבעתיו׃
Proverbs 10:10
10 קרץ עין יתן עצבת ואויל שׂפתים ילבט׃
Lamentations 3:52
52 צוד צדוני כצפור איבי חנם׃
Psalms 31:13
13 (31:14) כי שׁמעתי דבת רבים מגור מסביב בהוסדם יחד עלי לקחת נפשׁי זממו׃
Psalms 36:3-4
Psalms 52:2
2 (52:4) הוות תחשׁב לשׁונך כתער מלטשׁ עשׂה רמיה׃
Psalms 64:4-6
Psalms 120:5-7
Psalms 140:2-5
Jeremiah 11:19
19 ואני ככבשׂ אלוף יובל לטבוח ולא ידעתי כי עלי חשׁבו מחשׁבות נשׁחיתה עץ בלחמו ונכרתנו מארץ חיים ושׁמו לא יזכר עוד׃
Daniel 6:5
5 (6:6) אדין גבריא אלך אמרין די לא נהשׁכח לדניאל דנה כל עלא להן השׁכחנה עלוהי בדת אלהה׃
Psalms 22:13
13 (22:14) פצו עלי פיהם אריה טרף ושׁאג׃
Psalms 40:15
15 (40:16) ישׁמו על עקב בשׁתם האמרים לי האח האח׃
Psalms 54:7
7 (54:9) כי מכל צרה הצילני ובאיבי ראתה עיני׃
Psalms 70:3
3 (70:4) ישׁובו על עקב בשׁתם האמרים האח האח׃
Isaiah 9:12
12 (9:11) ארם מקדם ופלשׁתים מאחור ויאכלו את ישׂראל בכל פה בכל זאת לא שׁב אפו ועוד ידו נטויה׃
Exodus 3:7
7 ויאמר יהוה ראה ראיתי את עני עמי אשׁר במצרים ואת צעקתם שׁמעתי מפני נגשׂיו כי ידעתי את מכאביו׃
Psalms 10:1
1 למה יהוה תעמד ברחוק תעלים לעתות בצרה׃
Psalms 22:11
11 (22:12) אל תרחק ממני כי צרה קרובה כי אין עוזר׃
Psalms 22:19
19 (22:20) ואתה יהוה אל תרחק אילותי לעזרתי חושׁה׃
Psalms 28:1
1 לדוד אליך יהוה אקרא צורי אל תחרשׁ ממני פן תחשׁה ממני ונמשׁלתי עם יורדי בור׃
Psalms 38:21
21 (38:22) אל תעזבני יהוה אלהי אל תרחק ממני׃
Psalms 39:12
12 (39:13) שׁמעה תפלתי יהוה ושׁועתי האזינה אל דמעתי אל תחרשׁ כי גר אנכי עמך תושׁב ככל אבותי׃
Psalms 50:21
21 אלה עשׂית והחרשׁתי דמית היות אהיה כמוך אוכיחך ואערכה לעיניך׃
Psalms 71:12
12 אלהים אל תרחק ממני אלהי לעזרתי חישׁה׃
Psalms 83:1
1 שׁיר מזמור לאסף׃ (83:2) אלהים אל דמי לך אל תחרשׁ ואל תשׁקט אל׃
Isaiah 65:6
6 הנה כתובה לפני לא אחשׂה כי אם שׁלמתי ושׁלמתי על חיקם׃
Psalms 7:6
6 (7:7) קומה יהוה באפך הנשׂא בעברות צוררי ועורה אלי משׁפט צוית׃
Psalms 44:23
23 (44:24) עורה למה תישׁן אדני הקיצה אל תזנח לנצח׃
Psalms 59:4
4 (59:5) בלי עון ירוצון ויכוננו עורה לקראתי וראה׃
Psalms 80:2
2 (80:3) לפני אפרים ובנימן ומנשׁה עוררה את גבורתך ולכה לישׁעתה׃
Psalms 89:26
26 (89:27) הוא יקראני אבי אתה אלי וצור ישׁועתי׃
Psalms 142:5
5 (142:6) זעקתי אליך יהוה אמרתי אתה מחסי חלקי בארץ החיים׃
Isaiah 51:9
9 עורי עורי לבשׁי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין׃
Job 20:5
5 כי רננת רשׁעים מקרוב ושׂמחת חנף עדי רגע׃
Psalms 7:8
8 (7:9) יהוה ידין עמים שׁפטני יהוה כצדקי וכתמי עלי׃
Psalms 18:20-24
Psalms 26:1
1 לדוד שׁפטני יהוה כי אני בתמי הלכתי וביהוה בטחתי לא אמעד׃
Psalms 35:19
19 אל ישׂמחו לי איבי שׁקר שׂנאי חנם יקרצו עין׃
Exodus 15:9
9 אמר אויב ארדף אשׂיג אחלק שׁלל תמלאמו נפשׁי אריק חרבי תורישׁמו ידי׃
2 Samuel 20:19
