1 למנצח בנגינות על השׁמינית מזמור לדוד׃ (6:2) יהוה אל באפך תוכיחני ואל בחמתך תיסרני׃2 (6:3) חנני יהוה כי אמלל אני רפאני יהוה כי נבהלו עצמי׃3 (6:4) ונפשׁי נבהלה מאד ואת יהוה עד מתי׃4 (6:5) שׁובה יהוה חלצה נפשׁי הושׁיעני למען חסדך׃5 (6:6) כי אין במות זכרך בשׁאול מי יודה׃6 (6:7) יגעתי באנחתי אשׂחה בכל לילה מטתי בדמעתי ערשׂי אמסה׃7 (6:8) עשׁשׁה מכעס עיני עתקה בכל צוררי׃8 (6:9) סורו ממני כל פעלי און כי שׁמע יהוה קול בכיי׃9 (6:10) שׁמע יהוה תחנתי יהוה תפלתי יקח׃10 (6:11) יבשׁו ויבהלו מאד כל איבי ישׁבו יבשׁו רגע׃
Psalms 6 Cross References - HOT
1 Chronicles 15:21
21 ומתתיהו ואליפלהו ומקניהו ועבד אדם ויעיאל ועזזיהו בכנרות על השׁמינית לנצח׃
Psalms 2:5
5 אז ידבר אלימו באפו ובחרונו יבהלמו׃
Psalms 4:1
1 למנצח בנגינות מזמור לדוד׃ (4:2) בקראי ענני אלהי צדקי בצר הרחבת לי חנני ושׁמע תפלתי׃
Psalms 12:1
1 למנצח על השׁמינית מזמור לדוד׃ (12:2) הושׁיעה יהוה כי גמר חסיד כי פסו אמונים מבני אדם׃
Psalms 38:1
1 מזמור לדוד להזכיר׃ (38:2) יהוה אל בקצפך תוכיחני ובחמתך תיסרני׃
Psalms 118:18
18 יסר יסרני יה ולמות לא נתנני׃
Isaiah 54:9
9 כי מי נח זאת לי אשׁר נשׁבעתי מעבר מי נח עוד על הארץ כן נשׁבעתי מקצף עליך ומגער׃
Isaiah 57:16
16 כי לא לעולם אריב ולא לנצח אקצוף כי רוח מלפני יעטוף ונשׁמות אני עשׂיתי׃
Jeremiah 10:24
24 יסרני יהוה אך במשׁפט אל באפך פן תמעטני׃
Jeremiah 46:28
28 אתה אל תירא עבדי יעקב נאם יהוה כי אתך אני כי אעשׂה כלה בכל הגוים אשׁר הדחתיך שׁמה ואתך לא אעשׂה כלה ויסרתיך למשׁפט ונקה לא אנקך׃
Genesis 20:17
17 ויתפלל אברהם אל האלהים וירפא אלהים את אבימלך ואת אשׁתו ואמהתיו וילדו׃
Exodus 15:26
26 ויאמר אם שׁמוע תשׁמע לקול יהוה אלהיך והישׁר בעיניו תעשׂה והאזנת למצותיו ושׁמרת כל חקיו כל המחלה אשׁר שׂמתי במצרים לא אשׂים עליך כי אני יהוה רפאך׃
Numbers 12:13
13 ויצעק משׁה אל יהוה לאמר אל נא רפא נא׃
Deuteronomy 32:39
39 ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל׃
Job 5:18
18 כי הוא יכאיב ויחבשׁ ימחץ וידו תרפינה׃
Job 19:21
21 חנני חנני אתם רעי כי יד אלוה נגעה׃
Job 33:19-21
Psalms 22:14
14 (22:15) כמים נשׁפכתי והתפרדו כל עצמותי היה לבי כדונג נמס בתוך מעי׃
Psalms 30:2
2 (30:3) יהוה אלהי שׁועתי אליך ותרפאני׃
Psalms 31:10
