8 (65:9) וייראו ישׁבי קצות מאותתיך מוצאי בקר וערב תרנין׃
Psalms 65:8 Cross References - HOT
Genesis 8:22
22 עד כל ימי הארץ זרע וקציר וקר וחם וקיץ וחרף ויום ולילה לא ישׁבתו׃
Exodus 15:14-16
Deuteronomy 4:19
19 ופן תשׂא עיניך השׁמימה וראית את השׁמשׁ ואת הירח ואת הכוכבים כל צבא השׁמים ונדחת והשׁתחוית להם ועבדתם אשׁר חלק יהוה אלהיך אתם לכל העמים תחת כל השׁמים׃
Joshua 2:9-11
9 ותאמר אל האנשׁים ידעתי כי נתן יהוה לכם את הארץ וכי נפלה אימתכם עלינו וכי נמגו כל ישׁבי הארץ מפניכם׃10 כי שׁמענו את אשׁר הובישׁ יהוה את מי ים סוף מפניכם בצאתכם ממצרים ואשׁר עשׂיתם לשׁני מלכי האמרי אשׁר בעבר הירדן לסיחן ולעוג אשׁר החרמתם אותם׃11 ונשׁמע וימס לבבנו ולא קמה עוד רוח באישׁ מפניכם כי יהוה אלהיכם הוא אלהים בשׁמים ממעל ועל הארץ מתחת׃
Job 38:12
12 המימיך צוית בקר ידעתה שׁחר מקמו׃
Psalms 2:8
8 שׁאל ממני ואתנה גוים נחלתך ואחזתך אפסי ארץ׃
Psalms 19:5
5 (19:6) והוא כחתן יצא מחפתו ישׂישׂ כגבור לרוץ ארח׃
Psalms 48:5-6
Psalms 65:13
13 (65:14) לבשׁו כרים הצאן ועמקים יעטפו בר יתרועעו אף ישׁירו׃
Psalms 66:3
3 אמרו לאלהים מה נורא מעשׂיך ברב עזך יכחשׁו לך איביך׃
Psalms 74:16
16 לך יום אף לך לילה אתה הכינות מאור ושׁמשׁ׃
Psalms 104:20-23
Psalms 126:2
2 אז ימלא שׂחוק פינו ולשׁוננו רנה אז יאמרו בגוים הגדיל יהוה לעשׂות עם אלה׃
Psalms 135:9
9 שׁלח אתות ומפתים בתוככי מצרים בפרעה ובכל עבדיו׃
Psalms 136:8
8 את השׁמשׁ לממשׁלת ביום כי לעולם חסדו׃
Psalms 148:3
3 הללוהו שׁמשׁ וירח הללוהו כל כוכבי אור׃
Habakkuk 3:3-19
3 אלוה מתימן יבוא וקדושׁ מהר פארן סלה כסה שׁמים הודו ותהלתו מלאה הארץ׃4 ונגה כאור תהיה קרנים מידו לו ושׁם חביון עזה׃5 לפניו ילך דבר ויצא רשׁף לרגליו׃6 עמד וימדד ארץ ראה ויתר גוים ויתפצצו הררי עד שׁחו גבעות עולם הליכות עולם׃7 תחת און ראיתי אהלי כושׁן ירגזון יריעות ארץ מדין׃8 הבנהרים חרה יהוה אם בנהרים אפך אם בים עברתך כי תרכב על סוסיך מרכבתיך ישׁועה׃9 עריה תעור קשׁתך שׁבעות מטות אמר סלה נהרות תבקע ארץ׃10 ראוך יחילו הרים זרם מים עבר נתן תהום קולו רום ידיהו נשׂא׃11 שׁמשׁ ירח עמד זבלה לאור חציך יהלכו לנגה ברק חניתך׃12 בזעם תצעד ארץ באף תדושׁ גוים׃13 יצאת לישׁע עמך לישׁע את משׁיחך מחצת ראשׁ מבית רשׁע ערות יסוד עד צואר סלה׃14 נקבת במטיו ראשׁ פרזו יסערו להפיצני עליצתם כמו לאכל עני במסתר׃15 דרכת בים סוסיך חמר מים רבים׃16 שׁמעתי ותרגז בטני לקול צללו שׂפתי יבוא רקב בעצמי ותחתי ארגז אשׁר אנוח ליום צרה לעלות לעם יגודנו׃17 כי תאנה לא תפרח ואין יבול בגפנים כחשׁ מעשׂה זית ושׁדמות לא עשׂה אכל גזר ממכלה צאן ואין בקר ברפתים׃18 ואני ביהוה אעלוזה אגילה באלהי ישׁעי׃19 יהוה אדני חילי וישׂם רגלי כאילות ועל במותי ידרכני למנצח בנגינותי׃