19 אנכי שׁלמי אמוני ישׂראל אתה מבקשׁ להמית עיר ואם בישׂראל למה תבלע נחלת יהוה׃
Job 1:5
5 ויהי כי הקיפו ימי המשׁתה וישׁלח איוב ויקדשׁם והשׁכים בבקר והעלה עלות מספר כלם כי אמר איוב אולי חטאו בני וברכו אלהים בלבבם ככה יעשׂה איוב כל הימים׃
Psalms 28:3
3 אל תמשׁכני עם רשׁעים ועם פעלי און דברי שׁלום עם רעיהם ורעה בלבבם׃
Psalms 56:1-2
Psalms 57:3
3 (57:4) ישׁלח משׁמים ויושׁיעני חרף שׁאפי סלה ישׁלח אלהים חסדו ואמתו׃
Psalms 74:8
8 אמרו בלבם נינם יחד שׂרפו כל מועדי אל בארץ׃
Psalms 124:3
3 אזי חיים בלעונו בחרות אפם׃
Psalms 140:8
8 (140:9) אל תתן יהוה מאויי רשׁע זממו אל תפק ירומו סלה׃
Job 8:22
22 שׂנאיך ילבשׁו בשׁת ואהל רשׁעים איננו׃
Job 19:5
5 אם אמנם עלי תגדילו ותוכיחו עלי חרפתי׃
Psalms 35:4
4 יבשׁו ויכלמו מבקשׁי נפשׁי יסגו אחור ויחפרו חשׁבי רעתי׃
Psalms 55:12
12 (55:13) כי לא אויב יחרפני ואשׂא לא משׂנאי עלי הגדיל ואסתר ממנו׃
Psalms 71:13
13 יבשׁו יכלו שׂטני נפשׁי יעטו חרפה וכלמה מבקשׁי רעתי׃
Psalms 109:28-29
Psalms 132:18
18 אויביו אלבישׁ בשׁת ועליו יציץ נזרו׃
Isaiah 41:11
11 הן יבשׁו ויכלמו כל הנחרים בך יהיו כאין ויאבדו אנשׁי ריבך׃
Isaiah 65:13-15
Jeremiah 48:26
26 השׁכירהו כי על יהוה הגדיל וספק מואב בקיאו והיה לשׂחק גם הוא׃
Daniel 11:36
36 ועשׂה כרצונו המלך ויתרומם ויתגדל על כל אל ועל אל אלים ידבר נפלאות והצליח עד כלה זעם כי נחרצה נעשׂתה׃
Psalms 9:4
4 (9:5) כי עשׂית משׁפטי ודיני ישׁבת לכסא שׁופט צדק׃
Psalms 32:11
11 שׂמחו ביהוה וגילו צדיקים והרנינו כל ישׁרי לב׃
Psalms 40:16
16 (40:17) ישׂישׂו וישׂמחו בך כל מבקשׁיך יאמרו תמיד יגדל יהוה אהבי תשׁועתך׃
Psalms 68:3
3 (68:4) וצדיקים ישׂמחו יעלצו לפני אלהים וישׂישׂו בשׂמחה׃
Psalms 70:4
4 (70:5) ישׂישׂו וישׂמחו בך כל מבקשׁיך ויאמרו תמיד יגדל אלהים אהבי ישׁועתך׃
Psalms 132:9
9 כהניך ילבשׁו צדק וחסידיך ירננו׃
Psalms 132:16
16 וכהניה אלבישׁ ישׁע וחסידיה רנן ירננו׃
Psalms 142:7
7 (142:8) הוציאה ממסגר נפשׁי להודות את שׁמך בי יכתרו צדיקים כי תגמל עלי׃
Psalms 147:11
11 רוצה יהוה את יראיו את המיחלים לחסדו׃
Psalms 149:4
4 כי רוצה יהוה בעמו יפאר ענוים בישׁועה׃
Proverbs 8:18
18 עשׁר וכבוד אתי הון עתק וצדקה׃
Isaiah 66:10-11
Jeremiah 32:40-41
Zephaniah 3:14
14 רני בת ציון הריעו ישׂראל שׂמחי ועלזי בכל לב בת ירושׁלם׃
Zephaniah 3:17
17 יהוה אלהיך בקרבך גבור יושׁיע ישׂישׂ עליך בשׂמחה יחרישׁ באהבתו יגיל עליך ברנה׃
Psalms 34:1
1 לדוד בשׁנותו את טעמו לפני אבימלך ויגרשׁהו וילך׃ (34:2) אברכה את יהוה בכל עת תמיד תהלתו בפי׃
Psalms 50:15
15 וקראני ביום צרה אחלצך ותכבדני׃
Psalms 51:14-15
Psalms 71:15
15 פי יספר צדקתך כל היום תשׁועתך כי לא ידעתי ספרות׃
Psalms 104:33-34
Psalms 145:1-2
Psalms 145:5
5 הדר כבוד הודך ודברי נפלאותיך אשׂיחה׃
Psalms 145:21
21 תהלת יהוה ידבר פי ויברך כל בשׂר שׁם קדשׁו לעולם ועד׃