10 (31:11) כי כלו ביגון חיי ושׁנותי באנחה כשׁל בעוני כחי ועצמי עשׁשׁו׃
Psalms 32:3
3 כי החרשׁתי בלו עצמי בשׁאגתי כל היום׃
Psalms 38:3
3 (38:4) אין מתם בבשׂרי מפני זעמך אין שׁלום בעצמי מפני חטאתי׃
Psalms 38:7
7 (38:8) כי כסלי מלאו נקלה ואין מתם בבשׂרי׃
Psalms 41:3-4
Psalms 51:8
8 (51:10) תשׁמיעני שׂשׂון ושׂמחה תגלנה עצמות דכית׃
Psalms 103:13-17
Jeremiah 17:14
14 רפאני יהוה וארפא הושׁיעני ואושׁעה כי תהלתי אתה׃
Hosea 6:1
1 לכו ונשׁובה אל יהוה כי הוא טרף וירפאנו יך ויחבשׁנו׃
Psalms 13:1-2
Psalms 31:9-10
Psalms 38:8
8 (38:9) נפוגותי ונדכיתי עד מאד שׁאגתי מנהמת לבי׃
Psalms 42:5
5 (42:6) מה תשׁתוחחי נפשׁי ותהמי עלי הוחילי לאלהים כי עוד אודנו ישׁועות פניו׃
Psalms 42:11
11 (42:12) מה תשׁתוחחי נפשׁי ומה תהמי עלי הוחילי לאלהים כי עוד אודנו ישׁועת פני ואלהי׃
Psalms 77:2-3
Psalms 77:7
7 (77:8) הלעולמים יזנח אדני ולא יסיף לרצות עוד׃
Psalms 90:13
13 שׁובה יהוה עד מתי והנחם על עבדיך׃
Proverbs 18:14
14 רוח אישׁ יכלכל מחלהו ורוח נכאה מי ישׂאנה׃
Psalms 17:13
13 קומה יהוה קדמה פניו הכריעהו פלטה נפשׁי מרשׁע חרבך׃
Psalms 22:20
20 (22:21) הצילה מחרב נפשׁי מיד כלב יחידתי׃
Psalms 25:7
7 חטאות נעורי ופשׁעי אל תזכר כחסדך זכר לי אתה למען טובך יהוה׃
Psalms 69:13
13 (69:14) ואני תפלתי לך יהוה עת רצון אלהים ברב חסדך ענני באמת ישׁעך׃
Psalms 79:8-9
Psalms 80:14
14 (80:15) אלהים צבאות שׁוב נא הבט משׁמים וראה ופקד גפן זאת׃
Psalms 86:13
13 כי חסדך גדול עלי והצלת נפשׁי משׁאול תחתיה׃
Psalms 116:4
4 ובשׁם יהוה אקרא אנה יהוה מלטה נפשׁי׃
Psalms 116:8
8 כי חלצת נפשׁי ממות את עיני מן דמעה את רגלי מדחי׃
Psalms 120:2
2 יהוה הצילה נפשׁי משׂפת שׁקר מלשׁון רמיה׃
Psalms 121:7
7 יהוה ישׁמרך מכל רע ישׁמר את נפשׁך׃
Isaiah 38:17
17 הנה לשׁלום מר לי מר ואתה חשׁקת נפשׁי משׁחת בלי כי השׁלכת אחרי גוך כל חטאי׃
Daniel 9:18
18 הטה אלהי אזנך ושׁמע פקחה עיניך וראה שׁממתינו והעיר אשׁר נקרא שׁמך עליה כי לא על צדקתינו אנחנו מפילים תחנונינו לפניך כי על רחמיך הרבים׃
Malachi 3:7
7 למימי אבתיכם סרתם מחקי ולא שׁמרתם שׁובו אלי ואשׁובה אליכם אמר יהוה צבאות ואמרתם במה נשׁוב׃
Psalms 30:9
9 (30:10) מה בצע בדמי ברדתי אל שׁחת היודך עפר היגיד אמתך׃
Psalms 88:10-12
Psalms 115:17
17 לא המתים יהללו יה ולא כל ירדי דומה׃
Psalms 118:17
17 לא אמות כי אחיה ואספר מעשׂי יה׃
Ecclesiastes 9:10
10 כל אשׁר תמצא ידך לעשׂות בכחך עשׂה כי אין מעשׂה וחשׁבון ודעת וחכמה בשׁאול אשׁר אתה הלך שׁמה׃
Isaiah 38:18-19
Job 7:3
3 כן הנחלתי לי ירחי שׁוא ולילות עמל מנו׃
Job 10:1
1 נקטה נפשׁי בחיי אעזבה עלי שׂיחי אדברה במר נפשׁי׃
Job 16:20
20 מליצי רעי אל אלוה דלפה עיני׃
Job 23:2
2 גם היום מרי שׂחי ידי כבדה על אנחתי׃
Psalms 38:9
9 (38:10) אדני נגדך כל תאותי ואנחתי ממך לא נסתרה׃
Psalms 39:12
12 (39:13) שׁמעה תפלתי יהוה ושׁועתי האזינה אל דמעתי אל תחרשׁ כי גר אנכי עמך תושׁב ככל אבותי׃
Psalms 42:3
3 (42:4) היתה לי דמעתי לחם יומם ולילה באמר אלי כל היום איה אלהיך׃
Psalms 69:3
3 (69:4) יגעתי בקראי נחר גרוני כלו עיני מיחל לאלהי׃
Psalms 77:2-9
2 (77:3) ביום צרתי אדני דרשׁתי ידי לילה נגרה ולא תפוג מאנה הנחם נפשׁי׃3 (77:4) אזכרה אלהים ואהמיה אשׂיחה ותתעטף רוחי סלה׃4 (77:5) אחזת שׁמרות עיני נפעמתי ולא אדבר׃5 (77:6) חשׁבתי ימים מקדם שׁנות עולמים׃6 (77:7) אזכרה נגינתי בלילה עם לבבי אשׂיחה ויחפשׂ רוחי׃7 (77:8) הלעולמים יזנח אדני ולא יסיף לרצות עוד׃8 (77:9) האפס לנצח חסדו גמר אמר לדר ודר׃9 (77:10) השׁכח חנות אל אם קפץ באף רחמיו סלה׃
Psalms 88:9
9 (88:10) עיני דאבה מני עני קראתיך יהוה בכל יום שׁטחתי אליך כפי׃
Psalms 102:3-5
Psalms 143:4-7
Jeremiah 14:17
17 ואמרת אליהם את הדבר הזה תרדנה עיני דמעה לילה ויומם ואל תדמינה כי שׁבר גדול נשׁברה בתולת בת עמי מכה נחלה מאד׃
Lamentations 1:2
2 בכו תבכה בלילה ודמעתה על לחיה אין לה מנחם מכל אהביה כל רעיה בגדו בה היו לה לאיבים׃
Lamentations 1:16
16 על אלה אני בוכיה עיני עיני ירדה מים כי רחק ממני מנחם משׁיב נפשׁי היו בני שׁוממים כי גבר אויב׃
Lamentations 2:11
11 כלו בדמעות עיני חמרמרו מעי נשׁפך לארץ כבדי על שׁבר בת עמי בעטף עולל ויונק ברחבות קריה׃
Lamentations 2:18-19
Lamentations 3:48-50
Job 17:7
7 ותכה מכעשׂ עיני ויצרי כצל כלם׃
Psalms 38:10
10 (38:11) לבי סחרחר עזבני כחי ואור עיני גם הם אין אתי׃
Lamentations 5:17
17 על זה היה דוה לבנו על אלה חשׁכו עינינו׃
Psalms 3:4
4 (3:5) קולי אל יהוה אקרא ויענני מהר קדשׁו סלה׃
Psalms 56:8
8 (56:9) נדי ספרתה אתה שׂימה דמעתי בנאדך הלא בספרתך׃
Psalms 119:115
115 סורו ממני מרעים ואצרה מצות אלהי׃
Psalms 139:19
19 אם תקטל אלוה רשׁע ואנשׁי דמים סורו מני׃
Psalms 145:18
18 קרוב יהוה לכל קראיו לכל אשׁר יקראהו באמת׃
Isaiah 30:19
19 כי עם בציון ישׁב בירושׁלם בכו לא תבכה חנון יחנך לקול זעקך כשׁמעתו ענך׃
Isaiah 38:3
3 ויאמר אנה יהוה זכר נא את אשׁר התהלכתי לפניך באמת ובלב שׁלם והטוב בעיניך עשׂיתי ויבך חזקיהו בכי גדול׃
Isaiah 38:5
5 הלוך ואמרת אל חזקיהו כה אמר יהוה אלהי דוד אביך שׁמעתי את תפלתך ראיתי את דמעתך הנני יוסף על ימיך חמשׁ עשׂרה שׁנה׃
Psalms 31:22
22 (31:23) ואני אמרתי בחפזי נגרזתי מנגד עיניך אכן שׁמעת קול תחנוני בשׁועי אליך׃
Psalms 40:1-2
Psalms 66:19-20
Psalms 116:1-2
Psalms 118:5
5 מן המצר קראתי יה ענני במרחב יה׃
Psalms 120:1
1 שׁיר המעלות אל יהוה בצרתה לי קראתי ויענני׃
Psalms 138:3
3 ביום קראתי ותענני תרהבני בנפשׁי עז׃
Jonah 2:2
2 (2:3) ויאמר קראתי מצרה לי אל יהוה ויענני מבטן שׁאול שׁועתי שׁמעת קולי׃
Jonah 2:7
7 (2:8) בהתעטף עלי נפשׁי את יהוה זכרתי ותבוא אליך תפלתי אל היכל קדשׁך׃
Job 6:29
29 שׁבו נא אל תהי עולה ושׁבי עוד צדקי׃
Psalms 5:10
10 (5:11) האשׁימם אלהים יפלו ממעצותיהם ברב פשׁעיהם הדיחמו כי מרו׃
Psalms 7:6
6 (7:7) קומה יהוה באפך הנשׂא בעברות צוררי ועורה אלי משׁפט צוית׃
Psalms 21:8-9
Psalms 25:3
3 גם כל קויך לא יבשׁו יבשׁו הבוגדים ריקם׃
Psalms 35:26
26 יבשׁו ויחפרו יחדו שׂמחי רעתי ילבשׁו בשׁת וכלמה המגדילים עלי׃
Psalms 40:14-15
Psalms 71:13
13 יבשׁו יכלו שׂטני נפשׁי יעטו חרפה וכלמה מבקשׁי רעתי׃
Psalms 71:24
24 גם לשׁוני כל היום תהגה צדקתך כי בשׁו כי חפרו מבקשׁי רעתי׃
Psalms 73:19
19 איך היו לשׁמה כרגע ספו תמו מן בלהות׃
Psalms 83:16-17
Psalms 86:17
17 עשׂה עמי אות לטובה ויראו שׂנאי ויבשׁו כי אתה יהוה עזרתני ונחמתני׃
Psalms 109:28-29
Psalms 112:10
10 רשׁע יראה וכעס שׁניו יחרק ונמס תאות רשׁעים תאבד׃
Psalms 132:18
18 אויביו אלבישׁ בשׁת ועליו יציץ נזרו׃
Proverbs 29:1
1 אישׁ תוכחות מקשׁה ערף פתע ישׁבר ואין מרפא׃
Isaiah 26:11
11 יהוה רמה ידך בל יחזיון יחזו ויבשׁו קנאת עם אף אשׁ צריך תאכלם׃
Jeremiah 20:11
11 ויהוה אותי כגבור עריץ על כן רדפי יכשׁלו ולא יכלו בשׁו מאד כי לא השׂכילו כלמת עולם לא תשׁכח׃
Malachi 3:18
18 ושׁבתם וראיתם בין צדיק לרשׁע בין עבד אלהים לאשׁר לא עבדו׃